مشاهدة نتائج الإستطلاع: كم تعتقد قدرتك علي الدخول في صفقات بمفردك وتحديد الاهداف والستوب حسب طريقه العمل
- المصوتون
- 993. أنت لم تصوت في هذا الإستطلاع
النتائج 14,281 إلى 14,295 من 16120
الموضوع: الهارمونيك طريقك للمليون بإذن الله
- 27-02-2010, 08:35 AM #14281
- 27-02-2010, 12:01 PM #14282
رد: الهارمونيك طريقك للمليون بإذن الله
حياك الله اخي اهلاوي
واعذرنا على التاخير في الرد
بالنسبة للمؤشرات هي ثلاثة انواع
FX MACD DIVERGENCE تعطي اشارات دخول بحصول الدايفرجنس
ZUP 82& ZUP0 تعطي الشكل بعد اكتماله وتحقق الهدف الاول منه ويستخد في الدخول بعد اكتمال النموذج
HARMONIC9 يعطي توقع مستقبلي للشكل قبل تكونة من نقطة C
بالنسبة لرسم الفيبو تكون من بداية الموجة وحتى نهايتها يعني تتابع حركة الموجة ان كانت صاعدة تبدا من اولها وتصعد معها وان كانت هابطة تهبط من بدايتها وتنزل معها حتى النهاية وهكذا يكون رسمك صحيح
- 27-02-2010, 05:28 PM #14283
رد: الهارمونيك طريقك للمليون بإذن الله
بسم الله الرحمن الرحيم اخى أبو عبد الله
ازيك عامل اية اتمنى انك تكون بخير
انا لقيتنى فجأة بشوف اخر 50 صفحة
مسكت العصاية من النص ، شوفت اول 50 واخر 50 وبجد انصح كل الناس اللى زيي بيهم جدا
وتقريبا كدة الصورة وضحت جدا عن الأول وبدأت اتأقلم على الوضع وحسيت نفسى غبى اوى لما شوفت اسئلتى فى الصفحة الاخير ةهههههه وانا بقولك الله يكون ف عونك بجد بس معلش استحملونى شوية وانا ان شاء الله بتعلم بسرعة
انا من الفجر بردة لحد الأن لسة ودماغى وارمة من كمية المعلومات
الخلاصة اللى انا توصلتلها ان الراجل الدكتور محمد دا راجل محترم جدا جدا جدا وخلوق حتى فى الردود المستفذة كان شخص صبور اوى وان دل على شىء يدل على دماثة الخلق واحترامة للغير وفى الحقيقة انا لا اخفى عليك سر انى كنت واخد انطباع عن الناس هنا انها - مش بتساعد - ونظام يلا نفسى بس بجد غيرت وجهة نظرى تماما لما تابعت هنا فى التوبيك دا ربنا يديم المحبة والود بين الجميع ان شاء الله وقد اية لمست حب لأخيك ما تحب لنفسك .
الشاهد فى الامر انى لقيت فريقين من الناس الفريق الأول بيستخدم مؤشر والتانى مؤشر اخر والتالت لسة معرفش ان فية مؤشر بيتوقع وبيحدد الاهداف القادمة فا بيستخدم مؤشر قديم انا بقى قعدت مع نفسى كدة وتوصلت لحل وسط انى ادخل كلة فى بعضة هههههه
المؤشر الأساسى + اداة اظهار السعر + مؤشر الزجزاج + مؤشر لاست دريم الاخير + خطوط فيبوناتشى + خطوط دعم ومقاومة + وقت الشمعة + فلتر + مؤشر دايفرجنس +هارمونى
النتيجة : تخيلوا الجهاز مهنجش ههههههههههه
بجد والله بس انا جمعت كل دول بقى وعملت ليهم تيمبليت جديد بحيث انى ادخل اعمل لوود للتيمبليت دا يجيبلى كل حاجة على طول مضافة ( دا فى حالة العيب بتاع المؤشر من الانتقال من فريم لفريم او من زوج لزوج ) وبجد هى نجحت معايا فا انا حبيت اقول دا للناس علشان تعم الفائدة للجميع يعنى ولو تكون إضافة بربع معلومة لإنى كنت متوقع ان الجهاز هيهنج منى لما اضيف كل دا لقيت مفيش مشاكل يعنى .. الشارت اللى انا رافعة دا
فرصة للذهب فريم 4 ساعات
ان شاء الله هننتظر لحين افتتاح شمعة السوق والوصول لـ 1126 مستويات عند النقطة C ستوب لووس فوق A بـ 10 نقاط
هدف اول مستويات 61 % وعند كسرها
هدف تانى مستويات 100 % ان شاء الله
وبعدها هدف تالت مستويات 161 % ان شاء الله كما هو موضح بالشارت
اتمنى لو فية شىء غلط تصححهولى
بالنسبة لنقطة ادارة رأس المال ،، انا فتحت اكونت ديمو 2500 دولار على فكسول بريطانيا وهبدأ معاكم بية ان شاء الله وهرفق النتائج علشان اعرف مستوايا اتطور ولا لأ ،، طيب العبد لله متهور جدا وكان بيستعبط وبيدخل ب20 عقد فى الزوج الواحد ولا يفقة شىء عن ادارة رأس المال ولو امكن حد يفهمنى القصة دى انتوا بتنفذوها ازاى لإنى قرأت فى الصفحات اللى ورا ان نفسية المضارب لازم تكون وسط ولا احباط اوى ولا تهور اوى وكمان بعقل وحساب انا عاوز اعيش على ان الحساب دا حقيقى وانفذ عليه كل اللى اعرفة بالملى ان شاء الله
بالمناسبة المنصة دى مش عليها النفط للأسف ليه الله اعلم ياريت لو حد يقولى وكمان برنامج الـ تريد دا معليهوش النفط خالص
فية نقطة تانية عاوز اقولها واقترحها على الجميع والامر الاول للاخير للدكتور محمد يعنى فى الموضوع دا بعد اذنة طبعا
بما ان مفيش رسم ، والكل بيعتمد على ربنا ثم على المؤشر ، اذن احتمالية عدم وجود اخطاء 90 % واكتر تمام ،، اية رأيكم لما يتم التنسيق مع المتابعين هنا فى التوبيك ويتعمل فريق عمل بمعنى اننا مثلا معانا 20 زوج لو احنا 10 افراد يتم تكليف كل شخص منا بمتابعة زوج ولا اتنين مثلا وهكذا على كل الفريمات بقى علشان الكل يستفيد يعنى ان شاء الله ولكن فية نقطة واحد زى حالاتى غلبان ابن امبارح فى المجال دا شغال على حساب ديمو مش اهل علم انة يصدر توصيات ولكن كل دى تكهنات يعنى مش مأخوذ بيها يعنى اللى زى حالاتى اللى مطلوب منهم انهم يتابعوا ازواج معينة ولو فية فرص يحطوها فى التوبيك وخلاص من غير فتوى ومن قال لا اعلم فقد افتى وعلشان كمان فى خلال الخمسين صفحة اللى فاتت فية صفقات كتير اوى محدش استفاد منها وفاتت على الاعضاءلغياب المتابعة اتمنى لو اقتراحى يعجبكم يعنى ويتم العمل فى الورشة على الأهداف ان شاء الرحمن
تحياتى لكم اخوكم فى الله محمد
آخر تعديل بواسطة Ahlawy ، 27-02-2010 الساعة 05:43 PM
- 27-02-2010, 06:09 PM #14284
رد: الهارمونيك طريقك للمليون بإذن الله
اخي في حاجة اريد توضيحها لك بخصوص المؤشرات المستخدمة
هذه المؤشرات تعطي رسم هارمونيك بزوايا هارمونيكية والرسم ممكن فيه عده نماذج محتملة واحد صاعد والاخر هابط والكل محتمل ولكن البقية تاتي عليك وعلى تحليلك وقراءتك اتجاه السوق وممكن ايضا النموذجين يتحققوا مع بعض الصاعد والهابط والهارمونيك ما يزعل احد
- 27-02-2010, 06:20 PM #14285
رد: الهارمونيك طريقك للمليون بإذن الله
السلام عليكم و رحمة الله و بركاته
كل عام و انت بخير يا أخ زملكاوى
ايه يا عم انت مصعب على نفسك الموضوع كده ليه ؟؟؟؟؟؟؟؟؟
الموضوع اسهل من كدة بكتييييييييييييير
و مع احترامى الشديد لأفكارك بخصوص كوكتيل المؤشرات الذى تريد المتاجرة من خلاله
اقولك ان الهارمونيك اسهل بكتير جدا من كل اللى انت عايز تعمله
ايه يا عم محمد انت داخل حرب؟؟؟؟؟؟؟
انت هتشتت نفسك من كثرة المؤشرات ديت
إسمع كلامى
عايز الخلاصة اللى من الاخر؟؟؟؟؟؟؟؟؟
1)السر يكمن فى إدارة رأس المال يعنى من غير كلام كتير (لانى بتخنق من كثرة الكلام ) لو حسابك اقل من 500 $ ادخل بعقد واحد فقط و تخلى النقطة ب نصف دولار فقط و لا تفتح غير عقد واحد فقط خلال المتاجرة فمثلاً الحمد لله ربنا يكرم و كسبت فى هذا العقد يمكنك ان تدخل مرة اخرى خلال نفس اليوم و ثالث و .....الخ و بنصف دولار . لا قدر الله خسرت العقد الحمد لله على كل شىء و كفاية متاجرة هذا اليوم و من الغد تبدأ مرة اخرى.
ان رصيدك يقارب من ال 1000 $ اجعل النقطة ب 1$ و عقد واحد فقط خلال المتاجرة حققت ربح ادخل مرة اخرى و اخرى و إن العكس لا تدخل غير مرة واحدة فقط
2)بالنسبة للمؤشرات انا عن نفسى لم أعد استعمل المؤشرات
و الحمد لله الهارمونيك ممتازة فى المتاجرة فهى لا تحتاج الى كل هذة المؤشرات
تحتاج الى توفيق الله اولاً و أخيراً ثم على الفن فى التعامل مع النمازج و استعمال الفيبو باحتراف
لاستخراج النمازج و توقع مناطق الارتداد (من فضل الله ارفقت الكثير من الفرص و خسرت دخول الدولار فرنك شراء و هى خسارة عائمة لانى لم اغلق العقد و ايضا فتحت عقد اخر شراء بعد ان انخفض السعر و اصبح العقد الاول خاسر و الحمد لله و من فضله سبحانه و تعالى العقد الثانى حقق ارباح و جعلت العقد الاوح مع الثانى تعادل )
المهم توكل على الله و ارمى المؤشرات وراء ظهرك
و ستجد ان عينك من افضل المؤشرات فى العالم لاستخراج النمازج و لا توجع دماغك من اين تؤكل الكتف؟؟؟؟؟؟؟؟؟؟؟؟؟؟؟؟؟؟؟
- 27-02-2010, 06:41 PM #14286
رد: الهارمونيك طريقك للمليون بإذن الله
السلام عليكم و رحمة الله و بركاته
شوف يا استاذى المحترم عندك مثلا نموزج اهه لدولار فرنك عندك فى الاول الضلع XA تماااااااااااام
نجد ان السعر نزل بعد النققطة A و صحح لتتكون النقطة B ثم ارتفع ليكون النقطة C
المهم فى ذلك نسب التصحيح و من غير تعقيدات و تفاصيل كتيرة
تصحيح الضلع AB من الضلع XA يكون 61.8% فيبو و ممكن يقل ليكون 50% فيبو و قد يزيد و يكون 78.6% ترسم الفيبو من X الى A لتحديد النقطة B
تحديد النقطة C تكون قيمتها 78.6% او 88.6 % فيبو من الضلع AB ترسم الفيبو من B الى A
و يكون الوقف فوق النقطة A بحوالى من 10 الى 20 نقطة
بعد ذلك تحدد النقطة D من خلال رسم الفيبو من B الى C عندك الهدف الاول مستوى 100% ثم 161.8% ثم 261.8% و انا ارفقت شارت
شوفت بقة فى اسهل من كدة
و اولاً و اخيراً توفيق الله سبحانه و تعالى
و جزى الله الدكتور محمد عمر كل خير
دعها بسيطة و بلاش كوكتيل المؤشرات دة
- 27-02-2010, 07:42 PM #14287
- 27-02-2010, 08:13 PM #14288
رد: الهارمونيك طريقك للمليون بإذن الله
السلام عليكم ورحمة الله وبركاته الاخوة المشاركين في ورشة الهارمونيك والدكتور محمد صاحب الورشة
اتمنى لكم اجازة طيبة ان شاء الله واسبوع مقبل مربح باذن الله
- 27-02-2010, 09:51 PM #14289
- 27-02-2010, 10:31 PM #14290
- 27-02-2010, 10:54 PM #14291
رد: الهارمونيك طريقك للمليون بإذن الله
السلام عليكم اخوانى ان شاء الله اشارك معكم فى الموضوع من الاسبوع القادم
- 27-02-2010, 11:09 PM #14292
- 27-02-2010, 11:18 PM #14293
- 27-02-2010, 11:42 PM #14294
رد: الهارمونيك طريقك للمليون بإذن الله
ما رايكم في هذا النموذج على النيوزيلاندي ين فريم 4 ساعات نفس النموذج على شارت اليومي اعتقد ان افضل دخول - اذا كان النموذج صحيح - هو مع اعادة اختبار النقطة c او قريب منها حتى يكون الاستوب قريب انتظر ردكم
دكتور محمد اخ ايهاب خالد وباقي الاخوة المشاركين
آخر تعديل بواسطة ابو سلمى ، 27-02-2010 الساعة 11:47 PM
- 28-02-2010, 12:00 AM #14295
رد: الهارمونيك طريقك للمليون بإذن الله
نموذج كندي / ين فريم 4 ساعات للمناقشة هل هو صحيح ام لا ؟؟؟ جزاكم الله كل خير