ورشة عمل إستراتيجية " [ My Way ] "

[hema007]

GBP/USD 4H

الملف المرفق 465999

مازال السعر هابط و مازال فيه قوة بيعية إلى الأن

أعتقد أفضل منطقة ينتهي عندها الهبوط في الوقت الحالي هي منطقة الطلب القادمة

المنطقة قوية جداً واضح أن كان فيها قوة شرائية كبيرة + منطقة فريش + السعر بقالة

فترة بعيد عن منطقة الأسعار اللي عند منطقة الطلب فبالتالي هي تعتبر نفسياً منطقة مغرية للشراء

ممكن نعلق أوردر هناك و ممكن نستنى برايس أكشن كل واحد و حسب طريقته .

========

USD/CHF 4H

الملف المرفق 466000

الباشا مازال في صعود , حالياً بيعيد إختبار منطقة دعم متبادلة الأدوار للمرة الثالثة

لو الشمعة الحالية أغلقت بن بار صاعدة قرب الهاي و بفوليوم عالي هاتبقى إشارة كويسة للدخول شراء .

========

USD/CAD D

الملف المرفق 466001

نتابع السعر عن منطقة الطلب الحالية , منطقة قوية و حركة السعر كانت كويسة عندها

لازم نستنى برايس أكشن أما بن بار شوتنج ستار أو شمعة إبتلاعية .

لو الشموع كانت أحجامها كبيرة هاتبقى ملغية لأن الأستوب هايبقى كبير .

========

EUR/GBP 4H

الملف المرفق 466002

نتابع السعر عند منطقة المقاومة الحالية ...

السعر عند منطقة مقاومة مش قادر لغاية دلوقت يخترقها بالرغم من الفوليوم العالي

ودي إشارة على قوة منطقة المقاومة فلو الشمعة الحالية أغلقت بن بار شوتنج ستار

إغلاقها أسفل المنتصف و الفوليوم عالي هاتبقى إشارة كويسة للبيع .

الدخول من المنطقة دي عقد لازم يكون قليل + التركيز الصحيح بالنسبة ليا هايبقى من منطقة العرض اللي فوق

دي منطقة قوية و السعر بقالة فترة بعيد عن الأسعار اللي هناك يعني نفسياً هاتبقى منطقة كويسة للبيع .

========

AUD/USD4H

الملف المرفق 466003

بصراحة مش برتاح أوي للزوج دة بس نتابع منطقة الطلب , هي متوسطة القوة

فالناس تخالي بالها لو السعر ظل في المنطقة كتير مش عمل برايس أكشن بسرعة

فالفرصة ملغية .

أي فرصة كانت على بيع الدولار فهي ملغية .

[hema007]

منور يا حج عجة ههههههههههههههه

+51 نقطة لغاية دلوقت و لسة مستمر معاه لغاية لما نشوف الخبر بتاع بكرة هايحصل فيه أية

الملف المرفق 466073

تمام الباشا رجع و ضرب الأستوب بعد تقديمه عند نسبة 50ة فيبو تقريباً .

الدولار كنت متوقعة يرتفع حوالي 50 نقطة و كحد أقصى 80 و اللي حصل العكس .

كويس أن الواحد مادخلش أي فرصة و فضل متابع من بعيد الشقلبظات اللي بتحصل

[hema007]

USD/CAD D

الكندي اللي وضعت الشارت بتاعه إمبارح

الشمعة قفلت مكونة نموذج جيد + فوليوم عالي + تشبع شرائي

السعر هبط بعدها أكثر من 80 و رجع حالياً محقق حوالي 45 نقطة

و لسة مازلت شايف أنه مازال هابط لغاية منطقة الدعم أو قبلها بحاجة بسيطة .

الملف المرفق 466029

البرنس وصل لهدفه الطبيعي فعلاً +130 نقطة ...

خبر الدولار حرك الزوج بشكل سريع و كان عامل مساعد قوي

[hema007]

EUR/GBP 4H

الملف المرفق 466002

نتابع السعر عند منطقة المقاومة الحالية ...

السعر عند منطقة مقاومة مش قادر لغاية دلوقت يخترقها بالرغم من الفوليوم العالي

ودي إشارة على قوة منطقة المقاومة فلو الشمعة الحالية أغلقت بن بار شوتنج ستار

إغلاقها أسفل المنتصف و الفوليوم عالي هاتبقى إشارة كويسة للبيع .

الدخول من المنطقة دي عقد لازم يكون قليل + التركيز الصحيح بالنسبة ليا هايبقى من منطقة العرض اللي فوق

دي منطقة قوية و السعر بقالة فترة بعيد عن الأسعار اللي هناك يعني نفسياً هاتبقى منطقة كويسة للبيع .

الزوج بمجرد إنه للمس منطقة العرض نزل أكتر من 120 نقطة

هو طبعاً الزوج عمل برايس أكشن بس مش اللي نقدر ندخل منه فعلشان كدة مدخلتش الأوردر

شمعة البرايس أكشن لو كانت إبتلاعية أو شمعة تأكيديه للرجل المشنوق أو الهامر المقلوب

لازم حجم الجسم يكون وسط مش كبير و دة لعدة أسباب أعتقد ذكرتها قبل كدة من أهمها الأستوب

بس بعيد عن الإستراتيجية فالمنطقة دي كانت منطقة قوية جداً

يعني منطقة تعليق أوردرات مش إنتظار برايس أكشن

على العموم معوضة إن شاء الله

[hema007]

EUR/GBP 4H



الزوج في إتجاه عام عرضي و حالياً عند منطقة طلب

الزوج أظهر بعض إشارات الضعف عند منطقة الطلب ... نتابع إفتتاح السوق ونشوف أية الوضع

لو الزوج صعد هانستنى برايس أكشن عند مناطق العرض خاصة أول منطقة فوق .

=======

USD/CHF 4H



نفس الكلام الزوج في إتجاه عام عرضي على اليومي و الأربع ساعات

هانركز في الدخول هنا من عند منطقة العرض فقط المحددة .

المنطقة مدعومة بوجود منطقة دعم مكسورة منتظرة إعادة الإختبار علشان عملية تبادل الأدوار

فالمنطقة تعتبر منطقة كويسة و هانستنى برايس أكشن من عندها إما شوتنج ستار أو إبتلاعية .

بالتوفيق

[tt3]

الى الامام دائما من اجمل المواضيع

[hema007]

الى الامام دائما من اجمل المواضيع

شكراً يا كبير على مرورك

[hema007]

EUR/JPY 4H



الزوج في إتجاه عام عرضي و حالياً عند منطقة طلب

الزوج أظهر بعض إشارات الضعف عند منطقة الطلب ... نتابع إفتتاح السوق ونشوف أية الوضع

لو الزوج صعد هانستنى برايس أكشن عند مناطق العرض خاصة أول منطقة فوق .

=======

USD/CHF 4H



نفس الكلام الزوج في إتجاه عام عرضي على اليومي و الأربع ساعات

هانركز في الدخول هنا من عند منطقة العرض فقط المحددة .

المنطقة مدعومة بوجود منطقة دعم مكسورة منتظرة إعادة الإختبار علشان عملية تبادل الأدوار

فالمنطقة تعتبر منطقة كويسة و هانستنى برايس أكشن من عندها إما شوتنج ستار أو إبتلاعية .

بالتوفيق

Update

EUR/JPY 4H



الزوج بشكل عام على الفريم اليومي في ترند عرضي و قد أقترب من الحد السفلي للإتجاه العرضي

قبل هذه الحركة كان في ترند صاعد يعني نقدر نقول التوقع أنه هايدخل على مرحلة الهبوط

خاصة أن الحد السفلي لم يظهر بعد أشارة قوية على ضعف الهبوط و محتمل كسر المستوى

لذا ننتظر السوق و نرى هل سوف يبدأ الإرتداد أم سوف يكمل طريقة و يبدأ الترند الهابط .

على فريم الأربع ساعات هايتم التركيز على منطقة الطلب المحددة باللون الأزرق فهي منطقة قوية

إن أظهر إشارة شراء سوف يتم الدخول شراء أما إن لم يظهر إشارات ضعف هبوط و إشارات شراء

فسوف ننتظر كسر المنطقة و سوف يكون التركيز بشكل قوي على البيع .

المناطق اللي هانتابع السعر عندها بشكل كويس محددة على الشارت .


USD/CHF 4H



الزوج نقدر نقول إنه في ترند هابط على فريم اليومي و حالياً الزوج له أسبوع في مرحلة صعود

الزوج أمامه منطقه عرض قوية مدعومة بمنطقة دعم مكسورة في إنتظار إعادة إختبارها + متوافقة مع المستوى 74 فيبو

منطقة العرض منطقة فريش الزوج هبط منها بشكل كويس + الزوج بقاله فترة بعيد عن المستويات 1.00700 و ما حولها

يعني نفسياً المنطقة منطقة بيع جيدة و متوقه الهبط منها بشكل جيد .

المنطقة كمان مدعومة بمنطقة عرض على فريم اليومي + خط الترند الهابط على فريم اليومي .

أنا عن نفسي معلق أوردر هناك بس أحتياطياً الناس تستنى برايس أكشن أفضل .

[hema007]

EUR/USD 4H



الباشا الملكي بيسير بداخل قناة صاعدة على فريم اليومي و الأن قد إقترب من الحد السفلي للقناة

بجانب قد أقترب من منطقة طلب قد تكون غير قوية و لكنها متوافقة مع المستوى 50 فيبو

اما على الأربع ساعات فالزوج قد كسر منطقة دعم و قد أعاد إختبارها و هبط و حالياً قد أقترب من منطقة

دعم قريبة متوافقة مع منطقة طلب + مستوى 74 فيبو يعني هناك مناطق شراء بيدعمها وجود عوامل كتير

فحالياً هايتم إنتظار برايس أكشن هناك و يفضل جداً إنتظار البرايس أكشن عند مناطق الطلب " ذات اللون الرمادي "

وكل ما هبط السعر أكثر و وصل لمناطق أقل كل ما كان أفضل

نتابع و نشوف ...

بالتوفيق للجميع

[hema007]

GBP/USD D




الزوج حالياً في إتجاه عام عرضي وههو بنسبة كبيرة عملية تجميع بعد الهبوط الكبير

و قد أقترب من الحد العلوي من المسار العلوي و أمامه مقاومة جيدة و منطقة عرض جيدة .

GBP/USD 4H




على فريم الأربع ساعات فالزوج في ترند صاعد و بما أننا في مرحلة تجميع فالأفضل النظر للشراء عند الهبوط إلى مستويات قوية

و لكن مع ذلك إلى أن ينتهي التجميع فهناك مناطق بيع جيدة بما أن الزوج قد صعد و أقترب من الحد العلوي للإتجاه العرضي .

أفضل أماكن البيع هي أعلى مكان متواجد على الشارت و أفضل أماكن الشراء هي أسفل مكان متواجد على الشارت .

المناطق المحددة بدوائر هي اللي هايتم التركيز عليها .

للتذكير :

أفضل برايس أكشن بيع ( بن بار هابطة شوتنج ستار + شمعة إبتلاعية )

أفضل برايس أكشن شراء ( بن بار صاعدة هامر + شمعة إبتلاعية )

أي واحدة من الأربعة لازم الفوليوم بتاعها يكون عالي .

في بعض الإشارات القوية الأخرى مثل الصعود أو الهبوط على شموع ذات أحجام صغيرة و فوليوم صغيرة

أو شموع أحجامها متوسطة و إغلاقها بعيد عن الهاي أو اللو و الفوليوم بتاعها ضعيف دي كلها إشارات قوية

بتدل على قرب إلإنعكاس فلازم ننتبه كويس أوي للإشارات دي .

حركة الموجة و الزمن المستغرق قبل الوصول للمناطق المحددة بتفرق و دي نقطة ناس كتير أوي بتتجاهلها

لأنها التاكات اللي بتفرق و الناس بتحب تخليها ليها فياريت الناس تخالي بالها من النقطة دي كويس

كتير أوي من الناس اللي شارحة فيديوهات مش بتذكر النقط دي فبالتالي المعلومة بتوصل ناقصة للناس فخالوا بالكم .

بالتوفيق للجميع

[أبومجدي]

حركة الموجة و الزمن المستغرق قبل الوصول للمناطق المحددة بتفرق و دي نقطة ناس كتير أوي بتتجاهلها

لأنها التاكات اللي بتفرق و الناس بتحب تخليها ليها فياريت الناس تخالي بالها من النقطة دي كويس

كتير أوي من الناس اللي شارحة فيديوهات مش بتذكر النقط دي فبالتالي المعلومة بتوصل ناقصة للناس فخالوا بالكم .[/COLOR]

بالتوفيق للجميع

ممكن توضيح أكثر للحتة دي يا هيما الله يبارك فيك

[hema007]

ممكن توضيح أكثر للحتة دي يا هيما الله يبارك فيك

أهلاً يا أبو مجدي

بص يا باشا حركة الموجة و الزمن المستغرق و الفوليوم الـ 3 مرتبطين ببعض بس خلينا نتكلم على حركة الموجة و الزمن .

خلينا نتكلم على منطقة طلب مثلاً :

لما السعر يرجع يزور المنطقة لازم نشوف حركة الموجة قوية أثناء الهبوط ولا ضعيفة

و الفوليوم بتاعها عامل أزاي و المسافة اللي قطعتها قطعتها في وقت قد أية

العوامل ال3 دول هم أكثر عوامل هاتقولك و تنبهك هل السعر هايكمل ولا هايخترق

و بالتالي لو معلق أوردر هاتبدأ تفكر هل تلغيه وتستنى برايس أكشن ولا هاتستمر معلق الأوردر عند منطقة الطلب

نقول مثلاً حركة الموجة :

لو حركة الموجة قوية و الشموع هابطة بشكل قوي و إغلاقها قرب اللو مافيش فيها شموع صاعدة

و مافيش تصحيح ليها خالص دي بتدي إنطباع أن في زخم بيع قوي نتيجة خبر أو مستوى مهم

أو أياً كان السبب فدي أشارة تحذير .

طبعاً لازم نربطها بالزمن المستغرق في الوصول للمنطقة و الزمن المستغرق في بعدها عن منطقة الطلب

و كمان الفوليوم لأن عن طريقة هاقدر أعرف هل الحركة دي قوية ولا مجرد شموع تخويف .

الزمن المستغرق :

لو الحركة دي أخدت وقت قليل و الهبوط كان قوي فهنا دي إشارة تحذير أن المنطقة وارد كسرها

فمثلاً لو الهبوط حصل خلال 3 أو 4 شموع غير لما يحصل خلال 9 شموع أو 10 شموع

فلما تاخدها مثلاً خلال يوم غير لما تاخدها خلال أسبوع و هكذا .

كمان السعر هل ظل بعيد عن منطقة الطلب فترة كبيرة ولا لسة كان قريب عند المنطقة

فكل ما السعر ظل بعيد و فترة كبيرة عن منطقة الطلب و أستغرق زمن طويل فكل ما كانت المنطقة أقوى

لأن المتاجرة بتعتمد على النفسية و هنا المستوى السعري اللي عنده منطقة الطلب يعتبر مستوى

مغري للتجار لأن السعر وصل أخيراً لمستوى قليل كان بعيد عنه بقالة فترة كبيرة

عامل مثلاً زي الطماطم لما سعرها من شهرين أو 3 شهور كان ب5 جنية و حالياً مثلاً ب15 جنية

فلما السعر يرجع تاني يبقى ب5 جنية بتبقى فرصة حلوة أوي للناس تشتري على السعر دة

لأنه بالفعل سعر مغري لما تقعد شهرين ولا تلاتة بتشتري الكيلو ب15 و فجأة تلاقي السعر بقى ب5 جنية

دي بتبقى حاجة مغرية أوي و ببتخالي الناس تشتري بكميات , نفس الفكرة هنا كل ما ظل السعر فترة زمنية

كبيرة بعيدة عن المستوى كل ما كان أفضل بكثير , غير لما السعر يكون لسة كان عند المستوى من يومين مثلاً

و يرجع له بيبقى المستوى مش مغري لأن السعر نفسه في مستوى قريب منه و لم يستغرق فترة زمنية كبيرة

تجعلك تشعر بأهمية المستوى علشان تشتري فعلشان كدة النقطة دي مهمة جداااااااااااااااااااااااااااااااااااااااااااااااا ا

و طبعاً الناس الكبيرة بتحب تكتم على النقطة دي بالذات في الشروحات علشان دي من التاكات اللي بتفرق معاهم

الفوليوم :

الكلام اللي فات مرتبط ببعضه كمان مرتبط بالفوليوم فمثلاً لما تلاقي الهبوط اللي حاصل على موجة ضعيفة

و كبيرة و أستغرقت وقت طويل دي كلها عوامل بتضعف من البيع و بتقوي من عمليات الشراء

الفوليوم هنا لازم لما يقرب تلاقيبة بدأ يقل و تلاقي الإغلاقات بعيده عن اللو و كمان هاتلاقي الشموع صغيرة

العوامل دي كلها بتقولك من الأخر البيع ضعيف و اللي بيحصل دة مجرد تخويف و وتوريط التجار بصفقات

خاسرة فلازم الإنتباه كويس .

نفس الكلام لما تلاقي موجة هبوط قوية و تلاقي الفوليوم ضعيف هنا لازم تقف و تفكر شوية و تحاول تفهم اللي بيحصل

أنت مش يهمك الفوليوم قد أية المهم تعرف القيمة المقدرة بشكل عام قليلة ولا كبيرة , فما تلاقي هبوط قوي و تلاقي

فوليوم بيضعف فهنا أزاي السعر لو عايز يكمل هبوط و يكسر منطقة الطلب مثلاً أو منطقة المقاومة هايكمل و يكسرها

بفوليوم ضعيف فدي بتبقى إشارة تحذير أن اللي بيحصل دة عملية تخويف و ذعر للناس لتوريطهم في صفقات خاسرة

و طبعاً الناس بتقع فيها كل مرة و هاتفضل نسبة كبيرة منهم بتقع فيها , لأن منطقياً أنت مثلاً قدامك جدار و عايز تخترقة

و أنت بتخترقه هل ينفع تخترقه و أنت مجهود عمال يقل طيب أزاي هاتخترقه بالمجهود القليل دة !!

إلا بقى لو الجدار دة كان ضعيف جداً في الأصل و دة موضوع تاني

أظن الرسالة وصلت

أنا بفكر أعمل فيديوهات أشرح كل حاجة فيها بالتفصل عن العرض و الطلب و مناطق الدعوم و المقاومات

بس لسة مش دلوقت و إن شاء الله لما أفضى هاعمل فيديوهات تظبط كل حاجة و ربنا يسهل إن شاء الله

لو محتاج أي حاجة أنا في الخدمة

في أمان الله

[hema007]

USD/CAD 4H



الكندي حالياً في ترند أفقي أو إتجاه عرضي حسب ما الناس عايزة

و حالياً أقترب من الحد العلوي من الإتجاه العرضي و أقترب من منطقة مقاومة + منطقة عرض

متوافق مع نسبة 50 فيبو نتابع السعر هناك و نستنى نشوف برايس أكشن .

حالياً الزوج بدأ يظهر إشارة ضعف شراء فبالتالي متوقع حدوث هبوط .

حتى لو حدث و تم أختراق الإتجاه العرضي هاننتظر الزوج عند المناطق المحددة

نتابع و نشوف

بالتوفيق

[hema007]

EUR/USD 4H



الباشا الملكي بيسير بداخل قناة صاعدة على فريم اليومي و الأن قد إقترب من الحد السفلي للقناة

بجانب قد أقترب من منطقة طلب قد تكون غير قوية و لكنها متوافقة مع المستوى 50 فيبو

اما على الأربع ساعات فالزوج قد كسر منطقة دعم و قد أعاد إختبارها و هبط و حالياً قد أقترب من منطقة

دعم قريبة متوافقة مع منطقة طلب + مستوى 74 فيبو يعني هناك مناطق شراء بيدعمها وجود عوامل كتير

فحالياً هايتم إنتظار برايس أكشن هناك و يفضل جداً إنتظار البرايس أكشن عند مناطق الطلب " ذات اللون الرمادي "

وكل ما هبط السعر أكثر و وصل لمناطق أقل كل ما كان أفضل

نتابع و نشوف ...

بالتوفيق للجميع

الملكي أعتقد أنه بدأ الصعود فقد وصل لمنطقة طلب على فريم اليومي + بدأ يرتد من المنطقة المحددة

و بدأ بإظهار سلوك سعري جيد .

أنا دخلت صفقة شراء و محقق حوالي 12 نقطة .



نتابع و نشوف

بالتوفيق

[hema007]

USD/CAD 4H



الكندي حالياً في ترند أفقي أو إتجاه عرضي حسب ما الناس عايزة

و حالياً أقترب من الحد العلوي من الإتجاه العرضي و أقترب من منطقة مقاومة + منطقة عرض

متوافق مع نسبة 50 فيبو نتابع السعر هناك و نستنى نشوف برايس أكشن .

حالياً الزوج بدأ يظهر إشارة ضعف شراء فبالتالي متوقع حدوث هبوط .

حتى لو حدث و تم أختراق الإتجاه العرضي هاننتظر الزوج عند المناطق المحددة

نتابع و نشوف

بالتوفيق

الكندي خرج من المسار الأفقي و وصل لمنطقة العرض و إرتد منها أكثر من 40 نقطة

و عاد مرة أخرى لنطاق المسار العرضي ...

البيع الأن به بعض الخطورة اللي حابب يدخل يدخل بعقود صغيرة و لازم يضع أستوب

لأن الشمعة الإبتلاعية كبيرة أوي و مش بعتمد على الشموع اللي أحجامها كبيرة مثل ما ذكرت من قبل .

حالياً نتابع و نركز على الشراء من المناطق المحددة من قبل فهي أفضل بكثير .

بالتوفيق