محاولة فهم سلوك الكارى تريد

[koko]

أخوانى
فى يوم 23-2-2007 و حتى يوم 5-3-2007

هبط الأسترلينى ين GBP JPY تقريباً 1650 نقطة
و اليورو ين EUR JPY تقريباً 850 نقطة
و الدولار ين USD JPY تقريباً 600 نقطة
النيوزلاندى ين NZD JPY تقريباً 800 نقطة
الكندى ين CAD JPY تقريباً 650 نقطة

و من سؤال بعض الاخوة قيل لى ان اسبب هو الكارى تريد

تعريف مبسط للكارى تريد
هم افراد يعتمدون على فرق الفائدة فى المكسب

يعنى بالبلدى

واحد يروح البنك يقترض مليون ين بفائدة 0.5 % و يحولهم استرلينى او اى عملة فائدتها كبيرة
نقول مثلاً 6%

6% - 0.5 % = 5.5 % مكسب

يبقى هو كسبان فرق الفايدة من العملات
و هو دة الى مخلى كل العملات دى فى ترند صاعد كل يوم
الان تجار الكارى تريد بيزيدو كل يوم
و لكن هنا السؤال ماذا حدث فى يوم23 - 6 - 2007

البعض قال انة وقت ارجاع الين للبنوك و الله اعلم

و اذا كان كذلك و انة هناك وقت معين الارجاع النقود بالين الى البنوك فأكيد هذا الوقت معلن مش مستخبى فأذا عرفنا هذا الوقت فاننا كسبانين كسبانين مع اى عملة تحتوى على الين الانة اصبح كالكتب المفتوح

ترند صاعد مؤكد مهما حدث بسبب تذايد عدد تجار الكارى تريد
ترند هابط وقت ارجاع الين للبنوك و بأرقام كبيرة

يعنى حطينا ازواج الين فى جينا

ارجو المساعدة من الاخوة اصحاب الفهم فى التعامل مع تجار الكارى تريد

[koko]

شوية شارات فى الفترة من 23 - 2 -2007 و الى 5- 3 - 2007

[kid_ag]

اعتقد انه كان هناك حاله خاصه يومها

وهي هبوط اسواق اسيا و اوربا

[فارس الاقصى]

يا عينى على المواضيع الجامدة دى يا عم كوكو ، فى انتظار ابداعات الخبراء وشكرا

ملحوظة : الموضوع ده فعلا بدأ ينتشر فى الفوركس وفيه شركة اسمها Freedomrocks عاملة اسراتيجية بتعتمد على الموضوع ده تقريبا . بس تعتمد انك بتتدخل على عملتين عكس بعض وواحدة فايدتها عالية و التانية فايدتها منخفضة و تستفيد من فرق الفايدة .

مثال ذلك على موقعهم : تدخل عملية على اليورو دولار ، و الدولار فرنك فى نفس الوقت و تستفيد من فرق الفايدة . انا كنت راسلتهم فترة و لكن الحقيقة مهتمتش بعد كدة بسبب ان الموضوع كله معتمد على الفايدة و طبعا الموضوع بتاع الفايدة محسوم انه حرام فنسيت الموضوع . لكن فعلا احنا ممكن نستفيد منه بشكل تانى زى ما اتفضلت حضرتك و قلت . و على فكرة هم كانوا بيعطوا فترة مجانية 15 يوم تجربة لخدمتهم .

[pssp]

شدني موضوع الكاري تريد
الحسابات الصغيرة والمتوسطة من 1000 الي مادون ال 100000 دولار اعتقد لايهم تدخل الكاري تريد لانهم مضاربين يوميين.
اما الحسابات التي تتجاوز ال 50 مليون دولار وما فوق هم من يهتم بتدخلهم لانهم يدخلون السوق ب 70% من راْس مالهم عندما تلوح فرصة في الافق وكذلك البنوك الكبيرة الذين لهم خبراء في داخل ال Wall Stret

الحسابات الصغيرة يحددوا اتجاه الترند الاسبوعي واليومي اما المتوسطة يحددوا اتجاه الترند الشهري لان كلا علي حسب تحمل حسابه والحساب في اي شركة كانت يجب ان لايقل عن 10000 دولار حتي يستطيع المضارب ان يتحكم في الدخول والخروج وتحديد الوقف بعد تحديد اتجاه الترند الفعلي

اعطيك امثلة اتبعها انا علي الترند الشهري وهي كالتالي :-

AUD/CAD
EUR/CAD
GBP/AUD
EUR/USD
USD/CAD
GBP/USD
GOLD
الترند الشهري لهم نزول الي نهاية شهر يونيو

AUD/GPY
GBP/CHF
EUR/JPY
USD/JPY
GBP/JPY
OIL

الترند لهم طلوع الي نهاية شهر يونيو

مما سبق نقاط مهمة هي :
تحديد الترند الاسبوعي والشهري
مبلغ حسابك
ال50 وال 100 نق لاتعتبر استب في هذا السوق
حددت الترند تدخل السوق من بداية الاسبوع لاتنشغل بالاخبار اليومية لانها سبب خسائر نسبة كبيرة من المضاربين لان السوق ياخذ مفعول الخبر ان كان قوي ولكن في الاخير يتجه الي الترند الفعلي سواء نزول او طلوع

[koko]

اعتقد انه كان هناك حاله خاصه يومها

وهي هبوط اسواق اسيا و اوربا

شكراً اخى kid_ag على مرورك ولكن يا اتمنى توضح اية الى حصل بالضبط علشان تلاشى البيع فى هذة الفترات

[شريف دعبس]

اعتقد انه كان هناك حاله خاصه يومها

وهي هبوط اسواق اسيا و اوربا

و ايه فى رايك الى ادى الى نزول تللك الاسواق
انهم هم الكارى تريد لان مش كل استثمارتهم فى العمله ذات العوائد المرتفعه فقط بل موزعه ايضا على الاسهم و السندات العالميه
تحياتى

[jamil]

محافظ استثمار الكاري تريدر تنشط في اسواق الاسهم طالما هواها موافق لتوجهاتها
وصارت البورصة الصينية مفتاح عمل الكاري تريدر في تحديد وجهته الى اين ؟ لانها ترتبط بالين
كوجه ثاني لها كاستثمار بديل وفوري
ان تحقق الاسهم ارباح فهذا يعني ان امور الكاري مستقرة وعال العال اما هبوط اسهمها وتواصل الهبوط يعني استنفار فوري لمحافظ الكاري الاستثمارية وسحبها من الاسهم والانتقال للعملات والاقتراض بالين وبكميات هائلة
حيث ينتقل من الاستثمار بالاسهم الى الاستثمار بالعملات من خلال الاقتراض بعملات فوائدها متدنية ( الين والفرنك) والاستثمار في عملات فوائدها اعلى مثل النيوزلندي وغيره
يمكن القول ان الفرنك لم يعد عملة جاذبة للاقتراض بسبب تواصل ارتفاع فوائده مقارنة بالين

[Walid Basset]

مشارك معاك يا كوكو
بس عاوز اوضح حاجه مهمه أن التاريخ المشار أليه كانت وقت اشاعه قويه فى اسيا عن فرض ضرائب على المتاجرين فى البورصه وهو ده كان السبب الأساسى لحاله الهبوط ديه
بالمناسبه يوجد مؤشرات فنيه ( مش مؤشر يعنى زى ال macd و الكلام ده ) بالسوق للتنبئ بوقوع هذه الكارثه
عموماً أنا معاك يا باشا

[koko]

أخوانى الاعزاء كل واحد بأسمة

1-فارس الاقصى
اخى احنا مش هدفنا الفائدة الانك لو قارنتها بالمكسب الذى يمكنن تحقيقة من فهم سلوك الاخوة الكارى تريد فهى لا شيئ


2 - pssp
احنا عايزيين تاجر معاهم و علشان كدة عايزيين نفهم سلوكم مش نبقى كارى تريد

3 - سليل عائلة دعبس
استاذ التحليل الفنى
انت السبب الرئيسى لفتح هذا الموضوع فشكراً جزيلاً لك
احنا عرفنا منك انة بيتاجرو فى حاجات كتير بس احنا عايزين ناخد الى يهمنا و هى العملات

4 - SHORT
استاذ اليوت
حبيب قلبى عايزيين نعرف امتى بتحصل المصايب دى علشان بالنسبالنا تبقى نعمة
فمصائب قوم عند قوم فوائد

5 - أخى Jamil
خلاص اعتبر نفسك كارى تريد على مستوى عالى و تابع برصة الصين يبقى هتعرف امتى تسحب فلوسك منها و تحطها فى العملات و كدة تبقى كسبان كسبان

كل ما اريد معرفتة

هو

1 - متى تؤخذ القروض من البنوك اليابانية

2- ما هو موعد ارجاع القروض

و كدة نبقى عرفنا ترند الين هينزل امتى

اكيد وقت ارجاع القروض الان علية طلب عالى يعلى الين و تنزل ازواج الين
و بعدها على طول تطلع على مدى متوسط بطيئ زى الرسومات الى فى اول الموضوع
احنا مش عايزين غير التوقيتات دى و كفاية علينا من ازواج الين كدة

و على فكرة حصل الموضوع دة تانى فى الاسبوع السابق من يوم 5 - 6 - 2007
نزل المجنون 500 نقطة
و بعدها طلع تانى لغاية دلوقتى 650 نقطة و اعتقد انة ممكن يكمل لففووووووووووووق

و بالمقارنة هتلاقى كل ازواج الين على نفس النظام

[kid_ag]

اعتقد ان متابعة زوج nzd-jpy

بسبب الفرق الكبير بين فائدة كل من العملتين

مع متابعة اهم مؤشرات الاسواق اليبانيه مثل شنقهاي وغيره

من الممكن انك تصل الى نتيجه

وتعرف متى ممكن تجار الكاري تريد يسيلو عقودهم

[bo7a]

سالنور والهنا .... ع الموجودين هنا

كوكو باشا ... اخبارك ايه يا زعيم ... ايه الموضوعات الجامدة دي

أنا عاوز بس أستفسر عن حاجة علشان الرؤية تتضح أكتر عندي

اللي بيحصل للين اليومين دول من انهيار تام أمام كل العملات دا تفسيره ايه ؟

هل له علاقة بالكاري تريد ؟

بعدين الكاري تريد إقبال على الين يعني زيادة طلب يعني ارتفاع سعر الين أمام العملات

يبقي بالتأكيد اللي بيحصل للين دا مش من الكاري تريد ... أو يكون وقت ارجاع القروض بقي

ياريت لو حد يتطوع ويفهمني النقطة دي ويفسرلي اللي بيحصل للين دلوقتي

وصبح صبح

[koko]

صبح صبح يا عم بوحة

بس اوعى تقول الكلام دة الاولاد ابو اسماعيل

هنقول ان المجنون عبارة عن حاصل قسمة القيمة المطلقة الأسترلينى على الين

طيب المفروض يبقى طلب على الين علشان الكارى تريد عايزية يحولوة اى عملة و يكسبوا فرق الفائدة طيب الين بيأخدة من البنك و يعطية للتجار خارج البنك او لنفس البنك او بنك خارجى و ياخدة استرلينى او اى عملة ذات فائدة اعلى مثل النيوزلاندى

يبقى الراجل داخل البنك اليابانى علشان ياخد قرض ين بس يطلع بفلوس استرلينى

دخل معاهوش و لا نكلة خرج بأسترلينى

يبقى سعر الاسترلينى يعلى علشان علية طلب

لكن الين اخدة قرض و باعة فى نفس الوقت

معايا يا ريس و لا اية

النكلة :هى اصغر عملة فى بر مصر راحت غليها من زمان


خد بالك واحد من ولاد ابو اسماعيل واقف وراك بيقراء

[bo7a]

صبح صبح يا عم بوحة

بس اوعى تقول الكلام دة الاولاد ابو اسماعيل

هنقول ان المجنون عبارة عن حاصل قسمة القيمة المطلقة الأسترلينى على الين

طيب المفروض يبقى طلب على الين علشان الكارى تريد عايزية يحولوة اى عملة و يكسبوا فرق الفائدة طيب الين بيأخدة من البنك و يعطية للتجار خارج البنك او لنفس البنك او بنك خارجى و ياخدة استرلينى او اى عملة ذات فائدة اعلى مثل النيوزلاندى

يبقى الراجل داخل البنك اليابانى علشان ياخد قرض ين بس يطلع بفلوس استرلينى

دخل معاهوش و لا نكلة خرج بأسترلينى

يبقى سعر الاسترلينى يعلى علشان علية طلب

لكن الين اخدة قرض و باعة فى نفس الوقت

معايا يا ريس و لا اية

النكلة :هى اصغر عملة فى بر مصر راحت غليها من زمان


خد بالك واحد من ولاد ابو اسماعيل واقف وراك بيقراء

يا سلام عليك يا كوكو باشا .... تسلملي يا رب وربنا يزيدك كمان وكمان

أيوه كدا أنا دلوقتي بس فهمت حركة الكاري تريد .. لأن اللي كان في بالي غير كدا خالص

ألف ألف ألف شكر يا عم كوكو ...... وربنا يجعلنا كاري تريد

طيب معلش سؤال أخير ميعاد أخذ القروض .. وميعاد إرجاعها بالفوائد بيكون كل 3 شهور فعلا ؟

وصبح صبح يا قمر الليالي ..

[bo7a]

بالمناسبة يا باشا

الواد ابن أبو اسماعيل اللي كان ورايا ... دلوقتي في العناية المركزة واحتمال يفارق الحياة

نشكركم على تعاونكم معنا .. ولو خدت بالك كدا في أي مرة ان فيه واحد منهم واقف ياريت تقولي