الزوايا السعرية والفواصل الزمنية

[medo93]

معلش موضوع بنفضل واحد عن التاني فدا غير سليم وزي ما وضحت احنا محتاجين نفصل بينهم علشان نعرف الزمن الخاص بيهم
لان مش معقول اكون راكب قطار معين وانا مش عارف مواعيده وبباسطة لو انا مسافر بالقطار دا غالبا بنام في الطريق وبكون ظابط الساعه بتاعتي بحيث اصحي قبل المحطة بتاعتي لان عارف هتكون امتي لكن تخيل حضرتك لو مش عارف الزمن اكيد مش هتقدر تعمل كدا
فالقصة اننا مش بنفضل حد علي حد انما فقط محتاجين نعرف دا قطار ايه علشان نقدر نتحرك معااه ونعرف هيجي امتي وموعد وصوله لمكان معين
بالظبط

[medo93]

الباوند ين فريم الساعه شكل رباعي, اتمنى ان يكون صحيح الملف المرفق 478743

المجنون حاليا في فريم الساعه ماشي في نطاق متذبذب ومحدش هيقدر يمسكه غير النجمة فهي سيدة المواقف الصعبة وبالتالي انا بشوف هو داخل اي مثلث من مثلثات الحركة وبعدها باخد قراري وعلشان الامور تيبقي في السليم انا لازم اشوف الفريم الكبير رايح علي فين
ومبدئيا احن متفقين ان الفريم الكبير (اليومي ) بيقول صعود حتي 172 لكن في الاصغر(4 ساعات) معانا شكل خماسي هابط عندنا
وبالتالي فانا ارجح الهبوط خلال هذا المثلث



ونخلب بالنا ان الخط الاحمر اللي انا راسمه علي فريم الساعه هو نفسه الزاوية 108 علي فريم 4 ساعات وبالتالي دي المحطات اللي هنقابلها علي الفريم الخاص ب 4 ساعات

[medo93]

السلام عليكم...

هذا شارت للمجنون فريم(ربع ساعه)

لكن لم استطيع الرفع عليه لصغر الشاشة(لاني ارفع من الجوال مباشرة)

الزوج في شكل دائري ارتد من زاوية270° الى الزاويه135° واختق زاويه 270° لاعلى والهدف بحول الله149.87 ثم ضعف الزاوية( 150.45)


اخ ميدو لو كان الرسم خطا فياليت تقول ليه وش الخطا اللي ارتكبته وشكرا

مرحبا بك اخي هارمونيك للاسف هناك خطا في الرسم وهو خاص بالاسببيس يعني الزاوية اللي طلعت مع حضرتك 270 هي في الحقيقة 90
وبالتالي اتمني حضرتك تراجع المعادلة من جديد
وتراعي الاتي
السعر 14814.4 مع ان القاع كان اقل من كدا والفاكتور 0.5 وقلي هيطلع ايه
ودي الصورة اللي انا حسبتها لكن انا لم ارجع الفاصلة الي مكانها في الرسم

[medo93]

السلام عليكم ورحمة الله وبركاته أخي هارمونيك.

. أضن أن الشكل المجنون فريم الساعة هو رباعي و ليس دائري كما تفضلتم توضيحه.

الملف المرفق 478771

و السبب في رأيي البسيط أنك قمت بتسريع حركة السعر (سبيس غيرملائم)! و الأرجح يكون السبيس ظ،ظ*ظ* لنحصل على ظ¥ أرقام صحيحة. ففي المثال الذي أرفقتموه، اخترتم قاع صريح عند النقطة ظ،ظ¤ظ¨.ظ*ظ¤ظ¤،
إذن لحساب أول زاوية ردت السعر نأخذ ظ،ظ¤ظ¨.ظ*ظ¤ظ¤*ظ،ظ*ظ*=ظ،ظ¤ظ¨ظ*ظ¤ و هكذا حصلنا على ه أرقام صحيحة لأننا نشتغل على فريم الساعة. ثم نجري العملية الحسابية لايجاد سعر الارتداد
(الجذرالتربيعي ل ظ،ظ¤ظ¨ظ*ظ¤+الفاكتور زاوية ظ©ظ*) ²=(ظ،ظ¢ظ،.ظ¦ظ§ظ،ظ¦+ظ*.ظ¥ظ*)²=(ظ،ظ¢ظ¢.ظ،ظ§ظ،ظ¦)²=ظ، ظ¤ظ©ظ¢ظ¥ظ© و نرجعه الى رقمه العشري و يصبح ظ،ظ¤ظ©.ظ¢ظ¥ظ©
و هذه هي زاوية الارتداد بالضبط.

أما على فريم الربع ساعة، فهو يمشي وفق الشكل الدائري وقد حقق هدفه عند الزاوية ظ£ظ¦ظ*.

الملف المرفق 478775

و الآن هو ربما مرشح للهبوط وفق هذ ا الشا رت دائما على فريم ظ،ظ¥د. الشكل الدائري.
الملف المرفق 478778

و الله أعلى و أعلم.
و ننتضر رد الأخ محمد بإذن الله. تحياتي.

وعليكم السلام ورحمة الله وبركاته فعلا كلامك صحيح 100% واتفق معك في كل كلمة وصدقني انا ذكرت موضع الخطا الموجود في الاسبيس حتي قبل قرائة هذه المشاركة وانبسطت جدا لما لقيتها

[medo93]

هل ينزل EURUSD H4 غدا مع هذا الفاصل الزمني (15/11/2017 على الساعة 16)؟

الملف المرفق 478767

للمعاينة.

ماشاء الله لا قوة الابالله الرسم ممتاز واليور عمل اللي حضرتك قلت عليه بالحرف لكن هو موعد الانعكاس كان الساعه 12وليس 16
لكن غالبا احنا ان شاء الله لما ندخل الزمني بنكون عاملين انحراف زمني يعني بنكون عاملين حسابنا ان موعد الانعكاس ممكن يذيد او ينقص شمعه
وبالمناسبة ممكن ننظر الي حاجة مهمة
انا شفت احد الاعضاء بيسال عليها وهي اختلاف الشموع من شكرة ووالتانية كلنا عارفين موضوع اختلاف القمم والقيعان بين البروكرات
ودا امر مسلم بيه وكل التحاليل بتعاني من الموضوع دا
لكن في مشكلة تانيه ودي اكتر ما يعني منها التحليل الزمني وهي اختلاف اوقات الشموع نفسها وعلشان نفهم الصورة افضل خلينا ناخد مثال للموضوع دا
انا عايز حضرااتكم تركزو في الصورتين اللي جايين علي الرغم من انهم نفس تاريخ البداية الا ان موعد الانعكاس بيشير الي يومين فرق
اه يومين



ودي نفس الصورة لكن علي منصة مختلفة



انا شخصيا بحثت في الموضوع دا
واتذكر في راس السنه الميلادية اللي فات بعدد الاجازة كان في بروكرات اشتغلت وبروكرات لا
وانا من حسن حظي ان الشركة اللي بتعامل معاها كانت من اللي لسه مفتحوش ولما كلمت الدعم قالي ان قدامهم تقريبا يوم ويبدئو العمل ولما سالته عن الشركات اللي بدئت قالي اساسا لبوصوات نفسها لسه مفتحتش الشركات دي جايبه اسعار من فين ؟
وغير ان اساسا موعد افتتاح واغلاق المنصات بيختلف من شركة للتانيه وكمان التوقيت اللي بتشتغل عليه المنصة
وانا علشان اخلص من المشكلة دي مثبت اكتر من واحده علي الجهاز عندي ولا ابالغ لو قلت 7
علشان اضمن ان مفيش حاجة بتعدي مننا ولكن حبيت انكم تكونو علي اطلاع بالموضوع دا

[medo93]

انا حلل على فريم الربع ساعه(( ولن رفعت الشارت ع فريم الساعه حتى تتضح الصوره)

حلل المجنون ع الربع ساعه ورح تلاحظ انه ماخذ شكل دائري والله اعلم

وشكرا لك

انا بعتذر عن الخطا لكن دا بسبب سرعه القرائة انا لم الاحظ ان حضرتك كاتب ربع ساعه لكن انا اعتبرت المشاركة خطا في الاسبيس
واللي شجعني لما لقيت حضرتك عامل زاوية 270 علي الساعه وكاتب شكل دائري
مع انها مش 270 خالص وانما هي الزاوية 90 وقلت اكيد حضرتك غلطان في الاسبيس لكن بجد برافو عليك مع انك اكتر حد عامل مشاركات
وكل مشاركة فيها فكرة اشبه باللغز يعني تقريبا المرة اللي فاتت انا قلت يا ريت ترقم الزوايا طلما هتشتغل يدوي علشان اعرف حضرتك شايف ايه
والمرة دي رقمت الزوايا بس الزوايا الخاصةة بفريم الربع ساعه وجايب فريم الساعه
اسلوبك جميل وممتع في نفس الوقت وكفاية ان حضرتك بتشتغل يدوي مع ان المؤشر متوفر مع حضرتك وكدا باقي السايكل لاين وتبقي بروف ان شاء الله واخير فعلا الشكل كان دائري وحقق هدفه كمان

[medo93]

نعم على فريم الربع ساعة هو دائري موافق معك

نظرة موفقة والحمدلله دي تقريبا 3 مشاركة لحضرتك ارد عليها ودي حاجة ممتازة واتمني انك تستمر وتستخرج اشكال وتصحح كمان وتقول رئيك
لان هي دي الفكره انا دوري صغير جدا في الموضوع دا انا بس بنقل لحضرتك القواعد اللي جمعتها بالاضافة للخبرة الشخصية لكن خبرة حضرتك انت اللي هتعملها بنفسك ومش هتجي غير بكدا رسم نماذج سابقة وحالية ومنقشتها مع باقي الاعضاء وانا باكد اني احيانا بدخ فرص بتكون من الاعضاء هنا في الورشة وخيكم فاكرين اني مش بقول اي كلام وخلاص وكل شكل كان بيتشرح كنا بنجيب ليه مثله من الشارت والشارت كله اشكال ممكن نشتغل عليها الموضوع محتاج تدريب وكمان اننا نكمل موضوع الزمني علشان تبقي الصورة مكتملة

[medo93]

السلام عليكم ورحمة الله
لم أنتهي بعد من دراسة كل ما فاتني من الدروس وجاري القراءة
أردت التطبيق على بعض ما فهمته وأرجو التصحيح
هل هذا الشكل رباعي صحيح؟ uer nzd m30
وهل من المفترض القيام بتصحيح من 360
الملف المرفق 478782

وعليكم السلام ورحمة الله وبركاته مرحبا بعودتك من جديداخي الحبيب و بالفعل بداية الشكل كانت رباعي
ولكن ذكرنا في خصائص الشك الرباعي انه احيانا يتحول الي دائري ودا اللي حصل في الحالة دي
طب انا هعرف ازاي اذا كان الشكل رباعي ولا تحول الي دائري ؟ دا سؤال ممتاز وانا بشكر حضرتك علي المشاركة دي لانها اثارت هذا السؤال
والاجابة هي الزاوية 180 وتعامل السعر معاها



بمعني لو السعر احترم الزاوية دي وارتد منها يبقي هي شكل رباعي زي ما هو مفيش اي تغيير وكدا يكون السعر وصل المحطة التانيه بسلام وبعد كسرها يتم الدخول بيع مرة اخري بهدف الزاوية 270 (المحطة الثاله)



طب ولو دا محصلش والسعر عدي علي الزاوية 180 ولا كانه شايفها خلاص يا ريس يبقي هو كدا مش رباعي والسعر دخل نطاق الشكل الدائري
ونقلب الشكل نجمة ونشوف هيعمل اي حالة من ال3
يعني هيرتد من 270ولا 360 او 450-630
زي ما تعلمنا حالات الشكل الدئري



ودا اللي حصل مع اليورو نيوز بدا رباعي وكمل دائري وساب 180 و270 و360 و 450 ومش باقي معاه 630
ودي اللي التوقع الهبوط منها باذن الله لانها اخر فرصه للتصحيح بالنسبة للزوج دا وطبعا الاغلاق اعلي 270 هو الاستوب



اتمني تكون الاجابة واضحة واي استفسار انا تحت امرك

[medo93]

انا مضطر اقفل دلوقتي وهرجع اكمل كل المشاركات ......كل المشاركات ان شاء الله

[yshawky100]

ايه رايك فى الشكل الدائرى على اليورو دولار فريم الربع ساعة يا استاذ ميدو

[zezo_zk]

المجنون حاليا في فريم الساعه ماشي في نطاق متذبذب ومحدش هيقدر يمسكه غير النجمة فهي سيدة المواقف الصعبة وبالتالي انا بشوف هو داخل اي مثلث من مثلثات الحركة وبعدها باخد قراري وعلشان الامور تيبقي في السليم انا لازم اشوف الفريم الكبير رايح علي فين
ومبدئيا احن متفقين ان الفريم الكبير (اليومي ) بيقول صعود حتي 172 لكن في الاصغر(4 ساعات) معانا شكل خماسي هابط عندنا
وبالتالي فانا ارجح الهبوط خلال هذا المثلث



ونخلب بالنا ان الخط الاحمر اللي انا راسمه علي فريم الساعه هو نفسه الزاوية 108 علي فريم 4 ساعات وبالتالي دي المحطات اللي هنقابلها علي الفريم الخاص ب 4 ساعات

شكرا لك اخي ميدو

[zezo_zk]

أولا حسب فريم الساعه الزوج يسير على شكل مستقيم و في المربع الثاني استهلك زمنه, لاكنه لم يستطيع اختراق الاحد العلوي للقناه الهابطه, لذالك اتوقع ذهابه الى الزاويه 360 ومنها ينعكس الى الاعلى وحددتها بالون الاخضر


ثانيا حسب فريم الاربع ساعات الزوج يسير على شكل خماسي و اتوقع ارتداده من الزاويه 108 الى اعلى و لقد حددتها باللون الازرق, بذالك يصبح لدينا منطقتين متقاربتين من بعض الاولى على فريم الساعه بالون الاخضر و الثانيه على الاربع ساعات بالون الازرق


ثالثا حسب فريم اليومي الزوج يسير على شكل مربع من القاع الذي رسمت منه و اتوقع ارتداده الى اعلى من الزاويه 90 وقد حددتها باللون الاحمر, وبذالك يصبح لدينا ثلاث مناطق قريبه من بعض يمكنهم رد الزوج الى اعلى ( منطقه كلاستر قويه )


ارجو من اخي ميدو التصحيح, لانني مبتدأ في هذا التحليل. واشكره على كل مايقدمه لنا

[HANI_XAU]

السلام عليكم ورحمة الله وبركاته
الاخ الغالي ابو حبيب اجازه سعيد ان شاء الله لي سؤال بسيط ارجو الاجابه عليه
مش عارف هوه تقصير مني في البحث ولا المعلومه لم تذكرها
انا قرأت شرح الزاويه 72 وتحولها الي الزاويه 144 وكيفيه تقليل سرعه الحركه من خلال الاسبيس
في هذه الحاله اول زاويه ردت السعر هي الزاويه 144 وارتداد السعر الي 72 ثم التمحور عندها ومن ثم الوصول الي الزاويه 216
السؤال هوه هل الزاويه 144 من الاشكال المكتمله الصريحه ام من الممكن ان يكون اخر الشكل هوه الزاويه 288 علي اقصى تقدير
انا عارف انك مش بتشتغل علي الذهب انا اريد المعلومه فقط
ورايك في الشرتات المرفقه ان كان وقتك يسمح





وايهما اقرب للصواب
شكرا

[medo93]

بسم الله الرحمن الرحيم

ليوم ان شاءالله موعدنا مع الجزء الثاني والاخير الخاص بمعادلة الجذر التربيعي وبداية انا حابب اذكر حضراتكم بالمعادلة نفسها

وهي مربع ( جذر القمة - الفاكتور )

وعرفنا ايه هي مكونات المعادلة دي واشتغلنا عليها وخدنا مثال ليها وحتي عرفنا ازاي نحسبها علي الحاسبة
النهاردا ان شاء الله هناخد مثال تاني جديد وهنعرف طريقة جديدة غير منتشرة ممكن تسهل موضوع حساب الزوايا علي اللي بيشتغل يدوي
وهي من خلال حساب زاوية واحدة ممن خلال الترند ممكن نجيب الباقي

الفكرة ببساطة اننا هنحسب زاوية واحدة ونقيس ترند راسي بمقدار الزاوية دي ونستخدم الترند اللي جبناه كمقياس لباقي الزوايا لو عايزين ضعف الزاوية يبقي نجيب ضعف الترند ولو عايزين نصف الزاوية يبقي نجيب نصف الترند ودي هتسهل علينا عملية حساب كل زاوية علي حده
وعلشان نفهم الموضوع بطريقة افضل نشوف المثال اللي جاي .....في الصورة اللي جاية انا معايا قمة وعندي سعر مكون من رقم واحدقبل الفاصلة العشرية

انا مطلوب مني احدد الزاويا بتاعتي بطريقة الترندات اللي قلنا عليا ويلا نشوف مع بعض هنعملها ازاي
اولا دا السعر : 1.19234

والسؤال الذي يطرح نفسه هو انا هشتغل علي اي فريم ؟
وطبعا السؤال دا ضروري علشان نشوف محتاجين كام رقم نشتغل بيه ....لان زي ما عرفنا كل فريم له عدد ارقام مخصوصة
لكن انا لو قلت اني هشتغل علي فريم الساعه خلاص يبقي انا كدا عرفت ان هشتغل ب 5 ارقام صحيحة
يعني االسعر كدا هيبقي 11923.4 وكاني ضربت السعر في 10000 علشان احصل علي 5 ارقام صحيحة

لغاية كدا الامور تمام والخطة كالاتي
انا من السعر دا هحسب الزوية 360 فقط وباقي الزوايا هجيبهم بالترندات وهنشوف ازاي لكن مبدئيا مطلوب اني اجيب الزاوية 360 اولا
والمعطيات اللي معايا هي السعر : 11923.4 والفكتور الخاص بالزاوية هو 360 \ 180 =2
تبقي الزاوية 360 = 1.14906 ولاحظو اني رجعت الفاصلة العشرية لموضعها

تمام انا خلاص حسبت الزاوية 360 وعرفتها فين ودلوقتي هوصل خط ترند بين الزاوية 0 والزاوية 360 وخلو بالكم اني قلت خط ترند وليس خط راسي وهتطلع النتيجة بالشكل دا



تمام لغاية كدا يعني تخيلو معايا ان الخط دا كله طوله هو 360 درجة يبقي كدا منطقي جدا ان منتصف الخط دا هو الزاوية 180وبالتالي انا هضغط ضغطتين علي الترند دا علشان يظهر معايا نقطة المنتصف اللي هي الزاوية 180



وبنفس الطريقة بين الزاوية 0 والزاوية 180 برضه منتصف المسافة بين الزاويتين دول هي الزاوية 90 زي ما هنشوف في الصورة اللي جاية



واكيد حضراتكم عرفتو باقي اللعبة وهي منتصف المسافة بين الزاوية 0 والزاوية 90 هي الزاوية 45 زي الصورة دي

وعلشان نتاكد من الموضوع دا يلا نجيب المؤشر ونشوف اللي احنا بنعمله دا صح ولا خطا

وبكدا يبقي معانا اطوال ممكن نجيب بيهم اي زاوية من خلال تركيبهم مع بعض يعني علي سبيل المثال افرض اني عايز اشوف فين مكان ازاوية 270 في الرسم بطريقة الترندات ....بسيطة جدا نا هوصل الترند 180 مع الترند 90 كدا بقي معايا ترند طوله 270 درجة يعني بالشكل دا



ودي هي الزاوية 270 اللي انا عايزها واللي حابب يتاكد التاكيد في الصورة دي م انها محسوبة ومفيش فيه مجال للخطا



طب ممكن نعمل اختبار تاني ونشوف مين هيقدر يجمع الزاوية اللي انا مشاور عليها بالسهم الاحمر وعلشان اسهل الموضوع عليكم خلينا نفتكر اولا الترند الاصفر دا طوله كام درجة وثانيا السعر 1.14906 دا نفسه كان بيمثل الزاوية كام وركزو في الصورة

كدا انتهينا من هذا الموضوع وانا حابب اوضح بعض النقاط
اولا اللي بيشتغل بالمؤشر ملوش اي علاقة بالكلام دا والموضوع دا وتقريبا اللي قبله كانو خاصين بالشغل اليدوي
لكن انا مكانش ينفع اني اهمل الجزء دا وكان لازم اشرحه واديله حقه ولو نفتكر في بداية الورشة انا شرحت المؤشر بالتفصيل الممل مع في ناس مش بتشتغل بيه وبالتالي كان لازم اشرح الجزء دا علشان الاخوة اللي مش بيكون متاح ليهم العمل بمؤشر
ثانيا موضوع الرسم بالترندات اعتقد مفيش اي حد اتكلم فيه قبل كدا او انا شخصيا لم اري اي احد تطرق لهذا الموضوع من قبل وانا حبيت اجيبه علشان يسهل موضوع الرسم ويقلل الحسابات
ثالثا لو حد حب يتفلسف ويقول انا هجيب الزاوية 360 واقسم الناتج علي 4 وكدا ابقي جبت الزاوية 90 فانا حابب اقوله التجربة كويسه مفيش فصال وهي اللي وصلتني لموضوع الترندات دا لكن الطريقة اللي حضرتك قلتها فااااااااااشله
وهتجيب نتائج هتدوخ اساسا علشان تطلعها علي الشارت
واخير في ملف اكسيل انا هرفقه النهاردا ان شاء الله دا كل اللي علي حضرتك تكتب السعر الخاص بالقمة او القاع وهو هيطلع الزوايا اتوماتيك
يعني كدا اللي عايز يحسب الزوايا بنفسه ماشي واللي عايز يشتغل ترندات ماشي واللي عايز الاكسيل برضه ماشي
واللي معاه مؤشر يسبه من كل الكلام دا ويشتغل بالمؤشر لانه اسهل طريقة لكن زي ما قلت الفكرة اني عايز اوضح كل حاجة في الطريقة دا

[medo93]