طريقة مربحة جدا واحنا عارفينها بس مش بنستخدمها

[شريف علي]

انا مقدر كلامك وفاهم مقصودك جدا بص انا عايز اقولك إيه
دلوقتي انا عامل بروفيت سبع نقط مع سبريد ثلاثة نقط يعني انا عايز السعر يتحرك في اتجاهي عشر نقاط
قصاد العشر نقاط اللي انا محتاجهم عشان اكسب سبعة انا هعمل حاجة من الآتي
اولا: محطش ستوب لوس مطلقا ومش سايبه لغاية ما يجيب العشر نقط دول
ثانيا: احط ستوب لوس كبير مية نقطة ولا حاجة تحسبا للظروف والحوادث الطارئة
ثالثا: احط ستوب لوس متوسط تلاثين نقطة او عشرين
رابعا: احط ستوب لوس سبع نقط زي المكسب

في الحالة الأولى واللي مش كتير من الناس بيستعملوها بس مازال فيه بيحصل الآتي
صفقات كتير بتفضل مفتوحة معاهم بالأيام ووقت كتير ضايع وفي النهاية بيحققوا السبع نقاط اللي هم عايزنهم. ولكن بعد ييجي كده سنة ولا اتنين من تجارتهم في الفوركس بيحصل معاهم انهم دخلوا في منطقة تغير اتجاه تاريخي وده وارد جدا هم شايفين الترند العام صعود مثلا وهم داخلين بهدف سبعة شراء قام السعر مغير تغيير تاريخي في اتجاه العملة وصار هبوط ومشافوش السعر ده تاني وكان قدامهم حل من اتنين يا يصفروا حساباتهم كلها يا اما يقفلوا اضطراري ويخسروا كل اللي عملوه قبل كده....ده بالنسبة للأولانيين ودول دايما تلاقيهم يظهروا في فترات التذبذب ويقولوا لا للستوب لوس لا للستوب لوس لغاية ما السعر ياخد اتجاه جامد متسمعلهومش حس تاني....

واما ثانيا مسألة الستوب لوس كبير فهي قريبة من الأولى ولكن بدون تصفير الحساب يعني انت داخل شراء مثلا قام السعر نزل عشرين نقطة وانت مستني فضل ثابت على سالب عشرين فترة لغاية ما جه اعلان او خبر راح منزله الثمانين الفاضلين رحت خسران مية نقطة يعني شغل شهر تقريبا في يوم واحد

وأما ثالثا ورابعا وهم الأقرب للواقع تأتي هنا نظرية الإحتمالات
في رابعا: السعر يا يتحرك في اتجاهك عشرة وتكسب سبعة يا يتحرك في عكس اتجاهك سبعة وتخسر عشرة يعني لو اتحرك السعر في اتجاهك ثلاث مرات انت كسبت واحد وعشرين ولو اتحرك في عكس اتجاهمك مرتين انت خسرت عشرين خلي بالك من دي كويس اوي
يعني نسبة 3 مكسب : 2 خسارة كده يبقى انت ولا بتكسب ولا بتخسر يعني انت محتاج نسبة اكبر من كده عشان تبقى بتكسب
هتقولي مؤشرات هقولك المؤشرات دي وهم كبير الناس عايشاه حاجة كده يرموا عليها خسارتهم
يقولوا مش زنبنا المؤشر هو اللي قال كده
المؤشر ده تابع للسعر الناس بتقول كلمة تابع للسعر دي ومش فاهمين او على الأقل مش عايزين يفهموا يعني إيه تابع للسعر يعني ملوش لازمة
ما علينا مش هنطول في موضوع المؤشرات دي
وأما ثالثا: وهو الستوب لوس المتوسط وده اعتقد افضلهم بس مازال انت محتاج السعر يتحرك عشر نقط في اتجاهك عشان تكسب سبع نقط وده يحصل خمس ست مرات من غير ما يتحرك عكس اتجاهك ثلاثين نقطة مرة واحدة وده طبعا صعب بدرجة كبيرة جدا جدا لا تتخيلها
كفاية كده كلام انا ايديا وجعتني

[شريف علي]

معلش يا سوهاجي انا مش قصدي اعقدك ولا اصعبها امامك ربنا يوفقني ويوفقك عموما بس انا فعلا بقولك الواقع المر
فوركس دي طربيزة واحدة لو واحد بيكسب يبقى في واحد قصاده بيخسر بس اللي ما بيخسرش هو البروكر يعني انا اشتريت منك انت كسبت سبعة وانا خسرت سبعة واحنا اللي اتنين دفعنا ثلاثة للبروكر

[شريف علي]

نقطة اخيرة
انا افترضت ثلاثة اسبريد وده من اقل السبريد المتاح طبعا في أقل بس الشركات اللي بتوفر اقل من ثلاثة عيوبها غالبا بتبقى كتير

[السوهاجى]

يا شريف انتا ليه بتتكلم عن الأهداف وكأنها صعب انها تتحقق

اللى انا بقوله سبعة + سبريد ت3 = عشرة من نقطة الدخول

اعتقد لو اى حد فينا فى يومه العادى بيبقى هدفه اكتر من كدة فى العملية الواحدة من تلت او اربع عمليات فى اليوم .

اما موضوع االاستوب لوس . اذا انتا قلت ان الاستوب لوس اربعين ممكن ندخل فى منطقة وميعديش عليها تانى دا فعلا بيحصل احينا بس مش مع اللى بيركز للدخول فى عملية واحدة فى الاربعة وعشرين ساعة .

احنا بندخل عمليات كتير منها المتأكدين منها مية فى المية ومنها السبعين فى المية

لكن انتا عندك اربعة وعشرين ساعة مطالب منك انك تحصل على سبع نقاط بس

يبقى اكيد هتدور على مستوى قوى تاخد من عنده الثفقة وتتحقق بعد ساعتين ولا تلاتة ولا حتى اربعة بالكتير . طالما من مستوى قوى مفيش قلق .

غير كدة مش لازم ندخل اول ساعة فى السوق . مفيش داعى للاستعجال طالما ان هدفك عملية واحدة . وكمان هيكون التركيز على زوج معين وندرسه ونعرف الاخبار الخاصة به امتى بظبط . وعند الاخبار مفيش داعى لفتح الثفقة .

وانا بجد سعيد جدا بالمناقشة الطيبة دى اكيد هنوصل لحاجة فى الآخر بس مش عارف ليه انا حاسس انك مش متفائل اوى مع انى بقولك ان هدفك اليومى سبعة مش تلتين او اربعين .

غير كدة اعتقد من المستحيل لو اتبعنا الشروط دا او من النادر جدا عشن كلمة مستحيل يعنى قوية شوية . من النادر جدا انك تخسر ثفقة هدفها سبعة وتكون مركز فيها اليوم كله بالكامل وتاخدها من مستوى قوى .

ولاحظ انى مش بقولك اقفل حسابك واشتغل بالطريقة دى . بس لو فعلا كلنا بدأنا سوا فى حساب على جمب هنعمل خطة تمام ويكون فى فريق عمل للسبع نقاط دى .

صدقنى يا شرف يمكن المبلغ كبير جدا او مبالغ فيه . بس الواحد لو استمر على اى من الطرق اللى بنشوفها فى المنتديات كل يوم مش ممكن فى خلال السنتين او لا تتعدى التلت سنين تعمل مبلغ زى دا

وغير كدة من الف دولار ودى تجربة طيبة واعتقد ان خطورتها مش كبيرة الى حد ما

ومستنى ردك وان شاء الله هنوصل لحاجة فى الآخر

[simpa2000f]

السلام عليكم ارفق لكم هذا الملف والذي يوضح طريق العمل وكيف اننا دبلنا رأس مالنا 5 مرات في 7 شهور ياريت الأخوة الموجدين معانا يهتموا بالموضوع حيث انني عندما عملت هذا الجدول قلت لنفسي لماذا لا أعمل بهذه الطريقة وهي سهلة جدا على ما أعتقد . ولكم جزيل الشكر

[شريف علي]

يا سوهاجي إيدي على كتفك نلاقي طريقة تضمن اي عدد من النقاط سبعة عشرة اي حاجة بس المشكلة ان نسبة مكاسبها تبقى اكبر من خسايرها على مدى طويل
انت عارف فيه مشكة كبيرة الناس مش واخده بالها منها تانية
الإستراتيجية من دول بتكون صالحة للعمل لفترة ما ستة اشهر او شيء وبعد ذلك تفقد قدرتها على الإنجاب عشان كده تقريبا في اي منتدى نادرا ما تلاقي ورشة مستمرة لأكثر من سنة كله حديث في حديث
مفيش مشكلة بس انت عارف المشكلة فين ان الواحد بيمسك في استراتجية ويكسب منها شوية وبعدين تبدا الإستراتيجية تخسر معاه يقوم يقول مستحيل دي استراتيجية مربحة جدا انا هصبر عليها وهي عماله تخسره لغاية ما يخسر كل اللي كسبه وزياده شوية يبدأ يدور على استراتيجية تانية انا فعلا كنت وصلت لكذا طريقة عمل ولكن هذه الطرق فقدت قدرتها مع تبدل احوال السوق واللي كان بيكسب صار بيخسر وهكذا المشكلة كلها تبدأ منين وتقف فين هنا تكمن المشكلة
انا مبسوط جدا من تفاؤلك ده وعلى العموم يا ريت نوصل لحاجة قبل ما اعتزل

[شريف علي]

وفي نقطة مهمة برده كتير مش واخد باله منها ان اللي يخسر خمسين في المية من حسابه محتاج مية في المية من اللي فاضل عشان يرجع للصفر والمهمة بتبقى عليه اصعب والنفسية متدمرة اكتر

[شريف علي]

انت عارف انا شوفت في المنام انهارده حاجات غريبة كده يمكن يكون فيه تغيير على إيدك شد حيلك

[eg_falcon]

مجهود مشكور اخ سوهاجي بس انا شايف ان الكلام ده كلام عقلاني جدا و يمكن استنتاجه بسهولة من غير جداول و لا حاجة و ان المشكلة في الطريقة الي تجيب ال 7 نقاط و لا حتى 3 نقاط يوميا و بدون خسارة فارى ان نجتهد اولا لتحقيق ال7 نقاط اليومية بدون خسارة لمدة طويلة و بعد كده كل حاجه تبقى سهلة مش كده ولا ايه

[السوهاجى]

يا سوهاجي إيدي على كتفك نلاقي طريقة تضمن اي عدد من النقاط سبعة عشرة اي حاجة بس المشكلة ان نسبة مكاسبها تبقى اكبر من خسايرها على مدى طويل
انت عارف فيه مشكة كبيرة الناس مش واخده بالها منها تانية
الإستراتيجية من دول بتكون صالحة للعمل لفترة ما ستة اشهر او شيء وبعد ذلك تفقد قدرتها على الإنجاب عشان كده تقريبا في اي منتدى نادرا ما تلاقي ورشة مستمرة لأكثر من سنة كله حديث في حديث
مفيش مشكلة بس انت عارف المشكلة فين ان الواحد بيمسك في استراتجية ويكسب منها شوية وبعدين تبدا الإستراتيجية تخسر معاه يقوم يقول مستحيل دي استراتيجية مربحة جدا انا هصبر عليها وهي عماله تخسره لغاية ما يخسر كل اللي كسبه وزياده شوية يبدأ يدور على استراتيجية تانية انا فعلا كنت وصلت لكذا طريقة عمل ولكن هذه الطرق فقدت قدرتها مع تبدل احوال السوق واللي كان بيكسب صار بيخسر وهكذا المشكلة كلها تبدأ منين وتقف فين هنا تكمن المشكلة
انا مبسوط جدا من تفاؤلك ده وعلى العموم يا ريت نوصل لحاجة قبل ما اعتزل

يا شريف

استراتيجية والكلام دا سيبك من كلمة استراتيجية عشان فقدت معناها من كثرة الاستراتيجيات الفاشلة او اللى بتنجح لفترة وبعدين تفشل

بس اللى عايز اقوله ليك ان سبع نقط نقدر نجيبها من غير استراتيجية

يعنى لو اعتمدنا على الكاميرالا مثلا هنقدر نحقق الهدف اليومى بتاعنا

لو على البايفوت برده او على اى تقاطع موفينج افيرج وممكن نستخدم مثلا خط الخمسين على النص ساعة

او فى خطوط تانية كتير غير الترند المكسور او الوما

كل دا بيجيله اكتر من فرصة فى اليوم لتحقيق هدف اكبر من سبعة . بالتالى احنا هنشوف انسب فرصة من دول او اقوى فرصة متأكد باكثر من مؤشر وندخل ونشوف خطوط الماكد وكمان البولينجر كل دى مؤشرات نقدر نحدد بيها مستوى السعر فين دلوقت وناوى على ايه .

ومش مضطرين ان احنا نتسرع وندخل على اى فرصة نشوفها . بالعكس احنا هندخل على اقوى فرصة نشوفها فى الاربعة والعشرين ساعة للحصول على عملية واحدة من زوج واحد


اما بخصوص تشكيل الفريق اللى هيستمر طول الفترة دى .

دى حاجة مش بايدينا تلت سنين فترة طويلة للتواصل بينا وبين بعضينا . بس لو قدرنا نحقق دا لمدة سنة واحدة اعتقد الامور هتختلف بعد كدة . لان لو افتكرت فى الجدول مكتوب بعد اربع شهور من طريقة السلم والتعبان يعنى بعد 16 شهر بطريقتنا نقدر نعمل تسعين الف دولار . وناخد اربعين ونكمل بخمسين . ووقتها اللى عايز يكتفى يبقى تمام واللى عايز ياخد التسعين ويفتح بيهم حسابات تانية مفيش مشاكل .

[السوهاجى]

عشان كدة محتاجين اراء الاخوة فى المنتدى ايه هى احسن طريقة لكسب سبع نقاط فى اليوم وايه هو افضل وقت فى اليوم كله .

طبعا فى استراجيات كتير وطرق كتير جدا وسبع نقط ممكن من نحصل عليها من الفيبو او حتى رسمنا للترند بخلاف استخدامنا للموفينج افيرج والكاميرلا او البايفوت من خلال مناطق الاكثر قوة او الاكثر دعم

وتذكروا ان الخطة عبارة عن سبع نقاط فقط فى اليوم عشان كدة مش محتاجين نركز غير فى عملة واحدة وكمان عملية واحدة بس فى اليوم كلها .

ومنتظر آراكم اللى هتقودنا لأفضل وسيلة .

وخالص تحياتى وتقديرى ليكوا كلكوا

[السوهاجى]

السلام عليكم ارفق لكم هذا الملف والذي يوضح طريق العمل وكيف اننا دبلنا رأس مالنا 5 مرات في 7 شهور ياريت الأخوة الموجدين معانا يهتموا بالموضوع حيث انني عندما عملت هذا الجدول قلت لنفسي لماذا لا أعمل بهذه الطريقة وهي سهلة جدا على ما أعتقد . ولكم جزيل الشكر

سمبا اشكرك على جهودك

بس الفترة الاول عندنا عبارة عن 16 شهر كما ان اللوت المستخدم نفسه هو هو الجدول اللى انا رفقته وهو عبارة عن صورتين من طريقة السلم والتعبان

يعنى انا هرفق لك ملف بيه طريقة السلم والثعبان وما عليك غير انك تمشى على نفس المنهج بس طبعا بنضرب فى اربعة يعنى اللى يعمله هو فى اسبوع نعمله احنا فى شهر

وانا بشكرك مرة تانية على تعبك ومشاركاتك معانا .. خالص تحياتى لك

[السوهاجى]

حمله عندك يا سمبا واعمل لنا الملف الجديد اللى يعتمد على ضرب المدة كلها فى اربعة

الأسبوع بشهر عندنا

واشكرك

[العزازى]

الأخ العزيز السوهاجي و كل الاخوه الكرام
السلام عليكم و رحمة الله و بركاته
أولاً أشكرك جزيل الشكر على موضوعك القيم, و الله لكأنك تقرأ أفكاري, فأنا من أشد المناصرين لفكرة الأرباح التراكميه و مؤمن بيها جداً و عندي اصرار شديد اني أقدر أعمل منها حاجه ان شاء الله, و بافكر في الموضوع ده من فتره طويله جداً, و كنت فعلاً عايز أنزل موضوع أتكلم فيه عن الموضوع ده "على الرغم انه اتكلم فيه ناس كتير و لكن لكل شخص وجهة نظر من حقه طرحها بالاضافه ان ممكن فكره واحده اضافيه تكون حل لمشكله توقف من يفكر في بدأ هكذا مشروع" و لكن لعدم اكتمال الفكره عندي بشكل كامل للطرح فكنت هاكتب الموضوع بعد فتره طويله, لما أوصل لحل متكامل ليه و أكون فعلاً ابتديت أجني منه أي ثمار و هو ما لم يحدث بعد.
فاليكم بعض أفكاري و معلوماتي لعل و عسى تفيد ان شاء الله.

1- فكرة الأرباح التراكميه عن طريق السكالبنج هي الطريقه الوحيده اللي أعرفها لحد الآن التي تمكنك من تحقيق مبلغ كبير من مبلغ متواضع في فترة قصيرة نسبياً, و لكنها تحتاج لحرفيه عاليه و فهم كامل و دقيق للمفاهيم الأساسيه للتعامل مع الحساب زي المارجن المستخدم و المارجن المتاح و خلافه, بالاضافه للفهم الكامل و الدقيق أيضاً للتعامل مع البلاتفورم بتاع شركة الوساطه بتاعتك, و صدقوني فيه ناس كتير جداً ممكن يكون من أسباب خسارتهم انه مش فاهم الكلام ده كما يجب و بتحصل كتير ان ناس قديمه حتى في الفوركس بيبقى واقع منه معلومات عن الكلام البسيط ده.

2- فيه شركات لا تمنع السكالبنج على مطلقه يعني اعمل اللي انت عايزه بدون قيد أو شرط, و فيه شركات بتحطله شروط معينه بناء على طريقة متاجرتك يعني تزود السبريد عليك و ما شابه, و في شركات بتمنعه مطلقاً, و رأيي أنا الشخصي في الموضوع ده ان لا تتعامل أبداً بطريقة السكالبنج مع شركه تحطلك و لو شرط واحد لتعاملك بطريقة السكالبنج علشان باحس ان ممكن يبقى فيها لعب بأي شكل, أنا باتعامل مع اف اكس سول و ماعندهمش أي مشكله و لا شرط واحد انك تشتغل بالسكالبنج و لو هاتقفل على ربح نقطه واحده و ده على حد علمي و الله أعلم, و انا مستريح عموماً مع الشركه دي و معنديش أي شكوى منهم الى الآن و الحمد لله, و مرفق وصله لموقع كان وضعه الأخ العزيز وليد الحلو بيتكلم عن استراتيجيات كتير و كان فيه جزء بيتكلم عن السكالبنج بالتفصيل نوعاً ما و منها ان صاحب الموقع أرسل لشركات كتير بيسأل سؤال واضح عن مواقفهم بالنسبه للسكالبنج ونشر ردودهم حسب ما وصله منهم, و الموقع هو:
http://forex-strategies-revealed.com/
و طبعاً اللي عايز يستزيد يدور عن معلومات تانيه في النت.

3- السكالبنج يضطرك للتعامل مع الأزواج ذات السبريد المنخفض, و لكن برضه هذه العباره في رأيي ليست صحيحه على وجه التعميم, بمعنى ممكن واحد يكون بيعرف يتعامل مع زوج معين و بيفهم فيه زي الباوند ين مثلاً و يعرف بكل سهوله يجيب منه 10 نقاط مثلاً, و لكن الفكره ان الشركه واخده قصادهم 9 نقاط سبريد "زي اف اكس سول", بالاضافه ان زوج زي ده حركته قويه و ممكن يبقى فيها مفاجآت أحياناً تخسرك كتير جداً جداً مثلاً لو مش حاطط ستوب, فمحتاج برضه و احد محترفه و فاهمه, يعني الخلاصه:
اشتغل مع الأزواج اللي تريحك, المهم تكون فاهمها, و لكن لو هدفك 5 نقاط مثلاً أو أقل اشتغل مع الأزواج اللي السبريد بتاعها قليل و ده رأيي الشخصي.

4- لما ربنا يكرمنا و نبقى بنشتغل بحسابات كبيره ان شاء الله, فيه شركات السبريد عندهم قليل جداً و يكاد يصل لصفر في بعض الأزواج, و كمان لا يمنعوا السكالبنج, و لكن شركات زي دي محتاجه أحياناً حساب لا يقل عن 50 ألف دولار, و لكن سبريد قليل مع رأس مال كبير ده يبقى كلام جميل
مثال شركة دوكاسكوبي و موقعهم هو:
http://www.dukascopy.com/
ملحوظه: أنا معرفش الشركه دي و ماتعاملتش معاها, أنا بس سمعت عنها, و ذكرتها فقط كنوع من الحافز للناس اللي بتحب تخطط لأهدافها و لو كانت بعيده انه يبقى عندهم حساب فيها في يوم من الأيام.

5- أنا فكرت اني أشتغل بالسكالبنج لنفس السبب اللي أخونا السوهاجي قاله ان طالما هدفك كبير في الصفقه الواحده فده صعب التحقيق على طول الخط لان السوق مش بتاعك و مليان مفاجآت, حتى لو حد عارضني في كده و لكن ده رأيي و أنا مؤمن بيه.

6- فكر انك تقسم هدفك على صفقتين مثلاً لو لقيت ان حتى7 أو 10 نقاك مش مضمونه دائماً, يعني لو هدفك 10 يبقى على صفقتين كل واحده 5 نقاط.

7- ما زالت مشكلة السكالبنج هي في مقدار الستوب, علشان أنا شايف لحد الآن انك مش هاتعرف تطبق عليه قواعد ادارة رأس المال المتبعه , و لكن رأيي انه عادي ان الستوب يبقى أكتر من الهدف لو عندك طريقه بتكسبك أكتر بكتير ما بتخسرك و هو المطلوب لو انت شغال اسكالبنج بطريقة الأرباح التراكميه, و رأيي انه مايبقاش ستوب كبير و لا يزيد عن 20 بأي حال.

8- الفوركس التزام و متابعه, لو عايز تشتغل بطريقه زي دي لازم متابعة السوق اليوميه, وفيه آراء تقولك حقق هدفك اليومي و اقفل جهازك و قوم, أنا رأيي ان ده غلط لو السوق في اليوم ده كويس, ليه ما تحققش هدف كذا يوم في يوم واحد لو انت فايق و ذهنك صافي, لأن وارد جداً تعدي عليك أيام تبقى عايز تشد في شعرك فيها و تقوم داخل أي صفقه و خلاص و تخسر لمجرد ان بقالك 10 ساعات قدام الشاشه و محتاج تحقق هدفك اليومي.

9- اوعى تشتغل تحت ضغط انك محتاج فلوس و لازم تدخل صفقات, خليه حافز مش ضغط, خليك هادي دايماً.

10- لو عندك صفقه و اضحه ما تترددش, علشان السكاللبنج محتاج سرعه في اتخاذ القرار.

11- بالنسبه للطريقه اللي أعكف على دراستها فهي الدايفرجنس ببساطه, يا جماعه الدايفرجنس ده قوي جداً و على أي فريم و حرام الواحد ما يحطوش في اعتباره "أنا عن نفسي باعمل كده", مافيش طريقه محدده حالياً غير انك تفهم الدايفرجنس كويس جداً و لفترات طويله من الباك تيست و الفوروارد تيست طبعا, فيه مؤشرات كتير ممكن تطبق عليها الدايفرجنس و لكن رأيي الشخصي ببساطه جربهم كلهم واختار واحد منهم تكون مستريح معاه, و واحد فقط علشان تركز معاه كويس و تحفظه, أنا عن نفسي باعمل كده, بالنسبه للمؤشر اللي باستخدمه هو الستوكاستيك و باعداداته الافتراضيه و كل الفريمات حتى ال 5 دقائق. اللي عايز يطلع حاجه من الدايفرجنس لازم يحترفه زيه زي أي حاجه في الدنيا.


الحمد لله الذي وفقني لكتابة ما يجول بخاطري عن هذا الموضوع علشان كتابتي في العربي بطيئه جداً بالاضافه لضيق وقتي الشديد, سأحاول المتابعه ان شاء الله على قد ما أقدر و ان لم أستطع فاعذروني, و الله يوفقنا جميعاً لما يحب و يرضى.

[YamedoA]

اخى الكريم
السلام عليكم ورحمه الله

فكرة جيده ولها حل بإذن الله لكن مع الفوركس الكلام اللى انت تقوله غير واقعى اطلاقا "وجهه نظر"

الفوركس سوق سريع ومتقلب ويجعل الناس سريعه ومتقلبه المزاج معه وبالتالى قصه انى احصل على 7 نقاط واخرج هذه والله انها لمن رابع المستحيلات ان تحدث حتى معك انت صاحب الفكرة

ليه ...!!!!

انا بس عاوزك تجرب انت لوحدك لمده شهر على حساب ديمو كل يوم تجلس امام الشاشه تنتظر فرصتك وتدقق فى الشارت حتى تصطادها ثم تقفل الشاشه وتقول الحمدلله وتقول وداعا ياشاشه واراكى غدا .... هذا مستحيل


ولذلك اذا كنت فعلا تريد فكرة غير تقليديه ولم يسبق ان قام بها احد ..وفعلا هاتكون ناجحه ... طب وبما انك شغلت تفكيرك فى انك تحسب 7 نقاط وتصل بيهم بعد سنتين للمليون ... فى حين انك نظريا برضو ممكن تفكر تعمل هذا المليون فى خلال 4 أشهر فقط ..!! من الف دولار فقط .. مين ..ايه ؟؟

شوف ياسيدى الفاضل ولأن الجدول الخاص بى غير موجود عندى الان الا انه مبدأيا لو فكرت فى تحصيل متوسط 50 نقطه يوميا وبالنظام التراكمى مع الإلتزام الشديد ستحصل فى نهايه المطاف على مليون دولار خلال فترة وجيزة وبما انك فكرت فى ال7 نقاط نظريا وقلت انه وارد حدوثها فلماذا لاتفكر فى 50 نقطه وتقول انه وارد حدوثها بنسبه كبيرة وبمخاطرة اقل ؟؟

الإلتزام الإلتزام الإلتزام

طيب هل هناك طريقه تعطى متوسط 50 نقطه فى اليوم ؟؟؟

نعم هناك ..سنمشى فى اتجاهين لحل المشكله الإتجاه الأول ان تكون طريقه تعطى فرصا بمعدل ريشيو منخفض جدا يعنى مثلا هدف 150 وستوب 50 نقطه لتجد نفسك اخر الشهر متوسط ماحصلت عليها أكثر من 50 نقطه فى الشهر بقسمه اجمالى النقاط على 22 يوم تداول

والإتجاه الثانى من وجهه نظرى هو فريمى الخمس دقائق والدقيقه ..

هذين الفريمين ومايسمى بالأسكالبنج والذى مع احترامى ..قد لايعرف الكثير من الناس كيف يتم ذلك وماهى المخاطرة وكيف تتم وكيف يكون الأستوب ..!! تسؤلات تدور فى ذهن الكثيرين

طبعا طريقه الإسكالبنج ياإخوانى تعتمد فى الأساس على نظام الفريضيات
فرض ان يحقق المراد
فرض ان يعكس ضدك

طيب وماذا نفعل فى كل فرض
فى الفرض الأول خلاص هايحقق الهدف وأبدأ ابحث عن غيرها وهكذا

طب والفرض الثاااااااااااااانى ؟
وهو ان السعر يعكس ضدك ودا وارد وانت راجل هدفك 10 نقاط او 5 او 15 او 20 على حسب كل عمليه فهى ليست ثابته وهى كحرب الإستنزاف ...

طبعا انا بفضل الله امتلك طريقتين للتعامل مع عكس السعر ضدك
الأولى.. ولكنها صعبه جدا لأنها تعتمد على التعزيز من اول فرصه قادمه وبشرط ان لايتعدى الإنعكاس معى ال20-30 نقطه الدخول هنا بمارجن 2.5% لكل عمليه ولكن العمليات هاتكون كثيرة وهاتحقق مكاسب كبيرة نهايه المطاف

الثانيه وهى ان يكون الهدف 20 نقطه والأستوب ايضا 15-الى20 نقطه الدخول هنا قد يصل الى 10% من رأس المال لكل عمليه لأنك حاطط استوب ومريح اعصابك

انا مش هاقدر استفيض فى شرح الفنيات لأنى هاستفيض فيها بإذن الله فى موضوع "مؤشرى الخاص هديه لروح شيخنا ^^الوافى^^ "
وبإذن الله هاشرح طريقه للإسكالبنج وخطه مش هاتخرر الميه وهى مناسبه جدا جدا مع ادارة المخاطر
.وأخيرا .. وليس أخرا اننا نستنتج من الكلام اعلاه انه اذا اردت سكالبنج فيجب ان تكون كالسوق لأنك ستدخل حرب معه "حرب الإستنزاف " تصحى كل يوم تقوم ببعض عمليات الإستنزاف وتحقق أهدافك وإما تصاب لمده يوم او يومين ومن ثم تعود وبقوه شديده جدا جدا وتكون انت ضحكت على السوق
تقبل ودى،