██•… الباينرى اوبشن و علاقتها بالفوركس , امثلة و شرح تعليمى و رحلة عمل …•██

[Leonardo]

السلام عليكم ورحمة الله و بركاته

كنت قد وعدتكم بأنى ساكتب موضوع منفصل عن الاوبشن و بخاصة الباينرى اوبشن بعد تسجيلى لعدد صغير من الفيديوهات التوضيحية فى الفترة الفائتة ,, و للناس ال مش شافت الفيديوهات تقدر تشوفها من القناة دى هما 5 فيدوهات :
http://www.youtube.com/channel/UCK4O-pTYZkUaUZjQulbGmBg

.. و بإمكان الجميع متابعة موضوعى السابق من الصفة 35 الى الصفحة 65 على هذا الرابط للتعرف على بعض الامثلة المشروحة فى بعض الصفحات مع التطرق لماهية الباينرى اوبشن , من هنا :
https://forum.arabictrader.com/t174645-35.html

و فى هذا الموضوع بإذن الله سيتم شرح كل شىء تقريبا فى اول مشاركة و باقى الموضوع سيكون للاستفارات و بعض الامثلة المشروحة ايضا و هيكون المضوع عن المتاجرة فى الاوبشن باستخدام الفوركس و ادواته التحليلة و الربط بين الفوركس و الاوبشن و العمل بهما معا لتجقيق اعلى معدل من الربح و لتقليل الخساير و سأضع فكرة فى نهاية المشاركة الاولى او سأطرحها ف المشاركة القادمة و إن لاقت اعجاب سنقوم بتنفيذها ان شاء الله

قبل ما نبدا حابب انوه على شىء ,, انا لست بمفتى ولا ب اهلا لاصدار فتوى فا يا ريت مندخل فى موضوع الحرام و الحلال و حد يسالنى هل هى حرام ولا حلال ولا الافى حد جايبلى فتوى بانها حرام و حد تانى جايبلى فتوى ب انها بحلال ,, انا لا اتمنى اننا نتطرق للموضوع دا من الاساس عشان كدا هقول دلوقتى كلمتين , انا دخلت التجارة دى من زمان و توقفت لما لقيت فتاوى كتير ظهرت تحرمها زي الفوركس ما ظهر فتاوى كتير بتحرمه و زى الاسهم برضو , سألت كتير و كان الرد اه و لآ حلال و حرام لحد ما سألت شخص اثق فى رأيه و افتانى بانها حلال فا دا ال عاوزه من كل واحد عنده شك او حابب يتيقن , انه يسأل شخص اهل علم و ياخد منه الفتوى و لازم يكون على دراية ب ايه هو الاوبشن لانه يختلف عن تجارة العربون خدوا بالكم عشان دا شىء و دا شىء اخر , و استفتى قلبك و عقلك و استخير ربنا .

--- بسم الله نتوكل على الله و نبدا ---

اولا بالنسبة لتاريخ بداية الاوبشن عموما لن نتطرق له كثيرا لانه لن يفيدنا ب اى شىء لكن ال عاوز ياخد فكرة عن تاريخ الاوبشن ممكن يطلع على الشرح الخاص به ف موقع ويكبيديا الشهير من اللينك دا
http://en.wikipedia.org/wiki/Binary_option

ثانيا معنى كلمة باينرى اوبشن (Binary Option )

الكلمة ترجمتها هى الخيارات الثنائية و تعنى كالاتى :
هى خيارات تدخل ضمن الخيارات المستحدثة والتى تدفع عائد ثابت عندما ينتهى الأوبشن فى حالة In the money عند إنتهاء الصلاحية .
يعرف أيضاً بـ Digital Options الخيار الرقمى ، وهى أكثر شعبية فى تجارة الفوركس ،
ومنذ عام 2008 تم الموافقة على إدراجها فى السوق الأمريكى على عدة أسهم ومؤشرات وصناديق المؤشرات المتداولة ETFs .
على عكس Plain Vanilla Option العادى ، حيث يدفع Binary Option عائد ثابت طالما إنتهى فى حالة In the money بحلول إنتهاء الصلاحية ولا يهم ماذا يكون السعر آنذاك .

و ينقسم العمل فى الباينرى اوبشن او شقين كما فى الفوركس و كما ف اى تجارة و هم البيع و الشراء ,, لكن هنا فى الخيارات الثنائية ياخذون تسميات اخرى
الشراء = عالى = صعود = Call option
البيع = منخفض = هبوط = Put option

طيب كيف نستعمل الكوول و كيف نستعمل البووت فى المتاجرة و ازاى هنكسب منهم ولا ازاى حتى هنخسر

هنبدأ بنوع خيار الشراء ( Call Option )

النوع دا بنستخدمه فى حالة لو انت امام و ليكن زوج اليورو دولار حاليا و كان السعر الان 1.3000 و انت على حسب تحليلك للزوج فهو صعود , فلنقل انك قررت الشراء لذا ستستخدم عقد اوبشن شراء Call و تقوم بشراء عقد على اليورو دولار من سعر الحالى 1.3000 ك سعر دخول و ليكن مثلا لمدة ساعة كاملة من الساعة 1 و ينتهى الساعة 2 ( شرح مسألة الوقت سيأتى لاحقا ) و قمت بتنفيذ العقد و تم تنفيذه على سعرك بنجاح
انت الان لديك عقد شراء Call على اليورو دولار من سعر دخول 1.3000 لمدة ساعة بهدف انتهاء الساعة بسعر أعلى من سعر دخولك
فى حالة انتهاء الساعة سيتم احتساب سعر الاغلاق عند نفس الثانية التى يصل فيها الوقت الى الساعة 2 و هو وقت انتهاء عقد الاوبشن ,
اذا اغلق السعر اعلى من سعر دخول و لو بنقطة واحدة مثلا 1.30001 فأن صفقتك تصبح رابحة لان تحليلك كان صحيح و ستحصل غاليا على عائد ما بين 70% الى 85% من المبلغ المستثمر فى الصفقة
اما اذا اغلق السعر اسفل نقطة دخولك عند انتهاء الوقت و لو بنقطة واحدة مثلا 1.29999 فانك ستخسر كامل المبلغ الذى استثمرته فى العقد
اما اذا انقضى وقت الاوبشن و تم الاغلاق على نفس سعر دخولك ( نادر الحدوث ) مثلا اغلق على نفس سعر الدخول و هو 1.3000 فان ف هذه الحالة يتم استرجاع نفس مبلغ الاستثمار كما هو لا زائد ولا ناقص .
مثال لصفقة شراء Call موضحة على الشارت التالى لتوضيح منطقة الدخول و مكان الاغلاق
فى هذا المثال تم الدخول شراء على زوج الدولار ين من سعر 98.423 ( موضح بالسهم الاصفر ) لمدة ساعة كاملة بهدف انتهاء الساعة على سعر اعلى من منطقة الدخول و بالفعل اغلق السعر اعلى من منطقة الدخول بعد انتهاء الساعة بحوالى 41 نقطة ( ولا يهمنا هنا عدد النقاط يهمنا فقط و لو نقطة واحدة فوق سعر دخولنا ) موضح منقطة انتهاء الوقت بالسهم الاحمر عند سعر 98.834 و كان مبلغ الاستثمار 100 دولار و تم ربح 77% من هذا العقد اى ان العائد كان 177 دولار ككل 77 دولار مكسب و 100 دولار مبلغ الاستثمار .
صورة العقد :
---------------------------------------------------------------------------------------
خيار البيع (Put Option )

دا بقى لو طبقناه على المثال السابق هنقول اننا بنستخدمه فى حالة البيع لو انت مثلا اما صفقة على اليورو ين و تحليلك للزوج انه هابط و ليكن الساعة القادمة بس انت شايف ان حركة الين سريعة و ممكن تاخد بيع بس لمدة نصف ساعة ( شرح طريقة الشغل هيتشرج لاحقا ان شاء الله ) ,, فا دلوقتى السعر امامك و ليكن 134.50 و بدء ف النزول هتروح على منصتك و تختار عقد بيع و تظبط الوقت على انتهاء نصف ساعة و ليكن الان الساعة 1 و هينتهى الساعة 1 و30 دقيقة بالتحديد و تم تنفيذ العقد
الان لديك عقد بيع اوبشن يورو ين من سعر دخول 134.50 لمدة نصف ساعة بهدف انتهاء الوقت على سعر اقل من سعر الدخول
اذا انتهى الوقت و تم احتساب سعر الاغلق على سعر اقل من سعر الدخول يبقى الصفقة رابحة و هتحصل على عائد ما بين 70% الى 85% على حسب وقت دخولك
اما اذا انتهى العقد على سعر فوق سعر الدخول فتحتسب الصفقة خاسرة لكامل مبلغ الاستثمار
اما اذا انتهى العقد على نفس سعر الدخول ( نادر الحدوث ) ف سيتم رجوع نفس مبلغ الاستثمار كما هو
و دا مثال على صفقة بيع اوبشن :

الصفقة كانت بيع على اليورو ين Put مدتها حوالى ساعة بهدف اغلاق الساعة على سعر اقل من سعر الدخول و هو 132.310 و بالفعل اغلق السعر بعد انتهاء الساعة على سعر 131.96 اى حوالى فرق 35 نقطة هبوط ( و كما ذكرنا قبل ذلك لا يهمنا عدد النقاط الاهم هو ان تغلق الصفقة تحت سعر الدخول و لو بنقطة وحيدة حيث اننا ف هذا المثال كنا فى صفقة Put )
مكان البدء و الدخول موضح السهم الاسود , مكان انتهاء الصفقة موضح بالسهم الازرق و تم استثمار 300 دولار ف هذه الصفقة و تم ربح 87% عائد على المبلغ المستثمر اى 261 دولار ربح .
----------------------------------------------------------------------------------------
و دى صفقة من نوع الانتهاء على نفس سعر الدخول ال كنا ذكرناه فى شرح انواع الاوبشن
دى صفقة دخلتها بيع Put على الدولار ين من سعر 99.721 لمدة نصف ساعة و السعر عند الانتهاء اغلق على نفس سعر الدخول و هو 99.721 ايضا لذا عاد مبلغ الاستقمار و هو 100 دولار كمان كان لا زائد ولا ناقص سنت .
و دا شكل الصفقة :

----------------------------------------------------------------------------------------
طيب ب كدا نكون انتهينا من الجزء الخاص ب شكل البيع و الشراء فى الاوبشن عامل ازاى
نيجى للنقطة ال بعد كدا
و هى ايه هى انواع الاوبشن الى ممكن نشتغل عليها يوجد لدينا اربع انواع رئيسية موجود تقريبا فى كل الشركات ( موضوع الشركات هنتطرق له لاحقا )
ناخدهم بالتفصيل كدا واحدة واحدة :

اولا High / Low: ( عالى / منخفض )


يوجد نوعان من هذا الاوبشن ,, عالى / منخفض , فوق / نحت
نوع عالى / منخفض : هو الاشهر على الاطلاق حيث تختار مدة انتهاء الاوبشن و تختار ان كان السعر سيغلق فوقه ام تحته كما تم شرحه فى الامثلة السابقة عند شرح ال Call و ال Put
وانا شخصيا بفضل هذا النوع على جميع الانواع الاخرى
فوق / تحت : هو انت تتوقع ان يغلق السعر فوق او تحت منطقة معينة او رقم معين فى وقت محدد و هذا النوع خطير لان الاسعار تكون بعيدة و الاوقات قريبة ( فرص النجاح قليلة )
=============
ثانيا : One Touch ( خيار اللمســة )


و هذا النوع ينقسم ال خيارين
- ملامسة / عدم ملامسة : و هو ان تختار ان يلمس السعر لزوج معين او عملة معينة ان يلمس او لا يلمس سعر معين ( السعر بيكون قريب فرق 6 او 7 نقاط على الاكثر - خطير - ) فى وقت الى حد ما طويل اكتر من ربع ساعة ... ارى انه نوع خطير و احتمالات المكسب فيه ضعيفة الا اذا تم قنص السعر من افضل منطقة ارتداد مثل خط دعم قوى او خط مقاومة قوى .
- لمسة بعائد مرتفع : و هذا النوع اخطر لانه يعطيك اسعار بعيدة جدا عن السعر الحالى و عليك انت تختار ان يلمس السعر فى وقت قصير تقريبا 20 دقيقة او 30 دقيقة و اعتقد انه لا يصلح الا فى حالة الاخبار العنيفة فقط . و لا احبذه .
==============
ثالثا : Boundary ( حــدود )


و هذا النوع من الخيارات يتيح لك ان تتوقع ان السعر سيكون بين حدين او نطاق سعرى من الاعلى و الاسفل فى فترة زمنية معينة و هو يصلح فقط فى اوقات تذبذب السوق المائل للبطء
================
رابعا : Short time ( قصيرة الاجل )


و هذا النوع للمضاربات السريعة ك ال 60 ثانية ( دقيقة و هو نوع خطير جدا جدا جدا الحذر منه ) و يوجد ايضا الدقيقتين و يوجد ايضا الخمس دقائق ( 300 ثانية )
و اود التنبيه من هذا النوع من الخيارات لانه نوع مغرى كونك ممكن تحقق ربح سريع فى 60 ثانية مكسب 70% و انصح بالابتعاد عنه تماما لعدم حرق اموالك لانى اراه كالقمار والله و اعلم لانى مش شايف لو اى اساس انك تدخل لمدة 60 ثانية ! اى تحليل دا ال هيديك دقة اتجاه ف 60 ثانية ! احنا بنطلع الاتجاه على الفريمات الكبيرة بالعافية . نصيحة ارجو الابتعاد عن التشكيلة بتاعت الشورت تايم دى كلها .
=================
و بكدا نكون انتهينا من شرح اهم انواع الخيارات الثنائية ال هتقابلنا و هنستخدم بس منها High/ low او عالى / منخفض ,, دا افضل نوع عن تجربة .
--------------------------------------------------------------------------------------------
بالنسبة لموضوع الشركات انا فى المجال لى اكتر من سنتين ونصف الان الان و جربت شركات كتيرة جدا جدا فى مجال الاوبشن و اقدر اقولكم ان جزء كبير جدا من الشركات غير موثوق فيها من نواحى كتيرة ( سحب و ايداع , بونص , منصات .. إالخ ) فا كويس انى هبقى زى فلتر للشركات المحترمة فقط لا غير و هما يتعدوا على الاصابع لكن مش هقدر اذكر حاجة منهم علشان المنتدى معرفش اذا كان يتعارض مع قوانينه ام لا بس احتياطيا ال عاوز يسأل عن شركة يقدر يسألنى عن اسمها و اقوله تجربتى معاها او رأيى فيها ,,
-------------------------------------------------------------------------------------------
ان شاء الله المشاركات الجاية هتكون شرح ب أمثلة و تسجيل اكتر للفيديوهات للشرح العملى و الصفقات اللايف عشان يبقى شرح و تطبيق فى نفس الوقت لو ربنا أراد و كملنا الموضوع و بقى فيه متابعة ,
الفكرة ال عاوز انفذها و معرفش هل فيه حد هيبقى متحمس ليها ولا لأ , بس هى الفكرة انها محتاجة تشجيع و مجموعة عمل و ربنا يكرمنا و نقدر نوصل ل هدف كويس

الفكرة كلاتى :

دلوقتى احنا ناس كتير فينا اتمرمطوا خساير فى كل مكان اسهم و فوركس و اوبشن و كل حاجة طيب دلوقتى ايه الحل عاوزين نعمل حاجة نعوض بيها بعيدا عن الاحلام الوردية ال هى ارحلات المليونية ( مع كامل احترامى لاصحابها - بس دا رأيى اتمنى انه يبقى مقبول ) يعنى عاوزين نكون واقعيين شوية ,, طيب نشوف سوق زى الاوبشن دا كدا انا ممكن اعمل صفقة واحدة بس يوميا و اكسب منها كويس و اشتغل على النظام دا لمدة شهر حوالى 20 يوم تداول و اشوف فى اخر الشهر هل انا كنت ملتزم بخطة عملى ولا لأ , و هل انا لما التزمت بيها حققت ليا هدف كويس ولا لآ , و هل سوق الاوبشن هيبقى مفيد بالنسبة ليا و اقدر احطه جمب الفوركس و اتاجر ف الاتنين مع بعض ولا هيكون مجرد سوق اخر ممكن اخسر فيه !!
من هنا جت فكرة فى بالى ,, احنا ليه منعملش جروب من الناس و انا على رأسهم و نتاجر سوا كلنا صفقة واحدة يوميا بتوصية منى لمدة شهر كل يوم توصية واحدة فقط لا غير توصية واحدة ناجحة ,, يعنى مثلا لو لا قدر الله اليوم بدأ و خسرنا اول صفقة يبقى هنعمل صفقة تانية نعوض بيها و هكذا لحد ما يبقى صافى اليوم ربح صفقة كاملة .. و هيتم شرح الفرصة هنا فى الموضوع ك فرصة حية و تفاصيل دخولها و ننشر النتيجة كمان
خطة العمل هتكون كلاتى :

- هنشوف مين عاوز يشترك و متحمس للفكرة ,, و نجمع عدد لا بأس به من الناس فى مدة اسبوع و ليكن الاسبوع الحالى و يكون معاد الانطلاق هو يوم الاتنين 30-9-2013 ان شاء الله
- الاشخاص ال عاوزة تشترك هتبعتلى على الخاص عشان اضيفهم عندى على السكايب مثلا عشان يبقى مكان نتقابل فيه جميعا و نرتب امور أخرى كالشركة المختارة و افضل مواعيد للدخول المناسبة للجميع و كل التفاصيل
- هيكون رأس المال المبدئى 250 دولار بحد ادنى و الصفقة هنشتغل الصفقة ب 25 دولار فقط لا غير يعنى غالبا هيكون المكسب حوالى 20 دولار يوميا , اى 400 دولار فى الشهر اى اكتر من رأس المال و دا كله من صفقة واحدة ب مخاطرة 10% فقط من الحساب .
- هضع شروط معينة من دلوقتى عشان لو مش مناسبة حد ميشتركش من الاول و هى :
1- كل فرد هيفتح حساب و هيشتغل ب 10% فقط هيبعتلى برنت سكرين من حسابه الشخصى فى نهاية اليوم و انه التزم بنسبة الدخول و اى شخص مش هيبعت البرنت سكرين كل يوم هعتبره برا المجموعة و اى شخص هلاقى عدم التزام منه بنسبة الدخول هيكون برا المجموعة برضو .
2- ان كل شخص يضع تعليق هنا فى الموضوع بعد نهاية الصفقة ب رؤيته على شارت الزوج ليه احنا دخلنا على الزوج من النقطة الفلانية و للوقت الفلانى ,, بعدها هنزل انا شرحى و نتناقش كلنا و نفيد بعض .
3- عدم فتح اى حساب فى اى شركة و شحنه الا بعد الاتفاق على الشركة بين الاعضاء المشتركة .
- بكدا نضمن ان شاء الله الالتزام و ان على الاقل هنحقق عائد كويس فى نهاية الشهر و هتكون كمان استفدنا و اتعلمنا ازاى نشتغل نظرى و عملى و اذا حبينا نكمل الرحلة او ناس جديدة تشترك برحلة جديدة مفيش اى مانع و ال حابب يشتغل لوحده بعد ما يتعلم يشتغل مفيش مشكلة .

اتمنى ان الفكرة تعجبكم و ال عنده اى اقتراح يقوله و ال عنده اى تعليق على الفكرة يقوله و ال عاوز يشترك و موافق على الفكرة دى يبلغنى هنا لحد ما نشوق عدد الناس و نشوف الخطوة الجاية ان شاء الله لو ربنا أراد و تكمل على خير .

ان شاء الله المشركات الجاية مع افتتاح السوق للشرح و التعليم ..
================================================== ==
اسف على الاطالة فى الكلام لكن الاعداد اخد منى وقت طويل شوية و افكار كتيرة اوى حاولت اجمعها كلها فى مشاركة واحدة لكن معرفتش و كنت كمان عاوز اشرح امثلة بالتفصيل على الشارت لكن هتكون ف مشاركات قادمة ان شاء الله عشان مطولش اوى عليكم ف المشاركة الاولى و ناس تمل ,, ارجو ان الموضوع ينال اعجابكم و انه يفيد حد ان شاء الله . نسالكم الدعاء .

[Mo3Ty]

الله ينور عليك يا ليوناردو.. شرح ممتاز

بارك الله فيك

تقبل تحياتي

[ahmedphen0m]

موضوع موفق يا صديقي

[مصطفى خالد]

اول مره اسمع عن الابشن ده
بس الحقيقه شرحك شامل و متميز

يا ريت تطبيقات عمليه بقه

[maged88]

السلام عليكم ورحمة الله و بركاته

[U]
----------------------------------------------------------------------------------------
و دى صفقة من نوع الانتهاء على نفس سعر الدخول ال كنا ذكرناه فى شرح انواع الاوبشن
دى صفقة دخلتها بيع Put على الدولار ين من سعر 99.721 لمدة نصف ساعة و السعر عند الانتهاء اغلق على نفس سعر الدخول و هو 99.721 ايضا لذا عاد مبلغ الاستقمار و هو 100 دولار كمان كان لا زائد ولا ناقص سنت .
.

راي في الموضوع انت كتبته بايدك في الشرح ( إستقمار) أي أنها لاتفرق شىء عن القمار لوطلع فوق نقطة أو 1000 كسبت مبلغ محدد ولو نزل نقطة واحدة خسرت فلوسي أي لايوجد هدف أو تحديد لحجم خسارتي من العقد أو غيره كما هي الفوركس

طبعا هذا مجرد راي شخصي ولفت نظري الخطأ الإملائي ووجدته هو عين الحقيقة ( والله لا أتصيد أخطاء ولكنها مفارقة طريفة وأرجو أن يتسع صدرك لرأيي وشكرا لك

[Leonardo]

راي في الموضوع انت كتبته بايدك في الشرح ( إستقمار) أي أنها لاتفرق شىء عن القمار لوطلع فوق نقطة أو 1000 كسبت مبلغ محدد ولو نزل نقطة واحدة خسرت فلوسي أي لايوجد هدف أو تحديد لحجم خسارتي من العقد أو غيره كما هي الفوركس

طبعا هذا مجرد راي شخصي ولفت نظري الخطأ الإملائي ووجدته هو عين الحقيقة ( والله لا أتصيد أخطاء ولكنها مفارقة طريفة وأرجو أن يتسع صدرك لرأيي وشكرا لك

خطأ املائى لانى كتبت الموضوع فى ساعات طويلة و كنت مرهق و عينى ارهقت من كتر الكتابة و لوجود حرف ال ق بجوار حرف ال ث فى الكيبورد فهو خطأ املائى ليس اكثر من الاجهاد
الجميل فى الموضوع ان حضرتك سيبت كل الكلام و علقت على الكلمة دى بس , انا مش مضايق من حاجة اصل انت مش بتنتدقنى انا انت انتقادك للسوق او للنوع دا من التجارة و انت حر فى رأيك اما انا فمقتنع بما افعله و بكسب منه كويس و فاهم انا بعمل ايه مش بلعب على ترابيزة قمار لان بقالى مدة طويلة ف المجال و لاعب القمار بيجى عليه وقت و بيخسر فلوسه و بيخرج برا
عموما انا يهمنى و يشرفنى ان حضرتك تتابع الشرح يمكن تقتنع ان لها اساس و طرق متاجرة كتيرة

[Leonardo]

اول مره اسمع عن الابشن ده
بس الحقيقه شرحك شامل و متميز

يا ريت تطبيقات عمليه بقه

اهلا مصطفى
ان شاء الله هيكون فيه بعد كدا تطبيقات عملية و شروحات و انت تقدر تتابع موضوعى القديم فى ال15 صفحة الاخيرة هتلاقى امثلة كنت شارحها بالتفصيل صفقات كنت دخلتها و شرحها على الشارت ممكن تشوفها على ما ننزل شروحات تانية هنا ان شاء الله

[Leonardo]

الله ينور عليك يا ليوناردو.. شرح ممتاز

بارك الله فيك

تقبل تحياتي

موضوع موفق يا صديقي

الاحمدين
تسلموا و شرفتونى

[أبوسلطان]

يزاك الله خير على الموضوع لكني رأي وهو شخص عدم التقييد يعني انا بودي اشترك في الغرفه على الساكيبي لكن لما قرات الشروط بصراحه ما عجبتني انا اقدر ادخل براس مال اعلى بالاضافه
ونسبة المخاطرة شيء شخصي ........ ومالها لزمه اني ابعتلك كشف حساب على الصفقة انا اللي احتاجه فقط التوصية وهذا راي شكرا جزيلا لك

[Leonardo]

يزاك الله خير على الموضوع لكني رأي وهو شخص عدم التقييد يعني انا بودي اشترك في الغرفه على الساكيبي لكن لما قرات الشروط بصراحه ما عجبتني انا اقدر ادخل براس مال اعلى بالاضافه
ونسبة المخاطرة شيء شخصي ........ ومالها لزمه اني ابعتلك كشف حساب على الصفقة انا اللي احتاجه فقط التوصية وهذا راي شكرا جزيلا لك

اهلا ابو سلطان
انا مطلبتش كشف حساب ولا حاجة انا قولت الصفقة ال هتدخلها معايا خلينا نلتزم ب نسبة معينة و هى 10% من الحساب و زود ف راس مالك زى ما تحب , انا بس حابب نلتزم ب خطة عمل معينة عشان نستمر على منهج معين لو اثبتنا نجاحه هيفتح امامنا حاجات تانية كتيرة
انا كل ال طلبته الصفقة ال هندخلها سوا تكون مش ب اكتر من 10% من راس مالك بعد كدا انت حر فى باقى حسابك و صفقاتك

[Leonardo]

حبيت افصل فكرة رحلة العمل عن المشاركة الاولى لكبر حجمها
نعيدها هنا تانى ب خط اكبر لسهولة قراءتها وال شايف نفسه يقدر يمشى معايا يعرفنى انه عاوز ينضم .


الفكرة كلاتى :

دلوقتى احنا ناس كتير فينا اتمرمطوا خساير فى كل مكان اسهم و فوركس و اوبشن و كل حاجة طيب دلوقتى ايه الحل عاوزين نعمل حاجة نعوض بيها بعيدا عن الاحلام الوردية ال هى ارحلات المليونية ( مع كامل احترامى لاصحابها - بس دا رأيى اتمنى انه يبقى مقبول ) يعنى عاوزين نكون واقعيين شوية ,, طيب نشوف سوق زى الاوبشن دا كدا انا ممكن اعمل صفقة واحدة بس يوميا و اكسب منها كويس و اشتغل على النظام دا لمدة شهر حوالى 20 يوم تداول و اشوف فى اخر الشهر هل انا كنت ملتزم بخطة عملى ولا لأ , و هل انا لما التزمت بيها حققت ليا هدف كويس ولا لآ , و هل سوق الاوبشن هيبقى مفيد بالنسبة ليا و اقدر احطه جمب الفوركس و اتاجر ف الاتنين مع بعض ولا هيكون مجرد سوق اخر ممكن اخسر فيه !!
من هنا جت فكرة فى بالى ,, احنا ليه منعملش جروب من الناس و انا على رأسهم و نتاجر سوا كلنا صفقة واحدة يوميا بتوصية منى لمدة شهر كل يوم توصية واحدة فقط لا غير توصية واحدة ناجحة ,, يعنى مثلا لو لا قدر الله اليوم بدأ و خسرنا اول صفقة يبقى هنعمل صفقة تانية نعوض بيها و هكذا لحد ما يبقى صافى اليوم ربح صفقة كاملة .. و هيتم شرح الفرصة هنا فى الموضوع ك فرصة حية و تفاصيل دخولها و ننشر النتيجة كمان
خطة العمل هتكون كلاتى :

- هنشوف مين عاوز يشترك و متحمس للفكرة ,, و نجمع عدد لا بأس به من الناس فى مدة اسبوع و ليكن الاسبوع الحالى و يكون معاد الانطلاق هو يوم الاتنين 30-9-2013 ان شاء الله
- الاشخاص ال عاوزة تشترك هتبعتلى على الخاص عشان اضيفهم عندى على السكايب مثلا عشان يبقى مكان نتقابل فيه جميعا و نرتب امور أخرى كالشركة المختارة و افضل مواعيد للدخول المناسبة للجميع و كل التفاصيل
- هيكون رأس المال المبدئى 250 دولار بحد ادنى و الصفقة هنشتغل الصفقة ب 25 دولار فقط لا غير يعنى غالبا هيكون المكسب حوالى 20 دولار يوميا , اى 400 دولار فى الشهر اى اكتر من رأس المال و دا كله من صفقة واحدة ب مخاطرة 10% فقط من الحساب .
- هضع شروط معينة من دلوقتى عشان لو مش مناسبة حد ميشتركش من الاول و هى :
1- كل فرد هيفتح حساب و هيشتغل ب 10% فقط هيبعتلى برنت سكرين من حسابه الشخصى فى نهاية اليوم و انه التزم بنسبة الدخول و اى شخص مش هيبعت البرنت سكرين كل يوم هعتبره برا المجموعة و اى شخص هلاقى عدم التزام منه بنسبة الدخول هيكون برا المجموعة برضو .
2- ان كل شخص يضع تعليق هنا فى الموضوع بعد نهاية الصفقة ب رؤيته على شارت الزوج ليه احنا دخلنا على الزوج من النقطة الفلانية و للوقت الفلانى ,, بعدها هنزل انا شرحى و نتناقش كلنا و نفيد بعض .
3- عدم فتح اى حساب فى اى شركة و شحنه الا بعد الاتفاق على الشركة بين الاعضاء المشتركة .
- بكدا نضمن ان شاء الله الالتزام و ان على الاقل هنحقق عائد كويس فى نهاية الشهر و هتكون كمان استفدنا و اتعلمنا ازاى نشتغل نظرى و عملى و اذا حبينا نكمل الرحلة او ناس جديدة تشترك برحلة جديدة مفيش اى مانع و ال حابب يشتغل لوحده بعد ما يتعلم يشتغل مفيش مشكلة .

اتمنى ان الفكرة تعجبكم و ال عنده اى اقتراح يقوله و ال عنده اى تعليق على الفكرة يقوله و ال عاوز يشترك و موافق على الفكرة دى يبلغنى هنا لحد ما نشوق عدد الناس و نشوف الخطوة الجاية ان شاء الله لو ربنا أراد و تكمل على خير .

[Lion]

بالتوفيق .. ولكن يجب ان نفرق بين الباينري اوبشن (العقود الثنائية) والاوبشن (عقود الخيارات) .. فالأوبشن يتم في البورصة الحقيقية المركزية .. اما الباينري اوبشن فكل التداول يكون في سيرفر الشركة (كما الحال مع معظم بروكرات الفوركس !) ..

[bu_mohammed]

مبرووووك على الموضوع الجديد ، وفعلاً موضوع كنت ابحث عنه من فترة
ولكن لي سؤال ايش رأيك في شركة 24option
هل جربتها ، وهل فيها مشاكل في السحب والايداع ؟؟؟
هل من الممكن الدخول على صفقة اوبشن بفول مارجن كامل
هل بوجد سبريد في الاولشن ، وإن كان هناك ماهو حجم السبريد للعملات
يعني حساب ب١٠٠٠ دولار هل ممكن تدخل بصفقة وحدة بالألف ويا ربح يا خسارة الحساب ؟؟؟؟
تقبل تحياتي

[فيصل-أبو سعيد]

يعطيك العافية أخي ليوناردو

كنت أسمع بهذا النوع من المتاجرة ولكني لم القي له بالاً.
شرحك رائع ,,,, وأوضحت لنا هذا النوع من المتاجرة,,,,,,, فشكرا لك.

لدي اقتراحات:

1- من باب الاطمئنان ,,, هل من الممكن تزويدنا بالفتاوى التي توضح الحكم الشرعي لهذا النوع من المتاجرة ,,, فضلا لا أمرا.

2- اقترح التخفيف في شروط المشاركة ,,,, فمثلا بخصوص ارسال ما يثبت الالتزام بالنسبة المحددة ,,,, أرى عدم التقيد به لأن من خالف من المشاركين سيكون واضحاً إن ادعى بشيء سلبي لأنه سيكون عكس الجميع.

3- اقترح أن يكون طرح الورشة والمتابعة هنا في المنتدى وليست مقتصرة على السكايب ,,,, وذلك حتى يسهل الرجوع لها ، وتكون توثيق للعمل ، وكذلك حتى يتسنى لمن لا يستطيع المتابعة معكم على السكايب أن يتابع هنا,,,,,,

4- ما المانع من طرح أسماء شركات موثوقة هنا في المنتدى تخدم هذا النوع من المتاجرة ؟؟!!! ,,,,,, أرجو من الإدارة السماح بذلك طالما أنه في صالح الأعضاء ,,,, ويمكن للمنتدى الاتفاق أو التعاقد مع هذه الشركات مستقبلا إن لقيت هذه المتاجرة قبولا عند الأعضاء.


أكرر شكري لك ,,,,,, وتقبل تحياتي.

[مياده]

بالتوفيق .. ولكن يجب ان نفرق بين الباينري اوبشن (العقود الثنائية) والاوبشن (عقود الخيارات) .. فالأوبشن يتم في البورصة الحقيقية المركزية .. اما الباينري اوبشن فكل التداول يكون في سيرفر الشركة (كما الحال مع معظم بروكرات الفوركس !) ..

هل ممكن توضيح اكثر لهذه المعلومه؟؟