أيه هى المشكله ( ورشه المشاكل ووجع الدماغ)

[Walid Basset]

نبدء بإذن الله تعالى مع أول عنصر فى المنظومه
وهى
التاجر
زى ما قلنا قبل كده هو اسواق
طيب السواق ده مش ليه رخصه عشان يسوق ولو معهوش رخصه يتعلم

حنطرح الموضوع كالأتى

1- الرخصة (التعليم) طبعاً فى سواقين درجه أولى وتانيه وتالته حنشوف.
2- نفسيه السواق ( أهم حاجه ) .
3- أكيد السواق لازم يحترم المرور وهى عوامل مهمه قوى حنتكلم عليها بالتفصيل .

بالبلدى السواق الشاطر يفوت فى الحديد
ويسوق كارو أو طياره

نجهز أنفسنا عشان نطلع الرخصه
لغايه ما نبقى سواقين شاطرين بإذن الله

أنا عاوز كل واحد فيكوا يقولى هو شايف نفسه
أزاى فى السوق
تاجر شاطر ولا لأ

والأسباب هى أيه

[hanymfm]

مشكلتك يا سيدى مش خوف من المكسب المشكله فى الطمع مع شويه عدم ثقه
أنت لما ربنا يكرمك بمكسب بتقول نفسك لسه فيه شويه وتسيب الصفقه
وفى الأخر تخرج بمكسب قليل أحسن من الخساره
وفى حاله الخساره بطلع كا ألى عندك وتعمل عفريت
وتحط الأستوب على نقطه الدخول وتقول لنفسك أخرج من غير مكسب أحسن من الخساره

فى الحالتين أنت محتاج شويه صبر
وأنا متأكد من أنت بتابع صفقاتك 24 ساعه
طيب الحل أيه

أفتح الصفقه وتابع مع الأخبار بس المهمه

وأصبر شويه وثق فى الله ثم فى نفسك

السوق عاوز صبر وكل مل تقعد فى السوق مده أكبر و تصبر تكسب بإذن الله

لذلك أنصحك بالعملات الهاديه
هى الى حتعلمك الصبر

أصبر كتير تكسب كتير[/center]

فعلآ دكتور
طيب همشى على الروشتة
بس يارب
مأقعش من عاليها

[Fahd]

السلام عليكم ورحمة الله
شكرا للاخ شورت على طرح هذا الموضوع الجميل الذي نستفاد منه جميعا ..
ورغبه مني بالمساهمه ... اقول رأيت البعض يعاني من موضوع التحليل الاساسي وسوف اقدم نبذه بسيطه عن هذا الموضوع وقريبا سوف اهيئ موضوع مفصل يتطرق الى التحليل الاساسي :
1- ما هو التحليل الاساسي : هو التعلم عن كيفيية التعامل مع الاخبار والاحداث التي تؤثر بصوره مباشره على سير الاسعار .
2- ما هي اهم الاخبار ذات التأثير الفعال : طبعا هي كثيره لكن نتطرق الى اكثرها واقواها تأثيرا وهي
خبر الفائده _ البطاله _ الميزان التجاري _ الناتج القومي الاجمالي والمحلي _ التضخم
وطبعا هذه الاخبار في امريكا وبريطانيا وعموم اوربا
وطبعا لكل خبر ثقله في السوق اي مقدار ما يحدثه من صعود ونزول في النقاط
3- الفائده كبيره اذا تعلمنا دمج التحليل الاساي والفني والنصيحه::::: للاخوان الذين يعانون من التأثير السلبي للاخبار على صفقاتهم هو الابتعاد عن السوق وقت هذه الاخبار والعوده بزوال تأثير الخبر وعموما وقت تأثير الخبر قد لا يستمر طويلا او ياتي مغايرا للتوقعات ولا يحدث التأثير المتوقع واخبار السوق ومواعيدها معروفه ويمكنكم الحصول عليها من اي مصدر بسرعه فائقه ...

[Walid Basset]

السلام عليكم ورحمة الله
شكرا للاخ شورت على طرح هذا الموضوع الجميل الذي نستفاد منه جميعا ..
ورغبه مني بالمساهمه ... اقول رأيت البعض يعاني من موضوع التحليل الاساسي وسوف اقدم نبذه بسيطه عن هذا الموضوع وقريبا سوف اهيئ موضوع مفصل يتطرق الى التحليل الاساسي :
1- ما هو التحليل الاساسي : هو التعلم عن كيفيية التعامل مع الاخبار والاحداث التي تؤثر بصوره مباشره على سير الاسعار .
2- ما هي اهم الاخبار ذات التأثير الفعال : طبعا هي كثيره لكن نتطرق الى اكثرها واقواها تأثيرا وهي
خبر الفائده _ البطاله _ الميزان التجاري _ الناتج القومي الاجمالي والمحلي _ التضخم
وطبعا هذه الاخبار في امريكا وبريطانيا وعموم اوربا
وطبعا لكل خبر ثقله في السوق اي مقدار ما يحدثه من صعود ونزول في النقاط
3- الفائده كبيره اذا تعلمنا دمج التحليل الاساي والفني والنصيحه::::: للاخوان الذين يعانون من التأثير السلبي للاخبار على صفقاتهم هو الابتعاد عن السوق وقت هذه الاخبار والعوده بزوال تأثير الخبر وعموما وقت تأثير الخبر قد لا يستمر طويلا او ياتي مغايرا للتوقعات ولا يحدث التأثير المتوقع واخبار السوق ومواعيدها معروفه ويمكنكم الحصول عليها من اي مصدر بسرعه فائقه ...

بارك الله فيك اخى وأتشرف لو قمت بالمساهمه معنا إن شاء الله

[Walid Basset]

أحنا زى ما قلنا
السوق = السياره
التاجر = السواق
البنزين= الأخبار

التاجر محتاج أول شئ لسياره وهى التحليل الفنى

أيه هو بسلامته التحليل الفنى بأه

ببساطه عباره عن تحليل رياضى والمعروف أن الرياضه أم العلوم
يعنى مثلاً لو خدنا لغه بلاد الماوماو وحولناها لأرقام نجد أن أحنا ممكن نحول الأرقام ديه لأى لغه تانيه
العربية أو الأنجليزيه
عشان كده الرياضه هى الأساس للسوق
والأخبار ليها تأثير بس الجانب الرياضى هو ألى يكسب
ولو الأخبار قلبت الدنيا لازم ولابد تحترم الرياضه
وتقدم فروض الولاء والطاعه

طيب الرياضه عباره عن ايه

معادلات ........ ماشى ما المؤشرات معتمده عليها وكل مؤشر ليه معدله بس يا ترى المعادله صح ولا لأ وهى بتعبر عن وحهة نظر المبرمج وألى مش لازم تكون 100% صح والتحليل الرقمى برده حاجه منهم ممكن نعمله مؤشر ببساطه

نماذج .......... برده اشكال رياضيه بتعتمد على ثوابت رياضيه واضحه وصريحه بس فى شكل نموذج

موجات......... وديه أهم حاجه وحنتكلم عنها برحتنا عشان السوق كله موجات وهى شكل من الأشكال الهندسيه فى النهايه

نسيب كل ده ونبدء بالأساسيات

الاساس السليم نبنى عليه براحتنا ومحدش يكلمنا
والأساس المضروب العماره تقع ونروح فى دهيه

أنتظروا الأساسيات
بعد الشاى
سنعود
هاهاها

[el7alwany]

منتظرين يا دكتور

وحمد لله على السلامة

[جمال بسيس]

مشكور يا دكتور انا مشكلتي عدم الالتزام براس المال وفتح عقود كثيرة........... ومشكلتي بانني لا اخاف اي لا اعتبر الفلوس التتي امامي فعلا حقيقية اي اخسر او اربح بشوفها فعلا كانه موضوع فقط ارقام على الكمبيوتر السبب انه كله خسائر ولسه ما سحبت ارباح............ مشكلة تانية وهي موضوع التخبط بين الاستراتيجيات الى الان لم استقر على استراتيجية معينة طبعا بعرف انه تعلم التحليل الفني اهم شيء وهذا ما اقوم به حاليا لكني بحاجة الى استراتيجية ارباحها تزيد عن خسائرها الى ان اتعلم التلحليل الفني جيدا.

[ناشيء الفوركس]

يا دكتور مشكلتى انى بخاف
بمعنى اصح عندى فوبيا التوتر والخوف من المجهول(الفوركس)

انا اصلى عندى حادثة قديمة مقصرة فيا وهى خسارتى قبل كدة
ربنا يباركلك يا دكتور شوفلى حل
بس انا دلوقتى بقيت احسن
على فكرة انا بتابع تحليلاتك وبستفاد منها كتير
والف شكر ليك يا شورت باشا

عندي نفس المشكلة بس بطريقة مختلفة يعني عارف نقطة الدخول ورسكي بيكون قليل جداا وفي 90 من الصفقات التارجت 50 نقطة علي الاقل ولكن المشكلة اني مش بدخل الصفقة من الاساس والحالة دي مستمرة معايا من فترة يعني ممكن تقول اني في أخر شهر دخلت 6 صفقات يا تري ازاي اتغلب علي المشكلة دي ياريت تساعدني يا دكتور