أيه هى المشكله ( ورشه المشاكل ووجع الدماغ)

[Walid Basset]

السلام عليكم ورحمه الله وبركاته

الحمد لله كلنا فى السوق سواء الكسبان أو الخسران ومع ذلك
توجهنا الكثير من المشكلات فى السوق
هذه المشكلات يترتب عليها خسران العديد من الصفقات الجيده
أحنا هنا إن شاء الله

حنقول الحلول ألى أحنا كلنا أتعلمنها وألى هى تعتبر أنسب الحلول العلميه
ولكننا سوف نقوم بمناقشه تلك المشاكل للوصول إلى حلول جديده
حلول نضع فيها خبرتنا فى السوق

بالبلدى ألى قالوه الخوجات مش قانون
ما هو إلا خلاصه خبره فى السوق

نبحث عن الحلول العربية
بإذن الله
وأنا كلى ثقه أننا سوف نكسر القواعد المعروفه
لأنه ببساطه السوق لا يعرف قواعد وإنما أساليب

تعطفك وحده مش (ماهو) كفايه

مشركتك حتساهم معانا
فى حل العديد من المشاكل
ودعوات زملائك بإن الله

وفقنا الله ووفقكم لما فيه الخير لنا جميعاً
بإذن الله

[Love For Ever]

انا شخصيا مشكلتي اريد ان اتعلم التحليل الاساسي !
وجهلي بالتحليل الاساسي يجعلني اخسر !
واعتقد مشكلتي يواجها الكثير
التحليل الفني وحده لايكفي لهذا السوق الضخم
والمشكلة لايوجد كتب عربيه محترمة لعلم التحليل الاساسي
حتى المواضيع نادرة وقليلة
اردت ان اشارك بموضوعك واتمنى اني بصلب الموضوع ولم اخرج عنه

[الصاعقة]

مشكور اخي لطرحك لهذا الموضوع الرائع,,
انها فكرة جيدة بحيث يفرغ المتداول كل حره وغضبه في هذا الموضوع...
يعني: يقول كل مايعيقه ويغيضه ويوتره في هذا السوق الرهيب...
جزيت خيرا على الفكرة
تقبل تحياتي,,,

[الصاعقة]

لدي مشكلة مع المجنون هل اتركه..
لقد جنني ووجع راسي
ماذا افعل يا دكتور العملات؟
اريد العلاج, وماهو الدواء؟

[Walid Basset]

انا شخصيا مشكلتي اريد ان اتعلم التحليل الاساسي !

وجهلي بالتحليل الاساسي يجعلني اخسر !
واعتقد مشكلتي يواجها الكثير
التحليل الفني وحده لايكفي لهذا السوق الضخم
والمشكلة لايوجد كتب عربيه محترمة لعلم التحليل الاساسي
حتى المواضيع نادرة وقليلة
اردت ان اشارك بموضوعك واتمنى اني بصلب الموضوع ولم اخرج عنه

ولاهى يا أخى
أنت لم تخرج عن الموضوع
إن شاء الله أحنا حنتكلم فى الفنى والأساسى
وفيه تجار كتير بيشتغلوا على الأساسى بس
وده من وجهة نظرى المتواضعه خطء

إن شاء الله حنعرف أزاى نقرأ الأساسى
ونبقى تمام فيه

إن جاز التعبير
يعتبر السوق مثل السياره
والتاجر هو السواق
والأساسى هو الوقود
والفنى هو الطريق

وجود خلل فى أى منهم يترتب عليه

أن تاجر يفقد الطريق ويصل بصعوبه
أو لا يصل أصلاً ويخسر المشوار

أحنا إن شاء الله
حنتكلم عن السواق والسياره والطريق والوقود
يعنى المنظومه ككل

[Walid Basset]

لدي مشكلة مع المجنون هل اتركه..
لقد جنني ووجع راسي
ماذا افعل يا دكتور العملات؟
اريد العلاج, وماهو الدواء؟

الروشته فى السكه
مع الكلام عن المجنون
اسبرينا فى السريع دلوقت
لغايه ما نعملك أشعه وسونار يا باشا

[steave987]

متابعين معاك
الله محييك مارد وشوشني

[إبراهيم الســــويفي]

موضوع جيد بارك الله فيك

مشكلتي حاجتين

الأولي تلاصق مواعيد افتتاح البورصات ودي حلها أشتغل فريمات كبيره

الثانيه مؤقته وهي تلاصق مواعيد البيانات اليومين دول ربنا يستر

حل يادكتور

[memomsn2006]

انا شخصيا مشكلتي اريد ان اتعلم التحليل الاساسي !

[remo]

يا دكتور مشكلتى انى بخاف
بمعنى اصح عندى فوبيا التوتر والخوف من المجهول(الفوركس)

انا اصلى عندى حادثة قديمة مقصرة فيا وهى خسارتى قبل كدة
ربنا يباركلك يا دكتور شوفلى حل
بس انا دلوقتى بقيت احسن
على فكرة انا بتابع تحليلاتك وبستفاد منها كتير
والف شكر ليك يا شورت باشا

[الصاعقة]

تشكر يادكتور على الاسبرينا
روقتني شوي
لكن شكلوا المفعول حينتهي...

[Walid Basset]

يا دكتور مشكلتى انى بخاف
بمعنى اصح عندى فوبيا التوتر والخوف من المجهول(الفوركس)

انا اصلى عندى حادثة قديمة مقصرة فيا وهى خسارتى قبل كدة
ربنا يباركلك يا دكتور شوفلى حل
بس انا دلوقتى بقيت احسن
على فكرة انا بتابع تحليلاتك وبستفاد منها كتير

والف شكر ليك يا شورت باشا

شكراً يا باشا
انت عندك فوبيا
بالبلدى بيجيلك بانيك من السوق
وده شئ طبيعى للتجار الجدد أو ألى بيجروا بحسابات صغيره
ده مع الوقت وزياده ثقتك فى نفسك فى السوق وفى تحليلاتك لن تبالى
تاجر بلوطات صغيره جداً وأهداف كبيره حتلاقى المكسب أكتر
يمكن التريد حيقعد معاك فتره طويله بس
أن شاء الله هو حلك
وأمر يا باشا

[hanymfm]

كان نفس اروح لدكتور نفساوى من زومان
الحمد لله لاقيتة
بص بقى يا دكتور
انا عندى فوبيا من المكسب
اى عقدة منيلة بنيلة
معظم صفقاتى ناجحة جدآ جدآ جدآ
بس دة بيحصل بعد ما بطلع منها اما بربح قليل
او قبل ضرب الاستوب
وبعد ماطلع على طول المكسب يعدى لفوق
واوعى وشك
اما الخسارة فبصبر عاليها
فيأما تزيد ياما اطلع من نقطة دخولى
يعنى صفر اليدين
مع العلم بحط التارجت وكذلك الاستوب قبل منة
يعنى من الاخر مش بستتنى اوصل للتارجت
وبصبر على الخسارة
لهذا فانا خاسر فى معظم الاحيان
ومش قادر اعكس الوضع
حل بقى يا عم الدكتور
على فكرة فى ناس كتير زيى بيخافو يكسبوا
جزاك الله خيرآ
ومستنى الروشتة

[Walid Basset]

كان نفس اروح لدكتور نفساوى من زومان

الحمد لله لاقيتة
بص بقى يا دكتور
انا عندى فوبيا من المكسب
اى عقدة منيلة بنيلة
معظم صفقاتى ناجحة جدآ جدآ جدآ
بس دة بيحصل بعد ما بطلع منها اما بربح قليل
او قبل ضرب الاستوب
وبعد ماطلع على طول المكسب يعدى لفوق
واوعى وشك
اما الخسارة فبصبر عاليها
فيأما تزيد ياما اطلع من نقطة دخولى
يعنى صفر اليدين
مع العلم بحط التارجت وكذلك الاستوب قبل منة
يعنى من الاخر مش بستتنى اوصل للتارجت
وبصبر على الخسارة
لهذا فانا خاسر فى معظم الاحيان
ومش قادر اعكس الوضع
حل بقى يا عم الدكتور
على فكرة فى ناس كتير زيى بيخافو يكسبوا
جزاك الله خيرآ

ومستنى الروشتة

مشكلتك يا سيدى مش خوف من المكسب المشكله فى الطمع مع شويه عدم ثقه
أنت لما ربنا يكرمك بمكسب بتقول نفسك لسه فيه شويه وتسيب الصفقه
وفى الأخر تخرج بمكسب قليل أحسن من الخساره
وفى حاله الخساره بطلع كا ألى عندك وتعمل عفريت
وتحط الأستوب على نقطه الدخول وتقول لنفسك أخرج من غير مكسب أحسن من الخساره

فى الحالتين أنت محتاج شويه صبر
وأنا متأكد من أنت بتابع صفقاتك 24 ساعه
طيب الحل أيه

أفتح الصفقه وتابع مع الأخبار بس المهمه

وأصبر شويه وثق فى الله ثم فى نفسك

السوق عاوز صبر وكل مل تقعد فى السوق مده أكبر و تصبر تكسب بإذن الله

لذلك أنصحك بالعملات الهاديه
هى الى حتعلمك الصبر

أصبر كتير تكسب كتير

[Walid Basset]

تشكر يادكتور على الاسبرينا
روقتني شوي
لكن شكلوا المفعول حينتهي...

يا باشا المجنون ده عاوز جلسات كهرباء
وأنا لسه فاتح العياده
لو الحاله مستعصيه نبعتك بلاد بره

إن شاء الله المجنون فى السكه