كيف تصبح متاجر حقيقي يربح ولا يخسر !! شارك برأيك معنا ...

[hema007]

جميل جدا استاذ ابراهيم
جعلة الله فى ميزان حسناتك

تسلم يا باشا ...

بس على فكرة هيما إسم عضوية أخويا في الأصل هو اللي مسجل بيها بس عادي أنا وهو واحد

ربنا يخليك على كلامك الحلو و الجميل و أتمنى الناس كلها تستفاد منه .

بالتوفيق

[hema007]

بالتوفيق اخي .... بارك الله فيك .... حقا نصائح من ذهب ... فعلا اغلب الناس دلوقتي داخلة الفوركس ... كانها داخلة صالة روليت او كازينو قمار... ياريت الاخوة يركزو في الموضوع دا ويبصوله بموضوعيه .... استمر اخي hema007

تسلم يا غالي على كلامك الجميل .

للأسف فعلاً في ناس كتير داخله بتتعامل معاه على بهذا الشكل و لكن لا تقصد التجارة هنا مثل القمار

و لكن للأسف الطرق المستخدمة هي طرق تقول هذا !

أتمنى أنهم ياخدوا بالهم كويس قبل فوات الأوان .

بالتوفيق

[السر]

انا دخلت دورة وتعلمت الكلاسيكي لكن وقت التطبيق على الشارت اضيع واجلس اختار اي قمتين اربطهم بخط ترند المشكلة لي بعد ثالث حساب تصفر تركت الفوركس وجالس اتفرج من بعيد وافكر ارجع لكن كل الي تعلمته تمسح من الراس ^^ مدري احد صارت له مثل حكايتي

[hema007]

لك جزيل الشكر لهذا الموضوع الحيوي


اتمنى توضيح كيفية الجمع بين الريشيو والتريلينج
وأيضا الفرق بين المرونة والانضباط

-------

عادات تداول سلبية اكتسبت

فكل من دخل الفوركس شدته التدبيلات والمغامرات والاكشن فدرس وبحث وجرب

فنمى عنده عادات تداول سلبية

ان لم تظهر دائما فستظهر بين فترة وأخرى


الأرباح السلبية أيضا .. ارباح وتدبيلات في وقت قصير توافق معها سوق مساعد .. مع تحليل .. واتزان في التداول وقتي

اعطت غرور وثقة زائدة في النفس

-----

الصبر الصبر الصبر

على الفرصة حتى تنضج

وعلى حركة السوق وملله وبعد ما يطلع روحك يضرب الستوب ..ويروح للهدف

الريشو أو نسبة الربح إلى نسبخ الخسارة أمر و التريلينج أستوب أو ملاحقة الأرباح أمر أخر ...

الموضوع طبعاً بيختلف من شخص لأخر حسب طريقته بس الموضوع بسيط

لنقل مثلاً أنت بتدخل صفقة 1:3

دخلت صفقة هدفك 150 نقطة أستوبك 50 نقطة السعر تحرك لصالحك 50 نقطة تقوم مقدم الأستوب

على نقطة الدخول و ممكن تحجز بضع نقاط قليلة حسب رؤيتك المهم كلما تحرك السعر مثلاً 30 نقطة

تقوم مقدم الأستوب و حاجز 30 و هكذا لغاية مثلاً ما يبقى فاضل على هدفك حوالي 20 نقطة و هنا

أنت و نظرتك الفنية هل الزوج شايفه هايتحرك أكثر هاتقدم الهدف و تحرك الأستوب و حجز نسبة أكثر

لو شايف كدة كويس و أنت مكتفي بهذا القدر خلاص بتسيب الهدف و الأستوب على أخر وضع قمت به

و تستنى إما يضرب الأستوب أو التيك بروفت .

أهم حاجة كل ما السعر تحرك , تحرك الأستوب و تحجز جزء بحيث بردوا تعبك ما يروحش على الفاضي

و كمان علشان نفسيتك تبقى مطمئنة أنك بالفعل محقق مكسب و أنك بالفعل بتقدر تكسب من السوق و هكذا ...

المرونة و الإنضبط هم مش مختلفان جداً قد يراهم البعض أنهم مرتبطين معاً ...

أنت بحاجة إلى خطة محددة , ريسك محدد بشكل عام للحساب + ريسك محدد لكل صفقة مأخوذ من النسبة العامة للحساب

و نسبة ربح عالية مقابل الخسارة و لكن بنفس الوقت أنت بحاجة للمرونة مع السوق

يعني تقدر تتفاعل مع السوق بشكل إيجابي مثال :

أنا بعتمد على العرض و الطلب , بعض المناطق بستنى فيها برايس أكشن

أحياناً السعر بيعطيني نموذج إنعكاس قبل ما يللمس المنطقة بعدة نقاط في حدود 4 إلى 7 نقاط و بيكون قوي

بتبقى شمعة إبتلاعية قوية إغلاق قرب الهاي أو اللو و الفوليوم عالي بشكل ملحوظ هنا الأمر بيتطلب مني المرونة

خاصة لو الصفقة كانت مع الإتجاه فهنا بدخل الصفقة سواء كانت بيع أو شراء و ببدا أحدد الأستوب لوز و التيك بروفت

فهنا أنا كان عندي مرونة أني دخلت الصفقة لما حصل البرايس أكشن اللي منتظره و لكن قبل أن يللمس المنطقة بعدد

صغير جداً من النقاط و بنفس الوقت مازال لدي الإنضباط وهو تحديد الأستوب لوز و التيك بروفت و نسبة المخاطرة للصفقة

و نسبة الهدف مقابل نسبة الخسارة و هكذا .

كلامك متفق معاك فيه تماماً مواضيع كثيرة جعلت الكثير يرى ان السوق مضاربة سريعة كأنه صالة قمار و ليس تداول عملات

و ما إن يصبحوا واثقين في أنفسهم و أصبحوا مغرورون و ما إن يقعوا في الفخ و سرعان ما يزوروا المارجن كول .

ضيف أن أصبح هناك متداولون لا يعملوا بالإحتمالات و هذه نقطة نسيت ذكرها فهي من أخطر الأمور التي قد يصل لها المتداول

وهو أنه أصبح يتاجر على يقين و يدخل بأحجام عقود كبيرة جداً و ما إن حقق الصفقة الناجحة الأولى و الثانية فتزداد الثقة

و يغامر بشكل أكبر و فجأة يخسر صفقة فيصيبه الأحباط و يحاول الإنتقام من السوق فيخسر مرة أخرى فيحاول مرة أخرى فيخسر تماماً

و هنا يا أما يغير إسلوبه أو يبدأ في الإحباط و يودع مال و يحاول التعويض و ينتهي الأمر به خاسر و هكذا إلى أن يرى الفوركس

مجرد محرقة للأموال و أنها تجارة نصب في نصب ولا يمكن الربح الحقيقي منها !!

السوق محتاج الصبر حتى لو في ملل محتاج صبر و محتاج تبقى عارف أنت بتحط أستوبك فين لأن زي ما أنت قولت

الأستوب ممكن ينضرب و بعدها يروح للهدف فبقدر المستطاع الواحد يحاول يختار مكان مناسب و الله الموفق .

بالتوفيق إن شاء الله

[hema007]

انا دخلت دورة وتعلمت الكلاسيكي لكن وقت التطبيق على الشارت اضيع واجلس اختار اي قمتين اربطهم بخط ترند المشكلة لي بعد ثالث حساب تصفر تركت الفوركس وجالس اتفرج من بعيد وافكر ارجع لكن كل الي تعلمته تمسح من الراس ^^ مدري احد صارت له مثل حكايتي

أها أحياناً التطبيق بيبقى واقع غير الدورة علشان كدة أنت محتاج تطبق اللي بتتعلمه أول بأول

و تدرب عليه كويس لفترة قبل فتح أي حساب .

راجع الدروس الموجودة في الموقع أهتم أزاي تعرف ترسم الترندات و القنوات و المثلثات و باقي الأشكال و الدعوم و المقاومات

و أشكال الشموع اليابانية و رسم الفيبوناتشي و أتقنهم كويس و طبق عليهم ...

أفتح موضوع و ضع شارتاتك و الأخوة هنا هايصححوا لك لو هناك خطأ .

بعد ما تتقن كل الأمور دي أفهم التحليل الأساسي و شوف حركة الزوج و أفهم حركته و أربط الحركة

مع التحليل الفني و الأساسي و شوف حركة الأزواج بتبقى عاملة أزاي وقت الاخبار و غيره .

في الأخر بعد ما تلاقي إستراتيجية كويسة و تدرب عليها لفترة كويسة لعدة شهور شوفت هاتفتح حساب بكام

و أبدأ حدد لنفسك نسبة مخاطرة اللي هاتدخل بيها قد أية من الحساب و وزع النسبة دي على عدد صفقات معين

حسب إستراتيجيتك و طريقتك و طبق الكلام دة كويس لفترة و بعدها توكل على الله و أفتح حساب صغير و نفذ اللي إتعلمته

و راقب نفسك هل بتنجح فعلاً و تكسب ولا بتخسر و شوف أسباب الخسارة أية و أتعلم منها .

الموضوع مش سهل بس بنفس الوقت لو ناوي فعلاً تتعلم كويس هاتلاقي الموضوع مش صعب و كويس معاك .

لو أحتجت أي شيء أنا بالخدمة .

في أمان الله

[zouhirtaha]

[zouhirtaha]

محتاجين هذا الكلام مرة مرة
تسلم على هذاالموضوع القيم

[kombs_tweel]

اخ هيما ما هيا شركه التي تتعامل معها في التداول ... حياك الله على مجهوداتك القيمه

[أبو نـاصر]

اقصد اذا ريشيو 3 الى 1

ويضرب التريلينج كثير

بيصير الريشيو الفعلي مختلف

مثلا الوقف 50$ والهدف 150$

صفقة اعطتني 50
وصفقة اعطتني 80
وصفقة اعطتني 120
وصفقة 0
وصفقة -50
وصفقة 150

لا يوجد ريشيو الآن

[hema007]

اقصد اذا ريشيو 3 الى 1

ويضرب التريلينج كثير

بيصير الريشيو الفعلي مختلف

مثلا الوقف 50$ والهدف 150$

صفقة اعطتني 50
وصفقة اعطتني 80
وصفقة اعطتني 120
وصفقة 0
وصفقة -50
وصفقة 150

لا يوجد ريشيو الآن

ماهو أنت بتحدد لنفسك عدد معين كل ما السعر يتحركه بتحرك الأستوب و الهدف .

ممكن الهدف يبقى ثابت و بعدها تحجز أرباح و تقدم الأستوب و تنتظر السعر يتحرك اكثر لكي يكون هدفك

بعد تقديم الأستوب 1:3

مثلاً : صفقة رابحة 50 انت هاتقدم الاستوب على نقطة الدخول

و تسيب الصفقة تتحرك كمان 50 و بعدها تقدم و تحجز عدد معين حسب خطتك ليكن 30

بكدة انت حاجز 30 و بنفس الوقت واصل ل100 و هكذا ...

التريلينج استوب بتعمله لما السعر يتحرك مسافة جيدة مش مجرد 15 او 20 نقطة لأن أهدافك

بتبقى كبيرة 100 إلى 200 و أحياناً أكثر ... و صعب الصفقات كلها ماتححقش الهدف و تضربلك الأستوب

كدة أنت في حاجة معاك محتاج تشوفها كويس أما مكان الأستوب أو التحليل أو نظام التريلينج بتاعك .

الموضوع بيعتمد عليك و حسب أنت عايز تقدم الأستوب كل قد أية مقابل حركة السعر .

الموضوع أة مش بسيط بس محتاج تفكير كويس و تجربة و تدريب لإنه نظام تداول شبه متكامل .

بالتوفيق

[أبو نـاصر]

صحيح التريلينج مع السوينجات واضح

وتحركه مثلا تحت قيعان الحركة صعودا

---

اغلبنا سكالبينج

اذا دخلت صفقة اعرف اني اخسر 50 أو اربح 150 $
ثلاث صفقات رابحة و7 خاسرة تكون المحصلة ربح

صفقة تعوض ثلاث صفقات

ومع التريلينج تختل النسبة وتصبح مجهولة ..بل وتهدم الفكرة

--


اشكالية الستوب هي في التحليل الفني

دخلت شراء والوقف تحت القاع

كسر القاع كسر وهمي ... أخرجني

الكسر الوهمي سلوك سعري يؤيد الشراء .. يعني هنالك من يشتري على الكسر الوهمي

فهل كسر القاع مكان خروج من الشراء أم مكان دخول شراء

عمليا .... ألغي الوقف وادرس الحالة إما ان اضاعف العقد أو اخرج يدوي

لكن في هذه الحالة الوقف مجهول والريشيو أيضا


(دائما اعتمد الوقف على القمم وتحت القيعان .. الا قمم وقيعان يعلم مسبقا أنها ستكسر وهميا)

[hema007]

صحيح التريلينج مع السوينجات واضح

وتحركه مثلا تحت قيعان الحركة صعودا

---

اغلبنا سكالبينج

اذا دخلت صفقة اعرف اني اخسر 50 أو اربح 150 $
ثلاث صفقات رابحة و7 خاسرة تكون المحصلة ربح

صفقة تعوض ثلاث صفقات

ومع التريلينج تختل النسبة وتصبح مجهولة ..بل وتهدم الفكرة

--


اشكالية الستوب هي في التحليل الفني

دخلت شراء والوقف تحت القاع

كسر القاع كسر وهمي ... أخرجني

الكسر الوهمي سلوك سعري يؤيد الشراء .. يعني هنالك من يشتري على الكسر الوهمي

فهل كسر القاع مكان خروج من الشراء أم مكان دخول شراء

عمليا .... ألغي الوقف وادرس الحالة إما ان اضاعف العقد أو اخرج يدوي

لكن في هذه الحالة الوقف مجهول والريشيو أيضا


(دائما اعتمد الوقف على القمم وتحت القيعان .. الا قمم وقيعان يعلم مسبقا أنها ستكسر وهميا)

بص الريشو تمام أوي في السكالبينج

إنما السوينجات أنت محتاج تريلينج ستوب

معظم متاجرين العالم الناجحون بيمشوا بيه لعدة أسباب

منها أن الصفقات السوينج بتظل فترة فتجعل الصفقة عرضة لتقلبات السوق

يعني السوق وارد يواجه حركة قوية زي حركة الباوند أو الدولار

فعلشان كدة التريلينج مطلوب كعامل مهم دة غير العامل النفسي اللي بيعود عليك .

الريشو ممكن يتم تظبيطه دة بيتطلب منك خبرة في أماكن وضع الأستوب

كمان لازم تجعل في مسافة بينك و بين النقاط الرابحة مثلاً 50 إلى 70 نقطة

فهنا لو السعر رجع و ضرب الأستوب على نقطة الدخول هايبقى أفضل من أن يضرب -50 او -70

معنى أن السعر يرجع نقاط بهذا الشكل ممكن في خبر قوي ممكن في ضعف في الزوج من المشترين أو البائعين

أكيد في سبب فهنا التريلينج بينفعك قدام الريشو .

انت من الأخر بتحاول تعمل Balance بينهم علشان تعرف تستفاد من الحركة الإيجابية للزوج و بنفس الوقت

تبقى ماشي على نظامك .

الموضوع في الاخر بيختلف من شخص لأخر أنا عن نفسي كل 50:30 نقطة بقدم الأستوب غيري ممكن اكثر

و بنفس الوقت بيقدم التارجت علشان لما الوقف يكون على نقطة الدخول و محقق 50 نقطة مثلاً و هدفه 150

بنفس الوقت يعتبر ال50 نقطة دي نقطة الدخول و يبدأ يحسب منها ريشو 1:2 أو 1:3

و الأستوب لوز بدل ما هو بالسالب هو في تعادل يعني حتى لو السعر عكس خلاص هو تمام كمل هدفه خير و بركة .

كمان لازم تعرف مش كل الصفقات هاتقعد تقدم في التارجت أكيد هاتقبلك مناطق قوية يومي أسبوعي شهري

هاترد السعر فلازم تبقى واخد بالك في صفقات بتقبل باللي محدده في الأول و في صفقات بتقدم التارجيت بتاعها .

دي تعتبر بردوا مرونة في التحليل الفني .

و بالتوفيق

[أبو نـاصر]

اشكرك بعمق على رحابة صدرك

[الـوليد]

ربح من الفوركس = استراتيجيه

[السر]

أها أحياناً التطبيق بيبقى واقع غير الدورة علشان كدة أنت محتاج تطبق اللي بتتعلمه أول بأول

و تدرب عليه كويس لفترة قبل فتح أي حساب .

راجع الدروس الموجودة في الموقع أهتم أزاي تعرف ترسم الترندات و القنوات و المثلثات و باقي الأشكال و الدعوم و المقاومات

و أشكال الشموع اليابانية و رسم الفيبوناتشي و أتقنهم كويس و طبق عليهم ...

أفتح موضوع و ضع شارتاتك و الأخوة هنا هايصححوا لك لو هناك خطأ .

بعد ما تتقن كل الأمور دي أفهم التحليل الأساسي و شوف حركة الزوج و أفهم حركته و أربط الحركة

مع التحليل الفني و الأساسي و شوف حركة الأزواج بتبقى عاملة أزاي وقت الاخبار و غيره .

في الأخر بعد ما تلاقي إستراتيجية كويسة و تدرب عليها لفترة كويسة لعدة شهور شوفت هاتفتح حساب بكام

و أبدأ حدد لنفسك نسبة مخاطرة اللي هاتدخل بيها قد أية من الحساب و وزع النسبة دي على عدد صفقات معين

حسب إستراتيجيتك و طريقتك و طبق الكلام دة كويس لفترة و بعدها توكل على الله و أفتح حساب صغير و نفذ اللي إتعلمته

و راقب نفسك هل بتنجح فعلاً و تكسب ولا بتخسر و شوف أسباب الخسارة أية و أتعلم منها .

الموضوع مش سهل بس بنفس الوقت لو ناوي فعلاً تتعلم كويس هاتلاقي الموضوع مش صعب و كويس معاك .

لو أحتجت أي شيء أنا بالخدمة .

في أمان الله

مشكور الله يسعدك بس احسها صعبة ارجع من جديد وعني احس الكلاسيكي ملخبط شوي فياليت لو تنصحني بتحليل غيره اكون شاكر لك