سر صغير جدا لمعرفة العرض والطلب ( اللغز اللي حير الجميع )
بسم الله
كتير مننا يعرف العرض والطلب بس للاسف التعريف التقليدي اللي الكل عارفه وهو اذا سيطر العرض عالطلب تنخفض الاسعار والعكس لو سيطر الطلب عالعرض بترتفع الاسعار ها وبعدين ؟ ولا قبلين محدش يعرف اكتر من كده ولا بيعرف يطبقه عالشارت ولا بيتحدد ازاي .... يعني اي كلام في رغيف وتعبيه للناس وخلاص لكن المهم مفيش وتفضل الناس تدور وتلف ومش عارفة تعرف حل اللغز ده هو اخرهم يتقال ليهم دول دعوم ومقاومات وخلاص
منكرش ان الموضوع كبير فعلا ومحتاج تعلم ودراسة وتدريب لان ياجماعة الفوركس علم وله قواعده الناس فاكره انت هتكسب منه بالفهلوة وخلاص لو صدفت معاك مره هتخيب كتير والنهاية خسارة .. زي ما قلت الموضوع كبير وصعب يتشرح هنا بس هاقولك على شوية حاجات بسيطة ممكن تساعدك وتدعم طريقتك وفعلا لو العرض والطلب الناس فهمته واتقنته الموضوع هيختلف معاها تماما وهتحس انها تخطت اميال واميال في عالم الفوركس بس الاول نعرف ايه هو الطلب والعرض
الطلب ببساطة منطقة بيقوم فيها كبار السوق بعملية تجميع لرفع السوق ودي عملية بتحصل كل دقيقة وساعة وكل يوم لاكبر فترة يعني ممكن السوق وعلى فريم الدقيقة يقوم بعملية تجميع لموجة صغير جدا .. طب هتستفاد من ده ايه ؟ لسه هجيلك في الكلام .... طب العرض هو العكس تماما منطقة بيقوم فيها الكبار بتصريف وتوزيع الارباح وتصدير اكبر قدر من المشاكل والاحباط لانهيار السوق علشان يرجع يشتريه تاني باقل سعر :0016: لعبة حلوة صح ؟
ايوة هي لعبة ومعروفة ومحفوظة لازم تتم المهم تعرف هي بتتلعب ازاي مهي اكيد لها قواعد
شوف وركز ريتشارد وايكوف كان بيقول لو السوق عاوز يطلع بتلاقيه بيتحرك ويخترق مناطق المقاومة بكل سلاسة وسهولة واثق الخطا يمشي ملكا يعني وتلاقيه بيقاوم الهبوط باي شكل مش عاوز ينزل وعند اي مناطق للدعوم زي ما الكل بيقول عليها بتلاقيه بيبان عجزه علشان يقوم ببناء النموذج بقوة زي اللي بيبني عمارة ويكون اساسها سليم وقوي وعن طريق رصد رده فعله بتعرف مين اللي سيطر الطلب ولا العرض يعني مينفعش السعر مبهدل مناطق الطلب او الدعم زي ما بتسموها وتيجي تقولي لا بس الطلب مسيطر هههههههه ده على اي اساس ؟
يعني مثلا منطقة صراع بين العرض والطلب وفيها بتلاقي السعر بيحترم الدعوم جدا وكمان بيخترق المقاومات تعرف ان مناطق الطلب قوية وقدرت تصمد وترحل السعر لمناطق اخرى في الوقت ده بيكون صناع السوق بيرموا الطعم علشان يخلوا صغار المستثمرين يدخلوا ويدعموا عملية الشراء فيرتفع السعر اكتر هنا بيبدأ يقوى السوق ويتجه للاعلي في الوقت ده بتبقى متأكد ان بنائك سليم وقوي هنا بقى صناع السوق بياخدوا قرار من اتنين اولهم انهم يدعموا الحركة دي ويدخلوا بكل فلوسهم ويرفعوا السوق لان بيبقى حاسبينها وشايفين انه مكسب مناسب او يحاولوا يطمعوا اكتر ويلموا فلوس اكتر ويخرجوا الصغار والضعاف بره السوق عن طريقة تنظيف السوق وخلخلته فيقوموا بهبوط مفاجئ للسوق علشان يخوف الناس ويخرجوهم وبعدها يصعدوا بالسوق تاني بسهولة
ومثال نموذجي حصل في احد التحليلات اللي نزلتها كان على الدولار ين وشفنا ازاي بعد ما قلنا انه بيقوم بالتجميع هبط هبوط مفاجئ وقتها طمنت الناس وقلت محدش يخاف وهيرد تاني وفعلا حصل وارتفع الدولار ين اكتر 480 نقطة صعود وهتلاقوها بالتفصيل في الموضوع ده
https://forum.arabictrader.com/t261590.html
هنبقى نكمل بعدين بالتوفيق
