السلام عليكم اخوانى
اولا اشكر اخى الكبير فى المقام امجد فهو من ساعدنى فى هذا الموضوع واشكر اخى السبع لمؤزرته لى فى هذا الموضوع واتشرف بوجوده معى ومتابعته
للمعلومية اخونا ليكويد كان ينزل تحليلات بسيطة بناء على الدايفرجنس على الباوند وعلى فريم الاربع ساعات الى ان توقف منذ اربعة اشهر لمشاغله
طبعا طرق المتاجرة كثيرة جدا وكل واحد منا له طرقه الخاصة ومنها المستويات القوية ومنها على المؤشرات ومنها الاكسبيرتات الى كل ذلك
وبما ان الكثير من الاخوة لا يتاجروا الا بالمؤشرات وعيوبها انها متأخرة وتتبع السعر ففضلت ان افتح هذا الموضوع لنأخذ افضل ما فى المؤشرات ونترك عيوبها
وطبعا الدايفرجنس هو اهم شئ او الحسنة الكويسة اللى فى المؤشرات وهى اختصارا اختلاف بين حركة السعر وحركة المؤشر وطبعا هنرفق الرسومات التوضيحية لذلك
طبعا المشكلة الوحيدة اللى هتكون هى المسميات
دايفرجنس وكونفرجنس
دايفرجنس ايجابى وسلبى
او دايفرجنس قياسى او دايفرجنس عكسى او مخفى
عموما دعونا نترك المسميات ونمشى على القواعد منعا للخبطة حول الاسماء
المؤشرات المستخدمة او اشهرهم
1. MACD
2. RSI
3. STOCKASTIC
4. CCI
5. MOUMENTUM
6.DPO
طبعا مش هنحط كل المؤشرات دى انا هكتفى فقط باول 3 مؤشرات وكل واحد وحسب رغبته
الفريم المستخدم
كل الفريمات ولكن طبعا الهدف سيختلف من فريم لاخر حسب الدعم والمقاومة انا افضل من الاربع ساعات فيما فوق وطبعا الساعة مش هنقوله لا
العملات
كل العملات تمشى مع الدايفرجنس
نقاط الدخول
ستكون من اقرب خط فايبو او ترند او دعم او مقاومة والاهداف كذلك اقرب دعم او مقاومة او خط فايبو قوى او خط ترند
قواعد الدخول
قاعدة 1
فى حالة عمل قمم صاعدة سواء من الموشر او السعر يكون الدخول شورت
التطبيق
1. السعر بيعمل قمم صاعدة والمؤشر بيعمل قمم هابطة يبقى الدخول هنا عكس القمم الصاعدة (عكس السعر) وبالتالى شورت مع المؤشر
2. المؤشر بيعمل قمم صاعدة والسعر بيعمل قمم هابطة يبقى الدخول هنا عكس القمم الصاعدة (عكس المؤشر) وبالتالى شورت وهو مع السعر
قاعدة 2
وفى حالة عمل قيعان هابطة سواء من المؤشر او السعر يكون الدخول شراء
التطبيق
1. السعر بيعمل قيعان هابطة والمؤشر بيعمل قيعان صاعدة يكون الدخول هنا عكس القيعان الهابطة (عكس السعر) شراء مع المؤشر
2. المؤشر بيعمل قيعان هابطة والسعر بيعمل قيعان صاعدة يكون الدخول هنا عكس القيعان الهابطة (عكس المؤشر) شراء مع السعر
سنقوم بارفاق بعض المواقع التى تتكلم عن الدايفرجنس والذى تفضل به اخونا السبع
موضوع سابق عن الدايفرجنس
باقى شئ واحد وهو الصور التوضيحية للقواعد وللشارتات التوضيحية للفرص
وان شاء الله نتعاون جميعا فى وضع الفرص القوية وربنا يوفقنا جميعا
تحياتى
مرفق ملف تعليمى للدايفرجنس TBDS.PDF
احصائيات بمجهود دينامو الدايفرجنس (الاخ محمود) Hadi75m
https://forum.arabictrader.com/showp...postcount=6385
https://forum.arabictrader.com/showp...postcount=6380