طريقة مربحة جدا واحنا عارفينها بس مش بنستخدمها

[HAMEED]

ملحوظه صغيره .. ايام التداول الفعاله .. 5 ايام فقط اسبوعيا ... علي حد علمي

[xpnet]

اولا شكرا على الموضوع وعلى التذكرة بموضوع الارباح التراكمية
بس مع احترامى الشيد فان الاستراتجية الى تجبلى 7 نقط فى اليوم مضمونة
ودى اهم نقطة فى الارباح التراكمية ؟؟؟؟
انا معايا فكرة الارباح التراكمية .. لكن بدون استراتجية ناجحة ؟؟؟ لن يتحقق اى شئ
تقبل ودى

[فهد الكويت]

مشكور على الموضوع والى الامام

[السوهاجى]

الفكرة جيدة لكن عملية وضع استب 40 نقطة غير منطقية , لانه اذا كسر ترند الزوج او كان هناك خبر ما او حتى تحرك الزوج بشكل مفاجئ اربعين نقطة عكس الصفقة (وهي امور واردة) ولو بنسبة صفقة من كل ست صفقات فالنتيجة ستكون ربح 42 نقطة وخسارة 40 نقطة , وبالتالي عدم تحقيق الفكرة المطلوبة
الفكرة جيدة ولكن تحتاج ايجاد حل او طريقة اخرى اضمن وقابلة للتحقيق
وشكرا لك على طرح الموضوع

G-M

بالنسبة لاربعين نقطة خسارة . من الصعب جدا انك تدخل فى ثفقة عكس الاتجاه وانت هدفك سبع نقاط فى اليوم .

تدخل فى عكس الاتجاه لما تكون مركز فى خمس ازواج . وكمان لما تكون عايز تعمل تلتين نقطة فى الثفقة الواحدة وانتا عايز تعمل اربع ثفقات فى اليوم .

وغير كدة ايه اللى يدخلنا فى وقت فيه اخبار طالما احنا عاييزين سبع نقاط بس


انسب وقت لو دخلت فيه تحصل السبع نقاط + 3 سبريد بيكون يا اما فى بداية اليوم تقريبا على الساعة اتنين الصبح او مثلا عند تسعة الصبح .

وطبعا احنا هنتفق على انسب طريقة نحقق بيها السبع نقط بس الاول نشوف باقى الأراء عشان نبدأ صح

ومش مضطرين للتسرع فى اى ثفقة طالما احنا هدفنا بس سبعة يوميا .

طالما هندخل فى وقت مفهوش اخبار - ويفضل الدخول يكون عند المناطق القوية اللى ممكن ناخد من عندها سبع نقاط مرتاحين سواء حققناها فى ساعة او حتى اربع ساعات طالما الاستوب اربعين .

وياريت نشوف تعليقات اكثر واراء مختلفة عشان نعرف نوصل لحل فى الآخر ونفكر هنستخدم اى طريقة للحصول على هدفنا اليومى . بس زى ما قلت نشوف آراء الناس الاول وتعليقاتهم لان كل مشاركة فيها استفادة لينا والموضوع يكون على أكمل وجه

[السوهاجى]

ملحوظه صغيره .. ايام التداول الفعاله .. 5 ايام فقط اسبوعيا ... علي حد علمي

عزيزى حامد انا كتبت فى الموضوع الهدف خمسة وثلاثين نقطة اسبوعيا يعنى سبع نقاط كل يوم ( خمسة فى سبعة ) = خمسة وثلاثين اسبوعيا أى مية واربعين شهريا

[السوهاجى]

اولا شكرا على الموضوع وعلى التذكرة بموضوع الارباح التراكمية
بس مع احترامى الشيد فان الاستراتجية الى تجبلى 7 نقط فى اليوم مضمونة
ودى اهم نقطة فى الارباح التراكمية ؟؟؟؟
انا معايا فكرة الارباح التراكمية .. لكن بدون استراتجية ناجحة ؟؟؟ لن يتحقق اى شئ
تقبل ودى

اخويا اكس بى

فعلا الموضوع زى ما انتا قلت كدة تذكرة بموضوع الأرباح التراكمية مش اكتر بس نستغل فيها ان احنا يكون لينا هدف اقل من كل مرة جربنا فيها الأرباح التراكمية عشان تكون اسهل علينا بكتير وطبعا المدة هتزيد شوية بس ايه المشكة طالما المبلغ النهائى بيكون كبير جدا . يعنى مليون دولار وستمية الف على حسب الجدول فى 28 شهر اعتقد من كتير ابدا . مين يقدر يعمل مبلغ زى دا فى مدة زى كدة لو بيستخدم نظامه العادى انه يحصل على تلتين نقطة يوميا او اربعين وبعدهم بيوم يخسر سبعين .

اما عن موضوع الاستراتيجية اللى هتجيب السبع نقط فدى بسيطة بس الأول محتاجين نعرف اراء الناس فى كفكرة . وفى الآخر اكيد هنتفق على طريقة نحصل بيها على السبع نقط . وزى ما قلت من شوية ان الدخول للسوق هيكون عشان عملية واحدة فى اليوم مش عشان خمس عمليات فى اليوم . ومش محتاجين ندخل مع الاخبار . ندخل عند المناطق القوية ولما نحط استوب اربعين اعتقد صعبة شوية انه يضرب لما يكون الهدف سبع نقاط .

وبشكرك على تجاوبك فى الموضوع معانا وليك خالص تحياتى

[HAMEED]

تمام يا سوهاجي .. معلش مخدتش بالي

ولازلت متابع معاك .. ولكن برجاء توضيح خانات الجدول المرفق بالتفصيل

تحياتي يا غالي

ملحوظه .. HAMEED يعني حميد .. مش حامد

[السوهاجى]

مشكور على الموضوع والى الامام

بشكرك جدا على مروروك وتجاوبك فى الموضوع .

وإلى الأمام ان شاء الله

وفى الفترة دى نشوف بس اراء الناس فى المنتدى عشان نوصل لأسلوب جديد فى المتاجرة

وكل رأى هنشوفه بيتكتب فى الموضوع اكيد بيطور الفكرة وان شاء الله خير


وخالص تحياتى لك

[ashraf_gabr99]

انا معاك يا باشا و موافق تماما علي الطريقة.... اعتبرني واحد من الم}يدين ليك و العاملين تحت لواءك

[السوهاجى]

تمام يا سوهاجي .. معلش مخدتش بالي

ولازلت متابع معاك .. ولكن برجاء توضيح خانات الجدول المرفق بالتفصيل

تحياتي يا غالي

ملحوظه .. HAMEED يعني حميد .. مش حامد

اوكى يا حميدو

خانات الجدول اللى مرفق هنشتغل عليه وبنفس اللوت وكل شىء بس الجدول عبارة عن كل خط بالعرض يمثل أسبوع كامل . احنا كل خط بالعرض يمثل شهر

يعنى هنقعد شهر نستخدم اتنين لوت من المبلغ الرئيسى فى البداية وهو الف دولار

والشهر اللى بعده تلاتة لوت

وهكذا كل صف بالعرض يمثل شهر وليس اسبوع كما موضح فى طريقة السلم والثعبان

ياريت اكون وصلت لك الفكرة

[السوهاجى]

انا معاك يا باشا و موافق تماما علي الطريقة.... اعتبرني واحد من الم}يدين ليك و العاملين تحت لواءك

عزيزى اشرف

يسعدنى مرورك جدا وتجاوبك فى الموضوع


وان شاء الله قريب هنوصل للطريقة المستخدمة فى الهدف اليومى اللى هو سبع نقاط فقط بس منتظرين آراء وافكار باقى الأعضاء فى المنتدى لتقوية وتعزيز الفكرة

وتحياتى لك

[شريف علي]

انت عارف يا سوهاجي لو طريقة تضمنلك نقطة واحدة بس بعد السبريد طبعا تبقى طريقة خرافية عارف ليه ده برده صعب انا اقولك
اللي هيحصل الاتي انك هتكسب في طريقة نقطة واحدة مرات كتير جدا لآن انت عايز السعر يتكحرك في اتجاهك اربع نقط بس ثلاثة اسبريد زائد نقطة واحدة مكسب بس في مرة هتكون نقطة دخولك هتبقى هي آخر سكته في الإتجاه اللي انت مخطط ليه وياخد طريقة في اللإتجاه المعاكس وبالتالي تخسر كل اللي انت قعدت تعمله لمدة طويلة وزيادة كمان
الفوركس ده نسبتة واحد إلى واحد بالظبط يعني لو اخترت ألف نقطة عشوائية على مدار زوج معين وشوفت السعر اتحرك في انهي اتجاه وليكن 20 نقطة لفوق او 20 نقطة لتحت هتلاقي النسبة واحد إلى واحد وبالتالي هتلاقي نفسك في الآخر خسران الاسبريد
تحياتي

[شريف علي]

وده اللي بيخلي شركات السمسرة بتتعامل في الفوركس بقلب جامد

[السوهاجى]

انت عارف يا سوهاجي لو طريقة تضمنلك نقطة واحدة بس بعد السبريد طبعا تبقى طريقة خرافية عارف ليه ده برده صعب انا اقولك
اللي هيحصل الاتي انك هتكسب في طريقة نقطة واحدة مرات كتير جدا لآن انت عايز السعر يتكحرك في اتجاهك اربع نقط بس ثلاثة اسبريد زائد نقطة واحدة مكسب بس في مرة هتكون نقطة دخولك هتبقى هي آخر سكته في الإتجاه اللي انت مخطط ليه وياخد طريقة في اللإتجاه المعاكس وبالتالي تخسر كل اللي انت قعدت تعمله لمدة طويلة وزيادة كمان
الفوركس ده نسبتة واحد إلى واحد بالظبط يعني لو اخترت ألف نقطة عشوائية على مدار زوج معين وشوفت السعر اتحرك في انهي اتجاه وليكن 20 نقطة لفوق او 20 نقطة لتحت هتلاقي النسبة واحد إلى واحد وبالتالي هتلاقي نفسك في الآخر خسران الاسبريد
تحياتي

طبعا كلامك مظبوط

بس لو اتبعنا اللى بتقول عليه دا . يبقى نبطل فوركس طالما ان كل اللى بيلجأ ليها بيخسر فى النهاية .

بس القصد من الموضوع انك هتبدا من الف دولار . وبعدين الهدف سبعة

ياما استراتيجيات كتير اوى بتعتمد على اربعين او تلاتين نقطة وللأسف انك لما تشتغل حقيقى لمدة شهر على كزا زوج بتلاقى المحصلة احيانا خسرانة .

وليه يكون هدفنا اربعين وتلاتينة ونحلل لازواج كتير وضغط اعصاب طول اليوم طالما ان احنا ممكن نجيب سبع نقاط بس فى اليوم

واعتقد يا شريف فى ناس كتير تقدر تكسب عشرين وتلاتين فى اليوم الواحد وممكن الكلام دا لكزا يوم قدام ولكن فى يوم من الاسبوع هتخسر سبعين

هو دا اللى بنتكلم عنه ليه نكسب كتير طالما بنخسر اكتر .

ماهو احنا ممكن نكسب قليل وفى النهاية هنبقى كسبانين كتير .

وطبعا مفيش حاجة مضمونة فى الفوركس دا شىء معروف بس انا برده مقلتش نترك حساباتنا وتحليلاتنا وخططنا ونشتغل فى الطريقة دى

لا انا اللى اقصده ان المبلغ الرئيسى الف دولار . ممكن يكون حساب تانى مثلا

ونحقق فيه السبع نقاط يوميا بطريقة معينة ودا اللى هنتفق عليه اكيد قبل ما نبدأ .

ولو بصيت للهدف فى الأخر اعتقد المبلغ كبير جدا وصعب تحقيقه من الف دولار بس طالما سبع نقاط بس ولمدة 28 شهر . وطبعا زى ما انا قلت فى الموضوع او كما هو موضح فى الجدول بعد اول 16 شهر على الطريقة الموضحة هيكون فى تسعين الف دولار ونسحب منهم اربعين . والخمسين لتكملة المرحلة الثانية

وشكرا على مروروك وتجاوبك فى الموضوع واتمنى اسمع رايك مرة تانية

[السوهاجى]

هقولك على حاجة يا شريف تعرف انتا بتقول اللى يقدر يكسب نقطة واحدة يبقى من الآخر وعمل اللى ميتعملش . لانه رأس ماله لا يقل عن خمسين الف دولار مثلا او مية الف دولار . ودا لو شركة الوساطة تسمح بانه يكسب نقطة واحدة . يبقى عمل كتير جدا فى اليوم الواحد وكمان يبقى مكسبه الشهرى كبير .

بس احنا هنبدا من الف دولار لذا الموضوع دا للناس اللى مش بتقدر تحصل على نقط كبيرة وكمان مش عندها رصيد كبير .