النتائج 1 إلى 15 من 36
- 21-08-2007, 05:30 PM #1
بوابة الحلوانى فى تبسيط مصطلحات الفوركس للمبتدئين
بسم الله الرحمن الرحيم
بداية أشكر أعضاء المنتدى على دخول الموضوع وأشكر خبراء المنتدى على إتاحتهم الفرصة لى فى عرض موضوعى وهو ( بوابة الحلوانى فى تبسيط مصطلحات الفوركس للمبتدئين ) وهى فكرة واجهتنى شخصيا عند دخول هذا العالم الجميل المثير وهى صعوبة المصطلحات على القارى العادى من ليس له خلفية مالية أو أقتصادية وصعوبة البحث عنها فى المنتديات لذلك أستاذن الإدارة الكريمة فى عرض هذا الموضوع ولإننى أعتبر نفسى مبتدئيا بجوار عمالقة المنتدى الخبراء فأننى سوف أبدا خطوة خطوة الشرح ولو مصطلحا كل يوم على أن يتكرم أعضاء النادى أن يضيفوا من علمهم الغزير على ما أحاول أن أشرحه لإفادة أكبر عدد من المبتدئين ليصبح هذا الموضوع فى رأيى المتواضع موسوعة يشترك فيها كل أعضاء المنتدى
وشكــــــــــــــــــــــــرا
- 21-08-2007, 05:51 PM #2
رد: بوابة الحلوانى فى تبسيط مصطلحات الفوركس للمبتدئين
نبدأ على بركة الله
- 21-08-2007, 05:53 PM #3
رد: بوابة الحلوانى فى تبسيط مصطلحات الفوركس للمبتدئين
كان معى فى عملى صديق عزيز يضارب بأمواله فى البورصة (بورصة الأسهم ) وكنت يوميا أعرف مكسبه أو خسارته بمجرد النظر إليه عندما يقول جملته المشهورة ( يا نهـــــــــاار) وكان فى معظم الأوقات خاسرا و ذات مرة قمت بنصيحته أن يتاجر بجزء من أمواله فى الفوركس
فنظر إلى وقال فورى إيه اللى بتقول عليه ده ؟؟
قلت له الأ تعرف معنى مصطلح الفوركس ؟؟
رد قالى : لا يا ترى هوه إيه ؟؟؟
فقلت له : بص يا سيدى الفوركس مصطلح إختصار لجملة The foreign exchange (currency or forex or FX) market
رد صديقى : يا عم كلمنى عربى ما ليش فى العنجليزى
قلت له : ده مش إنجليزى ومحادثة لكن ده علشان الفوركس علم لما تعرف مصطلحاته تعرف تتاجر فيه وبمجرد فهمها هتستخدمها بدون ما تاخد بالك مش مصدقنى
طب عارف مش انت بتقرا كلامى على شاشة الكمبيوتر ؟؟ صح ؟؟ خللى بالك هل أنت ترجمت كلمة كمبيوتر إلى حاسب ألى
قاللى : لا طبعا
قلت له
يبقى تابع معايا وأنا بعون الله أحاول أبسط المصطلح وأخليه مثل مصطلح كمبيوتر
قال لى أنا معاك
- 21-08-2007, 06:13 PM #4
رد: بوابة الحلوانى فى تبسيط مصطلحات الفوركس للمبتدئين
وانا كمان معاك فى الكرسى اللى جنبه
- 21-08-2007, 06:28 PM #5
- 21-08-2007, 06:59 PM #6
رد: بوابة الحلوانى فى تبسيط مصطلحات الفوركس للمبتدئين
قال صديقى بس مقلتليش يعنى إيه فوركس؟؟ أنت قلت الفوركس مصطلح
إختصار لجملة The foreign exchange (currency or forex or FX) market
يعنى إيه برضه ما تفهمنى علشان أبدا تجارتى صح
قلت له: يعنى سوق تداول العملات الأجنبية و بيدلعوه يقول له فوركس أو fx بس وهو خاص بالتجارة فى العملات
قال لى : هوه يفرق إيه عن بورصة الأسهم؟؟ وفين مكانه ده؟؟؟
قلت : أهوه مكانه ده أول فرق ده لإن الفوركس هو أكبر سوق فى العالم على الإطلاق فلا يوجد مبنى محدد له قاللى : إزاى ده؟؟
قلت له يوجد نوعين من البورصات :
الأولى زى بورصة الأسهم بنسميها بورصات التبادل المباشر Exchange market يعنى المتاجر مثلك أو من يمثلك لازم يروح مكان محدد مركزى علشان يبيع أو يشترى بطريقة مباشرة – وجها لوجه –
قاللى صديقى : مضبوط كلامك وإن كان شركة السمسرة هى ممثل لى فى البورصة وهوه شايف وضع البورصة أكتر منى
قلت له : هنا بقى أنا شايف كويس البورصة بدون الحاجة إلى سمسار أو توصايته ( و ده طبعا بعد تحصيل العلم والخبرة اللازمة للمتاجرة )
قاللى : أمال النوع التانى من البورصات ؟؟؟
قلت : هو بورصات التبادل الغير مباشر والمصطلح بتاعها (the off-exchange market)أو لها إسم تانى _ عاشت الأسامى _ هو : (OTC)
قام صديقى وقال : يا عم بالراحة شوية بيتقول (OTC) ؟؟؟ طب الأسم الأولانى فهمته يعنى غير مباشر يعنى ليس وجها لوجه أمال صحيح إزاى بتبيع وتشترى ؟؟؟
قلت له : أولا (OTC) ده إختصار لجملة Over the counter يعنى عمليات البيع والشراء بين الشركات والبنوك والأفراد عن طريق شبكات الاتصال والكمبيوتر يعنى أن المتاجرين غير مضطرين للذهاب إلى مكان محدد أو إلى مواجهة بعضهم البعض , بل تتم المتاجرة عن طريق تبادل عروض البيع والشراء باستخدام شبكات الهاتف والكمبيوتر والإنترنت
شفت بقى الموضوع جميل وسهل إزاى بس أحنا نتعلمه من أصوله
وخليك معايا هتعرف وتفهم وتتعلم وتجرب وتكسب إن شاء الله
- 26-08-2007, 06:56 PM #7
رد: بوابة الحلوانى فى تبسيط مصطلحات الفوركس للمبتدئين
قال صديقى : و ياترى بورصة الفوركس زى بورصة الأسهم لها ميعاد خلال اليوم ثابت يعنى بتشتغل كام ساعة فى اليوم ؟؟؟
قلت له : أنبسط يا عم الفوركس شغالة 24 ساعة فى اليوم 5 أيام فى الأسبوع يعنى ما عدا يومى السبت والأحد
و انت عارفه ده يفيدك فى إيه ؟؟
قال : أيوه ففى بورصة الأسهم أنا مقيد بوقت الفتح والإغلاق وغالبا يكون فى وقت عملى الأساسى فلا أستطيع مراقبة السوق جيدا أما فى الفوركس أمامى الفرصة لإختيار الوقت الذى يناسبنى
قلت له : الله ينور عليك فانت مع الفوركس لا تتاخر أبدا لأن العمل متواصل طوال اليوم ولأن الفرص كثيرة وعلى مدار الساعة مما لا يستلزم التفرغ الكامل وده ميزة مهمة جدا للفوركس ده غير ميزة السيولة العالية High liquidity
راح قام صديقى وقال : هاى لوكديتى ؟؟؟ مش كنا حلويين هنرجع للمصطلحات الأقتصادية الصعبة ده؟؟
قال له على الفور : صعبة مين قال كده ؟؟ طب ما احنا خدنا أكثر من مصطلح وهم FOREX و OTC و Exchange market و the off-exchange market هل يا ترى فيهم مشكلة ؟؟ لو فيه قوللى وانا أشرحهم تانى أما يا سيدى مصطلح High liquidity ده معناه السيولة العالية أنت عارف أولا يعنى إيه سيولة ؟؟
قال لى : لو أعرف كنت أقول عل طـــــــول
قلت له : لو انت عندك بيت وانت فى يوم وليلة محتاج فلوس ومفيش غير أنك تبيع البيت هتقدر تحوله من بيت إلى فلوس فى إيدك بسهولة أم بصعوبة ؟؟ هيبقى مثلا زى شيكات عندك لها رصيد فى البنك تروح البنك تصرفهم فورا ؟؟
قال لى : طبعا لا
قلت له : يعنى ممكن نقول ( تحويل الأصل إلى فلوس ) بسرعة عالية أو منخفضة طب تعال نحط مكان ما بين القوسين كلمة السيولة يبقى الجملة: سيولة الأصل عالية أو منخفضة
رد على صديقى : طب وأيه اللى دخلها فى موضوعنا ؟؟؟
قلت له : بص بقى أنت لو معاك مجموعة أسهم لشركة بيتخسر يا ترى هتعرف تبيعهم وتحولهم إلى فلوس بسرعة عالية أم منخفضة ؟؟؟
رد قال : بصعوبة ومين هيشترى أسهم بتقل قيمتها يعنى بسرعة منخفضة
قلت له : يعنى بسرعة منخفضة = يعنى سيولة منخفضة أما فى الفوركس فأنت دائماً قادر على بيع ما تملك من عملات في الوقت الذي تراه مناسباً وستجد دائماً من يشتري منك قبل فوات الأوان وهذه ميزة تقلل المخاطرة التي قد تواجهها في الأسواق المالية الأخرى
قال لى : تصور أنا بدأت أحب الفوركس ده
قلت له : ولسـه فى حاجات تانية هتعشق بيها الفوركس
بس أنت خليك معايا هتعرف وتفهم وتتعلم وتجرب وتكسب إن شاء الله
- 26-08-2007, 08:46 PM #8
- 26-08-2007, 11:21 PM #9
رد: بوابة الحلوانى فى تبسيط مصطلحات الفوركس للمبتدئين
تسجيل حضور و متابعه يا اخى حلوانى
جزاك الله خير على كل ما تكتب
ودى و تقديرى
- 27-08-2007, 10:48 AM #10
رد: بوابة الحلوانى فى تبسيط مصطلحات الفوركس للمبتدئين
مووووووضوع رائع جدا واسلوب الطرح اروع
مشكوووووووووووووووور اخي العزيز
- 27-08-2007, 11:01 AM #11
رد: بوابة الحلوانى فى تبسيط مصطلحات الفوركس للمبتدئين
مشكور ومتابع معك
- 27-08-2007, 11:27 AM #12
رد: بوابة الحلوانى فى تبسيط مصطلحات الفوركس للمبتدئين
.
حلواني يعني كل حاجة منك حلوه
تسلم إيدك على الموضوع الشيق والمفيد
- 27-08-2007, 03:06 PM #13
رد: بوابة الحلوانى فى تبسيط مصطلحات الفوركس للمبتدئين
مشكور يا حلواني ولو اني عندي اسئله كثيره بخصوص برنامج التداول
fxcm ومصطلحاته هل تاذن لي بالسؤال ام انتظر لحينها؟؟؟
- 27-08-2007, 06:35 PM #14
- 27-08-2007, 06:37 PM #15
المواضيع المتشابهه
-
من أسرار الفوركس: لا ثوابت
By أبو عبد الله in forum سوق تداول العملات الأجنبية والسلع والنفط والمعادنمشاركات: 39آخر مشاركة: 27-04-2008, 02:09 PM -
مصطلحات فوركس هامة للمبتدئين والمحترفين
By ahmed000 in forum استفسارات وأسئلة المبتدئينمشاركات: 14آخر مشاركة: 13-04-2006, 12:37 PM -
مصطلحات فوركس هامة للمبتدئين والمحترفين
By ahmed000 in forum سوق تداول العملات الأجنبية والسلع والنفط والمعادنمشاركات: 14آخر مشاركة: 13-04-2006, 12:37 PM -
مصطلحات للمبتدئين
By 007 in forum سوق تداول العملات الأجنبية والسلع والنفط والمعادنمشاركات: 2آخر مشاركة: 21-06-2005, 12:19 AM