ورشة عمل إستراتيجية " [ My Way ] "

[hema007]

أهلاً يا شباب

كيفكم , أتمنى أنكم جميعاً بخير

ليا فترة كبيرة جداً مدخلتش بسبب ظروف كتير و الحمد لله أصبحت متفرغ قليلاً هذه الفترة

و قولت أستغل الفترة اللي أنا فاضي فيها حتى لو قليلة علشان أشاركم بهذه الإستراتيجية

و مين عارف يمكن يستفيد حد منها ولو بشيء بسيط في السوق اللي مش بيرحم حد خالص

* الإستراتيجية هي هدية مني ليكم بمناسبة العيد و بمناسبة أني خلصت جيش

* على فكرة الإستراتيجية دي أنا شغال بيها ليا فترة كبيرة جداً كذا سنة و الحمد لله هي كويسة جداً و مازلت مستمر بيها .

الإستراتيجية بسيطة بس بنفس الوقت عايزة خبرة في السوق و هحاول أخليها بسيطة بقدر المستطاع .

طبعاً الإستراتيجية هانستخدم فيها العرض و الطلب و الشموع اليابانية و الفوليوم , الفوليوم علم كبيرة

و هاشرحة بشكل مبسط جداً جداً و إستخدامه هايكون أسهل مما يمكن في الإستراتيجية دي لأننا هانستخدم

حوالي 4 نماذج من نماذج الفوليوم اللي هاتكون متوافقة مع نماذج الشموع اليابانية و اللي هانعتمد عليهم

بشكل أساسي في الإستراتيجية ... بجانب دة هانستخدم مؤشر الإستوكاستك و الموفينج أفريج كعوامل مساعدة

و لن نعتمد عليهم بشكل أساسي لأنها مهما كانت مؤشرات ...

طبعاً هانستخدم كمان الترندات و القنوات و الدعوم و المقاومات و أحياناً الفيبوناتشي

من الأخر هاتكون إستراتيجية جميلة و ممتعة و مليانة تحليل كلاسيكي جميل علشان الناس تتبسط

الإستراتيجية هانستخدم فيها فريم الأربع ساعات و لن نستخدم أي فريم أقل من ذلك .

طبعاً الإعتماد الرئيسي هايكون على إتجاة الترند + العرض و الطلب + الشموع اليابانية + الفوليوم

و العوامل المساعدة هاتكون مؤشر الإستوكاستك + الموفينج أفريج + القنوات + الفيبوناتشي .


ملحوظة : محدش يدخل صفقة إلا لو كانت متوافقة مع تحليلة الخاص و أنا مش مسؤل عن خسارة أي حد .

[ياسراسكندراية]

على بركة الله وبالتوفيق

[hema007]

السلام عليكم من اول المتابعين باذن الله

على بركة الله وبالتوفيق

شكراً على المرور يا شباب

أتمنى أن الإستراتيجية تفيدكم بشيء ولو قليل .

و كل سنة و أنتم طيبين و عيد سعيد على الجميع إن شاء الله

[nibo40]

طالما بتستخدم الفوليوم والعرض والطلب ... فانا اكيــــــــــــــــــــــد معاك طبعا يا كبير .... متابع ان شاء الله وبالتوفيق دائما

[hema007]

طالما بتستخدم الفوليوم والعرض والطلب ... فانا اكيــــــــــــــــــــــد معاك طبعا يا كبير .... متابع ان شاء الله وبالتوفيق دائما

شكراً يا غالي على ردك و ليا الشرف أنك تكون متابع للموضوع .

و كل سنة و أنت طيب و عيد سعيد إن شاء الله

[hema007]

العرض و الطلب أنا مش هاشرح فيه حاجة لأنه أتشرح بالتفصيل قبل كدة في موضوع خاص .

و طبعاً الدعوم و المقاومات مش هاشرح فيها حاجة تقريباً , هاشرح بس حاجة بسيطة كدة

بتبقى مهمة جداً في الإتجاه العرضي .

الترندات و القنوات و الفيبو الكل عارفها مافيهاش جديد .

الشرح هايبقى على النماذج اللي هانستخدمها في الإستراتيجية اللي بتخص الشموع و توافقها

مع تقريباً نفس النماذج في الفوليوم .

الفوليوم مش هايتشرح بالتفصيل لأنه علم في حد ذاته و كبير جداً و مجاله واسع , أنا بس هاختصر

الفوليوم و هاجيب بعض النماذج المهمة جداً فيه و اللي هاتبقى مفيدة جداً لينا بشكل عام و الناس تقدر تستفيد منها .

مؤشر الفوليوم اللي هايتم إستخدامه في الإستراتيجية في المرفقات .

أعدادات الموفينج أفريج هي

Period 5 / Shift 2

Exponential

الإستوكاستك أعداداته الإفتراضية .

أهم شيء ياريت الناس تبقى عارفة كويس العرض و الطلب و ياريت تراجعه أما من ورشتي أو أي ورشة

شرحت العرض و الطلب لأن إستخراج المناطق مهم جداً جداً .

[RALOVEERTEAM007]

جزيت خيراً .

يعطيك الف عافية . متابع معاك ان شاء الله .

وفقكَ الله .

[hema007]

جزيت خيراً .

يعطيك الف عافية . متابع معاك ان شاء الله .

وفقكَ الله .

شكراً يا غالي على ردك الكريم

و عيد سعيد إن شاء الله

[hema007]

" الشموع اليابانية "
===========

أول نموذج وهو المفضل و الأقوى بالنسبة لي الشمعة الإبتلاعية Engulfing Pattern



الكلام هايبقى على الإتجاه الصاعد ...

_ هي شمعة صاعدة تقوم بإبتلاع كامل جسم الشمعة الهابطة التي قبلها , و غالباً بيحدث لما تكون

في حركة هبوط في الإتجاه الصاعد و بتدل على أن المشترين بدؤا يسيطروا مرة تانية على الحركة .

طيب الشمعة دي مظاهر قوتها بتكون في جسم الشمعة نفسه لازم تبتلع جسم الشمعة اللي قبليه

و لازم إغلاقها يكون قرب الهاي في حدود الـ 25 % و كل ما كان الإغلاق قرب الهاي كان أفضل .

النموذج دة بيشبه تقريباً في حالته نموذج البوتوم ريفيرسال .

في عوامل تانية بتزيد في قوة النموذج :

_ لو النموذج دة حصل بعد موجة هبوط كان سريعة و قوية

في الإتجاه الصاعد فدة بيدل على أن البائعين خلاص كونوا مناطق بيع ليهم و فرص دخول بائعين تاني قليلة .

_ لو الشمعة دي أبتلعت شمعة جسمها صغير , و ياسلام لو الإغلاق كان بعيد عن اللو أو عند المنتصف النموذج هايبقى روعة .

_ طبعاً النموذج لازم يكون في الإتجاه الصاعد .

_ يحدث الإبتلاع عند منطقة الطلب .


طيب النموذج دة شروطة من ناحية الفوليوم لينا هايبقى كالتالي :

_ لازم الفوليوم الخاص بيه يكون أعلى من الفوليوم الشمعة اللي قبله ( لونه هايبقى أزرق في المؤشر )*

_ الشمعة اللي تم إبتلاعها لو كانت الفوليوم بتاعها ضعيف جداً و لونه وردي و أغلاقها بعيد عن اللو فدة شيء رائع جداً

هنا النموذج دة إسمه نو سبلاي No Supply

فهنا المعنى و الدلالة للنموذج قوية جداً لأنه بيقولك مافيش قوة بيعية و أن البائعين مش مهتمين بالبيع أكتر من كدة

و أن المشترين بدؤا يضغطوا في السوق و الكلام دة بيظهر في الشمعة نفسها أنها ضعيفة مش قادرة تكمل هبوط

و كمان جسمها صغير مافيش قوة بيعية بل بالعكس في ضغط عليها لدرجة أغلاقها بعيد عن اللو و الفوليوم ضعيف ,

و كمان الشمعة اللي بعدها بتبقى صاعدة قوية أغلاقها قرب الهاي و الفوليوم بتاعها أعلى من الفوليوم اللي قبلها .

طبعاً لو النموذج ظهر بالشكل دة بيبقى في أقوى حالاته .


دي صورة بتوضح النموذج الإبتلاعي في الحالة العادية مع الفوليوم .




يبقى أهم حاجة :

1_ الشمعة تبتلع جسم الشمعة اللي قبلها ولا يشترط الظلال .

2_ الإغلاق يكون بالقرب من الهاي .

3_ فوليوم الشمعة الإبتلاعية أعلى من فوليوم الشمعة التي تم إبتلاعها .

4_ النموذج يحدث عند منطقة طلب .

5_ النموذج يحدث في الإتجاه الصاعد .

======


نفس الكلام في الإتجاة الهابط :


1_ الشمعة الهابطة تبتلع جسم الشمعة الصاعدة ولا يشترط الظلال .

2_ الإغلاق يكون بالقرب من اللو .

3_ الفوليوم الخاص بالشمعة أعلى من الفوليوم الذي قبله .

4_ النموذج يحدث عند منطقة عرض .

5_ النموذج يحدث في الترند الهابط .


=====


في حالة الإتجاه العرضي :

هانعتمد على الكلام اللي فات في الدخول اللي هو حدوث إبتلاع عند منطقة عرض أو طلب

بس وقتها لازم الشمعة تخترق الموفينج أفريج 5 كمان المنطقة المرتدة منها العرض أو الطلب لازم تكون قوية جداً .

[nibo40]

كلام سليم جدا استاذ hema007 ... متابعين معاك

[hema007]

شمعة الهامر Hammer
==============





_ شمعة بتيجي في مسار هابط في الترند الصاعد أو العرضي .

_ جسم الشمعة في الجزء العلوي و لها ظل سفلي طويل .

* فائدتها بتقولك أن المسار الهابط تقريباً على وشك الإنتهاء أخيراً و أن البائعين بدؤا يفقدوا

السيطرة و اللي بيترجم دة الذيل الطويل السفلي و الإغلاق بالقرب من الهاي .

_ النموذج بيصبح قوي فعلاً و بيتم تأكيده من خلال الشمعة التالية ليه , فهي يجب أن تكون صاعدة

إغلاقها بالقرب من الهاي .

بخصوص الفوليوم :

_ الفوليوم الخاص بالشمعة التالية للشمعة المطرقة لازم يبقى أعلى من فوليوم شمعة المطرقة .

_ الفوليوم بتاع المطرقة لو أعلى من اللي قبله دة عامل بيقوي النموذج , و يفضل أن الفوليوم يكون فعلاً أعلى من اللي قبله .


_ النموذج دة أقوى من نموذج الهامر المقلوب Inverted Hammer

_نموذج الهامر لو لون الشمعة خضراء " صاعدة " فهي هنا أقوى في المعنى

من إغلاقها باللون الأحمر " هابطة " , فهنا الدلالة أقوى على أن المشترين

بدؤا يسيطروا على المسار مرة أخرى .

* النموذج دة قريب شوية من نموذج الشيك أوت في الفوليوم , بس الشيك أوت لازم يقفل بفوليوم أعلى من اللي قبله

بجانب يغلق قرب الهاي و إغلاقه أعلى من إغلاق الشمعة اللي قبله .

علشان كدة يفضل أن المطرقة الفوليوم بتاعها يكون أعلى من اللي قبله , و دة غالباً اللي بنلاقيه بيحصل .


دي صورة لتوضيح الشمعة مع الفوليوم :




إذاً خلاصة الكلام :

1_ الشمعة تأتي في مسار هابط و يجب أن تأتي بعدها شمعة صاعدة تؤكدها .

2_ الفوليوم الخاص بالشمعة التالية أعلى من فوليوم الشمعة المطرقة

و فوليوم الشمعة المطرقة يفضل يكون أعلى من فوليوم الشمعة اللي قبله .

3_ لون الشمعة يفضل أن يكون أخضر .

4_ أن يحدث هذا في الترند الصاعد .

5_ أن يحدث النموذج عند منطقة طلب .

[hema007]

شمعة الشهاب Shooting Star




_ شمعة تأتي في المسار الصاعد في ترند هابط أو عرضي .

_ جسم الشمعة في الجزء السفلي ولها ظل علوي طويل .

* فائدتها تخبرك بأن المشترين بدؤا يفقدوا السيطرة و القدرة على الإستمرار

و الكلام دة بيظهر في الظل العلوي الطويل نتيجة ضغط البائعين , و بيتم تأكيد الكلام دة

في الشمعة التالية أنها تكون هابطة جسمها ليس صغير و الإغلاق قريب من اللو .

_ هنا بيتم التأكد أن البائعين سيطروا مرة تانية تقريباً على المسار و الأسعار غالباً هاتهبط أكثر .

_ يفضل أن يأتي هذا النموذج في الترند الهابط أكثر من العرضي فهنا النموذج يكون أقوى في الترند الهابط .

_ النموذج دة أقوى من نموذج الرجل المشنوق Hanging Man .


بخصوص الفوليوم :


شمعة الشوتنج ستار يفضل الفوليوم بتاعها يكون أعلى من فوليوم الشمعة اللي قبلها

لو حصل الكلام دة فهنا النموذج دة بيشبه تقريباً نموذج الأب ثرت بس الأب ثرثت جسمه

أحياناً بيكون كبير شوية أما الشهاب أو الشتنج ستار بيكون جسمه لازم صغير مقارنة بذيلة .

_ عامة الفوليوم بتاعه لو جه أعلى من اللي قبله دة شيء كويس جداً و دة غالباً اللي بيحصل

لأن بيبقى في تنافس بين البائعين و المشترين بيترجم في الفوليوم العالي ...

_ الشمعة ممكن تيجي لونها أحمر " هابطة " أو أخضر " صاعدة "

الأفضل لينا أنها تيجي هابطة و أغلاقها قرب اللو لأن هنا الشمعة بتقولنا أن البائعين خلاص بدؤا

يمسكوا زمام الأمور مرة أخرى .

_ الفوليوم الخاص بالشمعة اللي بعدها لازم يكون أعلى من فوليوم الشمعة الشوتنج ستار .


دي صورة بتوضح الشمعة مع الفوليوم في الإستراتيجية :





خلاصة الكلام :

1_ شمعة تأتي في مسار صاعد ذيلها طويل و الجسم في الجزء السفلي .

2_ تأتي بعدها شمعة هابطة تؤكد النموذج و إغلاقها قرب اللو .

3_ الفوليوم الخاص بالشمعة الشهاب يفضل أن يكون أعلى من فوليوم الشمعة اللي قبلها .

4_ الفوليوم الخاص بالشمعة التالية يجب أن يكون أعلى من فوليوم شمعة الشهاب .

5_ يفضل أن يحدث هذا النموذج في ترند عام هابط .

6_ أن يحدث هذا النموذج عند منطقة عرض .

[hema007]

الرجل المشنوق Hanging Man
===================




_ هي شمعة تأتي في مسار صاعد في ترند عام هابط أو عرضي .

_ جسم الشمعة في الجزء العلوي و لها ذيل سفلي طويل .

* فائدتها تخبرنا أن المشترين بدؤا يفقدوا السيطرة ولا يستطيعوا جعل السوق يستمر

صعوداً أكثر من ذلك و أن البائعين بدؤا يتولوا السيطرة , النموذج مثل النماذج السابقة

يتم تأكيده بالشمعة التالية فهي يجب أن تكون هابطة و جسمها ليس صغيراً و الإغلاق قرب اللو .

_ عند تأكيد النموذج يصبح لدينا توقع كبير أن الإتجاه بالفعل بدأ يتغير و نتوقع هبوط الأسعار .


بخصوص الفوليوم :

_ مثل ما ذكرنا في النماذج السابقة يفضل أن يكون الفوليوم خاصتها أعلى من الفوليوم اللي قبله

و غالباً بردوا دة اللي بيحصل لأنه بيكون دلالة على وجود تنافس بين البائعين و المشترين

بيترجم في الذيل الطويل و الشمعة التي تأتي بعدها .

_ الشمعة التي تأتي بعد الرجل المشنوق لازم الفوليوم بتاعها يكون أعلى من فوليوم الرجل المشنوق .


دي صورة بتوضح الشمعة مع الفوليوم في الإستراتيجية :





خلاصة الكلام :

1_ الشمعة تأتي في مسار صاعد في ترند هابط أو أفقي جسمها في الجزء العلوي و ذيلها السفلي طويل .

2_ تأتي بعدها شمعة هابطة تؤكد النموذج و إغلاقها قرب اللو .

3_ الفوليوم الخاص بالشمعة الرجل المشنوق يفضل أن يكون أعلى من اللي قبله .

4_ الفوليوم الخاص بالشمعة التالية يجب أن يكون أعلى من فوليوم شمعة الرجل المشنوق .

5_ يفضل أن يحدث النموذج في ترند عام هابط .

6_ يحدث النموذج عند منطقة عرض .

[hema007]

دي كانت تقريباً معظم الشموع اللي بستخدمها و اللي بتظهر كتير عند مناطق العرض و الطلب

و اللي بتبقى مهمة جداً خصوصاً الإبتلاعية أكثر شمعة تقريباً بتظهر هي و الهامر .

في بعض الشموع الأخرى لا بأس بها بس مش بنفس الدرجة من الأهمية و القوة و مش بتظهر كتير

زي الهامر المقلوب و نجمة الصباح و نجمة المساء , هم كويسين بس ظهورهم قليل كمان من وجهة نظري

المتواضعة قوتهم الدلالية قليلة مقارنة بالنماذج الأخرى , بس عامة بيتم تطبيق نفس الكلام عليهم

بخصوص وجود شمعة تأكيد بعدهم الفوليوم خاصتها أعلى منهم .

======

كدة أحنا عرفنا تقريباً أفضل الشموع المستخدمة و عارفين أزاي نستخرج مناطق العرض و الطلب

و الدعوم و المقاومات و عرفنا إشارة الفوليوم اللي هانستناها أية , بكدة ناقص نعرف الدخول و الخروج تقريباً .

=======

بالنسبة للفوليوم أنا بسطته جداً جداً و مارديتش أشرح بعض النماذج فيه بالتفصيل علشان مانلخبطش الدنيا

لأن الفوليوم موضوعه كبير جداً و علم واسع جداً و عايزله ورشة لوحدة مستقلة للتعلم , بس أنا هاشرح بعض

الحاجات البسيطة جداً في الرد القادم و اللي هاتبقى مفيدة جداً لينا سواء في الإستراتيجية أو بشكل عام .

[hema007]

الفوليوم مجالة واسع و كبير بس دة مش معناه أن مافيش طرق سهلة نقدر نستخدمها

نعرف بيها بعض الأمور اللي ممكن تساعدنا جداً في توقع حركة السعر , فالسوق ما هو إلا توقع

بالطبع هذه التوقعات بتبقى مبنية على أسس و طرق و تجارب و خبرة

طيب دلوقت لازم نعرف كام حاجة كدة :


1_ مناطق العرض و الطلب مرتبطة بالفوليوم .

كلنا عارفين أن من أساس أستخراج المنطقة أنها تكون ذو حركة جيدة

لو منطقة طلب يبقى في شموع صاعدة جسمها مش صغير و كل ما كانت كبيرة و كتيرة كانت كويسة

و نفس الكلام في منطقة العرض ....

معظم المناطق بتبقى فيها حركة فوليوم لا بأس بها , بس المناطق اللي بتبقى فيها حركة فوليوم كبيرة

و كل ما كان الفوليوم في أذدياد كل ما كانت المنطقة أقوى و أقوى , لذا لازم نراعي عند إستخراج المناطق

أنها تكون ذو حركة فوليوم عالية طبعاً مع توافر باقي الشروط في إستخراج المناطق كل ما كانت المنطقة كويسة و قوية .

لازم نبقى عارفين أن اللي بيفرق الإستراتيجية عن غيرها في تحديد مناطق الدخول هي قوة المناطق

فـ لازم نحاول نستخرج المناطق بشكل كويس علشان لما نلاقي عندها نموذج نقدر نعتمد عليه و هنا بتظهر قوة المناطق و الإستراتيجية

المهم :

لازم نبقى عارفين أن لما تكون المنطقة العرض أو الطلب ذو فوليوم عالي عند وصول السعر ليها أكيد بنسبة 90% هايرتد من عندها ...






لاحظوا منطقة الطلب المستخرجة الفوليوم عامل فيها أزاي و كمان لاحظوا السعر كل ما وصل للمنطقة بيعمل أية !!


=======


2_ توقع حركة السعر مرتبط بالفوليوم

معنى الكلام لازم نركز كويس على حركة السعر , فمثلاً أحنا محددين منطقة طلب و السعر راح عندها

بنبدأ نعرف هل السعر ممكن يخترق و يكمل هبوط ولا ممكن يرتد من عندها عن طريق الفوليوم

فكل ما كان الفوليوم في إنخفاض أثناء هبوط السعر لمنطقة الطلب دة شيء جيد جداً فهنا دة بيدل

على عدم وجود قوة بيعية قوية و أن التعاملات أصبحت في أنخفاض و البائعين مش مهتمين بالنزول أكثر

و بالتالي قلت التعاملات و بالتالي الكلام دة أترجم في حركة الفوليوم المنخفضة .

الكلام دة مش شرط يتم عند منطقة طلب أو عرض , الكلام دة عادي في وسط الحركة , لو لقينا أن السعر

وهو طالع و بدأت الشموع حجمها يقل و بدأ يبقى في ذيول و الفوليوم بدأ ينخفض فدة بيدل على ضعف القوة

الشرائية و بالتالي نتوقع هبوط الأسعار .











======


3_ السوق لا يحب الشموع الصغيرة ذات الفوليوم العالي .


_ كمان لازم نعرف أن السوق مش بيحب الشموع ذات الأحجام الصغيرة و ذات الفوليوم العالي جداً

فهنا دة بيدل على ضعف الإتجاة , لأنه بالرغم من وجود قوة و محاولة لدفع الأسعار و في تعاملات سواء بيعية أو شرائية

حسب الإتجاة إلا أن الأسعار مش بتتحرك بشكل كافي بل الشموع حجمها بينختفض و بيتعمل ذيول كتير

الكلام دة بيدل على الضعف و هنا بنتوقع بقرب تغير الحركة .







======


4_ السوق لا يحب الشموع الكبيرة جداً ذات الفوليوم العالي جداً .

_ أيضاً الشموع ذات الأحجام الكبيرة جداً مثل الليموزين و الأحجام الكبيرة أوي و اللي بتبقى الفوليوم بتاعها ألترا فوليوم

الشموع دي بتبقى غالباً مصيدة و خاصة لو الشمعة جت عند منطقة دعم أو مقاومة فهنا السوق بيعمل عملية ضرب أستوبات

و بيخرج الناس من السوق و غالباً الأسعار بترجع تعكس بعدها مرة تانية فبلاش الناس تنخدع بالحركات دي , لازم نشوف

الشمعة أنتهت أزاي أغلاقها كان فين+ الشموع اللي بعدها بتعمل أية و أغلاقها كان فين ...

لو مثلاً الحركة ماشية عادي و لقينا مرة واحدة شمعة طويلة أوي و الفوليوم بتاعها عالي أوي " ألترا فوليوم "

و لقينا بعدها قفلت بعيد عن الهاي فدي شمعة غالباً كاذبة بيخرج بيها الناس من السوق مش أكتر ...

لو لقيناها قفلت عند الهاي أو قريب من الهاي أحياناً ممكن نلاقي بعدها شموع صاعدة أخري بفوليوم عالي بردوا

و هنا بيبقى في قوة دفع قوية جداً نتيجة أخبار قوية فـ لازم نحذر من أوقات الاخبار المهمة جداً .







الرد القادم هاشرح حوالي 3 أو 4 نماذج تقريباً خاصة بالفوليوم هاتساعدنا بشكل عام في التداول .