صورة من لقاء امس بالاسكندرية.. وكشف حسابي باستراتيجية طريقتي لهذا الشهر ..

[Mo3Ty]

أستاذي الكريم هل من الممكن كتابة بعض الأفكار الخاصة التطويرية التي ذكرتها في أصل الموضوع

حتى يمكننا محاولة فهمها ثم عرض الأسئلة في موضوع الاستفسارات

في اللقاء لم اقوم بشرح شئ جديد اخي العزيز
فقط رد على الاستفسارات ونقاش عام بالفوركس

[lilmsh23]

استاذ معطي كلامك كله مشبع بالعقل و المنطق احترامي لك, انا متداول جديد و تابعتك الورشة كلها بس حابب اشترك فيها

[forexcycles]

:::::::::::::::::::: السلام عليكم :::::::::::::::::::

الملف المرفق 445531

الملف المرفق 445530

** هذا الموضوع ملخص لنقطة هامة كانت فى لقائئ امس باخوتي بالاسكندرية من ورشة طريقتي والجروب..واجابة مهمة لكل الاخوة بورشة طريقتي... وايضا هام جدااااااا للجميع

** انا امبارح قولت للشباب في اللقاء حفتحلكم كشف حسابي بس مجتش الفرصة.. وكان ده رد على سؤال ان الفرص بقت اقل لو التزمنا بشروط الطريقة .. وان الازواج قلت

** فانا افتكرت احطه دلوقتي تاني وشوفت انكم بتدخلوا دخول عشواائئ.. انا من الشهر ده وانا شبه مشغووول جدا جدا ومعنديش وقت للمتاجرة لدرجة ان النهاردة يوم 19 فى الشهر وانا ما اشتغلش فيه الا 3 ايام فقط زى ما انتم شايفين فى كشف الحساب

** الى حابب اوصله ليكم .. والسؤال الى بيجيني دايما انا عايز ادخل كل يوم لو فرصة واحدة وتحققلي بس 20 نقطة فى اليوم يعني حوالي 440 نقطة فى الشهر فمشعايز حاجة تانية من السوق

** ده اكبر خطاااااااا الكل بيقع فيه وكلنا مرينا بنفس المشكلة حتى انا فى بدايتي بس بعد ما فهمت السوق والمجال كويس لقيت ان ده من اكثر الاسباب الى بتسبب خسارة.. ليه بقا لانك بتفضل مستني فرصة تتحقق عشان تجيب 20 نقطة بتاعتك.. مبتلاقيش فرصة .. فبتستعجل وتخلق لنفسك اى فرصة حتى لو مشمكتملة الشروط عشان بس تجيب 20 نقطة وده بيؤدي فى النهاية لخسارة وليس مكسب وتلاقي نفسك تاني يوم بتقول طيب انا كدة محتاج اجيب 20 نقطة من اليوم السابق+ مثلا 20 نقطة ضرب ستوب+ 20 نقطة لليوم يعني حتسحبها حتلاقي نفسك محتاج تجيب 60 نقطة النهاردة عشان تعوض خسارة امس واليوم هدفك الذهني وهو 40 نقطة بيومين.. فتكرر المشكلة وتدخل دخول عشوائئ وللاسف ده بيؤدي فى النهاية للمارجن فى اغلب الاحيان

** طيب ايه الحل .. الرسالة هذه موجهة خاصة للاخوة بورشة طريقتي وللجميع ايضا.. هى وضع شروط تمشي معها كما بقول دائما في حلوة والمرة .. والالتزام بها وحساب هدفك بالشهر وليس باليوم.... ولو جائت ايام لما تجد فرص مناسبة مشمشكلة اصبر ان الله مع الصابرين .. وبطلوا رجاء التسرع الى عندكم

** فزى ما انتم شايفين ان فقط 3 ايام دخلتهم حققتم ولله الحمد 320 نقطة مكسب.. والدخول باستراتيجة ورشة طريقتي مع بعض الافكار الخاصة التي باذن الله بشرحها لكم تباعا طول ما احنا مع بعض فى الورشة وتثبت معكم المعلومات السابقة.. وفى ايام عدت عليا كتيرة منهم قاعد مشلاقي ولا فرصة خلاص مبدخلش ونقعد نتناقش فى الورشة ونستغل الوقت ده.. وزى ما بقول دايما انا بنتظر فرصة او 2 فى الشهر على الاقل بهدف تاني +150 ودول الى بيعوضوا اى ضرب ستوبات وبيوزنوا الحساب فى الاخر بمكسب زى مثلا اخر فرصتين عندي بكشف حسابي+ وحتلاقوا الى قبلهم ضرب ستوبات اوخسارات بسيطة وده ولله الحمد بعد تقليل ستوب الدخول بطريقتي الى اقل من 33 نقطة .. ففرق معانا كلنا جدا ولله الحمد

** ومتتعبش نفسك واتدور على طريقة مبتضربش ستوبات .. لان حضيع وقتك على الفاضي.. دور على طريقة ارباحها اكثر من خسائرها وستوبها على الاقل 1:1 مثلا زى ما وصلنا باستراتيجية طريقتي ان كمان في فرص الهدف للستوب اصبحت 1:2

** فبرجاء من الجميع الالتزام بشروط طريقته وفلترتها تباعا .. وعدم التسرع فى اتخاذ قرارات الدخول.. وعدم خلق فرص ذهنية للدخول لتحقيق فقط هدف يومي وخلاص

** نصيحة اخوية من لايستطيع الالتزام فى هذا المجال.. فاخرجوا من هذا السوق الذي به مخاطرة عالية وحافظوا على اموالكم ..ولا تجعلوا احلام ان هذا السوق سيجعلكم مليونيرات يسيطر عليكم.. لان هذا السوق ايضا ممكن يجعلكم مفلسين.. فأحسب خسارتك قبل مكسبك فى اى مجال.. واجتهد وامشي صح ولكل مجتهد نصيب

** اخر شئ بس للاخوة الى دخلت قبل كدة لما نزلت من زمان حوالي من سنتين كشف حسابي لشهرين كاملين متتالين فى المنتدى ايام ورشة القناة التالتة وكنت محقق ربح 100% من راس المال بشهر واحد.. وسابوا النسبة ومسكوا ان ازاى شخص مثل معطي خبرة فى المجال طويلة.. ومحقق 500 دولار فقط... وقعدت افهم فيهم ان المجال هذا بالنسبة وليس بالدولار وان حسابي فى بدايتي كان 500 دولار .. فانا محقق 500 دولار عليهم فده يعتبر نسبة 100% يعني لو حسابك انت 100 الف .. حتحقق بنفس شغلي كدة 200 الف دولار.. فبرجاء من الاخوة الى بتقيس الموضوع بالدولار.. نصيحة اخوية قيسها كم حققت نسبة+ لا تهتم بكشف حساب غيرك وهل هو كسب ام خسر.. بل اهتم بنفسك وبالتعلم والاجتهاد.. وادعي لجميع المسلمين بزيادة ارباحهم ولا تبخل عليهم بتعليمهم مدام عندك علم وقدرة على المكسب ..

تقبلوا وافر تحياتي وبالتوفيق للجميع

هذا ما قصدته أستاذي

[Mo3Ty]

استاذ معطي كلامك كله مشبع بالعقل و المنطق احترامي لك, انا متداول جديد و تابعتك الورشة كلها بس حابب اشترك فيها

شكرا لذوقك ويشرفني اكيد انضمامك لاسرة ورشتنا

[Mo3Ty]

هذا ما قصدته أستاذي

الافكار الخاصة ده بحاول على قد ما اقدر انزلهلكم واحدة واحدة
لان حتى لما نزلت فى مرة فكرة للشباب تاهو.. فهى ده المشكلة بس وباذن الله انا معاكم وواحدة واحدة انزلكم كل حاجة

[هيثم احمد]

استاذ معطى احييك على المجهود الرائع والنتائج الجميله ماشاء الله بس حابب اسئل حضرتك سؤال من الواضح من كلامك انك مبتعتمدتش على الفوركس كمصدر دخل وحيد مع انى شايف حضرتك بتربح ماشاء الله وايه راى حضرتك فى واحد عايز يخلى الفوركس مصدر دخله الوحيد لا وكمان بيحلم ب100 الف دولار من الف دولار ايلى هو انا طبعا ههههههه معلش انا بسئل عشان ساعات بحس ان السوق ده بيسطير على المتداولين ويبعدهم عن الواقع تدريجيا لحد ميتجننو فى الاخر تحياتى ليك

[Mo3Ty]

استاذ معطى احييك على المجهود الرائع والنتائج الجميله ماشاء الله بس حابب اسئل حضرتك سؤال من الواضح من كلامك انك مبتعتمدتش على الفوركس كمصدر دخل وحيد مع انى شايف حضرتك بتربح ماشاء الله وايه راى حضرتك فى واحد عايز يخلى الفوركس مصدر دخله الوحيد لا وكمان بيحلم ب100 الف دولار من الف دولار ايلى هو انا طبعا ههههههه معلش انا بسئل عشان ساعات بحس ان السوق ده بيسطير على المتداولين ويبعدهم عن الواقع تدريجيا لحد ميتجننو فى الاخر تحياتى ليك

بالعكس ياهيثم انا مصدري الوحيد هو الفوركس
بس شخصيا منصحكش يبقا مصدرك الوحيد لو عندك مصدر اخر فخلي الفوركس جابني بالنسبالك.. ومتخليش احلامك تسيطر عليك لان السوق ده صعب جدا.. وعالي المخاطرة