هجاوبك حسب النقاط اللي سالتني فيها عشان يبقى بشكل واضح زي مانت طلبت
1- اختياري للنقطة X يكون بعناية شديدة حتى يكون النموذج سليم ومتكامل بعون الله
مثلا في حالة كان نموذج هابط زي مثلا الاسترالي ين كما انت ذكرت هتلاقي ان الإكس هنا قمة مثالية لا يوجد قبلها ولا بعدها اعلى منها
ولذلك تم اختيارها وبناء النموذج عليها ( اختيار اي قمة غيرها هيكون هو الخطأ الكبير وحتى ان نجحت في بعض الاحيان ولكن هذا خطأ ومعظم متداولي الهارمونيك بيقعوا فيه )
2- تصادف وجود نقاط دعوم ومقاومات قوية عند نقطة الانعكاس المتمثلة في النقطة D للنموذج ليس محض الصدفة او العشوائية
الهارمونيك مبني على أسس علمية قوية جدا وحسابات محترمة اعتمدت في أساسها على نسب ارتدادات الفيبوناتشي المعروفة بدقتها في تحديد اماكن الانعكاس المحتملة ، ولذلك عند اختيار نموذج سليم وتحديد النسب بالشكل الصحيح هتلاقي ان النتيجة ممتازة وانك واقع في منطقة دعم او مقاومة فنية مثالية تساعد على نجاح النموذج المختار ، ( وما اكدبش عليك احيانا كتير بستبعد نماذج بعد ما ارسمها الاقي نقاط الدعوم والمقاومات بعيدة او الشكل مش مناسب فنيا ولا يوجد ما يدعم الانعكاس وتقريبا دي من الزبدة برضو في الموضوع ) . 3- بالنسبة لاختيار الشارت ، انا يوميا افتح شارتات جميع الازواج الموجودة على الميتاتريدر ، وكل زوج افحص فيه جميع الفريمات من النصف ساعة واحيانا الربع ساعة الي الفريم الشهري ، لاقتناء افضل الفرص وتصفيتها ، يعني الموضوع مش بسهولة او بعشوائية ولكن بمتابعات وتصفيات الي ان تصل لافضل النماذج وتختارها وتعتمدها .
4- في حالة وصلت لك الافكار والاجابات في الاسالة السابقة هتلاقي اجابتك على السؤال دا .
وبالنسبة انك بتقول اثقلت واكثرت في السؤال بالعكس انا بحب جدا حد يسالني وبتمنى دايما التوفيق من الله في اني اكون مصدر فايدة او معلومة للغير مهما كان مين
واتمنى اني اكون افدتك وان شاء الله تكون موفق في دراستك للهارمونيك وتزيد معلوماتك اكثر واكثر وتنجح فيه دايما يا غالي
تحياتي ليك