تحليل الأوضاع الاقتصادية الحالية وتوقع التحركات القادمة

[عاصم منصور]

ما رايك استاذ عصام في فرص الاسبوع القادم و هل يشكل استفتاء اسكتلندا فرصة لبيع الباوند ( ارتفاع الامال بشكل كبير اذا جائت النتيجة بلا ثم بعد فترة تزول هذه الحالة و يعود الباوند الى حالته الطبيعية خصوصا مع سوء نتائج مؤشرات المملكة المتحدة )

بالنسبة للاسترليني دولار... فيه استطلاع رأي هيصدر بكره وده هيأثر بشكل كبير على السوق وومكن نشوف فجوة تانية لفوق أو لتحت على حسب نتائج الاستطلاع من مؤسسة ICM وده بنفس أهمية استطلاع "يوجوف" السابق واللي خلى الباوند يعمل فجوة سعرية هابطة.... وهيفضل الاسترليني دولار في انتظار نتائج الاستفتاء يوم الخميس 18 سبتمبر.

وفي حالة التصويت بنعم على استقلال اسكتلندا... الاسترليني هينزل جامد عشان استقلالها هيأثر بشكل سيء على الاقتصاد البريطاني ... خاصة إن ده هيخلي دول تانية يبقى عندها أمل في الاستقلال اللي بطالب بيه من زمن زي كاتلاونيا في إسبانيا... بس يجب ملاحظة أن اسكوتلندا عايزة تستمر بالجنيه الاسترليني بالرغم إنها معندهاش بنك مركزي أو سياسة نقدية خاصة عشان كده كارني قال إن بنك إنجلترا عنده إجراءات طارئة في حال حدوث هذا الأمر.

وفي حالة التصويت بلا، الاسترليني هيرتفع جامد عشان بكده تكون الأوضاع استقرت ويرجع بنك إنجلترا تاني ينافس الاحتياطي الفيدرالي الأمريكي في رفع معدلات الفائدة... لإن الاقتصاد البريطاني هو أقوى اقتصاد سجل نمو بعد الأزمة العالمية بالمقارنة ببقية الدول المتأثرة... لكن فيه بيانات الاقتصادية مهمة اللي هتحدد إذا كان هيعاود الارتفاع أو مجرد هيعمل حركة تصحيحية... أولًا:

- بيانات مؤشر أسعار المستهلكين (CPI) اللي بيقيس معدلات التضخم من خلال أسعار السلع والخدمات، والمؤشر ده تراجع من 1.6% إلى 1.5% يوليو وده بيشير إلى ضعف النمو الاقتصادي.... بنك إنجلترا عايزه يوصل 2% فكل ما اقنرب من النسية ديه اقترب ميعاد رفع معدلات الفايدة.

- بيانات سوق العمل ومنها مؤشرات التغير في معدل التوظيف ومعدلات البطالة ومتوسط الدخل ... وبالرغم من أهمية المؤشرات ديه كلها لكن أهم واحد فيهم في الفترة الحالية هي متوسط الدخل (الأجور) عشان لو الأجور مرتفعتش بنك إنجلترا مش هيرفع معدلات الفايدة... المرة اللي فاتت المؤشر ده تراجع من 0.3% إلى -0.2% وده كان من أهم أسباب تراجع الاسترليني.

-مبيعات التجزئة مهمة برده بس هيبقى ليها رد فعل لحظي وخلاص في اليوم ده عشان في نفس الوقت بتاع التصويت على استقلال اسكتلندا.

عندك برده يوم الأربع والخميس بيانات أمريكية مهمة جدًا .... مؤشر أسعار المستهلكين بقيمته الأساسية وتوقعات لجنة الاحتياطي الفيدرالي الاقتصادية وبيان الفايدة اللي مش هيتغير ان شاء الله ونتائج الاجتماع وبعد كده حديث "يلين" يوم الخميس. وانا اتوقع أن متكنش تصريحاتها إيجابية بالشكل اللي يخلي الدولار يرتفع بشكل قوي... هتتلكم عن إنهاء التيسير النقدي خلال الشهر المقبل وهتقول أن سوق العمل تحسن لكن مش بالقدر الكافي ولازم نشتغل عليه أكتر وهتشير إلى إن السياسة النقدية الحالية هي الملائمة للوضع الحالي.

بشكل عام انصح نفسي وإياكم بعدم التداول على الزوج حتى تتضح الأمور عشان هيبقى في تقلبات عنيفة فوق وتحت حتى بداية الأسبوع المقبل. وانا حاسس كده انها مش هتستقل... ده مجرد احساس، مينفعش التنبؤ بحاجة زي ديه واتمنى لك التوفيق يا د/ مصطفى.

[ابو لاما]

السلام عليكم ورحمة الله تعالئ وبركاته
بارك الله فيك اخي الكريم كلامك زي العسل ما شا ءالله عليك ينم عن معرفة واسعة بالاساسي جزاك الله عنا كل خير
تقبل خالص تحياتي وتقديري
السلام عليكم ورحمة الله تعالئ وبركاته

[عاصم منصور]

السلام عليكم ورحمة الله تعالئ وبركاته
بارك الله فيك اخي الكريم كلامك زي العسل ما شا ءالله عليك ينم عن معرفة واسعة بالاساسي جزاك الله عنا كل خير
تقبل خالص تحياتي وتقديري
السلام عليكم ورحمة الله تعالئ وبركاته

شكرا جدًا أخي الكريم على كلامك الرائع والمشجع
وإياكم.... أرجو أن تعم الفائدة علينا جميعًا ونستفيد من بعض
تحياتي وتقديري

[د/مصطفى]

تحليل مفصل و واضح عن الوضع . شكرا اخي الكريم و بانتظار ما ستسفر عن الاحداث هذا الاسبوع

بالتوفيق و متابعين معك ان شاء الله

[عاصم منصور]

الدولار الأمريكي

ارتفاع الدولار الحالي مرهون ببعض البيانات المهمة الأسبوع ده، وأهمهم (الفومك) بيان لجنة الاحتياطي الفيدرالي الأمريكي.... طبعًا معدلات الفايدة هتفضل زي ما هي طول ما في تيسير نقدي.... ومن المتوقع أنهم يستمروا في عمليات خفض برنامج التيسير النقدي بقيمة 10 مليار دولار إضافية عشان يبقى 15 مليار دولار شهريًا... وفيه ناس ممكن تقول أن ضعف بيانات مؤشر NFP ممكن يخليهم يوقفوا عمليات الخفض لكن أنا شايف انهم هيستمروا عشان في فصل الشتا اللي فات كانت البيانات الاقتصادية أوحش بكتير وإجمالي الناتج المحلي تراجع وبالرغم من ده خفضوا برنامج التيسير النقدي... وطبعًا هيقولوا أن سوق العمل متحسنش بالقدر الكافي ولازم نشتغل عليه أكتر من كده... لكن جميع البيانات الاقتصادية التانية بتشجع انهم ينهوا التيسير النقدي خلال الاجتماع بتاع الشهر اللي جي..... ولاحظنا أن القطاع الصناعي سجل أعلى مستوياته على مدار تلت سنين كما ارتفعت مبيعات التجزئة يوم الجمعة اللي فاتت بشكل قوي كل ده بيشير إن بيانات إجمالي الناتج المحلي خلال الربع السنوي الثالث هتيجي إيجابية ان شائ الله.

بعد كده حديث "يلين" أنا شايف انه مش هيكون إيجابي قوي لكن لو جابت سيرة عن رفع معدلات الفايدة السنة اللي جيا الدولار هيرتفع جامد، وانا شايف ان ارتفاع الدولار الحالي هيبقي احسن بعد شهر أكتوبر وبالنسبة للعملات اللي الدولار هيسجل أعلى ارتفاع قدامها هي الين واليورو.

اتمنى لكم التوفيق ان شاء الله في صفقاتكم

[عاصم منصور]

فيه استطلاع رأي تاني لسه صادر دلوقتي بيشير إلى أنه من الممكن أن يتم التصويت بـ "لا " على استقلال اسكتلندا.... وده اللي انا متوقعه برده

[عاصم منصور]

التراجع القوي في الدولار دلوقتي بسبب توفير بنك الصين 500 مليار يوان لأفضل خمسة بنوك عشان كده الاسترالي ارتفاع بالشكل ده، لكن ده تأثير لحظي ومش هيستمر

[د/مصطفى]

مؤشر اسعار المستهلكين جاء 0.0 % . ده هيخلي اي موعد لرفع اسعار الفائدة يبعد اكتر

[عاصم منصور]

البيانات الأمريكية اللي ظهرت النهاردة كانت ضعيفة بس مش هتأثر على قرار الاحتياطي الفيدرالي الأمريكي ولا ميعاد رفع معدلات الفايدة، عشان سببين: الأول أن الاحتياطي الفيدرالي الأمريكي بيرطو على استقرار الاسعار وبالرغم من ضعف البيانات ديه إلا انها لسه مستقرة كمان هو بيرطو أكتر على إنفاق المستهلك وده مهم جدًا وضعف بيانات المؤشر ده ممكن هة اللي يأثر. ثانيًا/ أوضاع سوق العمل وده مستمر في التحسن لكن مش بالشكل اللي عايزه الاحتياطي الفيدرالي. وبشكل عام، ده مجرد تذبذب في البيانات ومش هبوط قوي يؤثر على القرارات اللي جيا... لكن طبعًا ضعف البيانات ديه ممكت تخلي التصريحات سلبية شوية والحديث عن التعافي الاقتصادي موصلش لأفضل حالاته مش أكتر... أنا شايف أن الاجتماع النهاردة مش هيبقى إيجابي قوي لكن في شهر أكتوبر ممكن نتوقع أن هيبقى إيجابي عشان التيسير النقدي هيبقى خلص ان شاء الله وهيبتدي الحديث عن موعد رفع الفايدة.

[البدوي]

ممتاز يا عاصم .. ما شاء الله عليك

ولا حتى خبير امريكي ..

بس لو اطلع ايديك من الجيبه على شان اطمن لك واخذ بكلامك

جو هيد ..

الدونار قوي .. في اخبار ولا ما فيه ..


واليورو هابط

[أبو خليل]

جزاك الله خيرا اخوي عاصم

والى الامام يا غاااااااااالي

[عاصم منصور]

ممتاز يا عاصم .. ما شاء الله عليك

ولا حتى خبير امريكي ..

بس لو اطلع ايديك من الجيبه على شان اطمن لك واخذ بكلامك

جو هيد ..

الدونار قوي .. في اخبار ولا ما فيه ..


واليورو هابط

شكرا لك أ/ البدوي.... نعم اليورو هابط إلى 1.27 كهدف أول والدولار ين إلى 110 ان شاء الله ونحن في انتظار بيان لجنة الاحتياطي الفيدرالي اليوم

[عاصم منصور]

جزاك الله خيرا اخوي عاصم

والى الامام يا غاااااااااالي

وإياكم أبو خليل .... شكرا على مرورك

[FX.BMW]

البيانات الأمريكية اللي ظهرت النهاردة كانت ضعيفة بس مش هتأثر على قرار الاحتياطي الفيدرالي الأمريكي ولا ميعاد رفع معدلات الفايدة، عشان سببين: الأول أن الاحتياطي الفيدرالي الأمريكي بيرطو على استقرار الاسعار وبالرغم من ضعف البيانات ديه إلا انها لسه مستقرة كمان هو بيرطو أكتر على إنفاق المستهلك وده مهم جدًا وضعف بيانات المؤشر ده ممكن هة اللي يأثر. ثانيًا/ أوضاع سوق العمل وده مستمر في التحسن لكن مش بالشكل اللي عايزه الاحتياطي الفيدرالي. وبشكل عام، ده مجرد تذبذب في البيانات ومش هبوط قوي يؤثر على القرارات اللي جيا... لكن طبعًا ضعف البيانات ديه ممكت تخلي التصريحات سلبية شوية والحديث عن التعافي الاقتصادي موصلش لأفضل حالاته مش أكتر... أنا شايف أن الاجتماع النهاردة مش هيبقى إيجابي قوي لكن في شهر أكتوبر ممكن نتوقع أن هيبقى إيجابي عشان التيسير النقدي هيبقى خلص ان شاء الله وهيبتدي الحديث عن موعد رفع الفايدة.

ابدعت اخي عصام
هذا الكلام اللي على ميه بيضه على رأي اخواننا المصريين
اشكرك من كل قلبي
وانا بقولك ايضا
فنيا ومن وجهة نظري المتواضعه
ان الدولار سيكون هو سيد الموقف في الفتره القادمه
ومن القوه الى مزيد من القوه
والله اعلم

[عاصم منصور]

ابدعت اخي عصام
هذا الكلام اللي على ميه بيضه على رأي اخواننا المصريين
اشكرك من كل قلبي
وانا بقولك ايضا
فنيا ومن وجهة نظري المتواضعه
ان الدولار سيكون هو سيد الموقف في الفتره القادمه
ومن القوه الى مزيد من القوه
والله اعلم

شكرا جزيلا لك أخي الكريم ... نعم أوافقك الرأي في صعود الدولار خلال الفترة اللي جيا ... أتمنى لك التوفيق.