طريقة موفنج 55

[سمير صيام]

العملية جدا ممتازة,,,
لكن في مشكلة!!!
ان العمليات معدودة على الاصابع في الاسبوع الواحد؟.
وعندي سؤال هل ابيت العقد اذا كان مربح ام اغلقه؟؟؟( لاتنسى الفوائد)
وهل الدخول يكون في كل الفترات الاسوية والاوروبية والامريكية؟
تحياتي,,

اخى الكريم حسابتنا اسلامية ام غير الاسلامية فلا دخل لنا بها
ام بالنسبة للطريقة بما انها على فريم الاربع ساعات يبقى طبيعى لن تكون يومية قد تمتد لعدة ايام الى اسبوع او اكتر
ولا يهمنا ان العمليات قليلة لكن المهم معدل الربح للخسارة ومعدل نجاح الطريقة
لا تحسبها بكتر دخول الصفقات

[سمير صيام]

زمان عن ابدعات البروفسور سمير صيام
انت فين من زمان
شكرا على الابداعات الحلوة وبالتوفيق

اهلا بيك على فكرة انا مش بروفيسور انا تلميذ فوركسى وهفضل تلميذ عشان كلمة استاذ دى بتجيبلى حساسية واكزيما
خدها ببساطة وعيش ببساطة

[سمير صيام]

أخي الحبيب سمير، نعم فهمت الآن لماذا خرجنا

طيب تفضل الاكسبرت بالمرفقات، أتمنى أن يكون دقيقًا

الاكسبرت فيه تحديد الهدف والستوب والتريلنج ستوب، وفيه إمكانية الإغلاق عند التقاطع العكسي، وفيه إمكانية تحديد عدد العقود وإمكانية اختيار إعدادات الموفنج والRSI

أرجو تجريبه ومقارنته بالنتائج اليدوية، أنا الصراحة عندي يأس من وجود اكسبرت ناجح!! رغم أني برمجته بدقة كما أظن!

جزاك الله خير اخى ابو ايمن
ملحوظة انا جربته على ال تريد مفتحش صفقات
وعلى FXDD فتح صفقات
لكن لسه ان شاء اللههراجع صفقاته اللى طلعها

تقبل ودى

[سمير صيام]

شكرا استاذ سمير على الطريقة الجميلة والبسيطة

هاجربها واحاول اسجل الفرص معك

اهلا بك اختى الكريمة وان شاء الله نوصل بيها لافضل وضع بالتعاون مع الجميع

[سمير صيام]

الله ينور يا باشا و بصراحة الموفنج 55 دة الواحد من ساعة ماتعلمه منك و دايما بيحطه في اي طريقة بيجربها
و ان شاء الله للامام

هلا دكتور سامر
هو فعلا الموفنج 55 ممتاز وانا بستخدمه طبيعى فى التحليل الكلاسيكى وكثير من الاساتذة بيستخدموه مثل اخونا نشوان ولاتنسى انه من ارقام الفايبوناتشى

[سمير صيام]

اللهم صلى على النبى
طريقة بسيطة رائعة وجميلة هتبقى افضل من ذلك لو !

اضفنا موشر weekle pivot fibo

صلى الله عليه وسلم

الحمد الله طريقة بسيطة لكن بالنسبة للبايفوت فايبو احيانا تكون الخطوط قريبة من الموفنج فممكن تمنعنى من الدخول او ممكن تخرجنى بدرى فارى لا داعى لها

[سمير صيام]

الأخ سمير مشكور على الطرح ومن إبداع إلى إبداع
جزاك الله كل خير

اهلا بيك اخى فيتامين وجزاك الله مثله

[سمير صيام]

بس هى المشكله ان التقاطع مش بيحصل كل يوم اخى سمير

هلا ابو على ازيك ياغالىبالنسبة للتقاطع مين قال اننا عايزينه كل يوم

[سمير صيام]

استاذنا وحبيبنا وكبير حتتنا / سمير صيام

ما شاء الله مجهود ممتاز يا زعيم .. وتسلم ايدك على الطريقة الجميلة دي

في الحقيقة الطريقة ممتازة وجربتها على أبو الأندال ( المجنون ) والطريقة ممتازة ما شاء الله

وزي ما قلت يا كبير ممكن يكون الهدف من 250 : 300 نقطة وفي الحقيقة لقيت ان فيه فرص

فيها أكتر من 600 نقطة كمان .... وحاولت اشوف بعض الفرص ووضعتها بالمرفقات لحبايبنا اللي حابب يطلع عليها

مساعدة مني ليك في موضوعك المتميز دا يا استاذ سمير

وليا اضافة بسيطة جدا ممكن تكون خطأ وأتمني تصحيحها ...

حالات التذبذب كثيرة على المجنون واشارات الدخول الخاطئة أكثر من الصحيحة ولعلاج التذبذب دا

اضفت موفينج 40 ولو لاحظت أثناء التذبذب ما بيتقاطع مع موفينج 55 رغم اغلاق الشمعة فوق أو تحت

موفينج 55 ووجود الار اس اي تحت مستوي 50 .. ويحدث التقاطع في الفرص الحقيقية فقط

عموما أنا قلت أعرض الفكرة عليك وتجربها انت شخصيا ولو عجبتك هاحط كل الفرص باذن الله

أما الصور اللي في المرفقات فهي لطريقتك الجميلة وأتمني النجاح والتوفيق للجميع ان شاء الله

و صبح صبح يا استاذنا

وسع وسع لبوحا باشا (على فكرة انا عرفت انه اترقى وبقى كركر )
بالنسبة لابو الاندال بس اوعى اخونا جابر يسمعك عشان هو بيعتبره العاقل الموضوع طبعا مش حكر على موفنج 55 يعنى ممكن المجنون نشوف فلتر له حتى لو كان موفنج 40 وانا عارف ان الدولار ين بيحترمه عموما منتظر مشاركتك بوجهة نظرك كاملة وتوضيحاتك واعتبر الموضوع موضوعك فصاحب الموضوع نحن جميعا لان الطريقة مطروحة للجميع وليس لى شخصيا وبتمنى تكون طبعا جهد جماعى لنخرج بطريقة بسيطة ومربحة فى نفس الوقت

مسى مسى ياعم الحاج

[سمير صيام]

ماشاء الله موضوع جميل جدا جدا جدا

وان شاء الله انا عندى اقتراح جميل بالنسبه للتعامل مع النظام التراكمى والله الواحد لو يمشى عليها بس راح يحقق اضعاف اضعاف رأس ماله
واليوم بالليل بنزلها وجاهزة عندى
وهناك اسلوب اخر للتعامل مع العقود وبدلا من الترلينج ستوب ان يكون هناك ثلاث عقود الأول 60 نقطه والثانى 100 والثالث بالترلينج اليدوى وراح نتابع الفرص والأزواج لايف بإذن الله تعالى

وبالنسبه للناس اللى تسأل على التذبذب راح اعمل لهم مخصوص باك تست لمده خمس سنوات على الباوند دولار علان ماحدش يزعل
لقاؤنا فى المساء

اوعى تروح فى اى حته

هلا ميدو باشا
تسلم يارب
طبعا الادارة المالية مطلوبة وكل واحد على حسب التزامه وتطبيقه للادارة المالية
فتخيل بحساب 1000 دولار فى خلال 6 شهور دبل راس ماله وبعقد واحد وعلى زوج واحد هل نطمع فى اكتر من كده

ونقطة حابب اوضحها لو الطريقة نسبة نجاحها 50%
يبقى عندى 5 صفقات خاسرة = 5 * -60 = -300
وعندى 5 صفقات ناجحة = 50*180 = 900
الناتج ربح 600 نقطة

المهم الالتزام

[bo7a]

وسع وسع لبوحا باشا (على فكرة انا عرفت انه اترقى وبقى كركر )

بالنسبة لابو الاندال بس اوعى اخونا جابر يسمعك عشان هو بيعتبره العاقل الموضوع طبعا مش حكر على موفنج 55 يعنى ممكن المجنون نشوف فلتر له حتى لو كان موفنج 40 وانا عارف ان الدولار ين بيحترمه عموما منتظر مشاركتك بوجهة نظرك كاملة وتوضيحاتك واعتبر الموضوع موضوعك فصاحب الموضوع نحن جميعا لان الطريقة مطروحة للجميع وليس لى شخصيا وبتمنى تكون طبعا جهد جماعى لنخرج بطريقة بسيطة ومربحة فى نفس الوقت

مسى مسى ياعم الحاج

يا مساء الورد والفل والياسمين ... علي عيونك الحلوين ..... يا كبير حتتنا يا غالي يا بن الغاليين

الطريقة لا تختلف كثيرا عن طريقتك المتميزة الله يبارك فيك

موفينج 55 وموفينج 40 EMA

RSI 21

الشرط الأول : تكون الشموع أسفل ( أعلي ) الموفينجات

الشرط الثاني : حدوث تقاطع بين الموفينجات سواء صعودا أو هبوطا

الشرط الثالث : RSI فوق ( تحت ) مستوي 50

الهدف : الاستوب = 3 : 1

الدخول بعد شمعة تقاطع موفينج 40 مع موفينج 55

ممكن يكون الدخول متأخر شوية بس أكثر أمان والهدف على أبو الأندال 300 نقطة حلال

وأحيانا بيحقق أكثر من كدا بكتير طالما لم يحدث تقاطع عكسي فالصفقة في طريقها لأهداف أكبر

طيب اذا طبقنا الطريقة بموفينج 55 فقط هنلاقي اشارات دخول كتير في حالات التذبذب والاستوب يضرب

ودي فايدة موفينج 40 علشان كدا دخولنا بيكون متأخر شوية بس بيكون أكثر أمان علشان التذبذب

ومسي مسي يا كبير حتتنا

[سمير صيام]

كلام جميل بوحة ياغالى
لى ملحوظة الصور على فريم الساعة مش 4 ساعات فهل هناك اختلاف ام لا
النقطة التانية فى الصورتين لو دخلنا بعد تقاطع السعر مع موفنج 40 و 55 يمشى حاله ومش لازم ننتظر تقاطعهم سوا

منتظر توجيهاتك ياغالى

[أبو أيمن المصري]

جزاك الله خير اخى ابو ايمن
ملحوظة انا جربته على ال تريد مفتحش صفقات
وعلى FXDD فتح صفقات
لكن لسه ان شاء اللههراجع صفقاته اللى طلعها

تقبل ودى

أنا جربت الآن على أل تريد في الباك تست ففتح صفقات فعلاً!!

[bo7a]

كلام جميل بوحة ياغالى

لى ملحوظة الصور على فريم الساعة مش 4 ساعات فهل هناك اختلاف ام لا
النقطة التانية فى الصورتين لو دخلنا بعد تقاطع السعر مع موفنج 40 و 55 يمشى حاله ومش لازم ننتظر تقاطعهم سوا

منتظر توجيهاتك ياغالى

والله يا غالي أنا بجري لحد الان على فريم الساعة وملاحظ فرص كثيرة جدا ومحققة أهداف رهيبة

ولكن طبيعي لازم أجرب فريم الأربع ساعات أيضا للتأكيد

طيب شوف الصورتين اللي بالمرفقات وقولي رأيك يا زعيم

[سمير صيام]

أنا جربت الآن على أل تريد في الباك تست ففتح صفقات فعلاً!!

للاسف على ال تريد عندى مش شغال
عموما هتابعه على FXDD