تحليل الأوضاع الاقتصادية الحالية وتوقع التحركات القادمة

**عاصم منصور** · 23-10-2014, 04:29 PM

المشاركة الأصلية كتبت بواسطة د/مصطفى

تحليل متميز كالعادة . شكرا ا.عصام و بالتوفيق ان شاء الله

شكرا د/ مصطفى على مرورك الكريم. اتمنى لك التوفيق

**عاصم منصور** · 28-10-2014, 09:30 PM

طبعًا كلنا مستنيين بيان الاحتياطي الفيدرالي بكره، وعشان نتوقع ايه اللي ممكن ييجي فيه لازم نحلل البيانات السابقة عشان نقدر نكون نظرة بسيطة عن اللي ممكن يحصل أولاً البيانات الهامة : بيانات سوق العمل عشان سوق العمل بياثر بشكل قوي على قرارات اللجنة، ونفتكر مع بعض أن مؤشر التغير في التوظيف (NFP) جيه إيجابي خلال شهر سبتمبر بقراءة 248 ألف وظيفة مقابل التوقعات اللي أشارت إلى 216 ألف - كمان معدلات البطالة تراجعت بشكل قوي ووصلت نسبتها إلى 5.9% وديه أدنى نسبة ليها على مدار ستة سنوات يعني من 2008، وإعانات البطالة نقدر نقول عليها إيجابية حتى لو بعض البيانات جت دون التوقعات (عشان المتوسط بتاعها لسه عند مستويات منخفضة) طيب كده بيانات سوق العمل إيجابية وبتعمل في صالح بداية التشديد النقدي (بدء العمل في وضع خطة رفع معدلات الفايدة) وبالنسبة لمؤشر أسعار المستهلكين اللي بيقيس معدلات التضخم فده ارتفع من القراءة السابقة من -0.2% إلى 0.1% أفضل من التوقعات اللي أشارت إلى 0.0% وبرده ارتفع المؤشر بقيمته الأساسية يعني باستثناء قياس أسعار السلع والخدمات من القراءة السابقة من 0.0% إلى 0.1% لكنه جيه دون التوقعات اللي أشارت إلى 0.2% لكن بشكل عام ديه بيانات إيجابية تانية بالإضافة لتحسن ثقة المستهلك النهارده بقراءة 94.5 مقابل القراءة السابقة عند 89.0.... لكن قطاع مبيعات التجزئة وطلبات السلع المعمرة كانت بيانتهم سلبية وكانت بيانات قطاع الإسكان متباينة... انا لو مكن اللجنة هقول ان الوضع الاقتصادي تحسن بشكل أفضل لكن مش بالقدر الكافي اللي تخليهم يتكلمزا عن ميعاد رفع معدلات الفائدة عشان عدة أسباب هناقشها برده.

انا بعتبر الاجتماع ده من أهم الاجتماعات عشان في الاجتماع ده المفروض ان الاحتياطي الفيدرالي الأمريكي يعلن عن إنهاء التيسير النقدي اللي قيمته الحالية 15 مليار دولار وديه القيمة اللي بيشري بيها الاحتياطي الفيدرالي الأصول اللي هو "برنامج شراء الأصول" أو ما يعرف بالتيسير النقدي أو التحفيز النقدي واللي استخدمه الاحتياطي لتحفيز النمو الاقتصادي وبانتهاء البرنامج ده يبتدي الاحتياطي في وضع خطة لرفع معدلات الفائدة خلال السنة اللي جيا. وأغلب التوقعات بتشير إلى إنهاء البرنامج في الاجتماع ده... لكن احنا فاكرين ان "يلين" محافظ الاحتياطي الفيدرالي الأمريكي قالت في شهر أغسطس انهم هينهوه في شهر سبتمبر وصدموا الأسواق كلها لما عملوا عكس كلامهم... لكن أنا شايف انه كان قرار صحيح عشان الوضع الاقتصادي العالمي بيأثر برده على الوضع الاقتصادي الأمريكي ومينفعش نقيس الاقتصاد في حد ذاته، كمان ارتفاع الدولار القوي خلال الفترة الأخيرة هيأثر سلبًا على النمو (الضغوط التضخمية إلى ممكن تعيق تحقيق هدف معدلات النمو) والوضع الاقتصادي الضعيف في منطقة اليورو. عشان كده لو أعلنوا عن إنهاءه الاجتماع ده، الدولار هيرتفع بشكل قوي حتى نهاية السنة وهيبقى الاحتياطي الفيدرالي أقرب من بنك إنجلترا في رفع معدلات الفايدة خصوصًا ان معدلات التضخم رجعت لمستويات 2009 تاني في إنجلترا..

ثانيًا: معتقدش انهم هيتكلموا عن ميعاد رفع معدلات الفايدة لكن في جملة علطول بتيجي في البيان وهي ديه اللي بتخيب آمال المتداولين وهي "الإبقاء على معدلات الفائدة عند مستويات منخفضة لفترة من الوقت" جملة "لفترة من الوقت" ديه مخليانا مش عارفين امتى الاحتياطي الفيدرالي هيرفع معدلات الفائدة حتى بعد انتهاء التيسير النقدي عشان كده الجملة ديه لو اتشالت من البيان فهتبقى "بشرة خير"

عشان كده حاولوا تقروا البيان كويس عشان هيفيدكوا ازاي تحددوا قوة الدولار خلال الفترة اللي جيا وبالنسبة لتداولات اليورو دولار... لو البيان جيه إيجابي ممكن نشوف اليورو عند مستويات 1.2630 لكن لو جيه سلبي ديه معناه امتداد الحركة التصحيحية بس ومش اتجاه صاعد لليورو وممك يكون آخرها 1.2840 لكن خالوا بالكوا أن فيه بيانات التضخم يوم الجمعة بمنطقة اليورو وديه هتأثر برده على اليورو بشكل قوي عشان هتبين بشكل ما إذا كانت إجراءات المركزي الأوروبي نافعة ولا لسه محتاج المزيد من الإجراءات.
ومن وجهة نظري، انا محلل الشارت من خلال موجات اليوت شايف ان احنا حاليًا في الموجة B وممكن الموجة C توصل لحد 1.2400 كهدف اول ان شاء الله.

اتمنى للجميع التوفيق في صفقاته وياريت كله يشارك برأيه عشان الفايدة تعم علينا جميعًا، شكرا لوقتكم

.

**نسيم الشرق** · 28-10-2014, 09:45 PM

كلام رائع اخي العزيز
لكن امريكا لا تعيش بمعزل عن العالم رغم انها الاقوى والاكثر تعافي من الدول الصناعية
لكن لن تغفل ان اوروبا لا زالت مهددة بالانكماش والركود
وان ملفات الديون لا زالت تشكل عبئ
وامر اخر هام ان الوضع العالمي جيوسياسيا لا زال مفتوح على احتمالات متعددة
الكثير من النقاط سيتوقف عندها الفدرالي هذه المرة
رغم البيانات الامريكية الايجابية التي اشرت لها بموضوعك

**عاصم منصور** · 28-10-2014, 09:53 PM

كلامك صحيح وده اللي خلاهم يستمروا في التيسير النقدي خلال الاجتماع السابق كما أشرت وممكن يكرروها تاني الاجتماع ده... صعب الجزم في هذه ولا نملك سوى الانتظار، شكرا على مرورك.

**Sherif Fares** · 29-10-2014, 12:28 AM

السلام عليكم مشكور على الموضوع المميز فعلا استفدت من الموضوع كتير. موفق دائما إن شاء الله

**محمد هشام** · 29-10-2014, 01:37 PM

تحليل رائع ومتميز إلى الأمام يا عاصم

**عاصم منصور** · 29-10-2014, 02:58 PM

المشاركة الأصلية كتبت بواسطة Sherif Fares

السلام عليكم مشكور على الموضوع المميز فعلا استفدت من الموضوع كتير. موفق دائما إن شاء الله

وعليكم السلام ورحمة الله وبركاته، شكرًا على مروروك اخي الكريم وبالتوفيق لنا جميعًا ان شاء الله

**عاصم منصور** · 29-10-2014, 02:58 PM

المشاركة الأصلية كتبت بواسطة محمد هشام

تحليل رائع ومتميز إلى الأمام يا عاصم

شكرا يا محمد وان شاء الله تحقق احلامك

**عاصم منصور** · 29-10-2014, 09:32 PM

وأخيرا فعلها الاحتياطي الفيدرالي وأنهى التيسير النقدي

كده ناقص بيانات إجمالي الناتج المحلي الأمريكي والتضخم عشان اليورو دولار يكسر 1.2500

**عاصم منصور** · 18-03-2015, 04:01 PM

كانت متباعتي لهذا الموضوع قليلة... نظرًا لمتابعتي في مواضيع أخرى... لكن اليوم أقدم لكم توقعاتي لبيان الاحتياطي الفيدرالي الأمريكي... أولاً أهم شيء يجب مراقبته في البيان هو جملة "التحلي بالصبر" فإذا شاهدتم هذه الجملة فاعلموا أن الدولار سوف يشهد بعض الضعف أمام العملات لأن الأسواق منتظرة من الاحتياطي الفيدرالي الأمريكي أن يحذف هذه الجملة ... لكن ماذا يعني حذف هذه الجملة؟ حذف هذه الجملة يعني اقتراب موعد رفع معدلات الفائدة وممكن يكون في شهر يونيو القادم والأسواق منتظرة ده عشان بيانات سوق العمل تحسن بشكل قوي وده من أهم البيانات التي تؤثر على قرار رفع الفائدة وبالرغم من معدلات التضخم المنخفضة إلا أنها مش هتمثل عائق أمام رفع الفائدة لأن تراجع اسعار النفط هو السبب الرئيسي في تراجعها وده معناه ان معدلات التضخم المنخفضة أمر مؤقت فلازم يكون الاحتياطي الفيدرالي مستعد لتعافي أسعار النفط ويرفع الفائدة بشكل بسيط... ثانيًا، ماذا لو تحدثت يلين عن ارتفاع الدولار بشكل قوي وتأثيره السلبي على نمو الاقتصاد الأمريكي؟ في حالةحديث يلين عن ده، هيتراجع الدولار بشكل أقوى من الإبقاء على جملة التحلي بالصبر، ولكن أفضل أن تنتظروا انتهاء هذا التراجع وإعادة شراء الدولار مرة أخرى من مستويات منخفضة وبالنسبة لليورو دولار أقصى صعود انا شايفه هيكون عند 1.07، انا عن نفسي بايع من 1.06 بس احرصوا على إدارة راس المال عشان فيه احتمال تصحيح لو السيناريو ده حصل... الاقتصاد الأمريكي هو الأقوى حاليًا وأي حديث لانهيار الدولار غير منطقي.. خليكوا مع الأقوى، لو حد عنده أي استفسار يقوله عشان كلنا نستفاد... اتمنى لكم التوفيق اليوم

.

**محمد هشام** · 18-03-2015, 04:26 PM

السيناريو الغالب إنهم يستبدلوا جملة التحلي بالصبر بجملة تانية ،، والله أعلم

**عاصم منصور** · 18-03-2015, 04:31 PM

هناك احتمال بأن يستبدلوها بالاعتماد على البيانات الاقتصادية

**عاصم منصور** · 20-03-2015, 07:09 PM

https://www.arabictrader.com/beta/ar...عملات-الرئيسية

الموضوع: تحليل الأوضاع الاقتصادية الحالية وتوقع التحركات القادمة

أدوات الموضوع

توقعاتي لبيان الاحتياطي الفيدرالي الأمريكي

الاوسمة لهذا الموضوع

عروض شركات الفوركس