بوابة الحلوانى فى تبسيط مصطلحات الفوركس للمبتدئين

[إبراهيم الســــويفي]

فين حلوياتك يا حلواني؟؟؟؟؟؟؟؟؟؟؟؟؟؟

[el7alwany]

السلام عليكم ورحمه الله وبركاته

أسلوب رائع وأكثر من رائع

أستمر وفقك الله

وأنا راكب معاك

شكرا أخى albraq2000 على مشاركتك الرائعة

وشرف لى ركوبك معنا

[el7alwany]

تسلم يا حلواني بيه
اسلوب مميز فعلا لطرح الموضوع

فين حلوياتك يا حلواني؟؟؟؟؟؟؟؟؟؟؟؟؟؟

شكرا أخى الحبيب هيما

ونضيف حالا الجديد

[el7alwany]

سألنى صديقى وقال : بس أنا بسمع كلمة كروسات ؟؟ يا ترى ده عملة ؟؟
قلت : بص يا عم اصل العملات مش زى بعضها فى السوق
قال : مش زى بعضها !!! إزاى ده ؟؟؟
قلت له : مستغرب ليه مش إحنا بنقول الناس مقامات أهوه كمان العملات مقامات
بص يا سيدى فيه 3 أنواع من أزواج العملات
قام وقال : إيه !! أزواج إيه ؟؟؟!!
قلت له : أصل إحنا فى عالم الفوركس بتعامل بأزواج العملات وليس كل عملة لوحدها
فمعنى زوج عملة ( pairs ) يقصد بها إنك تشترى عملة بعملة تانية فمثلا تشترى الدولار و تبيع اليورو أو مثلا لما بتروح أى شركة صرافة بيتغير الجنيهات بالدولات معناها إنك بيعت الجنيهات وإشتريت بدلا منهم دولارت ياترى مفهومة ؟؟
قال : مفهومة ونص كمان بس ايه هم ال3 أنواع ؟؟؟
قلت : بص سوق الفوركس فيه 4 فتوات أقوياء وهم :
الين JPY + اليورو EUR +الباوند GBP+الفرنك السويسري CHF
حلو الكلام ركز معاى
قال لى : حلو اوى وبعدين ؟؟
قلت له : عندك نوعين من الأزواج فيهم حبيبك الدولار الأمريكى
النوع الأول : الدولار الأمريكى مع الفتوات الأربعة اللى قولنا عليهم حالا ويبقى شكل الأزواج كده وهما 4 أزواج بس احفظهم معاى :
1- دولار-ين USD-JPY
2- يورو-دولار EUR-USD
3- باوند-دولار GBP-USD
4- دولار-فرنك USD-CHF

عارف بقى اسمه ايه النوع الأول ده ؟؟
قال لى : ايه ؟؟
قلت له : الأزواج الرئيسية (Majors)
قال صديقى : هوه بقى ده معنى Majors ده بقى سهل ومفهوم اوى
قلت له : بس أنت خليك معايا هتعرف وتفهم وتتعلم وتجرب وتكسب إن شاء الله

[el7alwany]

سالنى صديقى : طب النوع التانى اللى مع الدولار الأمريكى؟؟

قلت له : ده بيكون لما يكون الدولار الأمريكى مع عملات ثانوية غير الأربع فتوات

اللى قولنهم و النوع الثانى 3 أزواج :

1- دولار أسترالي-دولار أمريكي AUD-USD
2- -دولار نيوزلندي-دولار أمريكي NZD-USD
3- دولار أمريكي-دولار كندي USD-CAD

سالنى : طب ده أسمه ايه ؟؟

قلت له : الأزواج الثانوية أو ما يعرف بتقاطعات الدولار (Minors)

قال لى : يعنى ده مش الكورسات برضه ؟؟

قلت له : هى ده النوع الثالث وهى الأزواج المتقاطعة أو المتعارضة (Crosses)
وفكرين الأربع فتوات أو العملات الرئيسية دول لما بيكونوا مع بعض يكونوا الكروسات وخللى بالك دول مش ممكن يدخل فيهم الدولار الأمريكى

ودول (6) أزواج فقط وهي:

1- يورو-ين EUR-JPY
2- -يورو-باوند EUR-GBP
3- يورو-فرنك EUR-CHF
4- باوند-فرنك GBP-CHF
5- باوند-ين GBP-JPY
6- فرنك-ين CHF-JPY

مفهوم يا صديقى

قال : مفهوم جدا جدا

قلت له : بس أنت خليك معايا هتعرف وتفهم وتتعلم وتجرب وتكسب إن شاء الله

[islamunis]

موضوع شيق جداااااااااااا