طريقة موفنج 55

[سمير صيام]

استاذ سمير صيام :أستراتيجيه ممتازه جداً
استاذ بوحه:مجهود جبار جبار جبار

والله يجعله في ميزان حسناتكم و يعطيكم بكل نقطه حسنه أن شاء الله (الحسنه=10 أمثالها)

ربنا يكرمك يارب ومنتظرين متابعتك ان شاء الله

[islamway]

أستاذ سمير الف شكر لحضرتك والأخ ابو على على الرد بس كنت عايز أتكد من حاجة فى خانة
MAmethod أختار simple و أختار exponential
على فكرةأن أعمل على الميتا تريدر 4

[صاحب سمو المشاعر]

ابداع ما شا الله

[bo7a]

بارك الله فى حبيبنا بوحــــــــــة

والحمد الله باك تست ممتاز

ويبارك فيك يا استاذنا ........ تلميذك وأفتخر

[bo7a]

استاذ سمير صيام :أستراتيجيه ممتازه جداً
استاذ بوحه:مجهود جبار جبار جبار

والله يجعله في ميزان حسناتكم و يعطيكم بكل نقطه حسنه أن شاء الله (الحسنه=10 أمثالها)

الله يبارك فيك يا غالي .. وشكرا على كلماتك الرقيقة ومرورك الطيب وعاوزين رأي حضرتك

[ابن المدينة]

ما شاء الله

موضوع افتتحه سمير صيام وكمل المشوار معاه بوحه

صعب جداً أنك تقرأ جميع المشاركات لأنها تنهمر كالمطر

وعندي رأ ي بسيط وهو أن نختار زوج واحد من كل أزواج متشابهة مثلآ نختار الباوند دولار ونستبعد اليورو دولار لتوافق سلوكهم ................

[ehabbb]

15 / 6 / 2007 ___ الثامنة مساءً

الشرط الأول : اختراق السعر لموفينج 55 وموفينج 40 ( تحقق )

الشرط الثاني : تقاطع موفينج 40 مع موفينج 55 ( تحقق )

الشرط الثالث : أر إس أي فوق مستوي 58 ( تحقق )

دخلنا الصفقة من الشمعة التالية لتحقق الشروط والسعر كان 243.25

و تحقق الهدف عند 246.25 بتاريخ 20 / 6 / 2007 الساعة الرابعة عصراً

معلش يا بوحه .. استفسار بخصوص هذه الفرصه ..

[YamedoA]

اخوانى وأعزائى وأحبائى نعتذر لكم عن الغياب امس واليكم طرق الإدارة الماليه مع المتوسطات على زوج او على اكثر من زوج ..

نتعرف فيها على
*طريقه تزويد العقود على الأساس التراكمى
*طريقه التعامل مع العقود فى حاله الخسارة
*طريقه التعامل مع الأهداف لجلب اكبر عدد نقاط
*واخيرا بعض النصائح المتعلقه بالتعامل مع المتوسطات

اولا ..طريقه تزويد العقود :
يتم تزويد العقود على اساس عقد مينى لكل 1000دولار مكسب او عقد ميكرو لكل 100 دولار مكسب
مثال ..دخلت عمليه على الباوند وربحت منها على حساب كبير 800دولار فى العمليه الجديده لايتم التزويد الا عندما يصل المكسب 1000 دولار
كسبت فى عمليه احده 4000دولار وبالتالى يتم تزويد 4 عقود مينى فى العمليات الجديده

.............................

ثانيا.. طريقه التعامل مع العقود فى حاله الخسارة .."كماشه الخسارة"

هذه الطريقه تتعامل بذكاء مع العقود التى تم تزويدها فى المرات السابقه فأنت عندما تربح 4000دولار تقوم بتزويد 4عقود ولكن بإفتراض انه جائتك عمليات خسارة متتاليه لتجعلك تخسر 1000دولار هنا لاتقوم بتنقيص اى قيمه من العقود التى قمت بتزويدها ولاحتى عقد واحد
فأنت فى اخر عمليه ربحت 4000 دولار ولن تقوم بتنقيص العقود الا عندما تخسر هذه ال4000 دولار وبالتالى النظريه فى الخسارة تقوم على مثل يقول "اللى تغلب به اللعب به"
اى انك تعرض اخر عمليه مكسب الى الخسارة فإذا خسرتها ستقوم بتقليل عدد العقود مرة اخرى يعنى "ترجع خطوة الى الوراء "

ماذا نستنتج من هذه الطريقه ..
*الطريقه تعالج عمليات الخسارة المتتاليه وان وصلت الى 5 عمليات
*تجعلك هذه الطريقه وكأنك فى حرب استنزاف فأنت تسحب اكبر المكاسب مقابل اقل الخسائر
*يتم التزويد فى حاله المكسب لكل الف دولار ولا يتم التنقيص فى حاله الخسارة الا بعد خسارة اخر عمليه ربح

..................................

ثالثا..طريقه التعامل مع الأهداف لجلب اكبر عدد نقاط :

الأستوب تم تحديده مسبقا وهو 60 نقطه

الأهداف
يتم الدخول فى العمليه الواحده ب5% من رأس المال ولكن قم بتقسيمها الى عقود مينى او عقود ميكروا حتى تستطيع اغلاقها على اجزاء

الجزء الأول وهو 60 نقطه للهدف الأول ويتم اغلاق 20% من العقود
الجزء الثانى وهو 120 نقطه للهدف الثانى ويتم اغلاق 20% اخرى من العقود
الجزء الثالث والأخير وهو تقريب الأستوب من السعر على بعد 60 الى 70 نقطه او تحت الدعوم والمقاومات القويه

ولكن ..
هناك اسلوب قوى جدا جدا لمعرفه ما إذا كان السعر سيرتد من هنا ام لا حتى تغلق الجزء الثالث من العقود على اعلى ربح ممكن وقد يكون 300 نقطه

فى حاله الترند العادى على فريم الأربع ساعات تجدون ان الموفينج لايبعد كثيرا عن الشموع لأن الشموع تكون حركتها متوسطه وليست عنيفه وتتحرك بتناغم وانتظام وبالتالى فهذه العمليه تجنى منها الشهد

اما فى حاله انك دخلت فى عمليه شراء مثلا وبدأ السعر يصعد ليغلق لك الجزء الاول والثانى بسرعه ثم يكمل السعر صعوده بقوة شديده ليبعد عن الموفينج بشكل ملحوظ هنا تأكد ان الإرتداد سيكون قوى جدا وعليك اغلاق العقود فى مناطقها السليمه وهى مناطق تشبع الأر اس اى على نفس الفريم
ماذا نستنتج ؟
*نستنتج انه يمكننا الخروج من الصفقه بأعلى ربح ممكن دون الندم "ياريتنى كنت اغلقتها +200"
*تفيد هذه الطريقه فى حاله التذبذب الواضح ونزول السعر وصعوده لأكثر من مرة


طبعا فى ناس هاتقول دعها بسيطه وانا اقول نعم هى بسيطه ولكن مالا يعرفه الكثيرون ان التعامل مع المتوسطات لايناسب النفسيه نهائيا فأنت لاتعرف الى اين ذاهب السعر وبالتالى قد يؤثر ذلك على قراراتك فوجب علينا ان نضع بعض الفلاتر الخفيفه جدا جدا والبسيط وبما ان الموضوع تم فتح ورشه له فستكون المسأله بسيطه جدا خصوصا وان اللى فاتح الورشه هو الأستاذ سمير..يعنى مفيش نوم

رابعا ..بعض النصائح للتعامل مع طرق المتوسطات بشكل عام

* يجب توحيد برنامج العمل مع فريق الورشه وليكن أل تريد حتى لايحدث اختلاف فى الشموع والكسر

* لاللتصويب على العمليات يعنى يجب عليك الدخل فى اى عمليه بمجرد تحقق شروط الكسر او شروط الطريقه التى شرحها استاذ سمير ولاتختار عمليه وتترك الأخرى حتى وان كان تحليلك قوى فقد تفوتك عمليه بها 200 نقطه وتختار انت العمليه الخسرانه

* اذا فاتتك فرصه ومر عليها الكثر من النقاط فلا تحاول الحاق بها حتى لاتقع فى خسارة وأبدأ بالتى تليها فالسوق لن يتوقف ولن تنتهى العمليات

* لاللطمع لا للخوف وتوكلوا على الله فى حسابتكم من بدايه الأسبوع المقبل فالموضوع مش عاوز تجارب لأنه واضح وضوح الشمس واللى مش هايلحق من دلوقتى مش هايلحق بعد كدا


* اخر نصيحه وهى الماجرن والأفضل فى اول شهر ان تتعاملوا ب5% من رأس المال فقط وتقوموا بالتزويد والتنقيص على الطريقه التى تم شرحها بالأعلى
وبعد فوات اول شهر قم بالدخول ب10% من رأس المال وجمد قلبك والله هاتلاقى 10000دولار منتظرينك بإذن بعد اربع شهور من الان فى حاله رصيدك 10000دولار
بشرط ان تتعامل مع الحساب كما ذكرت لكم بالأعلى وبكل دقه على العموم انا بإذن الله متابع الموضوع وهادخل معاكم وندخل العمليات سوا بإذن الله تعالى

[وليد الحلو]

ابو سمرة حبيبى .... ايه الجمال ده يا جدع
زى ما انت عارف مفيش استراتيجية فاشله كله بيكسب بس فين اللى بيلتزم ..... اول ما الواحد يجيله او ستوب او استوبن يغير الاستراتيجية و من دى لدى لغاية ما يصفر حسابه و لاحول ولا قوة الا بالله

على العموم قولى وصلتوا لحد فين انا شايف موفينج 55 ومستوى ار اس اى 58 ؟؟
ايه النظام

ودى و تقديرى

[بشير]

أولا تحية للاخ سمير
ثم تحية لجميع الاخوة الذين أدلوا بدلوهم
وأخص الاخ بوحة وأقوله الارس اي والموفينج اربعين روعه
وشكرا على الستوكاستك يادبي وايا اخونا الكبير ناصر
وما ننسى حبيبناميدو
بارك الله لكم في أرزاقكم

[سمير صيام]

أستاذ سمير الف شكر لحضرتك والأخ ابو على على الرد بس كنت عايز أتكد من حاجة فى خانة
MAmethod أختار simple و أختار exponential
على فكرةأن أعمل على الميتا تريدر 4

اهلا اخى الكريم اختار exponential ان شاء الله

[bo7a]

معلش يا بوحه .. استفسار بخصوص هذه الفرصه ..

استاذ ايهاب .. الله يبارك فيك يا زعيم ورأيك نور الموضوع

معلش يا زعيم والله انا عندي وحتي لحد الان شايف ان بداية الاختراق كان من الشمعة دي

عموما انا نظري ضعيف شوية ولو الطريقة اثبتت نجاحها بعد ما نجربها لايف

باذن الله هنحاول نسأل حد من الاخوة المبرمجين يساعدنا بطريقة تدينا اشارة أول الاختراق الحقيقي

علشان ضعاف النظر زي حالاتي

الله يبارك فيك يا استاذنا وأكيد هيكون فيه فرص دخلناها متأخر شوية بس لضمان حدوث الإختراق

والحمد لله كلها حققت الأهداف ... ياريت رأيك في الطريقة لأنه يهمنا كتير

[bo7a]

ما شاء الله

موضوع افتتحه سمير صيام وكمل المشوار معاه بوحه

صعب جداً أنك تقرأ جميع المشاركات لأنها تنهمر كالمطر

وعندي رأ ي بسيط وهو أن نختار زوج واحد من كل أزواج متشابهة مثلآ نختار الباوند دولار ونستبعد اليورو دولار لتوافق سلوكهم ................

منور يا باشا .. والفضل لله أولا ثم لأستاذنا سمير صيام الله يبارك فيه

[bo7a]

أولا تحية للاخ سمير
ثم تحية لجميع الاخوة الذين أدلوا بدلوهم
وأخص الاخ بوحة وأقوله الارس اي والموفينج اربعين روعه
وشكرا على الستوكاستك يادبي وايا اخونا الكبير ناصر
وما ننسى حبيبناميدو
بارك الله لكم في أرزاقكم

بوحه وبشير .... بوحه والجون

منور يا قمر وتسلم انت على الكلام الجميل دا

[سمير صيام]

ما شاء الله

موضوع افتتحه سمير صيام وكمل المشوار معاه بوحه

صعب جداً أنك تقرأ جميع المشاركات لأنها تنهمر كالمطر

وعندي رأ ي بسيط وهو أن نختار زوج واحد من كل أزواج متشابهة مثلآ نختار الباوند دولار ونستبعد اليورو دولار لتوافق سلوكهم ................

يا هلا بيك ياغالى
بالنسبة للزوج على موفنج 55 هو الباوند ان شاء الله
وعلى تعديل اخونا بوحة على المجنون