الاخوه الكرام
خطه العمل موجوده من الاصل ولكن ارى ان البعض لم يلتزم بها وهى كما وضعها الاخ/سمير كمايلى
1- فريم الاربع ساعات - فقط لاغير
طبعا الساعة ممكن لو كانت قوية
2- تشبع الاستوكاستك
يفضل للاطمئنان للصفقة
3- الدخول من دعم او مقاومه
ده شرط اساسى
4- ديفراجنس على الاوسما والاستوكاستك
شرط اساسى
4- الهدف 35 نقطه مبدئيا واذا كان مع الترند يكون هناك هدف تانى وثالث
بصراحة انا عن نفسى لو صفقتين كل واحدة 25 رضا وعدل
5- الاستوب 35 نقطه + الاسبريد
ايوه والازواج السريعة مثل المجنون تكون 50
وقد اضاف الاخ سمير مؤشر الموفينج افريج لها وهو ema5 close + sma 9 close
وهو على فريم النصف ساعه لتاكيد الدخول ولتدعيم الاستراتيجيه لمن يريد ان يستخدمه اى هو اختيارى
ده اختيارى لانه يديك انطباع بالارتداد بس لا يمنع انه ممكن يرد تانى
كل ما ذكر ممتاز ولكن التطبيق هو الاصعب لماذا
لانه لوحظ فى الفتره الاخيره ليست هناك متابعه ممن يضعوا الفرص بعدم وضع النتائج او بعدم التحذير عندما يستجد شئ جديد قد يقلب الوضع على الفرصه وبالتالى لابد من وضع خطه عمل لتطبيق ماسبق
فعلا المتابعين قليلون كل واحد بيدور على بيضة دهب ومش هيلاقيها فالافضل الالتزام بطريقة واحدة مادام ارباحها اكتر من خسائرها واتحمل وقت خسائرها لكن للاسف لو حد خسر يدور على حاجة تانية
1- الاكتفاء بفرصتين يوميا وبهدف 70 نقطه فى اليوم اى بمعدل 350 نقطه فى الاسبوع
قد يكون هناك اكثر من فرصتان فى اليوم ليس هناك مانع ولكن نختار الدخول فى الفرص الاقوى
والأئمن
فرصتين وبهدف كمان 25 مش 35 حلو لكن مش عايزين نتكلم عن ارقام واهداف لانه لما نتكلم كده العملية تعكس المهم عندنا تكون الصفقة تكون ناجحة
2- فريق العمل
كلا من الاخوه / سمير - عباس - جمال - الدراهم 100 وسيختاروا هم بعض ممن اتقن هذه الاستراتيجيه ليحل محل احدهما فى حاله غيابه
وانت يا محمود كمان واخونا الغالى ابو محمد
3- وظيفتهم وضع الفرص والتاكيد على اى فرصه توضع من المتابعين للاستراتيجيه
بس يدوروا لانه كتير الصفقة بتروح مننا ونكتشفها بعد فوات الاوان لانه كل واحد مبيدورش كويس لانه كفاية ان كل واحد يلتزم بزوجين ويبقى احنا غطينا كله
4- الاتفاق على شارت محدد لشركه ما
مش هتفرق كتير النقطة دى اغلبنا يستخدم ال تريد
5- فتح حساب ديمو لمده شهر فى شركه واحده
احنا مش مهم اثبات النقط المهم نجاح الصفقة واتفق مع جمال لا داعى لها لانى مثلا بستخدم حساب حقيقى
6- وضع نتائج الفرص فى نهايه كل اسبوع ومتابعه الفرصه ممن وضعها
النتائج ياريت يوميا مش اسبوعيا ويكون واحد مسئول عنها
7- اذا تحقق الهدف الاسبوعى قبل نهايه الاسبوع يمنع الدخول فى صفقات جديده حتى يتم تهذيب النفس على عدم الطمع
ياريت
8- توصيل الفرص للفريق عن طريق التنبيه باقتراب الفرصه ثم بعد ذلك التاكيد على الدخول وذلك عن طريق الماسنجر سواء فى الياهو او الهوت ميل واقترح ان يكون على الهوت ميل لان الاغلبيه لديها ياهو وبالتاكيد لديه العديد من اصدقاؤه عليه وبالتالى ستكون المتابعه وتوصيل الفرصه صعبه
احنا قليلون واغلبنا عنده ياهو وهنقدر نتابع على الياهو
الاخوه ما دعانى الى ذلك هو فى الاساس اننى ارى بعض الاخوه يكتبون فى المنتدى بعصبيه نتيجه للخساره على مدى الاسبوعين الماضيين وكذلك ما شاء الله واللهم لا حسد نجاح فريق المليون وقدرتهم على الالتزام وضبط النفس فهى تجربه امامنا ناجحه بأذن الله فلماذا لا نطبقها هنا ايضا ويكون فريق المليون مثالا يحتذى به وايضا ارى ان هذه الاستراتيجيه سهله جدا وبدون تعقيد سواء للمبتدئ او المحترف ولكن المهم الالتزام وهذا هو الاساس
الالتزام بالاستراتيجيه وعدم متابعه اى استراتيجيه اخرى
نتمنى الالتزام بطريقة واحدة
عدم قراءه التحاليل الخاصه بالعملات
بالعكس ارى قراءة التقارير والتحليلات مدعم جدا وخصوصا اللى عليها الصفقات وياريت متابعة الصفقات المفتوحة بالاخبار عنها مع اخونا الجنيه الفلسطينى
عدم الدخول على اكثر من منتدى الابعد انتهاء اليوم وبعد الانتهاء من عملياتك لان كل ذلك يؤدى الى التشتت
اكيييييييييييييييد ومعاك حق فيها فعلا
ونصيحه بقراءه الاخبار التى يضعها اخونا الجنيه الفلسطينى فهى اخبار جيده جدا(وجهه نظرى)
ارجوا ممن عنده اضافه ان يتفضل بها مشكورا
تمام
تم اعاده هذه المشاركه مره اخرى للتذكير وعندى اقتراح ان نبدأ بها بعد اجازه عيد الفطر المبارك ان شاء الله اعاده الله عليكم باليمن والبركات
