كيف تصبح متاجر حقيقي يربح ولا يخسر !! شارك برأيك معنا ...

[hema007]

كيف تصبح متاجر حقيقي يربح ولا يخسر !!

أكيد الناس قرأت الكثير من المواضيع بخصوص هذا الموضوع

و أزاي أتاجر و أزاي أربح و و و و ....

المشكلة أن الناس في الاخر بتخسر , طب لية ؟ أية الأسباب ؟

طيب قبل دة كله , أنا لية بكتب الموضوع دة ماهو أكيد الناس عارفاه !!

كمية الناس اللي خسرت في أخر فترة بصراحة كانت غريبة خصوصاً اللي بيودع مبالغ كبيرة و يخسرها بسرعة

أو تلاقيه لسة جديد و يقولك أنا عايز أودع مبلغ كبير و أبدأ أتاجر و هو مايعرفش أي حاجة في أساسيات التداول !!

المشكلة الأكبر أن الناس كمان فاهمة أن أساسيات التداول هو التحليل الفني و الأساسي فقط ... REALLY !!!

دة مش مبتدئين بس دة حتى ناس بقالها فترة في السوق , يعني لما ناس بقالها فترة و بتعمل كدة ما بالك باللي لسة مبتدئ !

طيب أية أساسيات التداول ... أية اللي لازم تعرفه و تحدده كويس قبل التداول الحقيقي ؟

طبعاً التحليل الفني و الأساسي شيء أساسي و لكنه عامل فرعي أو حاجة واحدة من ضمن أساسيات التداول

يعني من الاخر مش بمجرد أنك عرفته و أتقنته خلاص يبقى وصلت لـ 100 % و بقيت تعرف تتاجر و تدخل بقى و تكسب

لو عملت كدة أعرف أنك في الأخر هاتقول للحساب باي باي ...

دة واقع مش مجرد كلام و المواقع مليانة بالقصص و حتى اللي لسة كانت مطروحة من قريب !!

يبقى أحنا محتاجين أية ... ؟



1_ حدد الريسك بتاعك قبل الربح ...


لازم تبقى عارف أنت هاتخاطر بكام ؟

هل 5 % للصفقة ولا 10 % للصفقة ولا حتى الـ 10 % دي لحوالي 5 صفقات ولا أية ؟

لازم تبقى عارف أنت هاتخاطر بكام و لازم تبقى محدد لنفسك system تمشي عليه غير كدة شكراً .



2 _ لازم تحدد نسبة الريسك مقابل الربح ...


مش محتاجة كلام بس نتكلم عليها لأن الناس بتغلط فيها و بتكبر دماغها منها و دي سبب كبير و رئيسي

في خسارة الحسابات والكلام دة عن تجربة سابقة معايا على حسابي الحقيقي .

لما تيجي تدخل صفقة لازم تبقى عارف أنت داخل هاتكسب قد أية و تربح قد أية ولا زم تحاول على الأقل يكون النظام دة 2 : 1

يعني مثلاً هدفك 50 نقطة وقف الخسارة 25 ... هدفك 60 الخسارة 30 ...

الكلام دة على الأقل , و كل ما كانت نسبة الربح مقابل الخسارة أكبر كل ما كان أفضل .

طيب في ناس بتحب تدخل 1:1 ... لو نظامك دة دائماً يبقى هاتخسر أكيد في النهاية , النظام دة ممكن تعملة صفقة أو أتنين

من جزء من الأرباح أنت مخصصة للمخاطرة , بمعنى :

أنت محدد لنفسك في الشهر 150 نقطة و جبتهم , حدد مثلاً 30 نقطة أو 50 نقطة خليهم للصفقات اللي فيها مخاطرة عالية over

بحيث حتى لو خسرتهم أنت في النهاية كسبان بردوا مش تزعل غير كدة أنت بتموت الحساب بتاعك بشكل سريع .


3_ ملاحقة الأرباح أو التريلينج ستوب ...

نقطة مهمة جداً جداً و ناس كتير بتكبر دماغها منها تماماً ...

الكلام دة غلط , لو بعض الأحيان ممكن مايبقاش فيها مشكلة أوي و لكن لو دائماً فدي مشكلة حقيقية ...

لازم كل صفقة تحاول تعمل ملاحقة للأرباح حتى لو على نفس الهدف بس لازم تعمل ملاحقة للأرباح .

أفتكر كنت واضع صفقة في موضوع ليا في موضوع السيناريوهات المتوقعة لحركة الأزواج و كنت كل ما السعر بيتحرك

في صالحي بقوم مقدم الأستوب و كنت موضح الحركة دي بالتفصيل مع إن مش من عادتي أني أوضح الصفقات بتاعتي بالشكل دة

بس قولت علشان الناس تلاحظ أن نقطة ملاحقة الأرباح نقطة مهمة خصوصاً لما يكون السعر متحرك لصالحك أكثر من 70 نقطة

و هدفك أكثر من 100 نقطة بحيث حتى لو السعر رجع و ضرب الأستوب مايبقاش في حالة من الضيقة و الزعل النفسي

و تقول ياريتني كنت قفلت و ياريتني كنت أكتفيت و و و ... بالحركة دي أنت بتقلل الضيقة النفسية و الحالة اللي ممكن تدخل فيها

لبعض الوقت بعملية ملاحقة الأرباح , فحتى لو السعر رجع و ضرب الأستوب أنت بردوا كسبان .

انا عن نفسي بعمل كدة كل مثلاً ما الصفقة بتتحرك 30 نقطة تقريباً بحرك الأستوب و غالباً ببقى على نقطة الدخول

لأن أوقات كتير الصفقات بتبقى في حدود ال50 إلى 60 نقطة فبيبقى وقف الخسارة في حدود ال30 نقطة و بمجرد السعر

بيتحركهم بقدم الأستوب مباشرة إلى نقطة الدخول و أسيب السعر يتحرك للهدف , جاب الهدف تمام , شفت أن السعر ممكن يتحرك أكثر

اوك مافيش مشكلة بقدم الهدف و الأستوب لوز و أسيبه يعيش مع نفسه .

احياناً مش بلحق السعر لما بكون في الشغل لأني بشتغل يدوي مش بإسكربت فبتقبل الموضوع عادي و دة شيء ضروري

سواء في الربح أو الخسارة تقبل الأمور .


4_ تحديد أماكن و نوع الصفقات على الأزواج ...

ناس كتير بلاقي مواضيع ليها بتدخل بيع و شراء على نفس الزوج في نفس الوقت و شغالة بيع و شراء في الزوج و مطلعة عينه

أنا عايز أسأل سؤال واحد ... أنت كدة متاجر و شايف أن هي دي التجارة ؟

أو تلاقي زوج فيه عمله مسيطرة بشكل قوي مثلاً و تلاقيه في وقت قوته بيمشي عكسه و يدخل صفقة عكسه !!!!!!!!!!!!!!!

دي مش متاجرة نهائياً و أحب أقول للناس دي للأسف هاتخسروا في النهاية حساباتكم ..

شغل المضاعفات و التبريدات و الهيدج دة مش ينفع مع الفوركس خصوصاً الحسابات الصغيرة

أنا أعرف ناس في أمريكا و تايلند بتشتغل مضاعفات بحسابات حقيقية تتعدى الـ 50 ألف دولار و الحسابات في بنوك كبيرة

و الرافعة نفسها مش كبيرة بتبقى 50:1 تقريباً و ناس تانية بتستخدم رافعات قليلة لأنها عارفة حتى لو الحسابات كبيرة

و دارسة إستراتيجيتها المضاعفات نفسها فيها مخاطرة كبيرة جداً جداً و من أسرع الطرق اللي بتصفر الحسابات فما بالك

باللي بيتشغل بحسابات صغيرة لا تتعدي الألف دولار و برافعة أكثر من 200 و توصل أحياناً لـ 1000:1 و أكثر !!

و شغل التبريد و التعزيز دة أصلاً شغل بورصة مش فوركس و رغم كدة الناس بتدخل بيها !!

طيب هل في حد منهم سأل نفسه لية الناس أصحاب الورش دي مش بتكمل في السوق أو يقولك أنا مكمل في السوق لسة بنفس الطريقة ؟

معظم الناس دي يا أما غيرت طريقتها أو سابت الفوركس و أتجهت للبورصة أو إستثمار عقارات أو ترك الإستثمار نهائياً !

لما تمسك زوج لازم تبقى عارف هاتبيع ولا هاتشتري ولو قدامك الاحتمالين لازم تبقى عارف هاتبيع منين و هاتشتري منين

و الأستوب هايبقى فين و لية و التيك بروفت فين و لية مش مجرد دخول بناء على إستراتيجية و خلاص .

الناس لازم تبقى عارفة أنها بتاجر في سوق اللي فيه مش مجرد حيتان عادية دول حيتان أوركا

مافيش حد بيرحم حد و الكل ضد بعضه تعاملاتهم بمبالغ ضخمة جداً .

أشهر المتاجرين في العالم بيدخلوا صفقات ما بين الـ 10:6 صفقات في السنة كلها ...

يعني من فترة كنت قريت عن متاجر من ضمن أفضل 5 متاجرين في العالم بيدخل في السنة حوالي 4 أو 5 صفقات

هل أنت بقى يا أخي يا متاجر أنصح منه و أفضل منه ومقطع السمكة و ديلها واخد الزوج طالع نازل بيع ومطلع عينه بيع و شراء

عارف اكتر منه و أفضل منه !

ممكن تكون فعلاً أفضل منه و بمراحل بس مش عارف توظف نفسك صح , مش عارف تعمل خطة ليك تمشي عليها

و دة السبب أنك في النهاية بخسر و أنك كل فترة بتغير طريقة متاجرتك , الفوركس مش عايز كدة خااااااااااااالص .

مثلاً في العرض و الطلب :

الزوج صاعد أبقى مركز على الشراء أكثر من البيع ولو دخلت بيع لازم أبقى واخد حذري أني داخل عكس الإتجاه

و لازم المنطقة تكون منطقة قوية مش مجرد منطقة متوسطة القوة .

و حتى لو دخلت صفقة شراء أبقى عارف أمتى هادخل شراء بأمر معلق و أمتى استنى برايس أكشن

و النقطة دي ذكرتها أكثر من مرة في ورشتي My Way , مش أي مكان نعلق أوردر و ندخل و خلاص

ولو الإتجاه عرضي أبقى محدد مناطق أستنى السعر عندها مش أروح أجري ورا السعر و أدخل و خلاص !

الناس اللي منتشرة في المواقع و الفيس و غيره و تحط على كل مكان أوردر و مناطق السعر موتها و تلاقيه معلق اوردر تاني

حاجة بصراحة غريبة ... طبعاً ناس هنا تيجي و تقولك انا بكدة هاضيع نقاط و فرص دخول أحسن

هنا أرد عليه و أقوله : أفضل من أنك تضيع الصفقة و تضيع الحساب .

الكلام دة مش عرض و طلب فقط بل أي نظام تداول أخر هارمونيك , رقمي , زمني , أليوت أي نظام تداول أخر الفكرة واحدة فيهم .


5_ عدم وجود خطة واضحة و طريقة تداول واضحة و مدروسة ...

دي تعتبر تكمله للنقطات السابقة , الناس معندهاش خطة لا في المخاطرة ولا في الربح ولا طريقة الدخول ولا أي حاجة

مجرد إستراتيجية واحد بيدخل عليها و بيجربها و خلاص جابت نتيجة يدخل بيها حساب لايف و بعد فترة بووووووم مارجن كول !!

يقولك الإستراتيجية دي فاشلة يقوم مغيرها يروح لغيرها يلاقيها ناجحة يدخل لايف بوووووووووووم مارجن كول و هكذا

لغاية لما يجي يقولك الفوركس دة نصب دة في نصب اللي بيكسب بس الشركات و المواقع الراعية للشركات

ولو جيت تبص للحقيقة هو مايعرفش حاجة غير إنه بيشتري و يبيع , طيب لية و منين و هدفك كام و الريسك كام و خطتك أية ... أبيض !!

يبقى لازم تحدد لنفسك طريقة و إسلوب تداول , خطة تكون متكاملة بقدر الإمكان من نسبة مخاطرة بشكل عام للحساب و من توزيع

المخاطرة على الصفقات إلى نسبة الأرباح إلى طريقة تداول مدروسة و ليست مجرد إستراتيجية , الكلام دة لو أتنفذ صح نسبة الخسارة

هتقل بشكل ملحوظ جداً جداً جداً الناس هاتبقى عارفة بعد كدة بتعمل أية فعلاً و بتاجر أزاي ,, هاتدخل أمتى و منين و الهدف أية , كل الكلام دة

خلاص عارفاه و فاهماه و مش محتاجة تقرأ عنه في أي مكان لا كتب عربية ولا أنجليزية ولا حتى هندية .

مثال :

حسابي فيه 1000 دولار أنا محدد لنفسي 10 % ريسك = 100 دولار

الـ 10 % دول اوزعهم على الصفقات اللي هادخل بيا , عن نفسي بوزع الـ 10 % على 4 أو 5 صفقات على حسب

لو قلنا 4 يبقى كل صفقة = 2.5 % = 25 دولار

لو قلنا 5 يبقى كل صفقة = 2 % = 20 دولار

كدة حددت هاخسر قد أية و بنفس الوقت أنا عارف أحدد لو كسبت في الصفقة هاكسب قد أية ...

حتى لو أنا مش كسبت و خسرت الـ 4 أو 5 صفقات ورا بعض مع إن دة صعب بس كل شيء وارد في السوق

يبقى أنا خسرت الـ 100 دولار اللي محددهم لنفسي و وقتها مش هازعل لأني محدد لنفسي طريقة بمشي عليها

محدد ريسك و محدد ربح و محدد كل شيء , بعد ما أخسر أروح أراجع نفسي و أشوف أسباب الخسارة أية و أتعلم منها

مش أخسر و خلاص و شكراً !!



6_ العامل النفسي ...

النقطة دي مهمة و بتعتمد على كل اللي فات

لو أنا عامل لنفسي خطة و ماشي عليها خلاص انا كدة بدأت أتحكم في نفسي و بدأت أعرف أفكر بعقلي مش بعواطفي

إنما الناس أصلاً مش عندها خطة ولا بتعمل تريلينج ستوب و كل شوية تلاقيها تفتح و تقفل صفقات و تكسب و تخسر

و تقعد تقولك أتحكم في عواطفك هاتتحكم في كل حاجة ... !!

أبدأ أعمل لنفسك خطة أولاً و أمشي عليها حتى لو خسرت مرة و أتنين مافيش مشكلة , أنت لازم لازم هاتخسر في السوق

و كذا صفقة ورا بعض مش صفقة ولا أتنين فلازم تبقى عارف أنت بتعمل أية ...

لو حد خسر كتير و فضل يخسر يبقى لازم يراجع نفسه و طريقته في التداول كلها من مخاطرة إلى ربح إلى إستراتيجيته .

بلاش نقطة الإنتقام من السوق و محاولة التعويض في حالة الخسارة , لو عملت كدة يبقى أنت مش عندك خطة

ولا إستراتيجية ماشي عليها فبالتالي أنت مصيرك في الأخر الخسارة .

بلاش نقطة الدخول في أكتر من صفقة شراء أو بيع لمجرد أنك كسبان دة معناه أن مافيش خطة ماشي عليها و المخاطرة عالية

لو بتعمل كدة بناء على مخاطرة أنت محددها من نسبة الأرباح دة تمام أنت عارف و محدد لنفسك بتعمل أية إنما دخول و خلاص

و محاولة إستغلال الفرص المتاحة بأي شكل دة غلط تماماً !

أنت داخل تتاجر و تستثمر أموالك مش داخل صالة قمار فأشتغل شغل تجار و شغل متاجرين حقيقيين .

و طبعاً لو الواحد ماعملش خطة و دخل على مجرد إستراتيجية مربحة و خسر , في الأخر يلقي اللوم كله على العامل النفسي

و يقولك الطمع و الخوف مع أنه سايب عوامل تانية كانت ضمن الأسباب الرئيسية للخسارة !



7_ التفكير مرة أخرى بعد الدخول ...

دي نقطة مهمة جداً و سبب قوي جداً في خسارة ناس كتير

الواحد يبقى محلل كويس و شايف الزوج صاعد مثلاً و دخل شراء , هووووووووب شمعة هابطة بن بار أو إبتلاعية

تلاقي بقى بدأ يفكر أدخل بيع و أقفل الشراء ولا أدخل هيدج ولا أعمل أية ولا أية ولا أية ؟!!!!!!!!!!!

أنت خلاص دخلت الصفقة بالفعل أستنى بقى يا أما تضربلك الأستوب أو تجيب التيك بروفت

بلاش التفكير الكتير أوي اللي بعد الدخول أنت خلاص حللت و فكرت و دخلت خلاص سيبها بقى على ربنا و ثق في تحليلك

لأنك لو فكرت كتير هاتتعب نفسياً و هاتلاقي نفسك بتتخذ قرارات غلط و بدأت الدنيا تبوظ عندك و حسابك يبوظ أكتر و بسرعة

فبلاش الكلام دة !

أنا عن نفسي الكلام دة بيحصل معايا أخرها كانت معايا في المجنون شمعة قوية هابطة , بشكل تلقائي لقيت نفسي بفكر أعمل أية

بس قولت أنا محدد أستوب لوز و محدد تيك بروفت و عارف أني داخل على زوج مجنون و شهرته أصلاً المجنون

فخلاص عادي أنا حسبت المخاطرة و متقبل الخسارة و فعلاً ضربت الأستوب لوز و بنفس الوقت الصفقة كانت معوضة

في صفقة تانية على الباوند دولار .

فنصيحة بلاش تفكر كتير بعد الدخول في الصفقة , طالما حددت الأستوب لوز و التيك بروفت و لسة السعر ما أتحركش

في صالحك و بدأت تعمل ملاحقة للأرباح خلاص وقت التفكير إنتهى و زي ما بتتقبل الربح تقبل الخسارة بصدر رحب و بهدوء تام .



8_ أسباب أخرى ...

في نقاط كتير تانية زي إستغلال الفرص بشكل خاطئ و الدخول في صفقات مضاعفة في نفس الصفقة لتحقيق ربح أعلى

و غيره و الكلام دة طبعاً بيبقى من غير تجربة لفترة كبيرة و في بردوا نقطة التنقل بين الدروس و المدارس الفنية

و عدم دراسة نوع محدد و محاولة إحترافه بشكل قوي , النقط دي كلها تقريباً بردوا ذكرتها في الأعلى و هي نقط

فرعية بتتسبب مع ما ذكرته في تسريع فقدان الحساب و زيارة المارجن كول و تصفير الحساب .


=======


طيب هل دي فقط أسباب الخسارة لا طبعاً بس دي من الأسباب القوية اللي الناس بتتجاهلها لمجرد معرفتها و إتقانها

للتحليل الفني و الأساسي أو مش بتهتم بيها أوي و بتفتكر أنها بكدة أصبحت تستطيع المتاجرة في الفوركس

مما يؤدي في النهاية إلى المارجن كول أو تصفير الحساب .

ياريت الناس تخالي بالها و كلامي دة مش معناه أني بيرفكت في التداول , لا انا بكسب و بخسر عادي زي الكل

بس بحاول أني مش أدخل كتير مش في أي فرصة حتى لو تحليلي و الحركة المتوقعة كانت صح في معايير تانية بعتمد عليها في الدخول + نسبة المخاطرة

مش تتجاوز المسموح بيه إلا في أوقات معينة بكون مخصصها من جزء من الأرباح

مثل ما ذكرت إنما مش علطول رسك عالي في كل صفقة و علطول في خسائر و خلاص أنا كدة مش هاكسب و هايتقال عليا متاجر ناجح

و اللي هايقول عليا ناجح و هكذا لما يمشي ورايا و يخسر هايدعي عليا مش هايدعيلي فلازم الناس تبقى فاهمه بتعمل أية

السوق مش مجرد تحليل فني و أساسي و خلاص و إلا الكل كان رابح و ماكنش في خسائر .

في فرق بين اللي بيعرف يحلل و يتستغل تحليله صح و اللي بيحلل و مش يعرف يستخدم تحليله لازم الناس تاخد بالها من النقطة دي

و نصيحة تاجر و أفهم السوق بيتحرك أزاي و بلاش مضاربات و تبريدات الشغل دة أوله حلو بس نهايته مش حلوة .

ياريت الناس تشارك برأيها في الموضوع لو شايفه الموضوع مهم أو لو عندها أي إضافة أخرى .

و في النهاية أتمنى للجميع التوفيق و النجاح في سوق الفوركس

[مضر سعيد]

بارك الله فيك أخي الكريم .. موضوع بالغ في الأهمية

[gashaweb]

بارك الله فيك يا غالي

[hema007]

بارك الله فيك أخي الكريم .. موضوع بالغ في الأهمية

و فيك يا أخي .

أتمنى الناس تستفيد منه خصوصاً المبتدئين حتى لا يخسروا أموالهم بدون حتى أن يحصلوا على تجربة حقيقية .

[abdul raheem]

موضوع قيم ومتعوب فيه كثير .. بارك الله فيك اخينا العزيز

[mohamed salama 5]

جميل جدا استاذ ابراهيم
جعلة الله فى ميزان حسناتك

[drmahdy]

كيف تصبح متاجر حقيقي يربح ولا يخسر !!

أكيد الناس قرأت الكثير من المواضيع بخصوص هذا الموضوع

و أزاي أتاجر و أزاي أربح و و و و ....

المشكلة أن الناس في الاخر بتخسر , طب لية ؟ أية الأسباب ؟

طيب قبل دة كله , أنا لية بكتب الموضوع دة ماهو أكيد الناس عارفاه !!

كمية الناس اللي خسرت في أخر فترة بصراحة كانت غريبة خصوصاً اللي بيودع مبالغ كبيرة و يخسرها بسرعة

أو تلاقيه لسة جديد و يقولك أنا عايز أودع مبلغ كبير و أبدأ أتاجر و هو مايعرفش أي حاجة في أساسيات التداول !!

المشكلة الأكبر أن الناس كمان فاهمة أن أساسيات التداول هو التحليل الفني و الأساسي فقط ... REALLY !!!

دة مش مبتدئين بس دة حتى ناس بقالها فترة في السوق , يعني لما ناس بقالها فترة و بتعمل كدة ما بالك باللي لسة مبتدئ !

طيب أية أساسيات التداول ... أية اللي لازم تعرفه و تحدده كويس قبل التداول الحقيقي ؟

طبعاً التحليل الفني و الأساسي شيء أساسي و لكنه عامل فرعي أو حاجة واحدة من ضمن أساسيات التداول

يعني من الاخر مش بمجرد أنك عرفته و أتقنته خلاص يبقى وصلت لـ 100 % و بقيت تعرف تتاجر و تدخل بقى و تكسب

لو عملت كدة أعرف أنك في الأخر هاتقول للحساب باي باي ...

دة واقع مش مجرد كلام و المواقع مليانة بالقصص و حتى اللي لسة كانت مطروحة من قريب !!

يبقى أحنا محتاجين أية ... ؟



1_ حدد الريسك بتاعك قبل الربح ...


لازم تبقى عارف أنت هاتخاطر بكام ؟

هل 5 % للصفقة ولا 10 % للصفقة ولا حتى الـ 10 % دي لحوالي 5 صفقات ولا أية ؟

لازم تبقى عارف أنت هاتخاطر بكام و لازم تبقى محدد لنفسك system تمشي عليه غير كدة شكراً .



2 _ لازم تحدد نسبة الريسك مقابل الربح ...


مش محتاجة كلام بس نتكلم عليها لأن الناس بتغلط فيها و بتكبر دماغها منها و دي سبب كبير و رئيسي

في خسارة الحسابات والكلام دة عن تجربة سابقة معايا على حسابي الحقيقي .

لما تيجي تدخل صفقة لازم تبقى عارف أنت داخل هاتكسب قد أية و تربح قد أية ولا زم تحاول على الأقل يكون النظام دة 2 : 1

يعني مثلاً هدفك 50 نقطة وقف الخسارة 25 ... هدفك 60 الخسارة 30 ...

الكلام دة على الأقل , و كل ما كانت نسبة الربح مقابل الخسارة أكبر كل ما كان أفضل .

طيب في ناس بتحب تدخل 1:1 ... لو نظامك دة دائماً يبقى هاتخسر أكيد في النهاية , النظام دة ممكن تعملة صفقة أو أتنين

من جزء من الأرباح أنت مخصصة للمخاطرة , بمعنى :

أنت محدد لنفسك في الشهر 150 نقطة و جبتهم , حدد مثلاً 30 نقطة أو 50 نقطة خليهم للصفقات اللي فيها مخاطرة عالية over

بحيث حتى لو خسرتهم أنت في النهاية كسبان بردوا مش تزعل غير كدة أنت بتموت الحساب بتاعك بشكل سريع .


3_ ملاحقة الأرباح أو التريلينج ستوب ...

نقطة مهمة جداً جداً و ناس كتير بتكبر دماغها منها تماماً ...

الكلام دة غلط , لو بعض الأحيان ممكن مايبقاش فيها مشكلة أوي و لكن لو دائماً فدي مشكلة حقيقية ...

لازم كل صفقة تحاول تعمل ملاحقة للأرباح حتى لو على نفس الهدف بس لازم تعمل ملاحقة للأرباح .

أفتكر كنت واضع صفقة في موضوع ليا في موضوع السيناريوهات المتوقعة لحركة الأزواج و كنت كل ما السعر بيتحرك

في صالحي بقوم مقدم الأستوب و كنت موضح الحركة دي بالتفصيل مع إن مش من عادتي أني أوضح الصفقات بتاعتي بالشكل دة

بس قولت علشان الناس تلاحظ أن نقطة ملاحقة الأرباح نقطة مهمة خصوصاً لما يكون السعر متحرك لصالحك أكثر من 70 نقطة

و هدفك أكثر من 100 نقطة بحيث حتى لو السعر رجع و ضرب الأستوب مايبقاش في حالة من الضيقة و الزعل النفسي

و تقول ياريتني كنت قفلت و ياريتني كنت أكتفيت و و و ... بالحركة دي أنت بتقلل الضيقة النفسية و الحالة اللي ممكن تدخل فيها

لبعض الوقت بعملية ملاحقة الأرباح , فحتى لو السعر رجع و ضرب الأستوب أنت بردوا كسبان .

انا عن نفسي بعمل كدة كل مثلاً ما الصفقة بتتحرك 30 نقطة تقريباً بحرك الأستوب و غالباً ببقى على نقطة الدخول

لأن أوقات كتير الصفقات بتبقى في حدود ال50 إلى 60 نقطة فبيبقى وقف الخسارة في حدود ال30 نقطة و بمجرد السعر

بيتحركهم بقدم الأستوب مباشرة إلى نقطة الدخول و أسيب السعر يتحرك للهدف , جاب الهدف تمام , شفت أن السعر ممكن يتحرك أكثر

اوك مافيش مشكلة بقدم الهدف و الأستوب لوز و أسيبه يعيش مع نفسه .

احياناً مش بلحق السعر لما بكون في الشغل لأني بشتغل يدوي مش بإسكربت فبتقبل الموضوع عادي و دة شيء ضروري

سواء في الربح أو الخسارة تقبل الأمور .


4_ تحديد أماكن و نوع الصفقات على الأزواج ...

ناس كتير بلاقي مواضيع ليها بتدخل بيع و شراء على نفس الزوج في نفس الوقت و شغالة بيع و شراء في الزوج و مطلعة عينه

أنا عايز أسأل سؤال واحد ... أنت كدة متاجر و شايف أن هي دي التجارة ؟

أو تلاقي زوج فيه عمله مسيطرة بشكل قوي مثلاً و تلاقيه في وقت قوته بيمشي عكسه و يدخل صفقة عكسه !!!!!!!!!!!!!!!

دي مش متاجرة نهائياً و أحب أقول للناس دي للأسف هاتخسروا في النهاية حساباتكم ..

شغل المضاعفات و التبريدات و الهيدج دة مش ينفع مع الفوركس خصوصاً الحسابات الصغيرة

أنا أعرف ناس في أمريكا و تايلند بتشتغل مضاعفات بحسابات حقيقية تتعدى الـ 50 ألف دولار و الحسابات في بنوك كبيرة

و الرافعة نفسها مش كبيرة بتبقى 50:1 تقريباً و ناس تانية بتستخدم رافعات قليلة لأنها عارفة حتى لو الحسابات كبيرة

و دارسة إستراتيجيتها المضاعفات نفسها فيها مخاطرة كبيرة جداً جداً و من أسرع الطرق اللي بتصفر الحسابات فما بالك

باللي بيتشغل بحسابات صغيرة لا تتعدي الألف دولار و برافعة أكثر من 200 و توصل أحياناً لـ 1000:1 و أكثر !!

و شغل التبريد و التعزيز دة أصلاً شغل بورصة مش فوركس و رغم كدة الناس بتدخل بيها !!

طيب هل في حد منهم سأل نفسه لية الناس أصحاب الورش دي مش بتكمل في السوق أو يقولك أنا مكمل في السوق لسة بنفس الطريقة ؟

معظم الناس دي يا أما غيرت طريقتها أو سابت الفوركس و أتجهت للبورصة أو إستثمار عقارات أو ترك الإستثمار نهائياً !

لما تمسك زوج لازم تبقى عارف هاتبيع ولا هاتشتري ولو قدامك الاحتمالين لازم تبقى عارف هاتبيع منين و هاتشتري منين

و الأستوب هايبقى فين و لية و التيك بروفت فين و لية مش مجرد دخول بناء على إستراتيجية و خلاص .

الناس لازم تبقى عارفة أنها بتاجر في سوق اللي فيه مش مجرد حيتان عادية دول حيتان أوركا

مافيش حد بيرحم حد و الكل ضد بعضه تعاملاتهم بمبالغ ضخمة جداً .

أشهر المتاجرين في العالم بيدخلوا صفقات ما بين الـ 10:6 صفقات في السنة كلها ...

يعني من فترة كنت قريت عن متاجر من ضمن أفضل 5 متاجرين في العالم بيدخل في السنة حوالي 4 أو 5 صفقات

هل أنت بقى يا أخي يا متاجر أنصح منه و أفضل منه ومقطع السمكة و ديلها واخد الزوج طالع نازل بيع ومطلع عينه بيع و شراء

عارف اكتر منه و أفضل منه !

ممكن تكون فعلاً أفضل منه و بمراحل بس مش عارف توظف نفسك صح , مش عارف تعمل خطة ليك تمشي عليها

و دة السبب أنك في النهاية بخسر و أنك كل فترة بتغير طريقة متاجرتك , الفوركس مش عايز كدة خااااااااااااالص .

مثلاً في العرض و الطلب :

الزوج صاعد أبقى مركز على الشراء أكثر من البيع ولو دخلت بيع لازم أبقى واخد حذري أني داخل عكس الإتجاه

و لازم المنطقة تكون منطقة قوية مش مجرد منطقة متوسطة القوة .

و حتى لو دخلت صفقة شراء أبقى عارف أمتى هادخل شراء بأمر معلق و أمتى استنى برايس أكشن

و النقطة دي ذكرتها أكثر من مرة في ورشتي My Way , مش أي مكان نعلق أوردر و ندخل و خلاص

ولو الإتجاه عرضي أبقى محدد مناطق أستنى السعر عندها مش أروح أجري ورا السعر و أدخل و خلاص !

الناس اللي منتشرة في المواقع و الفيس و غيره و تحط على كل مكان أوردر و مناطق السعر موتها و تلاقيه معلق اوردر تاني

حاجة بصراحة غريبة ... طبعاً ناس هنا تيجي و تقولك انا بكدة هاضيع نقاط و فرص دخول أحسن

هنا أرد عليه و أقوله : أفضل من أنك تضيع الصفقة و تضيع الحساب .

الكلام دة مش عرض و طلب فقط بل أي نظام تداول أخر هارمونيك , رقمي , زمني , أليوت أي نظام تداول أخر الفكرة واحدة فيهم .


5_ عدم وجود خطة واضحة و طريقة تداول واضحة و مدروسة ...

دي تعتبر تكمله للنقطات السابقة , الناس معندهاش خطة لا في المخاطرة ولا في الربح ولا طريقة الدخول ولا أي حاجة

مجرد إستراتيجية واحد بيدخل عليها و بيجربها و خلاص جابت نتيجة يدخل بيها حساب لايف و بعد فترة بووووووم مارجن كول !!

يقولك الإستراتيجية دي فاشلة يقوم مغيرها يروح لغيرها يلاقيها ناجحة يدخل لايف بوووووووووووم مارجن كول و هكذا

لغاية لما يجي يقولك الفوركس دة نصب دة في نصب اللي بيكسب بس الشركات و المواقع الراعية للشركات

ولو جيت تبص للحقيقة هو مايعرفش حاجة غير إنه بيشتري و يبيع , طيب لية و منين و هدفك كام و الريسك كام و خطتك أية ... أبيض !!

يبقى لازم تحدد لنفسك طريقة و إسلوب تداول , خطة تكون متكاملة بقدر الإمكان من نسبة مخاطرة بشكل عام للحساب و من توزيع

المخاطرة على الصفقات إلى نسبة الأرباح إلى طريقة تداول مدروسة و ليست مجرد إستراتيجية , الكلام دة لو أتنفذ صح نسبة الخسارة

هتقل بشكل ملحوظ جداً جداً جداً الناس هاتبقى عارفة بعد كدة بتعمل أية فعلاً و بتاجر أزاي ,, هاتدخل أمتى و منين و الهدف أية , كل الكلام دة

خلاص عارفاه و فاهماه و مش محتاجة تقرأ عنه في أي مكان لا كتب عربية ولا أنجليزية ولا حتى هندية .

مثال :

حسابي فيه 1000 دولار أنا محدد لنفسي 10 % ريسك = 100 دولار

الـ 10 % دول اوزعهم على الصفقات اللي هادخل بيا , عن نفسي بوزع الـ 10 % على 4 أو 5 صفقات على حسب

لو قلنا 4 يبقى كل صفقة = 2.5 % = 25 دولار

لو قلنا 5 يبقى كل صفقة = 2 % = 20 دولار

كدة حددت هاخسر قد أية و بنفس الوقت أنا عارف أحدد لو كسبت في الصفقة هاكسب قد أية ...

حتى لو أنا مش كسبت و خسرت الـ 4 أو 5 صفقات ورا بعض مع إن دة صعب بس كل شيء وارد في السوق

يبقى أنا خسرت الـ 100 دولار اللي محددهم لنفسي و وقتها مش هازعل لأني محدد لنفسي طريقة بمشي عليها

محدد ريسك و محدد ربح و محدد كل شيء , بعد ما أخسر أروح أراجع نفسي و أشوف أسباب الخسارة أية و أتعلم منها

مش أخسر و خلاص و شكراً !!



6_ العامل النفسي ...

النقطة دي مهمة و بتعتمد على كل اللي فات

لو أنا عامل لنفسي خطة و ماشي عليها خلاص انا كدة بدأت أتحكم في نفسي و بدأت أعرف أفكر بعقلي مش بعواطفي

إنما الناس أصلاً مش عندها خطة ولا بتعمل تريلينج ستوب و كل شوية تلاقيها تفتح و تقفل صفقات و تكسب و تخسر

و تقعد تقولك أتحكم في عواطفك هاتتحكم في كل حاجة ... !!

أبدأ أعمل لنفسك خطة أولاً و أمشي عليها حتى لو خسرت مرة و أتنين مافيش مشكلة , أنت لازم لازم هاتخسر في السوق

و كذا صفقة ورا بعض مش صفقة ولا أتنين فلازم تبقى عارف أنت بتعمل أية ...

لو حد خسر كتير و فضل يخسر يبقى لازم يراجع نفسه و طريقته في التداول كلها من مخاطرة إلى ربح إلى إستراتيجيته .

بلاش نقطة الإنتقام من السوق و محاولة التعويض في حالة الخسارة , لو عملت كدة يبقى أنت مش عندك خطة

ولا إستراتيجية ماشي عليها فبالتالي أنت مصيرك في الأخر الخسارة .

بلاش نقطة الدخول في أكتر من صفقة شراء أو بيع لمجرد أنك كسبان دة معناه أن مافيش خطة ماشي عليها و المخاطرة عالية

لو بتعمل كدة بناء على مخاطرة أنت محددها من نسبة الأرباح دة تمام أنت عارف و محدد لنفسك بتعمل أية إنما دخول و خلاص

و محاولة إستغلال الفرص المتاحة بأي شكل دة غلط تماماً !

أنت داخل تتاجر و تستثمر أموالك مش داخل صالة قمار فأشتغل شغل تجار و شغل متاجرين حقيقيين .

و طبعاً لو الواحد ماعملش خطة و دخل على مجرد إستراتيجية مربحة و خسر , في الأخر يلقي اللوم كله على العامل النفسي

و يقولك الطمع و الخوف مع أنه سايب عوامل تانية كانت ضمن الأسباب الرئيسية للخسارة !



7_ التفكير مرة أخرى بعد الدخول ...

دي نقطة مهمة جداً و سبب قوي جداً في خسارة ناس كتير

الواحد يبقى محلل كويس و شايف الزوج صاعد مثلاً و دخل شراء , هووووووووب شمعة هابطة بن بار أو إبتلاعية

تلاقي بقى بدأ يفكر أدخل بيع و أقفل الشراء ولا أدخل هيدج ولا أعمل أية ولا أية ولا أية ؟!!!!!!!!!!!

أنت خلاص دخلت الصفقة بالفعل أستنى بقى يا أما تضربلك الأستوب أو تجيب التيك بروفت

بلاش التفكير الكتير أوي اللي بعد الدخول أنت خلاص حللت و فكرت و دخلت خلاص سيبها بقى على ربنا و ثق في تحليلك

لأنك لو فكرت كتير هاتتعب نفسياً و هاتلاقي نفسك بتتخذ قرارات غلط و بدأت الدنيا تبوظ عندك و حسابك يبوظ أكتر و بسرعة

فبلاش الكلام دة !

أنا عن نفسي الكلام دة بيحصل معايا أخرها كانت معايا في المجنون شمعة قوية هابطة , بشكل تلقائي لقيت نفسي بفكر أعمل أية

بس قولت أنا محدد أستوب لوز و محدد تيك بروفت و عارف أني داخل على زوج مجنون و شهرته أصلاً المجنون

فخلاص عادي أنا حسبت المخاطرة و متقبل الخسارة و فعلاً ضربت الأستوب لوز و بنفس الوقت الصفقة كانت معوضة

في صفقة تانية على الباوند دولار .

فنصيحة بلاش تفكر كتير بعد الدخول في الصفقة , طالما حددت الأستوب لوز و التيك بروفت و لسة السعر ما أتحركش

في صالحك و بدأت تعمل ملاحقة للأرباح خلاص وقت التفكير إنتهى و زي ما بتتقبل الربح تقبل الخسارة بصدر رحب و بهدوء تام .



8_ أسباب أخرى ...

في نقاط كتير تانية زي إستغلال الفرص بشكل خاطئ و الدخول في صفقات مضاعفة في نفس الصفقة لتحقيق ربح أعلى

و غيره و الكلام دة طبعاً بيبقى من غير تجربة لفترة كبيرة و في بردوا نقطة التنقل بين الدروس و المدارس الفنية

و عدم دراسة نوع محدد و محاولة إحترافه بشكل قوي , النقط دي كلها تقريباً بردوا ذكرتها في الأعلى و هي نقط

فرعية بتتسبب مع ما ذكرته في تسريع فقدان الحساب و زيارة المارجن كول و تصفير الحساب .


=======


طيب هل دي فقط أسباب الخسارة لا طبعاً بس دي من الأسباب القوية اللي الناس بتتجاهلها لمجرد معرفتها و إتقانها

للتحليل الفني و الأساسي أو مش بتهتم بيها أوي و بتفتكر أنها بكدة أصبحت تستطيع المتاجرة في الفوركس

مما يؤدي في النهاية إلى المارجن كول أو تصفير الحساب .

ياريت الناس تخالي بالها و كلامي دة مش معناه أني بيرفكت في التداول , لا انا بكسب و بخسر عادي زي الكل

بس بحاول أني مش أدخل كتير مش في أي فرصة حتى لو تحليلي و الحركة المتوقعة كانت صح في معايير تانية بعتمد عليها في الدخول + نسبة المخاطرة

مش تتجاوز المسموح بيه إلا في أوقات معينة بكون مخصصها من جزء من الأرباح

مثل ما ذكرت إنما مش علطول رسك عالي في كل صفقة و علطول في خسائر و خلاص أنا كدة مش هاكسب و هايتقال عليا متاجر ناجح

و اللي هايقول عليا ناجح و هكذا لما يمشي ورايا و يخسر هايدعي عليا مش هايدعيلي فلازم الناس تبقى فاهمه بتعمل أية

السوق مش مجرد تحليل فني و أساسي و خلاص و إلا الكل كان رابح و ماكنش في خسائر .

في فرق بين اللي بيعرف يحلل و يتستغل تحليله صح و اللي بيحلل و مش يعرف يستخدم تحليله لازم الناس تاخد بالها من النقطة دي

و نصيحة تاجر و أفهم السوق بيتحرك أزاي و بلاش مضاربات و تبريدات الشغل دة أوله حلو بس نهايته مش حلوة .

ياريت الناس تشارك برأيها في الموضوع لو شايفه الموضوع مهم أو لو عندها أي إضافة أخرى .

و في النهاية أتمنى للجميع التوفيق و النجاح في سوق الفوركس

بالتوفيق اخي .... بارك الله فيك .... حقا نصائح من ذهب ... فعلا اغلب الناس دلوقتي داخلة الفوركس ... كانها داخلة صالة روليت او كازينو قمار... ياريت الاخوة يركزو في الموضوع دا ويبصوله بموضوعيه .... استمر اخي hema007

[أبو نـاصر]

لك جزيل الشكر لهذا الموضوع الحيوي


اتمنى توضيح كيفية الجمع بين الريشيو والتريلينج
وأيضا الفرق بين المرونة والانضباط

-------

عادات تداول سلبية اكتسبت

فكل من دخل الفوركس شدته التدبيلات والمغامرات والاكشن فدرس وبحث وجرب

فنمى عنده عادات تداول سلبية

ان لم تظهر دائما فستظهر بين فترة وأخرى


الأرباح السلبية أيضا .. ارباح وتدبيلات في وقت قصير توافق معها سوق مساعد .. مع تحليل .. واتزان في التداول وقتي

اعطت غرور وثقة زائدة في النفس

-----

الصبر الصبر الصبر

على الفرصة حتى تنضج

وعلى حركة السوق وملله وبعد ما يطلع روحك يضرب الستوب ..ويروح للهدف

[علاءحمدان11]

الصبر الصبر الصبر

على الفرصة حتى تنضج

وعلى حركة السوق وملله وبعد ما يطلع روحك يضرب الستوب ..ويروح للهدف

اضحكتنى بو ناصر اضحك الله سنك ههههههههههههههههههههههه

[أبو نـاصر]

اضحكتنى بو ناصر اضحك الله سنك ههههههههههههههههههههههه

عساها دوم يا غالي



الاسترالي طلع روحي في 12 ساعة رينج 8 نقاط .. بعدها طلع نصف الهدف ثم اكل الستوب وبيطير للهدف

اليورو ضرب وقف شراء 20 ن أمر معلق من آخر الاسبوع الماضي وهلحين رايح للهدف




صياغة (وقف خسارة) سليم من اعقد الامور

[علاءحمدان11]

عساها دوم يا غالي



الاسترالي طلع روحي في 12 ساعة رينج 8 نقاط .. بعدها طلع نصف الهدف ثم اكل الستوب وبيطير للهدف

اليورو ضرب وقف شراء 20 ن أمر معلق من آخر الاسبوع الماضي وهلحين رايح للهدف




صياغة (وقف خسارة) سليم من اعقد الامور

معوضة يبو ناصر باذن الرحمن اهم شئ نفسية من حديد يابطل

[أبو نـاصر]

معوضة يبو ناصر باذن الرحمن اهم شئ نفسية من حديد يابطل

اجمالي الخسارة بسيط ويتعوض باذن الله المشكلة بالانتظار الماضي وانتظار فرصة جديدة .. مع هدف يومي أحاول الحصول عليه

------

اعدت صياغة بعض الضوابط واتدرب عليها .. بهدف ادخال اسلوب اضافي

ريشيو لا يقل عن 3 الى 1 بأي حال

عدم الدخول ماركت هذه الفترة

يعني انتظر حتى يجي الفرج وتجهز الصفقة

المشكلة بالانتظار والادرنالين << وهذا هو هدف التدرب

-----

من الجيد لأي متداول وطيلة بقائه في السوق

أن يستشعر اي اشارات سلبية ويحاول القضاء عليها في مهدها قبل ان تتفاقم


-----

صفقة التعويض لم ينفذ الدخول وطار للهدف الاول .. استرالي ربع ساعة .. الفرصة انتهت بالنسبة لي

اروح ألحقه؟؟
صبر ثم صبر ثم صبر

[علاءحمدان11]

المشكلة بالانتظار والادرنالين << وهذا هو هدف التدرب

معك حق الحلقة الاهم خصوصا للاشخاص الى ضغطهم مرتفع

[hema007]

بارك الله فيك يا غالي

و فيك يا أخي

[hema007]

موضوع قيم ومتعوب فيه كثير .. بارك الله فيك اخينا العزيز

ربنا يخليك

و ربنا يبارك فيك و في أموالك أنت و جميع الأخوة