التوصيات والرد مع كلمة وداع صغننة

[خزائن ربك مملؤه]

الاخ الحبيب خزائن
انا لا اوافقك الراى فى عدم وضع الفرص وليست توصيات فالفرصه التى تضعها هى فرصه لكى يتعلم المبتدؤن مثلى فأذا غاب الكبار ماذا يفعل الصغار
الاخ الحبيب استمر وضع ماتراه من فرص مدعمه بالتحليل كى نتعلم وانت تخصصك الباوند وهى كالكوبرا ونريد ان نروضها بواستطك وبمساعده من الاخوه المحترفين كامثالك
فاذا كان عملك لوجه الله خالصا فتاكد ان الله لن يضيع مجهودك سدى
حتى لو فرضنا ان هذه الفرص دخل عليها اى عضو واتجهت بالاتجاه المعاكس فما هو الخطأ فى ذلك
اتمنى لو ان كل الاعضاء قرأوا بالامس موضوع الاخ ناصر محمد (فراشه فى طوكيو تحدث اعصارا فى نيويورك )
https://forum.arabictrader.com/t22133.html
حتى يفهموا مغزى هذا الموضوع
وقد كان وضع الموضوع بالامس فى غايه الاهميه وبالامس بالذات بعد حركه العملات الرهيبه
ولهذا نطلب منك ان لا تبخل بماتعلمته علينا يا خزونه يا حبيبى

شوق يا شوق انت في القلب وعلى الراس من فوق

وكل مرة اشوفك فيها ابقى نفسي اسلم واخدك بالاحضان يا غالي لانك بتوحشني

ومنور يا غالي وانت تؤمر وانا عليا التنفيس ممممممممممممواه

ونشوفك بالف خير

اخوك خزائن

[خزائن ربك مملؤه]

حبيب قلبي خزائن " اشرف " ...

والله العظيم كفيت ووفيت يا عسل ...

في مثل يقول " اللي يعرف عزه كلام الناس ما يهزوا " ...

وانا واثق تماما في توصياتك بعد الله سبحانه وتعالى ...

مع احترامي لجميع الاعضاء المتميزين في وضع التوصيات ...

بس القلب وما يهوى ,,, اعذروني ...

واتمنى انك ما تبتعد عن وضع التوصيات لهذا السبب ...

وانما اعذرك اذا كان بسبب المشاغل اللي عندك ...

واتمنى لك التوفيق ...

تقبل تحيااااااااااااتي ...

هلا وغلا بالغالي نساي يا اخي هو انا مشوفكش الا لما افتح موضوع جديد تشارك فيه مرة واحدة وتغيب وانت الحبيب

والله يسعدك يا رب انت كلامك المعسول رفع السكر عندي

والله نساي انت من الناس الطيبين اللي احبهم في الله

فاكر اما اتكلمنا وكنت سامعك بتشتري كابتشينو طلبت واحد بس ونسيتني ريقي ناشف على التليفون

تسلم على المرور الزاهي مثل الزهور

ونشوفك بالف خير

اخوك خزائن

[أسامة سيد]

5- وضع الوقف في مستوى الدخول عند مرور السعر 30 نقطة وهو امر يريح القلب كثيرا اما تقول في نفسك ان شاء الله الصفقة لن تكون خاسرة فاصعب الظروف ستطلع لا كاسب ولا خاسر يعني في الاوف سايد

وبودعكم يا احبابي ..... وبحبكم انا باقي ..... وعساكم تذكروا حبي ولا تنسوني في غيابي (طبعا غياب التوصيات فقط انما موجود ان شاء الله معكم)

اخوكم خزائن

بس خلاص بانت لبتك يا باشا

طلعت زملكاوي وبتتلكك بالوفسايد

لا باقلك ايه يا عم خزائن بلا وداع بلا بتنجان وخلينا حلوين مع بعض وان شاء الله الزمالك ممكن ياخد الدوري سنة 2150
ههههههههههه

ياعم انت غالي ع الكل والله و الناس الي بتحط توصيات زي ما سعادتك ما قلت بتحاول قدر المستطاع لكن احنا بنزق الاخوة الجداد عشان يتعلموا بنفسهم

اوعييييييي تمشي و الله أقطع معاك لو مشيت

[خزائن ربك مملؤه]

.

ما شاء الله تبارك الله

(خزائن ربك مملوءه)

جمعت بين خفة الدم والكلام اللي زي الشربات ، مع الحكمة والكلام الموزون

.
بالنسبة لموضوع التوصيات ، فأعتقد أن الجميع متفق على أهميتها ، كما أن الجميع متفق على خطورتها خاصة للمبتدئين

لا أحد يعترض على وضع التوصيات بل صدقني الجميع يشجع ذلك لما فيها من فادة مادية واستفاده وتعلم

ولكن أعتقد أن من يحذر وينبه فإنه يوضح للمبتدئين الذي يعتقدون أن يجميع التوصيات لا بد أن تصيب الهدف ، أو أن التوصيه إذا كان كاتبها معروف ، فإنه توصيه مضمونه 100%

وهذا يعني أن واضع التوصيات والمنبه من خطورتها كلهم في مركب واحد ، يريدون المصلحة للأعضاء ، وبالتالي فلا يوجد أي محاربة أو ما شابه ذلك

لكن كل شخص مسك الموضوع من ناحية ، و الهدف واحد ، والنيات طيبة ، والقلوب صافية والحمد لله

.
ختاما ،،،

يا شباب ، (خزائن ربك مملوءة) من النوع المدمن لحب الخير للآخرين ، لذلك لا تخافوا أبدا ، صدقوني لو شاف فرصه ممتازه ، يدينه تتحرك بشكل لا إرادي ، ويكتبها لإخوانه في المنتدى


وأتحداه يعمل غير كدا

ههههههههههههههه فعلا ايدي بتشتغل اليا اوتوماتيك والاكسبرت اللي مشغلها هو حبي لكم يا غالي

هلا وغلا بحبيبي ابو عاصم وتسلم يا حبيب امبارح وحبيب دلوقتي ولاخر وقتي

منور والله العظيم تعرف ان الناس هنا وفي اي منتدى متعاونة والاداره بسم الله ما شاء الله هنا والمركز الخليجي وخبراء المال كله يحب الخير وان كنت هنا كل وقتي كل ما اكون فاضي اجي اسلم واضحك مع اخواني ومقصر مع المنتديات الاخرى ربي يسعدهم ويسامحوني ويعزروني على تقصيري

والحمد لله لا فيه اي مشاحنه ولا شئ والله غير ضيق الوقت شويا مع بعض الاحيان المود ميبقاش متظبط اني ادخل وارد

وتسلم حبي على المرور المكلل بالزهور اللي بتطلع نور

ونشوفك بالف خير

اخوك خزائن

[خزائن ربك مملؤه]

معليش اخي خزائن بضيف حاجة

التجارة مهما كانت نوعها تعتبر ربح وخسارة

مومعقول اذا خسرت تقول آآه ياقلبي بتجيني جلطة ولا ارتفع الضغط او السكر عندي ولا بنتحر وبعدها تقول ليه يارب وكأنك
منتا راضي وزعلان وماتكلم احد وعدوك الوحيد هو صاحب التوصية

ارضى بطعم الخسارة مثل ماترضى بطعم الربح

قولي طيب اضيف ايه بعد ما قيل منك دانت بروف يا غالي

تسلم والله ابو المشورة كلها

وربي يبارك لك ويسعدك على الاضافة العزيزة جدا

ونشوفك بالف خير

اخوك خزائن

[أبو_روان]

بطاقة تعريف

اسم الشهرة: خزائن ربك مملوءه
الأسم الحقيقي: أشرف يشرف اشرافاً (من المشرفين يعني)
الديانة: مسلم وبيخاف عالمسلمين
المهنة: خدمة الناس وحبهم والترويح عنهم
تاريخ الميلاد: يوم تسجيله عضواً في المنتدى (مش عارفه بصراحة)
الحالة الإجتماعيه: خطيب بنتي روان
الفصيلة الدم: شربات مكرر
الهوايات: ابعاث البهجه في المنتدى + كتابة التوصيات المتينة (ادمان على رأي أستاذنا أبوعاصم (ايده بتاكله ولن يستطيع تركها) صدقوني.

حبيب عمري خزائن
ايه اللي انت بتقوله ده
طلبك مرفووض يا أستاذ وفوت علينا بكرة
وبعدين انت ازاى تذكر عباقرة التوصيات اللي ذكرتهم و تنسى خزائن من وسطهم
حبيبي خزائن كل الكلام الذي كتب في الهجوم على التوصيات (وبأمانة) لم يكن هجوم على الموصي بعينه ولكنة كان توعيه للمبتدئين الذين لا يراعون أسس ادارة المخاطر (مثال الذي يدخل بنص حسابه, والذي لا يضع الستوب,وووو يتهور وفي الآخر يتعوّر) ودي من رأي من مصلحة الموصي انه يوعي المبتدئين. وبتعجبني جداً مقولة لأخوي الغالي الدبعي دايماً بيقولها عند فتح توصيه وهي (هذا ما أرى والله يرى مالا نرى ويعلم مالا نعلم) ويقول توصيته وكل واحد فينا عنده مخ ومعاه بطاقه صحيه وتأمين وهوا صاحب قراره, وبعدين انت شخصياً بتقول الدخول من كذا والستوب كذا وبتكتب (التزام بالوقف) والي مايلتزمش زنبه على اللى جنبه. وانت برضه بتقول التوصيات هنتحاسب عليها آخر الشهر (نشوف كام توصيه كسبانه وكام توصيه خسرانه ونحكم في الآخر) وأنا بأمانه لم أجد لك توصيه في الأوت وكله في الجون ولا أبوتريكه(مشاء الله).
كلنا منتظرين توصياتك وبداية من الأسبوع القادم (ان أمكن), أنا عاوز أجيب جهاز روان وأنت شد حيلك شوية (روان مهرها غالي يا غالي)
وألف مليون سلام وتحية

[أسامة سيد]

حبيبي خزائن كل الكلام الذي كتب في الهجوم على التوصيات (وبأمانة) لم يكن هجوم على الموصي بعينه ولكنة كان توعيه للمبتدئين الذين لا يراعون أسس ادارة المخاطر (مثال الذي يدخل بنص حسابه, والذي لا يضع الستوب,وووو يتهور وفي الآخر يتعوّر) ودي من رأي من مصلحة الموصي انه يوعي المبتدئين. وبتعجبني جداً مقولة لأخوي الغالي الدبعي دايماً بيقولها عند فتح توصيه وهي (هذا ما أرى والله يرى مالا نرى ويعلم مالا نعلم)
أنا بأمانه لم أجد لك توصيه في الأوت وكله في الجون ولا أبوتريكه(مشاء الله).

اهه ده الكلام ولا بلاش

بس انا مختلف معاك في نقطة ابو تريكة لانه طلع زملكاوييييييييييييييي

بكل أسف خاب ظني فيك يا خزائن
يلا باه الحلو مايكمل
تروح وتيجي بالف سلامة

[HAYTHAM]

بسم الله الرحمن الرحيم
السلام عليكم و رحمة الله و بركاته
يا اخ خزائن ،يصعب على الواحد كتابة اي شيء بعد هذه الكلمات الجميلة من الاخوة الاعضاء.
لذلك اضم صوتي الى اصواتهم و اتمنى انك ما تتركنا (خصوصا نحن المبتدئين ) و لكننا نقدر طبعا ان لكل شخص ظروفه و لا يمكننا ان نلومه.

في امان الله اخي الحبيب

[Metzawel]

أنا حاسس إنى غبت كتير عن المنتدى مع إنى خدت أجازة يومين بس
أحب أقولكم إنى مش مهتم بالتوصيات قد ما مهتم بالصحبة الحلوة
أنا أتعودت على خزائن وحسيت إنه أكتر من صاحب .. كان على طول يطمن عليا ويسأل عليا .. ويعز عليا قوى إنه مشغول .. بس هى دى الحياة .. انشغالات .. أنا عن نفسى شخصية وحيدة ومنعزلة جداً .. ومركز فى الفوركس وبحاول اتعلم اساليب التحليل .. لكن من وقت للتانى أحب أكلم أصحاب .. وفى مجالنا ده صعب تلاقى صاحب يكون ساكن فى الشقة اللى جنبك ولا حتى فى عمارتك ولا حتى فى الشارع بتاعك ولا حتى فى منطقتك كلها .. والملل بيجى أول ما أقابل حد من أصحابى ميعرفش فوركس .. يبقى كل الكلام فى الزكريات اللى قلناها اليوم اللى شوفنا بعض فيه قبل كده .. أو نصايح من اللى تعطل الواحد فى الحياه .. يقولى أنت لو اشتغلت فى شركة صيانة كان زمانك بتاخد كذا دلوقتى .. أو ايه رأيك نهاجر على برة .. والكلام الممل والفارغ يبدأ .. وأنا آخده على قد عقله
بجد غياب خزائن دلوقتى حيعملى فراغ كبير فى حياتى .. أنا ما صدقت لقيت صاحب مهتم بنفس اهتماماتى .. بس انشغالات الحياه تقف حائل بينا .. يا خسارة كنت عايش حلم جميل بس جه وقت الصحيان
على فكرة فى التوقيع اكتشفت إن خزائن صاحب فضل عليا .. صاحب صاحبه بجد من أيام الشبكة .. قبل ما أجى هنا قريت مواضيعه التعليمية الرائعة هناك .. واتعلمت منها كتير .. بجد ربنا يبارك لك .. طول عمرك خيرك علينا
أنا مش بلومه .. الراجل عمل اللى عليه وزيادة .. بس بجد بحاول أقول أنا حفتقده قد ايه .. الوحدة صعبة ومرة أكتر من ضرب الستوب .. والصحبة الحلوة بروفيت ما أروعه
أنا طبعاً مش عاجبنى كلامه .. بس مقدرش أعارض .. كل واحد فينا عنده التزامات .. بس بجد حتوحشنى .. وأنا حبقى أسأل عليك ومش حبطل لحد ما تزهق منى
بس كفاية بقى عشان حعيط
ربنا يوفقك .. والله العظيم بحبك
وحفضل أحبك يا أحلى صاحب فى الدنيا
وعادى أنا راضى بنصيبى .. منا متزاول .. لازم حاجة تزاولنى فى الحياه .. وفراقك أكبر مزاولة اليومين دول

[lahib aljaleed]

لأ
لأ
لأ
لأ
لأ

أيش الكلام هااااد

أنا مش مصدق

لألألألأ

أخوي خزائن موضوع أكثرمن رائع في بدايته بعدين بدأ الكلام اللي مالوش داعي بالمرة

أترك التوصيات وأتوقف ومش عارف شو !!!!

هاد كلام غير مقبووول لو سمحتلي ،، العالم شو تسوي بحالها بعدين

أنت جاوبني

قرارك مرفوووض ،، أنسا يا با

ومتزاول بقولك فراغ بحياته ،، يعني شكله هيك راح يضيع

المهم توقف لألألألأ

احنا بنستناك

بعدين ياأخي أجبر بخاطري أسبوعين وأنا أتابع فيك واختبرك من بعيد لبعيد
لأن اللي ما يعرفك يجهلك وبعدين لما بدأت أتابعك هو أسبوع واحد وبعدين بدك تخلع

لهالدرجة وجهي نحس عالمنتدى

بعدين أسبوع وأكتر وأنا أقلك افتحلنا الباوند 7 وأنا استنا وأقول خبر قربنا

وشكلك مش حتخليني أشوف 7 بحياتي كلها


خلاصة الحديث::

أرجوك إعدل عن قرارك الله يرحمك دنيا وآخرة

مش عشاني عشان العالم اللي كاتبالك

أخوك لهيب الجليد

[N4X]

السلام عليكم

اتوقع و العلم عند الله سبحانه و تعالى ان يرتد خزائن ربك مملوءه من الدعم العنيف الى الاعلى و ذلك من تاثير كلام الاخوة الافاضل و حبهم له مما قد يؤدي ذلك الى ظهور بوادر توصيات في الامد القريب بالاضافة الى تشكل موجه اليوتيه صاعدة و بقوة.

تحياتي لك و للجميع


إنفوركس...

[خزائن ربك مملؤه]

احم احم يا كسوفي اكيد كل اللي حيبص على الموضوع حيقول خزائن عايز الناس تتحايل عليه ولا عايز حد يديله طبق مهلبيه في ايده ويقوله يحنن وكده والله انا محرج

اولا السلام عليكم ورحمه الله وبركاته

الغالي اسامة سيد يا باشا انا اهلي وابويا اهلي بسماري ولوني اهلي

تسلم على المرور يا لؤلؤ منثور ... صورتك دي ولا كبرت شويا

تسلم حبي اسامة العزيز

ــــــــــــــــــــــــــــــ

العسل ابو روان هههههههههههه بس انا مبشلش بطاقة تعرف ليه علشان معنديش جيب ورا في بنطلون الجينز فكرتني ببطاقة السبوع اكيد بتاعة روان صوح صوح ):

تسلم على الكلام العسل وربي يعسل ايامك يا واحشني واخيرا اعترفت اني خطيب روان اخيرا يا شقي واخيرا يا روان حنغني انا وانتي يا دبلة الخطوبة عقبالنا كلنا ونبني طوبة طوبة في فيلا حبنا

تسلم حبي على المشاركة الجميلة بجمال القمر يوم اكتماله بدر يا بدر البدور البيضاء

ـــــــــــــــــــــــــــــ

HAYTHAM باشا يارب يخليك واتمنى يكون ثقتك في محلها فانا اقل الناس ان لم يصفح عني ربي بارك الله فيك لو انت مبتدا يبقى انا خبر ونكون مع بعض جملة اسمية

بارك الله فيك يا برنس على مرورك الكريم

ـــــــــــــــــــــــــــــ

اما انت متزاول الحبيب فموضوعك كبير بجد وحشتني وقلقتني عليك يعني حلقت راسك علشان تعتكف جنب الشاشة وبرضه خرجوك انا شايف تريح نفسك خالص وتحلق حواجبك وحته من رموشك علشان يعرفوا انك جدي في كلامك بجد روحت فين اليومين اللي فاتوا يا نور العين المهم تكون كويس والحمد لله

ثانيا بارك الله فيك متزاول ومنتدى الشبكة اكن لاخواني هناك كل حب ومعزة وربي يسعد الجميع

وثالثا ان شاء الله تجد الصديق الصدوق في الفوركس من العائلة بس انت امسك ودان اي حد تحبه واقعد احكيله عن الفوركس حتلاقيه شبك في الموضوع كلنا اتاكل ودننا كده وتبقى ليل نهار تتابعوا بعض يا غالي

انا ساكون موجود ولكن ليس دائما يا اغلى احبابي


ـــــــــــــــــــــــ

البرنس لهيب الجليد المنور والله العظيم يا اخي ازعل منك لو قولت موضوع انك نحس ده تاني .. هو علشان جيت وانا بفكر ارتاح شويا يا سيدي اذا حضرت الملائكة لازم يستخبى ابليس خلف الكواليس

انت تنور ووشك وش خير على اي موضوع تدخله ربي يسعدك

تسلم حبي على دخولك الموضوع

ـــــــــــــــــــــــ

انفوركس حبيب العمر ههههههههههه فعلا الدعم قوي مع وجود خط ترند صاعد بقوة في الشهري كمان واحتمال اعمل جاب جامد لفوق

وبعدين تعالى هو انا مشوفكش الا لما اخد قعدتني واجي اروح الاقيك داخل تودع بالمنديل الابيض

شرفتني وشرفت كل ورقة بالموضوع حبي

والله بحبكم وربي يسعدكم ويسعد ايامكم

وان ربي اراد حكون موجود ان شاء الله

ونشوفكم بالف خير

اخوكم خزائن

[ahmed hanafy]

الاخ الحبيب اشرف
آثرت الصمت و السكينة منذ بداية الموضوع
و كنت اود ان اقول لك ان معرفك فى حد ذاته له مغزى جميل
خزائن ربك مملوءة
عارف مملوءة بايه ؟ مش بس رزق و كمان حب الناس ليك؟
اخى الحبيب
لم اشاهد فى حياتى الفوركسية انسان استطاع ان يكسب حب الناس مثلك
و مش بالاونطة لا بالفعل و بالجد و بالاخلاص . معقول كل الحب ده تسيبه
بجد معقولة !!!!!!!
كنت اود ان اقول لك ما سبق و لكنى فضلت الصمت
الى ان وقعت عينى على توقيعك
امسك .
بتقول ايه فى التوقيع يا عم عباس الابيض:
السكة دى مليانه مليون فخ ......
جميل
و انت من اول فخ تقول اخ !!!!
مش عجيبة !!!
اخى الحبيب اشرف
مش هقولك بعد كلامى السابق اى شئ
بس اتمنى ما تزعلش منى
و تقبل ودى

[faissal]

لن اطيل عليك واعرف مدى معزتي عندك في قلبك
والردود التي اتت من الاخوة في المنتدى تكفي لاقناعك بالعدول عن قرارك
ولا تغلق خزائن ربك
لانه ممكن ان تكون انت الوسيله التي يرسل الله بها الرزق الى عباده
ويمن عليهم بكرمه وفضله من خزائنه ولله الحمد من قبل ومن بعد
واله في عون المرء ماكان في عون اخيه وانت قلت هذا باب لك للزكاة عن علمك ومالك
اتغلق هذا الباب بيدك
استحلفك بالله فقط وبحبك لنبيه عليه الصلاة والسلام
بالعوده وبالبقاء معنا في باب توصيه الباوند
وانا طماع ياليت تفتح باب توصيه لزوج لايرتبط بالدولار ايضا
ونكون من الشاكرين
شايف ماقلتلك ماراح اطول عليك ههههههههههههههههه

[Metzawel]

انا ساكون موجود ولكن ليس دائما يا اغلى احبابي

منا عارف إنك موجود ولكن ليس دائماً .. وهى دى المشكلة



شوف يا عم الأمور .. انشغلاتك أهم من أى شئ وربنا يوفقك
وطمنا عليك دايماً .. عشان بجد الحياة من غيرك فراغ
وأنا مش عارف لو قلت جزر مين حيرد عليا
ممكن يطلعلى العفريت يضربنى على قفاى ويجرى

ربنا يستر بقى
بس بجد
زرونى كل سنة مرة .. حرام تنسونى بالمرة
أو حتى
أسأل علينا يوم .. يمكن يجينا نوم
ولو غبت كتير وسألت بعدها يبقى
ولا تسأل عليا .. مالكش دعوة بيا .. بتسأل ليه .. بتسأل ليه .. بتسأل ليه عليا
أنا عمرى ما أقدر أنساك .. وربنا يا رب يخليك ليا