الطريقه السحرية للتجاره فى الاسواق العالمية..

[mohands_moslim]

تحديث للوضع العام للصفقات

تم وضع هدف قبل النوم ب100 نقطه والحمد لله تم تحقيقه
وسندخل عقد بيع الان بهدف تصحيح للبى وقد ندخل عليه بعد هذه الصفقه شراء قريبا بهدف اكبر ان شاء الله

[mohands_moslim]

اغلقنا كافه عقود البيع الان لأنه يبدو ان الموجه بى قد انتهت وسندخل فى موجه دافعه قريبا وخصوصا مع تخفيض الفائده انا كنت فاكر الخبر ده النهارده ولذلك اعدنا الشراء مره اخرى من مستوى 173.92وسأغلقها عندما ارجع من الكليه ان شاء الله وربنا يستر

[mohands_moslim]

تحديث للوضع ::
تم الخروج من صفقه الشراء حالا من المجنون على مكسب تقريبا 15 او 16 نقطه على الرغم انه حقق اليوم 200 نقطه من نقطه دخولنا لكنى كنت فى الكليه للأسف وعليه دخلنا شورت فى موجه هابطه جديده اتوقع انها قد تكون الموجه البى الاكبر الشارت بعد قليل

[mohands_moslim]

جميل جداا :: تحديث هام للوضع اغلقنا عقود الهبوط ب30 بيب وفتحنا عقود شراء للمجنون مره اخرى بهدف السى الكبرى والتى قد تصل الى 181 وهذه المنطقه هى اقصى هبوط مسموح بيه للزوج وهى مبينه على الشارت كالتالى تم فتح عقود الدخول من 173.56 والاهداف الى 181

[وليد الامور]

بالتوفيق ان شاء الله و عاجبنى اصرارك جداااااا

[mohands_moslim]

بالتوفيق ان شاء الله و عاجبنى اصرارك جداااااا

ههههههههههههه
اصرار مين يا عمنا طلعت فلات بس طلاق بالتلاته ما انا سايبها لأركب ام المجنون ده لألف نقطه انا تخنقت جداااااااااااااااااااااااااااااااااااااااااااااااا ااااااااااااا كل ما ابيعه يقولى هو اه ويجرى كل ما اشتريه يقولى برضه لأ يا خرااااااااابى

::: تحديث للوضع

يبقى الوضع كما هو عليه وعلى المتضرر اللجوء للقضاء

لأ طبعا احنا هنهرج ولا ايه الموجه التصحييه للخامسه طلعت فلات وده شىء طبيعى جددااااااااااااااااااااا ووراد اووى
وعليه تبقى عقود الشراء كما هى بدون تغيير الى اهداف شماليه قطبيه جنوبيه الى معتدله
غدا بتوقع رالى صعودى محترم باتجاه القاره القطبيه الشماليه البارده اسأل الله ان يتم المسابقه على خير

[وليد الامور]

وعليه تبقى عقود الشراء كما هى بدون تغيير الى اهداف شماليه قطبيه جنوبيه الى معتدله
غدا بتوقع رالى صعودى محترم باتجاه القاره القطبيه الشماليه البارده اسأل الله ان يتم المسابقه على خير

اية كل البرد دة يا عم اعتقد ان خط الاستواء هو المرجح حاليا و الله اعلم

[احمد_هيكل]

السلام عليكم ورحمه الله وبركاته اخى العزيز مهندس مسلم انت بتاجر على المجنون ازاى اصل انا كل لما امسك الشارت بتاعته ضغيره ولا كبيره مش لاقى اى موجه امسكه منها يعنى الباوند دولار فى اى وقت بدخل على الخنس دقائق اعرف اجيب ترقيم المجنون لا ابدا ليه مش عارف المهم العمليه اللى انا قلتلك عليها الحمد لله انتهت بشكل اسطورى انا كنت قابل انه هيوصل ل 1.7170 وبالفعل وصل لكدا ونتشت 130 نقطه ولكن انا كنت غبى ونسيت اضع امر لاخذ جزء من التصحيح المهم انا عاوز اخد رايك فى الترقيم اللى انا عامله للباوند دولار على الاسبوعى عاوزك بس تقولى الترقيم صح ولا غلط وايه رايك فى السيناريو اللى انا عامله انا باعته وباعت الجزء اللى فى الكتاب اللى انا قريه فيه وشكرا فى انتظارك والسلام عليكم ورحمه الله وبركاته

[mohands_moslim]

اية كل البرد دة يا عم اعتقد ان خط الاستواء هو المرجح حاليا و الله اعلم

طيب ااقولك على حاجه حلوه بس متقولش لحد عليها انا اشترى وانتا تبيع والمكسب بالنص بس خليها فى سرك علشان الاستاذ سمير ميفقسناش ويطلعنا بره

السلام عليكم ورحمه الله وبركاته اخى العزيز مهندس مسلم انت بتاجر على المجنون ازاى اصل انا كل لما امسك الشارت بتاعته ضغيره ولا كبيره مش لاقى اى موجه امسكه منها يعنى الباوند دولار فى اى وقت بدخل على الخنس دقائق اعرف اجيب ترقيم المجنون لا ابدا ليه مش عارف المهم العمليه اللى انا قلتلك عليها الحمد لله انتهت بشكل اسطورى انا كنت قابل انه هيوصل ل 1.7170 وبالفعل وصل لكدا ونتشت 130 نقطه ولكن انا كنت غبى ونسيت اضع امر لاخذ جزء من التصحيح المهم انا عاوز اخد رايك فى الترقيم اللى انا عامله للباوند دولار على الاسبوعى عاوزك بس تقولى الترقيم صح ولا غلط وايه رايك فى السيناريو اللى انا عامله انا باعته وباعت الجزء اللى فى الكتاب اللى انا قريه فيه وشكرا فى انتظارك والسلام عليكم ورحمه الله وبركاته

وعليكم السلام ورحمه الله وبركاته بهندسه المهندسين المصريين والاتحاد العربى المصرى الافرواوربى اسيوى للتجاره المهلبيه فى الاسواق العالميه

ترقيم مقبول لتصحيح نموذج مقبول لموجه فلات خد بقى الكلام ده على المجنون علىشارت الاربع سااعات واقلب الصوره اللى انتا حاططها وقولى انتا بقى المجنون رايح لفين

موفق ان شاء الله يا هندسه بس مخبيش عليك انا مش متابع الباوند دولار خالص انما ترقيمك ممتاز جدااا وخلى بالك ان البى اللى هو الصاعده مسموح ليها ل200% يعنى احتمالات الطيران فوق الهاى موجوده وتنزل السى وتصحح جزء وبعدين يا بودعك يا بودعك بس الكلام ده فى خلال السنين الجايه ان شاء الله كمل على اليوت يا ريس بس خلى بالك من الترقيم على الفريمات الكبيره علشان تعرف تحدد الفريمات الصغيره

[وليد الامور]

اية رايك فى الانهيار دة ؟؟؟؟؟؟؟

[mohands_moslim]

اية رايك فى الانهيار دة ؟؟؟؟؟؟؟

ههههههههه المارجن كان حيزورنى
النهارده هتلاقيه بينط طحن لفوق هتشوف النهارده على الاقل 176 ان شاء الله

[احمد_هيكل]

السلام عليكم ورحمه الله وبركاته احى العزيز مهندس معلش انا هقرفك معاى شويه بالاسئله بس ياريت المره دى تبص على شارت الباوند دولار لانه الفرصه دى لو اتحققت يبقى انت بتتكلم فى 400 او 500 نقطه ان شاء الله قستهم لقيتهم 600 ياعم يلا مش مشكله انا شفت على الباوند دولار لقيت انه فيها هناك سيناريوهين على موجه كبيره اما خلصت خلاص اوانها بتيدء فى الرابعه وهتنزل للخامسه اللى هى حوالى 500 نقطه لو دا حصل يبقى بعدها تصحيح الموجه الكبيره اللى اكيد فى الحدود دى او اكبر لكن انا مش عارف ارحج كفه مين على العموم الصور اهيه وياريت تبص عليها وتقولى ايه رايك وشكرا بالنسبه لشارت الين انت كنت قلتلى ابص عليه ولا اقبله وابص عليه هيكون افضل ولا ايه وشكرا والسلام عليكم ورحمه الله وبركاته

[احمد_هيكل]

السلام عليكم ورحمه الله وبركاته على العموم يااخ مهندس انت اظاهر بتذاكر ولا حاجه " سهل له يارب " على العموم انا دخلت على عمليتيين ب 30 و 110 نقطه فى التمام ان شاء الله ومستنى نهبر الهبره الكبيره ان شاء الله بعد ما تقولى رايك ان شاء الله والسلام عليكم ورحمه الله وبركاته

[mohands_moslim]

لا يا هندسه بتذاكر ايه ارجوك متفهمنيش غلط
يادوب تقريبا كنت فاتح الصفحه وسايبها من غير تحديث بس

انتا عارف ان ترقيمك للعمليتين يكاد يكون حلووصح بس اللى يفرقهم بقى صح هو الترقيم الداخلى علشان نقدر نحدد هل دى التالته ولسه فى هبوط ولا الخامسه وندخل فى الصعود
ثانيا لازم تحدد نقطه بدايه تحليلك من نهايه موجه تانيه فاهمنى ازاى يعنى نفرض ان عندك مثلا صعود حصل بموجه زجزاج وخلصت عند سعر 2000 مثلا يعنى من هناك تبدأ التحليل الجديد وراح يكون صح ميه بالميه ان شاء الله فاهم على

[mohands_moslim]

اوبه

انا جالى مارجن كول

لغايه امبارح العصر كنت متابع والحساب مقفلش والمارجن كان بعيد عنى

طيب انا هعمل ايه دلوقتى مفضلش فى الحساب غير ربعميه دولار

هل ينفع اكمل ميكرو ولا كده خلاص جيم اوفر