استفسار عن قانونية شركات وساطة الفوركس في مصر ومخاطر اقامة مثل تلك الشركات

[وليد الحلو]

شوف اخي الفاضل أنا مش حزود حاجه عن كل ماقيل
بس النصيحه لله

اذا كنت عايز تشتغل في الفوركس اشتغل في حسابك و احمد ربنا عليه
و اذا كنت عايز تخاطر بمستقبلك و ووقتك و مالك فاأفتح شركه

أخي أمن الدوله مش فاضي لكل واحد مضبوط بس كفايه عميل واحد يحصل معاه أي مشكله
و أكيد تعرف أننا كشعب بنتعب جامد في القرش فبيكون القرش علينا غالي فأخينا ده صاحب
المشكله حيروح أمن الدوله و حيلفها كعب داير يلطم عليك و حيقوم عليك الدنيا و الباقي أكيد عرفه

أخي خلي حياتك مستقره و أموالك أمنه و لا تسير خلف كل صيحه قد توردك المهالك حتي لو كان
في ناس عملينها بلاش تكون انت أسف ضحية اللعبه مثل الريان كان ضحية التوظيف و الباقي خلع

النصيحه لله و القرار قرارك

فى كلام اخونا الجاويش الدرر و المفيد

و حط فى دماغك يا اخى ان اى دوله لا تدرس حالات فردية
صناع القرار بيدرسوا الفوركس و يشوفوا ايه سلبياته (مش مهم ايجابياته) لو فيه وجع دماغه و لو 1% يبقى ممنوع

على رأيى أخونا الجاويش
لا تخاطر بمستقبلك

ودى و تقديرى

[Peace4all]

بص يا سيدي انا اعرف اكتر من شخص فاتحين شركات من النوع دا وللاسف الشركات التابعين لها شركات تعبانه جدا لكن الحال ماشي معاهم ومفيش اي مشاكل لحد الان رغم انهم خسروا ناس كتير و مبالغ طائلة ومحدش عملهم حاجه وطبعا معرفش هل عندهم وسايط ولا ايه النظام لان اكيد حضرتك عارف ان كل شيء ماشي بالكوسة لكن لو عايز رأي الشخصي لو حبيت تفتح اولا لازم يبقي معاك اي بي من شركة اسهم مصرية ووقتها تشتغل زي ما انت عايز في الفوركس لكن حاول ماتدرش حسابات ولازم كل حاجه بينك وبين العملاء تبقي موثقة زي العمولات والاهم انك تبقي مع شركة فوركس محترمة مش تفلس في اي يوم وتبقي المشكلة وقتها كبيرة وفي رأي الخاص ان المشروع دا في المستقبل هيبقي كويس جدا بس بشرط ان يكون عندة اسس ومباديء ماشي عليها مش زي اغلب الشركات يوهم الناس بالمكسب السريع ويديروا حسابات علشان يكسبوا من العمولات لان عاجلا او اجلا الموضع هيدخل مصر لان البورصة المصرية بتاخد خطوات جيدة منها عملوا نظام البيع اولا ونظام المارجن + هيتم العمل علي المؤشرات + هيبقي في فيوتشر واوبشن + المتاجرة بالذهب فمع كل دا صعب ميكنش في فوركس

[Peace4all]

نسيت اقولك ان في شركات لها فروع في مصر هنا كمكاتب تسويق وبتودع فلوسك في بنك السي اي بي في مصر هنا ومعروف ان البنك دا من اكبر البنوك وعنده ديلينج روم يقدر اي عميل ينفذ عن طريقة بالتليفون والكلام دا من زمان قبل ما يبقي في انترنت اصلا ودا مش مجرد كلام انا بكلمك عن تجربة شخصية فلو موضوع الفوركس دا ممنوع يبقي ازاي مسموح انك تودع جوة البنك في مصر

[سمير صيام]

بص يا سيدي انا اعرف اكتر من شخص فاتحين شركات من النوع دا وللاسف الشركات التابعين لها شركات تعبانه جدا لكن الحال ماشي معاهم ومفيش اي مشاكل لحد الان رغم انهم خسروا ناس كتير و مبالغ طائلة ومحدش عملهم حاجه وطبعا معرفش هل عندهم وسايط ولا ايه النظام لان اكيد حضرتك عارف ان كل شيء ماشي بالكوسة لكن لو عايز رأي الشخصي لو حبيت تفتح اولا لازم يبقي معاك اي بي من شركة اسهم مصرية ووقتها تشتغل زي ما انت عايز في الفوركس لكن حاول ماتدرش حسابات ولازم كل حاجه بينك وبين العملاء تبقي موثقة زي العمولات والاهم انك تبقي مع شركة فوركس محترمة مش تفلس في اي يوم وتبقي المشكلة وقتها كبيرة وفي رأي الخاص ان المشروع دا في المستقبل هيبقي كويس جدا بس بشرط ان يكون عندة اسس ومباديء ماشي عليها مش زي اغلب الشركات يوهم الناس بالمكسب السريع ويديروا حسابات علشان يكسبوا من العمولات لان عاجلا او اجلا الموضع هيدخل مصر لان البورصة المصرية بتاخد خطوات جيدة منها عملوا نظام البيع اولا ونظام المارجن + هيتم العمل علي المؤشرات + هيبقي في فيوتشر واوبشن + المتاجرة بالذهب فمع كل دا صعب ميكنش في فوركس

كلامك سليم لكن ملاحظة مهمة ان الفوركس هتطلع الفلوس بره مصر وده من اسباب عدم السماح لها
نقطة تانية انه عشان تفتح شركة زى كده لازم واسطة كبيرة عشان تعمل وانت مسنود
او تستنى شخصية رسمية فى البلد ندخل المجال عشان تشتغل بعد كده كل الشركات

[Peace4all]

كلامك سليم لكن ملاحظة مهمة ان الفوركس هتطلع الفلوس بره مصر وده من اسباب عدم السماح لها

نقطة تانية انه عشان تفتح شركة زى كده لازم واسطة كبيرة عشان تعمل وانت مسنود

او تستنى شخصية رسمية فى البلد ندخل المجال عشان تشتغل بعد كده كل الشركات

مش محتاجه واسطة انا اعرف اكتر من واحد و3 بالتحديد فاتحين الموضوع دا واكتر تكلفة له هي 120000 جنية وممكن اقل من كدا لان الاغلبية كلها تجهيزات للمكتب وانا شخصيا اتعرض عليه اشتغل في اكتر من شركة ومنهم واحد موجود هنا في المنتدي
لكن رفضت لان اسلوبهم في العمل مش كويس المهم عندة يفتح عقود كتير علشان يكسب وانا معرفش اشتغل بالاسلوب دا واتعرض عليه برضة ادخل شريك وبرضة رفضت لنفس السبب اما موضوع تحويل الفلوس برة ففي شركات مش محتاج تحول برة اصلا لها فروع في مصر هنا وبتودع في السي اي بي المصري ولو عايز اسمها انا تحت امرك لكن معنديش اي فكرة عن مصداقيتها بصراحة ولا حتي اعرف مسجلة في هيئات برة مصر ولا لا

[سمير صيام]

مش محتاجه واسطة انا اعرف اكتر من واحد و3 بالتحديد فاتحين الموضوع دا واكتر تكلفة له هي 120000 جنية وممكن اقل من كدا لان الاغلبية كلها تجهيزات للمكتب وانا شخصيا اتعرض عليه اشتغل في اكتر من شركة ومنهم واحد موجود هنا في المنتدي
لكن رفضت لان اسلوبهم في العمل مش كويس المهم عندة يفتح عقود كتير علشان يكسب وانا معرفش اشتغل بالاسلوب دا واتعرض عليه برضة ادخل شريك وبرضة رفضت لنفس السبب اما موضوع تحويل الفلوس برة ففي شركات مش محتاج تحول برة اصلا لها فروع في مصر هنا وبتودع في السي اي بي المصري ولو عايز اسمها انا تحت امرك لكن معنديش اي فكرة عن مصداقيتها بصراحة ولا حتي اعرف مسجلة في هيئات برة مصر ولا لا

النقطة المهم هى الاخيرة ان الشركات ومصداقيتها هى العامل الاساسى فلو قلنا الشركات المحترمة هل تقدر تعمل شراكة مع بنوك مصرية حتى تستطيع فتح المجال لذلك فى مصر اتا شخصيا لا اعتقد سيحدث ذلك
بالنسبة لاساليب اصحاب المكاتب فده شئ مفروغ منه ولا يهمهم مصلحة العميل

[Peace4all]

النقطة المهم هى الاخيرة ان الشركات ومصداقيتها هى العامل الاساسى فلو قلنا الشركات المحترمة هل تقدر تعمل شراكة مع بنوك مصرية حتى تستطيع فتح المجال لذلك فى مصر اتا شخصيا لا اعتقد سيحدث ذلك

بالنسبة لاساليب اصحاب المكاتب فده شئ مفروغ منه ولا يهمهم مصلحة العميل

للاسف يا استاذ سمير موضوع الايداع في بنك داخل مصر بيدي للعميل مصداقية اكتر لما تيجي تقوله حول فلوس برة مصر خصوصا النوعية اللي بتفتح حساب وهيه اصلا متعرفش معني كلمة فوركس ولا حتي مباديء البيع والشرا لان اغلبهم من المتدوالين في الاسهم المصرية وللاسف متداولين الاسهم اجارك الله تحس انهم بيضاربوا بفلوس بنك الحظ مش فلوس تعبانين فيها فاكر في مرة رديت علي موضوع زي دا وقلت المسئولين في مصر هنا بيعملوا بمبدأ هما اولي من الغريب يعني اغلب اللي هيحول فلوسة برضة هيخسرها طيب ما يفتحوا هما هنا ويبقوا اولي من الغريب

[سمير صيام]

للاسف يا استاذ سمير موضوع الايداع في بنك داخل مصر بيدي للعميل مصداقية اكتر لما تيجي تقوله حول فلوس برة مصر خصوصا النوعية اللي بتفتح حساب وهيه اصلا متعرفش معني كلمة فوركس ولا حتي مباديء البيع والشرا لان اغلبهم من المتدوالين في الاسهم المصرية وللاسف متداولين الاسهم اجارك الله تحس انهم بيضاربوا بفلوس بنك الحظ مش فلوس تعبانين فيها فاكر في مرة رديت علي موضوع زي دا وقلت المسئولين في مصر هنا بيعملوا بمبدأ هما اولي من الغريب يعني اغلب اللي هيحول فلوسة برضة هيخسرها طيب ما يفتحوا هما هنا ويبقوا اولي من الغريب

ماهو الشركة المحترمة بتديك مصداقية ايضا سواء كانت فى مصر او خارجها لكن شركة غير محترمة حتى لو فى مصر تقول على فلوسك باى باى

[esam 123]

الاخ العزيز والفاضل صاحب الموضوع بعد مراجعةعدد من المستشارين سواء فى سلك المحاماة او القضاء تم الوصول للاتى بشكل قاطع ونهائى لم يصدر نهائيا اى قانون او قرار اولائحة تحرم او تجرم او تغرم العمل فى الفوركس على اى صورة من صورة ولا يوجد توصيف او معنى لهذا تماما فى القانون المصرى والذى حدث سابقا انة لسبب ما لا يعلمة الا الله صدرت اوامر شفهية فقط الى الاموال العامة بالتنبية على شركات التى تعمل فى المجال بمنع الدورات فى هذا المجال و عموما اى مجال فية تلقى مال على صورة فى حالة خسارتها لو اشتكى صاحب المال هتبقى قضية اموال لكن مفيش شكوى المووضوع فى السليم وراى ابعد وخليك فى حالك

[فارس النيلين]

اخي الكريم لو كان الوضع غير قانوني فابعد عنه نهائيا و خليك في السليم

[الجاويش]

فى كلام اخونا الجاويش الدرر و المفيد

و حط فى دماغك يا اخى ان اى دوله لا تدرس حالات فردية
صناع القرار بيدرسوا الفوركس و يشوفوا ايه سلبياته (مش مهم ايجابياته) لو فيه وجع دماغه و لو 1% يبقى ممنوع

على رأيى أخونا الجاويش
لا تخاطر بمستقبلك

ودى و تقديرى

استاذي الفاضل الدرر تعلمتها منك واسلوبك البسيط الممتع في تفسير المواقف


شكرا وتحيه علي شعورك النبيل

[TAMIR HAMID]

السلام عليكم و رحمة الله
في الحقيقه لم يسعنى الوقت لأقراء كامل موضوعك و مشاركات الاخوه عليه
و لكنى سأجيبك بصرف النظر هل وصلت الى اجابه مرضيه ام لا
و يمكن ان نتناقش سوياً فيما بعد

القانون المصري ليس فيه نص صريح بتحريم الفوركس او التصريح به "و الذى اقصده بالفوركس هنا ليس تجارة العملات بمعناها المعروف و انما تجارة العملات على الأنترنت "
فالموضوع معلق
اما تجارة العمللات القائمة على جمع عملة معينه من السوق المصري و ادخارها لحين ارتفاع سعرها فهذا غير مصرح به و يقاضى صاحب هذه الفعلة بتهمة هدم اقتصاد الدولة

نرجع للفوركس
يوجد في مصر قرابة 22 شركة هى فروع شركات اوربيه جميعاها و ليس هناك اى فروع لشركات امريكية او استرالية
كل هذه الشركات ليس لها اى ترخيص حكومى بالتداول في سوق الفوركس بأموال مصريه
لأنه لا يوجد قانون يعطى احقية بهذا التصريح

اناما هذه الشركات عباره عن فروع مصرح لها اعطاء كورسات التحليل الفنى و المالى فقط
اى كل تصريحها هو التعليم
و هى تعتبر المؤسسات الثانية في مصر المصرح لها بأعطاء دورات تدريبية في النواحى المالية بعد جمعية المحللين الفنيين المصريين و لا يوجد مؤسسات اخرى مصرح لها بأعطاء مثل هذا النوع من التدريب

لكن حقيقة الامر ان هذه الشركات او الفروع تحاول ان تبحث عن عملاء لها داخل مصر و ذلك من باب السبق
حتى اذا قرر البنك المركزى المصري رفع قرار الى مجلس الشعب بفتح التداول في العملات يكون لهم السبق

ماذا يمنع البنك المركزى من اجراء هذه الحركة
ان البنك المركزي المصري يحتاج بالمرور ببعض التطورات حتى يكون قادر على ذالك
منها
1) فض ارتباط الجنيه المصري بالدولار "تعويم الجنيه" و انشاء سله من العملات يتم على اساسها تقيم وضع الاقتصاد المصري
2) توعية المجتمع بالأدارة الاقتصادية للأموال و ذلك يأتى بتصريح بأنشاء مراكز للأستشارات المالية التابعة للبنك نفسه "و حتى هذه القانون بعيد عنها"
و هناك اشياء اخرى كثيره ... اذا تحقق كل هذا يكون من السهل جداً انشاء صناديق استثمار في الفوركس في مصر و يكون الموضوع مصرح به

اما الان فعملية تحويل الاموال من العميل داخل مصر الى شركة الوساطه عمليه دفع اموال عادية كأنها لأى شخص و القانون لا يمنع ذلك
انما اجراء دعايا حول جلب عملاء لدفع اموال لجهة غير حكومية بهدف زيادة هذه الاموال
فهذا يندرج تحت اسم قانون توظيف الاموال
و كون الجهة غير مصرح بها من البنك المركزى فان قانون توظيف الاموال يمنع ذالك ... و عليه يصدر النائب العام قرار بالتحقيق مع هذه الجهة و يكون ذالك من اختصاص مباحث الأموال العامة

[abdou]

السلام عليكم
موضوع ثرى جدا ومهم جدا .
ولى هنا تسأل وهو هل المتاجرة الفردية ( مع نفسك ) والتحويل عن طريق احد البنوك الاجنبية مثل cib-hsbc
يعتبر الموضوع امن تماما ؟؟ هذا ما فهمتة وطبعا التحويلات فى حدود خمسة الاف دولار حد اقصى مثلا فهذا غير ملفت للنظر . اليس كذلك ؟؟
تحياتى واحترامى

[Dr.GM]

اعتقد مش هتخسر حاجة لو رحت بنفسك سألت في مباحث الاموال العامه او من له صله رسميه باداره الاموال العامه في وزاره الماليه ...
اعتقد ان ده من ضمن وظيفتهم ... اننا نسألهم وهما يجاوبوا

[وليد الحلو]

اعتقد مش هتخسر حاجة لو رحت بنفسك سألت في مباحث الاموال العامه او من له صله رسميه باداره الاموال العامه في وزاره الماليه ...
اعتقد ان ده من ضمن وظيفتهم ... اننا نسألهم وهما يجاوبوا

ابقى روح اسألهم و رد عليا

حبيب قلبى يا دكتور كل لقاء ملناش نصيب نقعد مع بعض اشوفك و انت ماشى

ودى و تقديرى