اجتماع فوركسى مصر هل له من تأثير على العمله

[YamedoA]

ماشاء الله ماهذا الحضور الجميل شكرا لكم جميعا على مروركم الطيب وبالنسبه لتكرار الموضوع انا والله العظيم ما كنت أعرف ان فيه مواضيع مفتوحه أصلا غير انى عرفت ان أحمد ناوى يعمل دعوة تانى ولأنى مش بدخل المنتديات كتير وللأسف مش متابع اليومين دول كويس
المهم انا الموضوع دا لو تم هايكون جامد جدا وان شاء الله نتناقش فى صياغته فى الدعوة الأولى وكل واحد يحضر ويشخلل جيوبه ويعمل حسابه فى 30 دولار قصدى 30 جنيه

لحد لما نشوف هناك هانعمل ايه وفيه حاجه تانيه هناك ضوابط وشروط للى عاوز يحضر الجلسه القادمه منعا لحدوث نقاشات خارجه عن هدف الإجتماع وسأدرسها بإذن الله مع أحمد حنفى ونضعها فى المنتدى علشان محدش يزعل من حد لأن هدفنا فى الأخر اننا نتقارب من بعض مش نحقد على بعض
والسلام ختام

[magedology]

كل واحد يحضر ويشخلل جيوبه ويعمل حسابه فى 30 دولار قصدى 30 جنيه

قصدك كام بيب؟

[yahia]

من ناحية الأجتماع الشهري ... انا موافق ويكون في مكان وزمان محددين سلفاً ممكن يتغير المكان بدل القاهرة مثلا يكون اسكندرية او اسوان لتغطيه مصر
من ناحية الأشتراك ... مفيش مشكلة بتاتاً واعتقد كدا هيكون افضل ...
واتمنى ان يكون في اجتماعات اخرى في الدول المجاورة (طبعأً مش لنفس الفريق) بس لتكوين مجموعات متاجرة دولية سواء في الإمارات او مصر او المغرب او غيره

سؤال ... وبجد يا ريت محدش يفهمه غلط علشان انا مش بقالي كتير في المنتدى ... مين الأخ تيبان ؟

---------


نجي بقا لناحية تأثير الأجتماع ...
فاعتقد والله اعلم ان تأثير الأجتماع هيرفع الدولار للسماء لحد ما يوصل 1.1000 امام الباوند
و 0.7300 امام اليورو .... و 0.0167 امام الجنية المصري ...
بينما إذا ما تقرر عقد اجتماع في الإمارات او السعودية فهيكون تأثيراته وخيمه جداً على الدولار ...
وهنشوف 2.4000 على الباوند دولار قريبا ...
وال2.0000 على اليورو .... و 0.5 امام الجنية المصري
نيجي بقا لناحية قرار المعلمين الكبار ,,,
المعلم الشندويغي السحلوت .... ده لو قال انو هيبيع ... يبقا كلنا نشتري علشان الراجل دا نصاب
والمعلم برعى ... ده لو قال هنبيع او هنشتري ... محدش يعبره علشان ملوش وزن في السوق
المعلم الزناتي... ده دخل يشتري ... معاه ... دخل يبيع ... معاه ... حلووووووووووو


كان معكم المراسل
GM من قناه بلومبرج العربية
-معلش الحته اللي جاية دي لااازم-
الجزيييييييييييييييييييره .... موسكووووووووووووووووووووووووووووووووو

ضحكت كثير والله
الله يجزيك خير
طيب دي خفة دم ولا0000000000

[الجنيه الفلسطيني]

أما نحن ..........

فنحن في حالة إنتظار !

ولن نرضي إلا بإجمتاعٍ على أبواب عكا , أو بإجتماعٍ داخل أسوار القدس !

[YamedoA]

ليه بس كدا ياجنيه متخلنيش أعيط بقى

[Tarek egy fx]

أما نحن ..........

فنحن في حالة إنتظار !

ولن نرضي إلا بإجمتاعٍ على أبواب عكا , أو بإجتماعٍ داخل أسوار القدس !

باذن الله

[الجنيه الفلسطيني]

ليه بس كدا ياجنيه متخلنيش أعيط بقى

باذن الله

إن تبكيانِ فقد بيكتُ من الآسى

حتى لكدِتُ بأدمُعي أن أغرقا

وتحجرت عند الوداع أضالُعي

ناراً خشيت بحرّها أن أُحرقا

-------------------------

لكنما يا إخوتي

في القدس يبقى المُلتقا

في القدس يبقى المُلتقا

في القدس يبقى المُلتقا

[YamedoA]

الله الله الله
احنا قلبنا الموضوع بقى ياعم اسامه بس والله رغم ما تتعرضون له هذه الأيام الا ان الواحد بيحسدكم على ما أنتم فيه من عزة والله فالواحد يفضل انه يموت بشرف فى مواجهه عدوه ولا يعيش مهانا ابد الدهر لا عارف ياخد حق ولا باطل ومش عارفين الصح فين من الغلط .....