اجتماع فوركسى مصر هل له من تأثير على العمله

[YamedoA]

السلام عليكم ورحمه الله ..
أولا أطلب من المديرين عدم نقل هذا الموضوع لفترة وجيزة وذلك للأهميه ولكم جزيل الشكر
أما عن العنوان فهو للجذب لأهميه الفكرة
أما عن الموضوع فهنا الفكرة التى أرجو من المتابعين الرد عليها وابداء الرأى حتى لو من خارج مصر للإفاده
والفكرة تتالخص فى لماذا لايكون هناك اجتماع أول كل شهر لفوركسى مصر !!!!
ولماذا أصلا الإجتماع ؟؟؟
بكل بساطه بديهيا من وجهة نظرى القاصرة فإن فوائد مثل هذا الإجتماع الشهرى كثييييره جدا وانتم تعرفون جيدا ماكان من نتائج للإجتماع الأول فى مصر والذى بادر به الأخ أحمد حنفى
ومن فوائد مثل هذا الإجتماع :
1- التواصل بين الأشخاص وبناء علاقات جديده مما يؤدى الى الحد من الوحده وتعمل وكأنك الوحيد فى هذا المجال
2- حضور شخصيات خبيرة فى هذا المجال مما يؤدى الى نقل هذه الخبرات من الكبار الى الصغار فى هذا العمل من خلال اعطاء النصائح ومتابعه الشباب الجدد
3- دعم الإقتراحات والأفكار البناءة فى هذا المجال
4- نتقاشات حول المشاكل التى تواجهنا من شركات الى خسائر والخ الخ
5- وانا بقى مش عاوز اطول عليكم أكيد انتوا عارفين ايه فوائد الإجتماع الشهرى الثابت دا

وطبعا مثل هذا الإجتماع سيكون بالتأكيد له تكلفه ومن هنا وضعت اقتراح بسيط لماذا لا يكون هناك اشتراك ثابت شهرى لهذا الإجتماع وهو مبلغ رمزى 30 جنيه مصرى تقريبا حتى لاينجرح أحد بدفع فواتير المشاريب مش كدا وبس دا هايكون هناك رصيد يمكن استغلاله مثلا شراء عدد من نسخ لكتاب جون ميرفى وتبادله بين الشباب حتى يصبح خلال أشهر بين يدى الجميع انا بتكلم عن النسخه اللى باللغه العربيه وغير وغيره وغيره...........
أرجو منكم ياشباب ابداء الرأى سواء كنت مؤيد أو معارض للفكرة مع ذكر السبب ومع طرح أفكار حول شكل مثل هذا الإجتماع الشهرى وما يمكن أن يواجهنا من مشاكل فى المستقبل واقتراح الحلول لذا نرجوا منكم التفاعل
انتظر كلامى لسه مخلصش
أما هناك حته مفاجأه !!!!!!!!!!!!!!!!!!!!!!!!!!!!!!











الأخ تيبان عجبته الفكرة وقال انه 99% جاى يحضر الإجتماع دا معانا الشهر القادم إن شاء الله ودى كانت مفاجأه جميله جدا ليه وطبعا انتوا عارفين الأخ تيبان هو أخ حبيب للجميع وله من الخبرة فى هذا المجال ماشاء الله واللى مش هايجى ذنبه على جمبه دا كمان قاللى انه هايدفع اشتراك بس انا طلبته منه 30 دينار كويتى مش بالجنيه هههه
وانا عن نفسى هاروح
شكرا مرة أخرى لمديرى المنتدى

[Dr.GM]

من ناحية الأجتماع الشهري ... انا موافق ويكون في مكان وزمان محددين سلفاً ممكن يتغير المكان بدل القاهرة مثلا يكون اسكندرية او اسوان لتغطيه مصر
من ناحية الأشتراك ... مفيش مشكلة بتاتاً واعتقد كدا هيكون افضل ...
واتمنى ان يكون في اجتماعات اخرى في الدول المجاورة (طبعأً مش لنفس الفريق) بس لتكوين مجموعات متاجرة دولية سواء في الإمارات او مصر او المغرب او غيره

سؤال ... وبجد يا ريت محدش يفهمه غلط علشان انا مش بقالي كتير في المنتدى ... مين الأخ تيبان ؟

---------


نجي بقا لناحية تأثير الأجتماع ...
فاعتقد والله اعلم ان تأثير الأجتماع هيرفع الدولار للسماء لحد ما يوصل 1.1000 امام الباوند
و 0.7300 امام اليورو .... و 0.0167 امام الجنية المصري ...
بينما إذا ما تقرر عقد اجتماع في الإمارات او السعودية فهيكون تأثيراته وخيمه جداً على الدولار ...
وهنشوف 2.4000 على الباوند دولار قريبا ...
وال2.0000 على اليورو .... و 0.5 امام الجنية المصري
نيجي بقا لناحية قرار المعلمين الكبار ,,,
المعلم الشندويغي السحلوت .... ده لو قال انو هيبيع ... يبقا كلنا نشتري علشان الراجل دا نصاب
والمعلم برعى ... ده لو قال هنبيع او هنشتري ... محدش يعبره علشان ملوش وزن في السوق
المعلم الزناتي... ده دخل يشتري ... معاه ... دخل يبيع ... معاه ... حلووووووووووو


كان معكم المراسل
GM من قناه بلومبرج العربية
-معلش الحته اللي جاية دي لااازم-
الجزيييييييييييييييييييره .... موسكووووووووووووووووووووووووووووووووو

[YamedoA]

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههه ه





هههههههههههههههههههههههههههههههههههههههههههههههههه هههههههههههههههههههه
هههههههههههههههههههههههه
بس خلاص

[YamedoA]

الأخ تيبان انا كمان لا أعرفه الا من خلال الماسنجر فقط وانا سمعت عنه منه أصدقائى وعن خبرته فى هذا المجال ماشاء الله وهو بصراحه أخ زى العسل لما تشوفه على طول هاتحبه وهو بقى ياريت يعرفنا بنفسه كويس بس فى الإجتماع أما عن طرحك لفكرة السفر لأماكن أخرى فهى جيدة ولكن مش قبل مانعرف كثافه العدد فى المحافظات بمعنى لو هنا ك 2 فقط يعملون فى مجال الفوركس فى أسوان فهل نذهب لنجتمع هناك هذا شىء مستحيل اما لو مثلا هناك 20 شخص فى الأسكندريه يعملون فى مجال الفوركس فهنا ممكن نروح زيارة كل فترة وهما برضو يجوا زيارة كل فترة وهكذا
وانا أرجو من الإخوة طرح المزيد من الأفكار مثل ما قام به مراسلنا من موسكو جى أم

أما بالنسبه للتأثير على العمله فهايكون بالتأكيد له تأثير كبير جدا لم ولن أفصح عن التوقعات حتى تتبلور الفكرة
وشكرا

[mohamed saleh]

خير ان شاء الله
فكره كويسه كتيييييير
وياريت تتنفذ
معاكم ان شاء الله
تحياتي
محمد صالح

[ahmed hanafy]

الاخ الكريم / محمد
يا عم الاجتماع الثالث موجود فى الرابط
https://forum.arabictrader.com/t22013.html
و نناقش فيه الموضوع
و بالنسبة للاخ تبيان
يشرفنى حضوره
بس انا ما اعرفهوش و مش عارف ايميله
ارسال لى ايميله و انا اعزمه
و تقبل ودى

[YamedoA]

ايوة ياأحمد ماهو انا ماكنتش اعرف والله وايميل الأخ تيبان أهو بس اهو احتمال يجى الشهر القادم مش الحالى وكلمنى على الماسنجر ضورورى بقى[email protected]

[mshrief]

انا معاكم اوعو تنسونى [email protected]
0122609570

[PLAYER]

انا معاكم انا كمان اوعو تنسونى kaa_player@yahoo.com
0127373151

[bissan01]

وانا بقول ليش الدولار اكل زفت اليوم طلع على شان الاجتماع الفوركسي المصري
طيب خبرونا
اووووووووووووووووف
الحق على المنتدى الي ما نشر موعد الاجتماع اليوم في الاخبار المهمه
وباللون الاحمر
الله يسامحكم

[Dr.GM]

لأ ... دا مش الأجتماع المصري ... لإنه لو كان تم كان نزل السعر
لكن ... فيما يبدو ان السعوديين و الأمارتيين العاملين بالفوريكس عملو اجتماع سري مغلق ...وكان ما كان اليوم ...
الحق على الأستاذ طلال السميري وابوعاصم ... علشان الخبر متحطش في الجدول ...

شفتوا بقا المقالب ...
يلا

برضو ...
كان معكم GM من بلومبرج العربية
الجزييييييييييييييييييييرة .... موسكوووووووووووووووووووووووو

[magedology]

بارك الله فيك يا أخي yamedoa
طول عمرك سباق الي الخير هذه عادتك معنا

[mobtd2_msry]

يا بختكو يا بتوع القاهرة...

مظبطين الكلام ومنظمين نفسكو..


وأنا هنا فى أسكندرية بـ(ــالا لـى)عشان ألاقى حد يعرف يعنى أيه فوركس..


ماتيجو هنا والمشاريب على حسابى ؟؟


بس تكونوا جايبين معاكو الأخ أبوتايبان ..(وبأذن الله هخطفه )


(على فكرة الأجتماع ده مش لازم تفتحوله أكتر من موضوع عشان كده بيبقى

تشتيت وبيتم أهداردمه بين القبائل..

[يورو2006]

معلهش يا جماعه كان نفسى احضر اجتماع القاهرة لكن انا مقيم بجنوب افريقيا

[ابو يحيى 2012]

والله جميل جداً ان ارى مثل هذا الكم من المصرين العمالين في الفوركس

واللهم ما زيد وبارك انا ان شاء الله هحضر الاجتماع لو كان في اسوان

اللهم وفقنا جميعاً الى ما تحبه وترضه

اخوكم محمد ابراهيم