أيه هى المشكله ( ورشه المشاكل ووجع الدماغ)
السلام عليكم ورحمه الله وبركاته
الحمد لله كلنا فى السوق سواء الكسبان أو الخسران ومع ذلك
توجهنا الكثير من المشكلات فى السوق
هذه المشكلات يترتب عليها خسران العديد من الصفقات الجيده
أحنا هنا إن شاء الله
حنقول الحلول ألى أحنا كلنا أتعلمنها وألى هى تعتبر أنسب الحلول العلميه
ولكننا سوف نقوم بمناقشه تلك المشاكل للوصول إلى حلول جديده
حلول نضع فيها خبرتنا فى السوق
بالبلدى ألى قالوه الخوجات مش قانون
ما هو إلا خلاصه خبره فى السوق
نبحث عن الحلول العربية
بإذن الله
وأنا كلى ثقه أننا سوف نكسر القواعد المعروفه
لأنه ببساطه السوق لا يعرف قواعد وإنما أساليب
تعطفك وحده مش (ماهو) كفايه
:AA:
مشركتك حتساهم معانا
فى حل العديد من المشاكل
ودعوات زملائك بإن الله
وفقنا الله ووفقكم لما فيه الخير لنا جميعاً
بإذن الله
رد: أيه هى المشكله ( ورشه المشاكل ووجع الدماغ)
انا شخصيا مشكلتي اريد ان اتعلم التحليل الاساسي !
وجهلي بالتحليل الاساسي يجعلني اخسر !
واعتقد مشكلتي يواجها الكثير
التحليل الفني وحده لايكفي لهذا السوق الضخم
والمشكلة لايوجد كتب عربيه محترمة لعلم التحليل الاساسي
حتى المواضيع نادرة وقليلة
اردت ان اشارك بموضوعك واتمنى اني بصلب الموضوع ولم اخرج عنه
رد: أيه هى المشكله ( ورشه المشاكل ووجع الدماغ)
مشكور اخي لطرحك لهذا الموضوع الرائع,,
انها فكرة جيدة بحيث يفرغ المتداول كل حره وغضبه في هذا الموضوع...
يعني: يقول كل مايعيقه ويغيضه ويوتره في هذا السوق الرهيب...
جزيت خيرا على الفكرة
تقبل تحياتي,,,
رد: أيه هى المشكله ( ورشه المشاكل ووجع الدماغ)
لدي مشكلة مع المجنون هل اتركه..
لقد جنني ووجع راسي
ماذا افعل يا دكتور العملات؟
اريد العلاج, وماهو الدواء؟
رد: أيه هى المشكله ( ورشه المشاكل ووجع الدماغ)
اقتباس:
المشاركة الأصلية كتبت بواسطة Love For Ever
انا شخصيا مشكلتي اريد ان اتعلم التحليل الاساسي !
اقتباس:
المشاركة الأصلية كتبت بواسطة Love For Ever
وجهلي بالتحليل الاساسي يجعلني اخسر !
واعتقد مشكلتي يواجها الكثير
التحليل الفني وحده لايكفي لهذا السوق الضخم
والمشكلة لايوجد كتب عربيه محترمة لعلم التحليل الاساسي
حتى المواضيع نادرة وقليلة
اردت ان اشارك بموضوعك واتمنى اني بصلب الموضوع ولم اخرج عنه
ولاهى يا أخى أنت لم تخرج عن الموضوع إن شاء الله أحنا حنتكلم فى الفنى والأساسى وفيه تجار كتير بيشتغلوا على الأساسى بس وده من وجهة نظرى المتواضعه خطء إن شاء الله حنعرف أزاى نقرأ الأساسى ونبقى تمام فيه إن جاز التعبير يعتبر السوق مثل السياره والتاجر هو السواق والأساسى هو الوقود والفنى هو الطريق وجود خلل فى أى منهم يترتب عليه أن تاجر يفقد الطريق ويصل بصعوبه أو لا يصل أصلاً ويخسر المشوار أحنا إن شاء الله حنتكلم عن السواق والسياره والطريق والوقود يعنى المنظومه ككل
رد: أيه هى المشكله ( ورشه المشاكل ووجع الدماغ)
اقتباس:
المشاركة الأصلية كتبت بواسطة الصاعقة
لدي مشكلة مع المجنون هل اتركه..
لقد جنني ووجع راسي
ماذا افعل يا دكتور العملات؟
اريد العلاج, وماهو الدواء؟
الروشته فى السكه
مع الكلام عن المجنون
اسبرينا فى السريع دلوقت
لغايه ما نعملك أشعه وسونار يا باشا
رد: أيه هى المشكله ( ورشه المشاكل ووجع الدماغ)
متابعين معاك
الله محييك مارد وشوشني
رد: أيه هى المشكله ( ورشه المشاكل ووجع الدماغ)
موضوع جيد بارك الله فيك
مشكلتي حاجتين
الأولي تلاصق مواعيد افتتاح البورصات ودي حلها أشتغل فريمات كبيره
الثانيه مؤقته وهي تلاصق مواعيد البيانات اليومين دول ربنا يستر
حل يادكتور
رد: أيه هى المشكله ( ورشه المشاكل ووجع الدماغ)
اقتباس:
المشاركة الأصلية كتبت بواسطة Love For Ever
انا شخصيا مشكلتي اريد ان اتعلم التحليل الاساسي !
:0031:
رد: أيه هى المشكله ( ورشه المشاكل ووجع الدماغ)
يا دكتور مشكلتى انى بخاف
بمعنى اصح عندى فوبيا التوتر والخوف من المجهول(الفوركس):0023:
انا اصلى عندى حادثة قديمة مقصرة فيا وهى خسارتى قبل كدة:0023:
:hands:ربنا يباركلك يا دكتور شوفلى حل:hands:
بس انا دلوقتى بقيت احسن:0023:
على فكرة انا بتابع تحليلاتك وبستفاد منها كتير
والف شكر ليك يا شورت باشا
رد: أيه هى المشكله ( ورشه المشاكل ووجع الدماغ)
تشكر يادكتور على الاسبرينا
روقتني شوي
لكن شكلوا المفعول حينتهي...
رد: أيه هى المشكله ( ورشه المشاكل ووجع الدماغ)
اقتباس:
المشاركة الأصلية كتبت بواسطة remo
يا دكتور مشكلتى انى بخاف بمعنى اصح عندى فوبيا التوتر والخوف من المجهول(الفوركس):0023: انا اصلى عندى حادثة قديمة مقصرة فيا وهى خسارتى قبل كدة:0023:
:hands:ربنا يباركلك يا دكتور شوفلى حل:hands:
بس انا دلوقتى بقيت احسن:0023:
على فكرة انا بتابع تحليلاتك وبستفاد منها كتير
والف شكر ليك يا شورت باشا
شكراً يا باشا
انت عندك فوبيا
بالبلدى بيجيلك بانيك من السوق
وده شئ طبيعى للتجار الجدد أو ألى بيجروا بحسابات صغيره
ده مع الوقت وزياده ثقتك فى نفسك فى السوق وفى تحليلاتك لن تبالى
تاجر بلوطات صغيره جداً وأهداف كبيره حتلاقى المكسب أكتر
يمكن التريد حيقعد معاك فتره طويله بس
أن شاء الله هو حلك
وأمر يا باشا
رد: أيه هى المشكله ( ورشه المشاكل ووجع الدماغ)
كان نفس اروح لدكتور نفساوى من زومان
الحمد لله لاقيتة
بص بقى يا دكتور
انا عندى فوبيا من المكسب
اى عقدة منيلة بنيلة
معظم صفقاتى ناجحة جدآ جدآ جدآ
بس دة بيحصل بعد ما بطلع منها اما بربح قليل
او قبل ضرب الاستوب
وبعد ماطلع على طول المكسب يعدى لفوق
واوعى وشك
اما الخسارة فبصبر عاليها
فيأما تزيد ياما اطلع من نقطة دخولى
يعنى صفر اليدين
مع العلم بحط التارجت وكذلك الاستوب قبل منة
يعنى من الاخر مش بستتنى اوصل للتارجت
وبصبر على الخسارة
لهذا فانا خاسر فى معظم الاحيان
ومش قادر اعكس الوضع
حل بقى يا عم الدكتور
على فكرة فى ناس كتير زيى بيخافو يكسبوا
جزاك الله خيرآ
ومستنى الروشتة
رد: أيه هى المشكله ( ورشه المشاكل ووجع الدماغ)
اقتباس:
المشاركة الأصلية كتبت بواسطة hanymfm
كان نفس اروح لدكتور نفساوى من زومان
الحمد لله لاقيتة
بص بقى يا دكتور
انا عندى فوبيا من المكسب
اى عقدة منيلة بنيلة
معظم صفقاتى ناجحة جدآ جدآ جدآ
بس دة بيحصل بعد ما بطلع منها اما بربح قليل
او قبل ضرب الاستوب
وبعد ماطلع على طول المكسب يعدى لفوق
واوعى وشك
اما الخسارة فبصبر عاليها
فيأما تزيد ياما اطلع من نقطة دخولى
يعنى صفر اليدين
مع العلم بحط التارجت وكذلك الاستوب قبل منة
يعنى من الاخر مش بستتنى اوصل للتارجت
وبصبر على الخسارة
لهذا فانا خاسر فى معظم الاحيان
ومش قادر اعكس الوضع
حل بقى يا عم الدكتور
على فكرة فى ناس كتير زيى بيخافو يكسبوا
جزاك الله خيرآ
ومستنى الروشتة
مشكلتك يا سيدى مش خوف من المكسب المشكله فى الطمع مع شويه عدم ثقه
أنت لما ربنا يكرمك بمكسب بتقول نفسك لسه فيه شويه وتسيب الصفقه
وفى الأخر تخرج بمكسب قليل أحسن من الخساره
وفى حاله الخساره بطلع كا ألى عندك وتعمل عفريت
وتحط الأستوب على نقطه الدخول وتقول لنفسك أخرج من غير مكسب أحسن من الخساره
فى الحالتين أنت محتاج شويه صبر
وأنا متأكد من أنت بتابع صفقاتك 24 ساعه
طيب الحل أيه
أفتح الصفقه وتابع مع الأخبار بس المهمه
وأصبر شويه وثق فى الله ثم فى نفسك
السوق عاوز صبر وكل مل تقعد فى السوق مده أكبر و تصبر تكسب بإذن الله
لذلك أنصحك بالعملات الهاديه
هى الى حتعلمك الصبر
أصبر كتير تكسب كتير
رد: أيه هى المشكله ( ورشه المشاكل ووجع الدماغ)
اقتباس:
المشاركة الأصلية كتبت بواسطة الصاعقة
تشكر يادكتور على الاسبرينا
روقتني شوي
لكن شكلوا المفعول حينتهي...
يا باشا المجنون ده عاوز جلسات كهرباء
وأنا لسه فاتح العياده
لو الحاله مستعصيه نبعتك بلاد بره
:ongue:
إن شاء الله المجنون فى السكه