كذب المسوقون ولو صدفوا

[سعيد الزهراني]

وتبقى ايه الفائده من كده
الديمو هو اختبار لقدره المضارب على التحليل والفهم ليتمكن بعد ذلك من المضاربه على الحقيقى
ده ممكن لو كان داخل مسابقه على الديمو وعاوز يكسب وخلاص

انتا بتقول بالمشاركه السابقه ديمو ب5000 دولار تحول الى ملايين في ستة اشهر فايه اسم الشركة اللي تعطي ديمو لمدة 6 اشهر مفتوح؟؟

[هشام الدمرداش]

انتا بتقول بالمشاركه السابقه ديمو ب5000 دولار تحول الى ملايين في ستة اشهر فايه اسم الشركة اللي تعطي ديمو لمدة 6 اشهر مفتوح؟؟

fxopen

[عبده المصرى]

أعتقد يا استاذ عبده ان فيه فرق كبيييير
أولا الحساب بين صديقين
ُثانيا الحساب كان لغرض محدد وكان الحساب مفتوح لحين الوصول لرقم معين
وهو تكاليف الشركه فقط

والراجل بيكسب من حسابه الشخصى وبيدفع منه اقساط شهريه منتظمه شقه وارض ونادى ......وعايش منه
لكن لما يكون فيه مشروع كبير فوق طاقه هذا الحساب يبقى الموضوع مختلف
ولك وافر احترامى يا استاذى الفاضل

اخ هشام لا تفهم قصدى خطأ ما اقصده انه يسير على مبدأ واحد وطالما يكسب باستمرار ومظبط نفسه اذا لا داعى ان يحيد عن طريقه حتى ولو علشان خاطر شركة فمكسبه من الفوركس افضل بكثير من ارباح اى مشروع وكلنا نعلم بذلك وهو ما جعلنا نتشبث بالفوركس بالرغم من خسائرنا الكبيرة الماضية وبالتوفيق للجميع،،،

[gamedgedan]

1- أولا الموضوع جميل يا ريتك كتبته من سنه كنت وفرت عليه ليالى بأدرس أستراتيجيات مليونيه تعمل أحباط. شكرا لكاتبه و كذلك لكل الأخوه اللذين تعلمنا منهم و لأدارة المنتدى.
2- أذا كانت أدارة المنتدى عارفه الناس دول ليه مش بتاخد أجراء ضدهم ؟ أو أجراء يمنعهم من أستعمال المنتدى سلم للوصول للضحايا زى فكرة أن الأيميل يكون غير متاح ألا بعد سنه مثلا كما تفضل أحد الأعضاء.
3- الحمد لله أنا سألت نفسى أذا كان واحد ضامن يكسب من الفوركس ليه يكسب الناس بدل ما يكسب نفسه و قرايبه و لذلك لم أقع فى الفخ.
4-الصديق اللى كسب ملايين من الفوركس هل يمكن دعوته لأبداء بعض النصائح فى المنتدى لوجه الله و بذلك يكسب ألأخره كمان. >التلميح على سبيل الهزار فقط<
5-هل يمكن أن يكون هناك قسم فى المنتدى لا يمكن الكتابه به الأ للأعضاء اللذين مر على عضويتهم أكثر من عامين (يعنى معظمهم أساتذه المنتدى) وده علشان الرحمه من الفتاوى اللى تجيب الأرض حتى لو بحسن نيه لأن الجدد أمثالى بيقروا ويتابعوا كلام كبير قوى ثم يكتشفوا أن صاحبه لسه على الديمو بقاله شهرين. وده ح يخلى المخادعين اللى كل يوم بأسم لهم تأثير أقل و حتى بالنسن به للمخادعين القدماء أن وجدوا سيكون من السهل تتبع تاريخهم و أفكارهم و تكوين فكره عن أتجاهاتهم. كما أن فيه نوع من التكريم لأصحاب العطاء.
مجرد أقتراح للمناقشه.

نسيت أعرفكم بنفسى : أنا بقالى سنه و نص على الديمو و حوالى شهرين على الحقيقي و الحمد لله ولا كسبان ولا خسران و على فكره أنا مش جامد جدا قوى يعنى يس يوم ما أخترت الأسم كنت كسبان كتير. وأنا خريج كليه العلوم و عمرى حوالى 53 سته و باحلم معاكم بالفوريكس وليه أستراتيجيه خاصه لسه محتاجه شوية تطوير.
معذره على أسلوب الأرقام الجاف و نستقبل أموال الضحايا على حساب كذا كذا...... .

حسبى الله و نعم الوكيل

[سمير صيام]

1- أولا الموضوع جميل يا ريتك كتبته من سنه كنت وفرت عليه ليالى بأدرس أستراتيجيات مليونيه تعمل أحباط. شكرا لكاتبه و كذلك لكل الأخوه اللذين تعلمنا منهم و لأدارة المنتدى.
2- أذا كانت أدارة المنتدى عارفه الناس دول ليه مش بتاخد أجراء ضدهم ؟ أو أجراء يمنعهم من أستعمال المنتدى سلم للوصول للضحايا زى فكرة أن الأيميل يكون غير متاح ألا بعد سنه مثلا كما تفضل أحد الأعضاء.

الادارة بتحاول جاهدة مع الاعضاء عدم السماح بذلك لاننا لا ندخل فى النيات لكن فى نفس الوقت لا نسمح باى شئ ظاهر ولذلك تكاتف الجميع مطلوب فى ذلك من خلال تقارير المشاركة
بالنسبة للايميل ممنوع حتى لو بعد سنة لان المفروض المتابعة هنا مع بعض واستخدام الايميل الا فى ظروف ضيقة

3- الحمد لله أنا سألت نفسى أذا كان واحد ضامن يكسب من الفوركس ليه يكسب الناس بدل ما يكسب نفسه و قرايبه و لذلك لم أقع فى الفخ.
4-الصديق اللى كسب ملايين من الفوركس هل يمكن دعوته لأبداء بعض النصائح فى المنتدى لوجه الله و بذلك يكسب ألأخره كمان. >التلميح على سبيل الهزار فقط<
5-هل يمكن أن يكون هناك قسم فى المنتدى لا يمكن الكتابه به الأ للأعضاء اللذين مر على عضويتهم أكثر من عامين (يعنى معظمهم أساتذه المنتدى) وده علشان الرحمه من الفتاوى اللى تجيب الأرض حتى لو بحسن نيه لأن الجدد أمثالى بيقروا ويتابعوا كلام كبير قوى ثم يكتشفوا أن صاحبه لسه على الديمو بقاله شهرين. وده ح يخلى المخادعين اللى كل يوم بأسم لهم تأثير أقل و حتى بالنسن به للمخادعين القدماء أن وجدوا سيكون من السهل تتبع تاريخهم و أفكارهم و تكوين فكره عن أتجاهاتهم. كما أن فيه نوع من التكريم لأصحاب العطاء.

اقتراح جيد لكن فى نفس الوقت صعب التطبيق لانه سيكون هناك من هو خبرة لسه مسجل اليوم هضطر احجر عليه هذا القسم لانه لم يكمل عامين ونقطة اخرى هناك مسجلين جدد حتى وان كانوا مبتدئين بيتعلموا بسرعة جدا وماشاء الله عليهم ليه امنع عنهم قسم مثل هذا
نقطة اخيرة قسم مثل هذا المطلوب ماذا سيجعل المنتدى العملات العام مهمل فاذن لم نعمل شئ الا قسم تم التحويل للجميع فيه للمتابعة واغلبهم لعدم المشاركة لانه اقل من عامين وسيتحول العام المهمل نظرا لذلك ال ىفتح مواضيع استفسارات لما هو موجد فى القسم الخاص لانه لا يشارك فيه بل يطلع فقط وبالتالى تنتفى الغرض من هذا القسم

مجرد أقتراح للمناقشه.

نسيت أعرفكم بنفسى : أنا بقالى سنه و نص على الديمو و حوالى شهرين على الحقيقي و الحمد لله ولا كسبان ولا خسران و على فكره أنا مش جامد جدا قوى يعنى يس يوم ما أخترت الأسم كنت كسبان كتير. وأنا خريج كليه العلوم و عمرى حوالى 53 سته و باحلم معاكم بالفوريكس وليه أستراتيجيه خاصه لسه محتاجه شوية تطوير.
معذره على أسلوب الأرقام الجاف و نستقبل أموال الضحايا على حساب كذا كذا...... .

حسبى الله و نعم الوكيل

بارك الله فيك وان شاء الله تكسب دائما

[gamedgedan]

أستاذ سمير صيام
شكرا على التوضيح و شكرا على مجهودكم الكبير فى أدارة المنتدى و أتمنى أن أصل فى هذا المضمار الى مستوى يسمح لى أن أفيد كل الأخوه الذين أتعلم منهم.

[محمود علي]

بارك الله فيك وان شاء الله تكسب دائما

لا فض فوك أبو عبد الرحمن

[محمود علي]

لاياعم محمود انت فهمتنى غلط انا راى فى الموضوع انه فوق الممتاز ولكن هديلك مثال بسيط وانا بقرأ المشاركات السابقه لقيت احد الاعضاء الافاضل دخل لمح وقال موضوع كان على الصفحه الاولى باستمرار لمؤشر لشخص مشهور وكان يتحدى الشخص المشهور نفسه وكل يوم يطلع علينا بتامبلت جديد اظن كدا المنتدى كله عرف مين هو العضو المقصود وبالرغم على بعض التحفظ على اسلوب هذا العضو الذى يكون فى بعض الاحيان استفزازى الا انه عضو محترم جدا وفعلا بيحب الخير وعمره ماطلبت منه طلب الا وسارع فى الرد وحتى المؤشر اللى حاول انه يقلده عمل كدا بناء على طلب احد الاخوه ناهيك انى اعرف شخصيا ناس حققت ارباح جيده باستخدام هذا المؤشر.
ايه رأيك بأه فى الجو ده واحد داخل يهاجم وانا بدافع هيقوم واحد تالت يدخل يقول عليا مطبل انا طبعا هرد عليه يقوم استاذ سمير داخل حاذف المشاركه او حتى يوقف عضويتى الخ الخ الخ.
وبعدين ياسيدى انت كاتب فى مشاركتك اقسم بالله العظيم بالاحمر والله يا محمود باشا من غير حلفان انا بصدق كلامك انت متعرفش معزتك عندى انت اول واحد اتعلمت على ايده فى المنتدى من حوالى 5 شهور لو تفتكر.
اخر حاجه واسف على الاطاله كلمه مسوق (اى شخص يقوم بعملية التسويق) انا شخصيا بدرس تسويق وبزعل جدا لما يكون هناك خلط بين المسوق والمخادع انا طبعا فاهم قصدك من مسوق ولكن علميا اللى انت قصدك عليه هو مخادع وليس مسوق اما المسوق هى وظيفه محترمه وتحتاج الى درجه عاليه من الذكاء على الاقل من وجهة نظرلى الشخصيه.
مره اخره اسف على الاطاله وجزاك الله خيرا.

شكلي هكررها 352 مرة على ما الناس تفهم قصدي

التسويق كعلم يجعل بعض اشكال التجارة صفقة تخرج منها كل الاطراف رابحة بشكل أو بآخر

وله طرق سليمة وشريفة ويعرفها الصغير قبل الكبير

أما التسويق اللي هو بقى مش تسويق ولا حتى تشويق (اللي اصطلح عليه في عالم المنتديات)
فهو تسويـــــــــــــــــــــح وليس تسويق
ولنعرف ما هو التسويح

تابعونا
...
..
.

[محمود علي]

بمعنى ان اخواننا البعداء يلفوا ويدوروا على الزبون لحد ما يقنعه انه بيكلم جون ميرفي
سواء بقى بتزوير نتائج
بتوصيات استعراضية كاذبة النتائج (هتكلم عنها بالتفصيل تحت)
سواء باصطناع مظاهر كذابة
سواء بعمل معرفات جديدة والتطبيل لأنفسهم بيها (مشاركة واتنين وتلاتة ويرمي المعرف ده او ينتظر لحد ما المراقب العام يقفشه ويوقفه)

بحيث المسكين يفتكر ان تحت القبة شيخ
وبعد ما يسلم دقنه لعم سحلول يتسوح ويصبح كما المقتول


طيب واحد لطيف هييجي يسألني إيه هي التوصيات الاستعراضية يا عم محمود....إنتا هتدخل في نوايا الناس ؟؟

هقوله تعالى أقعد بس لا نوايا ولا بلح
إحنا ربنا سبحانه وتعالى ادانا عقل نفكر بيه....صح ؟
صح...طيب دلوقتي لو أنا اديت توصية لواحد (يعرف يستخدم برنامج التداول ويعرف يتاجر أصلا) وخدوا بالكم مما بين الاقواس....هيقدر يميز التوصية دي واقعية ومنطقية (أي يمكن تنفيذها في الواقع) ولا مجرد أرقام على الورق
بمعنى اني ممكن اضع توصية بيع على المجنون مثلا بالشكل التالي (وهي أرقام توضيحية وليست أسعار)

المجنون-بيع
من 200.50 الى 199.50
الهدف 20 نقطة !!!!!!!!

حدث العاقل بما لا يعقل فان صدق فلا عقل له !!!
ونرجع للي كان بين الأقواس

أي مسكين جديد تماما على السوق هيحاول يطبق (التسلية)...عفوا التوصية السابقة
طبعا هيغطس في الطين حتى لو معاه فتيس غرز (لأصحاب السيارات 4x4 )
وطبعا لما يغرز هيروح لمين ؟؟؟؟؟
طبعا للصدر الحنين اللي قال نط في البحر ولا هتتبل
دي توصياتي يا راجل

والمسكين يدخل في توصية ورا التانية
والستوب احيانا اربع اضعاف الهدف
وتوصية في التانية في التالتة ومضاعفة في التانية في التالتة
نص الحساب إختفى
المسكين اترعب....يا ترى هيعمل إيه ؟؟
طبعا هيقول مش لاعب....وكفى الله المؤمنين القتال
إتفضل يا عم ديرلي الحساب (اكيد العيب فيا مش في التوصية)

طيب إيــــــــــــــــــــه خلصت الحدوتة على كده ؟
لا طبعا خليك معانا
إوعى إيدك والريموت كنترول

[AYMAN_DOMAIN]

صراحة يا محمود انا كنت ساكت لفترة طويلة بس خلاص مش قادر للاستفزاز حدود
الحقوووووووووووووووووووووووووووووووووووووووووووووو ووونا
بؤ بؤ بؤ انى اغرق خدلك بؤ

[محمود علي]

صراحة يا محمود انا كنت ساكت لفترة طويلة بس خلاص مش قادر للاستفزاز حدود
الحقوووووووووووووووووووووووووووووووووووووووووووووو ووونا
بؤ بؤ بؤ انى اغرق خدلك بؤ

والله للصبر الحدود وللإستفزاز حدود وحتى للدول حدود
اللي يفقعك بقى...................

هقولك اللي يفقعك بس في المشاركة الجاية

[محمود علي]

اللي يفقعك يا سيدي إن عند ظهور أي منتقد
يرتدي عم سحلول زي الشجرة

شجرة إيه يا عم انتا فطران فول ولا إيه ؟
لأ مفطرتش بس هقولك حاجة....إنتا هتتعاطف أكتر مع مين ؟
واحد ناجح بس ولا واحد ناجح ومظلوم ؟؟؟...........طبعا هتروح للمظلوم
أهو عم سحلول بعد ما ينتقده العضو المخنوق يخلع بدلة أمنا الغولة ويرتدي بدلة الشجرة المثمرة اللي يقذفها الناس بالحجارة فتلقي أبشع الثمر

ويحولوا في نظر الناس الناقد الى حاقد......لمجرد أنه لألاعيبهم لاقط !!!!
ويتحولوا هم الى ضحايا مساكين وفي شغلهم مضرورين وفي أعصابهم مأذيين

ومنهم علي بابا اللي يسيب الـ 40 حراتــي بتوعه يقطعوا المنتقد ويمرمطوه فيتفرق دمه بين القبائل وميعرفش يرد على مين ولا مين ويصبح يا عيني مسكين
ويطلع بعدها على بابا ولا حتى قاسم السكرتير ويعلن بمنتهى الفشخرة والقوة والمنظرة أن المسيرة مستمرة


ومنهم اللي يسوق الجمال والدلع والدلال ويعلن أنه هيسيب البيت والعيال
ملحوظة: جمال (جمع جمل )


حتى أن لكل مسوق pattern معينة في الرد على الانتقادات او ما هو ليس على هواه من استفسارات

تقدر تستخرجها بسهولة اذا كنت من هواة النماذج....ولكن ليس نماذج الشارت وانما النماذج الفرط

[AYMAN_DOMAIN]

طيب والحل ياعمونا

[محمد فتحي]

اللي يفقعك يا سيدي إن عند ظهور أي منتقد
يرتدي عم سحلول زي الشجرة

شجرة إيه يا عم انتا فطران فول ولا إيه ؟
لأ مفطرتش بس هقولك حاجة....إنتا هتتعاطف أكتر مع مين ؟
واحد ناجح بس ولا واحد ناجح ومظلوم ؟؟؟...........طبعا هتروح للمظلوم
أهو عم سحلول بعد ما ينتقده العضو المخنوق يخلع بدلة أمنا الغولة ويرتدي بدلة الشجرة المثمرة اللي يقذفها الناس بالحجارة فتلقي أبشع الثمر

ويحولوا في نظر الناس الناقد الى حاقد......لمجرد أنه لألاعيبهم لاقط !!!!
ويتحولوا هم الى ضحايا مساكين وفي شغلهم مضرورين وفي أعصابهم مأذيين

ومنهم علي بابا اللي يسيب الـ 40 حراتــي بتوعه يقطعوا المنتقد ويمرمطوه فيتفرق دمه بين القبائل وميعرفش يرد على مين ولا مين ويصبح يا عيني مسكين
ويطلع بعدها على بابا ولا حتى قاسم السكرتير ويعلن بمنتهى الفشخرة والقوة والمنظرة أن المسيرة مستمرة


ومنهم اللي يسوق الجمال والدلع والدلال ويعلن أنه هيسيب البيت والعيال
ملحوظة: جمال (جمع جمل )


حتى أن لكل مسوق pattern معينة في الرد على الانتقادات او ما هو ليس على هواه من استفسارات

تقدر تستخرجها بسهولة اذا كنت من هواة النماذج....ولكن ليس نماذج الشارت وانما النماذج الفرط

يخرب عقلك يا محمود

مش عارف امسك نفسي من الضحك

[محمود علي]

يخرب عقلك يا محمود

مش عارف امسك نفسي من الضحك

طب إوعى اللي جاية دي بقى