حمد و سعد

[خالد الفهد]

المشهد الاول

يفتح الستار ( سعد ) يملك مبلغ من المال ، يبحث عن استثمار جيد وعالي الارباح ...

سعد : أقول ياحمد سمعت بالفوريكس حق امريكا ؟

حمد : أي والله سمعت يقولون تربح دولارات بالقلابي واحياناً حمولة تريله ..

سعد : ياخي يقولون هذا مثل المكينة اللي شفناها انا واياك بالتلفزيون اللي تحط فيها قرش وتسحب عصا وتنّهل عليك الفلوس ..

حمد : ايه بس هذيك مكينة قمار والقمار حرام .

سعد : ياخي من قال لك هذي قمار ؟ اقول مثلها ، مثلههههها يعني هذي ام المكاسب .

حمد : طيب خلنا نفتح موقهم بالانترنيت ونشوف .

المشهد الثاني

يفتح الستار في احد مقاهي الانترنيت وسعد وحمد قد استأجروا جهازاً واحداً رغبة بالظفر بالكنز المزعوم .

سعد : شف شف شف لقيته ياحمد هذا يقولون اسمه هنا ( الفوريكس ) اللي قلت لك عليه .

حمد : شف ، ناصر ولد خالتي قايل لي ان فيه حساب تجرب فيه ببلاش .

سعد : وش نجرب ، حنا فاضين للتجارب ؟

شف خلنا نروح لـ محمد ونقول له يحول لنا فلوس علشان نشتغل .

حمد : طيب يالله ..

المشهد الثالث

سعد و حمد في المنزل امام شاشة الكمبيوتر وقد حّول لهم محمد المبلغ البسيط الذي جمعوه من اجل الفوريكس ..

حمد : يالله عجّل افتح ودخل الرقم السري .

سعد : ياخي اصبر شوي تأدب حنا صرنا رجال اعمال ، كلها شهر ونصفق بالملايين يمين وشمال .

حمد : يالله دخل الرقم السري انت انا ما اعرف انقليزي ...

سعد : والا انا !!!!!

حمد : طيب وش نسوي ؟

سعد : دق على محمد وقل له وش معنى رقم سري بالانقليزي ...

حمد : والباقي ؟؟؟؟

سعد : الباقي اعرفه قريته بمنتدى ، يقولون الزر اللي على اليسار بيع والزر اللي على اليمين بيع والمستطيل اللي فوق الرصيد ... يالله دق بلا فلسفة ، انا شارب البرنامج شرب ...

حمد : يالله سو كذا ، واكتب كذا ...

سعد : ايوه فتح ،،، يالله بسرعة نبي نبيع اليورو بالرصيد كله ، هاه وش رايك ؟

حمد : توكل على الله ، شورك مبارك .

المشهد الاخير

النتيجة صاروا اصحاب ملايين ....

ضربت معهم كم صفقة ....

كانت الاخبار لصالحهم ....

....

طبعاً نهاية غير متوقعة ....

توقعتوا اقول خسروا واستدانوا وسجنوا وتبهذلوا ....

ملينا من كلمة خسروا ، وخسارة ، وخسرنا

.....

وش رأيكم ، النهاية كذا ماهي احسن ...


يغلق الستار

[نايف اللحياني]

هههههههههههههههههههه
والله ولا حتى في الافلام الهنديه


اخوك نايف

[ابو شهيد]

الله يصلحك يا خالد بديش اقول اكثر.......
من وين بتجيب هالدواوين ...... مش عارف !!!
.................
* بس ليش دخلوا شورت..... الناس عندكم عادة لونغ !!!

[ابو ابراهيم]

حلوه يا ابو فهد

احلام وردية

[عبدالله]

يا خوفي يا خوي
لا يجي سعد وخويه حمد يعطونا توصيات في المنتدى
( الكلام مش موجه لاي شخص )

[alwafi]

يقولون الزر اللي على اليسار بيع والزر اللي على اليمين بيع والمستطيل اللي فوق الرصيد

.
.

خالد
أنا من يوم شفت أن كل الأزرار (بيع) دريت أن برنامجهم حق البيض اللي جابه أبو عاصم.!
.

.


.
.
يا بوشهيد
شلون تبيهم يدخلون لونق وأزرارهم كلها شورت؟!

[alwafi]

يغلق الستار

.
.

لحظة قبل يغلق الستار
أبي أعرف وشلون (أغلقوا) صفقة الشورت إذا كان ماعندهم زر (شراء)؟!
.
لا تقول عملوا (إغلاق) للصفقة.! لأن الإغلاق أيضا معناه (شراء) للعملة المقابلة.!
.
همسسسسسسسسة:
تبيني أمشيها .. مشيتها.. عشان خاطرك.. وغيره لا.!

[ابو شهيد]

غريب انت يا وافي ما شاء الله عليك....تشوف كل حاجة...
انا ما انتبهت لها

حتى الوجوه التعبيرية بتاعات المعجزة تفهم عليها
.................................
تعرف حاجة لما اكون اتصفح في مواضيعك
ثلاثة ارباع الردود ما افهم ايش قصدهم
الاقيك فهمت كل واحد بلغته ولهجته وترد عليه بالطريقة اللي يفهمها
الله يفتح عليك ........... واوعى تقول سايبكم ثاني
ترى ما نستغني عنك
............................
الا صحيح كيف غلقوا الجماعة صفقتهم يا خالد؟؟؟؟

انتظر ييجي المعجزة او غواص المترجم

[ابو ابراهيم]

اتوقع اتصلوا على البروكر يقفل لهم الصفقة

[abouzeed]

الردود

خالد الفهد = فكرتني بالفلكلور الشعبي اللي يقول ياليت عندي عصيده واربع صواني مرق ومن ضمن الفلكور وانا وخويه حمد


ابوشهيد = ترى سوق الاسهم عندنا عودنا على اللونق الى الان لايوجد عندنا الشورت

تقبلوا تحياتي

[خالد الفهد]

هههههههههههههههههههه
والله ولا حتى في الافلام الهنديه


اخوك نايف

يانايف حتى بالافلام الهندية النهاية اخف من هالنهاية

[خالد الفهد]

الله يصلحك يا خالد بديش اقول اكثر.......
من وين بتجيب هالدواوين ...... مش عارف !!!
.................
* بس ليش دخلوا شورت..... الناس عندكم عادة لونغ !!!

شوف الظاهر وانا ماني متأكد ان كلمة شورت اعجبتهم اكثر

[خالد الفهد]

حلوه يا ابو فهد

احلام وردية

يحليّ أيامك

[خالد الفهد]

يا خوفي يا خوي

لا يجي سعد وخويه حمد يعطونا توصيات في المنتدى
( الكلام مش موجه لاي شخص )

تبي تورطنا يا عبدالله
هذه القصة تنطبق عليّ فانا حمد وانا سعد وانا ناصر وانا محمد

[خالد الفهد]

أما انت ياوافي (ماشاء الله تبارك لمّاح)

شف طال عمرك هذا حمد و سعد بارك الله فيك كانوا فاتحين حساب في بنك في جنوب افريقيا وبالتحديد في شارع 70 في جوهانسبرج وبالامارة فيه تمثال لمانديلا على الناصية ولمبات الشارع لون فيروزي ، وبعدين كانوا اذا احتاجوا سحب مبلغ يسافرون بالقطار مسافة 800 كيلو علشان يعبون استمارة السحب واذا تاخروا عن الساعة 1 الظهر ياخرونهم لليوم الثاني ومثل ما انت عارف حر هناك ....
الا وش كان موضوعنا