==== رحله البحث داخل استراتيجية الوافى ( رحمه الله ) ====

[basuoni]

بارك الله فيك أخي بسيوني فعلا انت انسان مجتهد

ولكل مجتهد نصيب

ربنا يخليك اخى الفاضل
ويارب يكون الموضوع بسيط و سهل ومفيد
...
شاكر ليك مرورك الجميل
تقبل خالص تحياتى

[basuoni]

بسم الله الرحمن الرحيم
............................
نستكمل الحديث
البند الثانى ( تحديد الدعوم والمقاومات على شارت الدايلى )
الاداه الثانيه : خطوط الترند

..........................
تحدثنا عن الترند وكيفية تحديده
وتحدثنا ايضا عن خطوط الترند وكيفية رسمها
سنستخدم اسلوب رسم خطوط الترند على هاى او لو الشموع ( زيول الشموع ) فقط
فى المرفقات شارت اليورو بعد اضافة خطوط الترند





................................
تصبح المعطيات عندنا كالاتى
اليورو \ دولار
الاتجاه :: صاعد

مقاومه 1 : 1.3364
مقاومه 2 : 1.3481
دعم 1 : 1.3278
دعم 2 : 1.3140


.......................
فى المشاركه القادمه بأذن الله سنتحدث عن خطوط الفايبوناتشى
..............
يتبع بأذن الله

[turkm]

المعلومات غنية جدا وباسلوبك بتصير المعلومات سلسة للغاية
تابع بارك الله فيك

على فكرة انا متابعك بصمت من وقت ما طلبت من الاخ أسامة (مستر دولار) يعملك مؤشر يرسم القنوات على الزجزاج وهي الفكرة البسيطة اعطتني افكار مذهلة ان شاء الله بعد ما تخلص موضوعك حابب اتناقش معاك فيها

[ابو لاما]

موضوع ممتاز بصراحة وابداع من الاخ بسيوني طبعا لا ننسئ ان نترحم علئ الاخ الوافي رحمة الله عليه واسكنه جنات علين يا رب
تقبلوا تحياتي

[basuoni]

المعلومات غنية جدا وباسلوبك بتصير المعلومات سلسة للغاية
تابع بارك الله فيك

على فكرة انا متابعك بصمت من وقت ما طلبت من الاخ أسامة (مستر دولار) يعملك مؤشر يرسم القنوات على الزجزاج وهي الفكرة البسيطة اعطتني افكار مذهلة ان شاء الله بعد ما تخلص موضوعك حابب اتناقش معاك فيها

مؤشر الزيجزاج ( المؤشر العجوز ) مع القنوات والفايبو ( كلاسكى بسيط جدا)
سعيد جدا انك استفدت من المؤشر
و معاك فى اى وقت بأذن الله

موضوع ممتاز بصراحة وابداع من الاخ بسيوني طبعا لا ننسئ ان نترحم علئ الاخ الوافي رحمة الله عليه واسكنه جنات علين يا رب
تقبلوا تحياتي

يا هلا بالاخ الفاضل عرابى متابعك يا كبير بس فى صمت لضيق الوقت مواضيعك مميزه بارك الله فيك
وشيخنا واستاذنا الوافى رحمه الله لن ننساه بعلمه الرائع واخلاقه الرائعه
اللهم اسكنه فسيح جناتك واغمده برحمتك يا ارحم الراحمين
تقبل خالص تحياتى

[eslam kamel]

متابع معاك علي قدر الامكان انت عارف ظروف الامتحانات
لما هخلص هوجع دماغك اسئله
تحياتي

[eslam kamel]

بص يا سيدى الدعوم والمقاومات دى عباره عن اسعار
واكيد لو كان الوافى رحمه الله بداء شرحه بدرى 4 او 5 ايام كان هيحط عليهم خط مقاومه لان القاعين دول فى الاساس اتوجدو بسبب ان المنطقه دى قويه ( منطقة دعم قويه ) وتم كسرها بكل قوه والسعر نزل وعداهم وبعد ما نزل طلع عمل اعادة اختبار لخط المقاومه اللى الوافى رحمه الله ذكره ونزل تانى بشمعه قويه كسر اخر قاع صغير هو عمله
بص على الصوره دى متهيقلى الفكره هتكون اوضح



على ما اعتقد بعد حركة السعر بالاسلوب دا يعتبر القاعين دول بعيد عن السعر

,,,

بس من طريقة الشرح لبند القمم والقيعان واضح جدا ان الوافى رحمه الله كان بيستخدم القمم والقيعان زى محطات
( يعنى تقريبا ماشى بمبداء لما نوصل الاول للمقاومه دى او الدعم دا نبقى نفكر فى اللى بعديها )
,,,
ومقدرش افيدك فى نقطه ليه الوافى رحمه الله مذكرش القاعين دول فى الاول وبعدين ذكرهم وهو بيرسم الترند
بس هو ذكر فى الكتاب انه بعد رسم خط الترند هنلاحظ التقاء خط الترند مع منطقتين مقاومه " اللى هى منطقة 1.2693 ومنطقة 1.2755 منطقة التقاء السعر مع خط الترند " .. يعنى لو فى احتمال للأرتداد هيبقى اقصى ارتداد لحد المنطقتين دول ..والله اعلم
( الفكره هى تتبع حركة السعر ومراقبة سلوكه عند الاسعار المهمه )
,,
لكن على ما اعتقد فى الغالب لم يذكرها لكونها بعيده + لو كملت شرح الوافى رحمه الله لنقاط الدعم والمقاومه على فريم ساعه هتلاقى ان السعر لم يستطيع كسر خط ترند على الساعه وارتد من مستوى 50 فايبو " لو كان السعر كسرهم كان هيبقى فى احتمال للصعود ونبداء نستنى السعر عند المقاومه 1.2693 ومن بعدها منطقة 1.2755"



...................
نفس الكلام تقريبا بالنسبه للباوند والفرانك
خلاصة القول
"" الاهتمام يكون بالقمه الاقرب والقاع الاقرب.. لاننا بنشتغل على فريم ساعه ""

.....
يارب تكون الامور واضحه
........
وبعتذر على التأخر فى الرد فهو دائما خارج عن ارادتى لانى مش بعرف اركز فى اكتر من حاجه
وبحاول على قد ما اقدر اكون مركز فى الموضوع عشان منساش حاجه
...............
تقبل خالص تحياتى

تاعبك معايا انا عارف
بص يا باشا صعب يكون الوافي رحمه الله بتعامل بطريقه المحطات (بمعني لما السعر يوصلهم نبقي نشوف اللي بعدهم ) لانه ببساطه وضع خطوط مقاومه اعلي لما دخل في البنود الاخري (الترند و الفايبو ) يبقي من غير المنطقي تجاهله القيعان الاعلي
وفي جمبع الاحوال من شرحك واضح انك بتاخد في الحسبان جميع القمم و القيعان القريبه من السعر الحالي مش اقرب اثنين بس و لا انا غلطان؟
و سؤالين كمان كدا علي السريع
مش احنا هدفنا تحديد الدعوم و المقاومات اللي هنضارب عليها خلال اليوم يبقي مافيش فايده من الخطوط البعيده جدا من السعر الحالي و انا فاكر اني قرات في احدي ورش اللي بتطبق الوافي انهم كانوا بيتجاهلوا جميع المستويات اللي بتبعد مره و نصف معدل الحركه اليومي من سعر الافتتاح لان السعر مش هيوصلهم غالبا و مالهمش لازمه رايك ايه في النقطه دي
و بالنسبه لتحديد المستويات علي الاربع ساعات بتبقي قريبه اوي من اليومي ممكن نتجاهل الاربع ساعات و نطبق قواعد تحديد المستويات علي شاره الساعه و اليومي ؟
تقبل خالص ودي و تقديري

[basuoni]

متابع معاك علي قدر الامكان انت عارف ظروف الامتحانات
لما هخلص هوجع دماغك اسئله
تحياتي

كل دا لسه مخلصتش امتحانات ... ربنا يكون فى عونك

بص يا باشا صعب يكون الوافي رحمه الله بتعامل بطريقه المحطات (بمعني لما السعر يوصلهم نبقي نشوف اللي بعدهم ) لانه ببساطه وضع خطوط مقاومه اعلي لما دخل في البنود الاخري (الترند و الفايبو ) يبقي من غير المنطقي تجاهله القيعان الاعلي

والله انا معرفش السبب الحقيقى ... بس كل اللى اعرفه ان القمم والقيعان القريبه هى الاساس .. ممكن يكون ذكرهم عشان يبقى عندنا مقاومتين ودعمين مهمين قبل ما ندخل على الفريمات الاصغر لاننا فى الغالب مبنشتغلش بدعم واحد ومقاومه واحده .. وزى ما قولتلك احنا اصلا بنشتغل على فريم ساعه ........... الله اعلم

وفي جمبع الاحوال من شرحك واضح انك بتاخد في الحسبان جميع القمم و القيعان القريبه من السعر الحالي مش اقرب اثنين بس و لا انا غلطان؟

فى فرق بين اقرب قمه او قاع ( القمه او القاع اللى هما سعرهم قريب من السعر الحالى )
وبين احدث قمه او قاع ( القمه او القاع اللى هما وقت تكوينهم قريب من الوقت الحالى )
فى الاساس بنشوف احدث قمه او قاع قريبين من السعر الحالى
دا شارت اليورو ومحددين عليه اخر قمه واخر قاع




وبعد كده بنشوف القمم والقيعان دى بتتوافق مع قمم وقيعان قديمه تانيه ولا لاء



..................................
هنعيد البحث تانى على قمم او قيعان جديده وقريبه
هنلاقى ان فى منطقة السعر وقف عندها اكتر من مره وبتأثر فى السعر ( منطقة قمم وقيعان )




..........................
كده بقى عندنا 3 دعوم ومقاومه واحده
هنسأل نفسنا لو المقاومه دى اتكسرت ( لاننا ماشيين فى ترند صاعد ) فين المقاومه اللى بعديها
هنلاقى قمه بعيده هى الوحيده اللى قدمنا وتعتبر احدث قمه فى المنطقه السعريه دى ( يعنى اخر مره السعر وصل للسعر دا عمل القمه دى ) وسعرها قريب من السعر الحالى برضو
هنحطها فى حسابتنا




......................
كده بقى عندنا 3 دعوم ومقاومتنين هنحذف الدعم الثالث لانه يعتبر بعيد عن السعر الحالى
عشان نفضى الشارت شويه
هتبقى النتيجه كالاتى



..........................
وبكده نكون حصرنا السعر بين مقاومتين ودعمين
لما نيجى نشتغل على فريم الساعه لازم نخلى بالنا منهم لانهم بالنسبه لفريم ساعه مناطق سعريه قويه
حصل عندهم تفاعلات سابقه ( زى ما قولنا قبل كده )
فا من المحتمل يحصل عندهم تفاعلات اثناء حركة السعر الحاليه اما بالكسر او بالارتداد


...........................

و سؤالين كمان كدا علي السريع
مش احنا هدفنا تحديد الدعوم و المقاومات اللي هنضارب عليها خلال اليوم يبقي مافيش فايده من الخطوط البعيده جدا من السعر الحالي و انا فاكر اني قرات في احدي ورش اللي بتطبق الوافي انهم كانوا بيتجاهلوا جميع المستويات اللي بتبعد مره و نصف معدل الحركه اليومي من سعر الافتتاح لان السعر مش هيوصلهم غالبا و مالهمش لازمه رايك ايه في النقطه دي

نقطه جميله وفكره رائعه ... بس احنا كده كده الدعم او المقاومه اللى بتتكسر بنبص على اللى بعدها على طول حتى لو مكناش راسمينها بنطلعها عادى جدا وبنرسمها على الشارت وبنتابع .. لاننا كده كده هنضيف وهنشيل دعوم ومقاومات اثناء حركة السعر ( يعنى اللى بيبعد بنمسحه والقاع او القمه الجديده بنرسم عليها خط دعم او مقاومه .. بيبقى فى شئ من المرونه فى التعامل مع السعر )

و بالنسبه لتحديد المستويات علي الاربع ساعات بتبقي قريبه اوي من اليومي ممكن نتجاهل الاربع ساعات و نطبق قواعد تحديد المستويات علي شاره الساعه و اليومي ؟

تمام وهو دا اللى الوافى رحمه الله ذكره فى كتابه اننا هنشتغل على فريم ساعه

""وسبب اختياري لشارت الساعة.. هو توضيح الفرق بينه وبين اليومي..
وتأكيد نقاط الدخول والخروج الخ .. وبنقاط أقل بطبيعة الحال كبداية.. لأن
شارت الأربع ساعات يشبه كثيرا شارت اليومي.. فأحببت أن يكون الشارت
مختلف بعض الشيء وذلك لمزيد من الفائدة!.""


فا يعتبر فى الاساس هنشتغل على الساعه رغم اننا ممكن برضو نستخدم نفس الطريقه على فريم 4 ساعات للمضاربه

""ويمكنكم بعد ذلك الاستغناء عنه والعمل على شارت الأربع ساعات!.
>>>وعلى العموم شارت الساعة أيضا جيد.. ولا بأس به كبداية""


..................
نكمل بس البند بتاع تحديد نقاط الدعم والمقاومه على فريم يوم ونكمل بأذن الله
..............
وانا معاك لو فى اى استفسار

[basuoni]

بسم الله الرحمن الرحيم
...............................
نستكمل الحديث
( الاداه الثالثه :: الفايبوناتشى )

..............................
الفايبوناتشى يعتبر بحر كبير مش هنخوض فى كلام كتير عن الفايبوناتشى عشان منشتتش نفسنا
..........................
بس بما ان مستويات الفايبوناتشى بتستخدم كمستويات تصحيحيه فيمكننا رسمها على اخر موجه السعر رسمها على الشارت
نركز مع الشارت اللى فى الصوره دى



السعر طلع ونزل صحح لمستويات الفايبوناتشى
وراح طالع تانى وعمل موجة صعود جديده ونزل صحح تانى لمستويات الفايبوناتشى
وراح طالع تالت وعمل موجه صعود جديده وابتدى ينزل عشان يصحح لمستويات الفايبوناتشى
....................
والنقطه دى مهمه جدا لان اداه الفايبوناتشى تعتبر اداه حسابيه بنقيس بيها طول الموجه وهى اتوماتيك بتقسم الموجه دى لنسب وبترسم خطوط للنسب دى
عشان كده مهم جدا رسمها على الموجه الاخيره الواضحه
,,,,
طيب نفترض فى المثال اللى قدمنا على اليورو ان السعر كسر مستويات التصحيح بتاعت اخر موجه ( اللى هيا فى البوكس الفوشيا ) هنعمل ايه
كده يبقى معناها ان السعر عايز ياخد موجة تصحيح كبيره يصحح بيها الطلوع الكبير اللى طلعو دا كلو ( يعنى احنا عندنا 3 موجات صعود هنعتبرهم موجه واحده ونرسم عليهم فايبوناتشى واحد )





يعنى الخلاصه
" الفايبو بيترسم دايما على اخر موجه .. عشان نعرف مدى التصحيح القصير بتاعها
ولما بنرسمه على اكتر من موجة بيبقى عشان نعرف مدى التصحيح الكبير "


............................
هندخل على نقطه تانيه وهى رسم الفايبوناتشى على الموجات التصحيحيه
زى ما احنا عارفين ان السعر بيمشى فى شكل موجات زيجزاج
يعنى لما يبقى عندنا موجة صعود والسعر نزل عشان يصحح و خلص تصحيح خلاص وابتدى يطلع تانى
هنا بقى بنرسم الفايبو على موجة التصحيح دى عشان نشوف موجة الصعود دى هتمتد لحد فين
تعالو نشوف نفس المثال بتاعنا على اليورو




عندنا نسبه 1.618 و نسبه 1.23 السعر وصلهم وراح واقف بداء التصحيح
......................
,,, مش عايز اتعمق اكتر من كده .. عشان منتشتتش فى حاجات تانيه ,,,
اللى عايز يتعمق اكتر ويعرف اكتر ممكن يعمل سيرش عن الفايبو ناتشى هيلاقى كلام كتير
...............

فى النهايه
وكما قال الوافى رحمه الله كل اداه بيختلف استخدامها من متاجر لاخر
ورسم خطوط الفايبوناتشى بالاسلوب دا يعتبر اسلوب كلاسكى بسيط
لان فى اساليب تانيه
( زى رسم الفايبوناتشى على اكثر من موجه واخذمناطق تجمع اكثر من مستوى كمستويات دعم او مقاومه فيما يسمى ب " فيبوناتشى كلاستر " )
وهناك من يستخدم fibonacci expansion لمعرفة انتهاء الموجات
و غيرها من الاساليب
..........
لكن بالنسبه لنا هنستخدم أداه fibonacci retracement بالاسلوب السابق ذكره
بنفس الاعدادات والنسب اللى موجوده فى الميتا تريدر
هنضيف عليهم بس نسبه 0.764 ونسبة 1,236
..........................
الخلاصه
كل الشرح اللى فات دا عشان نعرف الاداه بنرسمها ازاى واسلوب استخدامها
لكن فى الشغل هنستخدمها كأداه مساعده فى اكتشاف مناطق الدعوم والمقاومات
................
يتبع بأذن الله

[basuoni]

بسم الله الرحمن الرحيم
.............................
هنحط الاداه الثالثه على الشارت

........................
زى ما احنا عارفين السعر ماشى فى ترند صاعد كبير
الترند الصاعد دا ابتدا بموجه صاعده ثم جائت موجه هابطه للتصحيح كونت قاع اعلى من اخر قاع
وبعد كده السعر كمل صعود
هنا هنرسم فايبوناتشى على موجة الهبوط دى ( هنخطار الاداه بتاعتنا ونرسم من اعلى نقطه لاقل نقطه )
هنلاقى مستوى 1.23 ومستوى 1.618








كده بقى عندنا الدعم ( 1.3286) دعم قوى بتوافقه مع مستوى 1.23
وعندنا المقاومه ( 1.3486 ) مقاومه قويه لتوافقها مع مستوى 1.618
...................
وزى ما احنا شايفين موجة الصعود الاخير توقفت والسعر دلوقتى محصور بين المقاومه 1.3385 والدعم 1.3286
هنرسم فايبوناتشى على موجة الصعود دى عشان نشوف مستويات التصحيح



هنلاقى عندنا دعم جديد عند منطقة (1.3225) واللى هيا بتمثل مستوى 23.6 فايبوناتشى " اولى مستويات التصحيح
و هنلاقى عندنا دعم اخر عند منطقة ( 1.3118 ) واللى هيا بتمثل مستوى 38.2 ثانى مستويات التصحيح
هنلاقى المستوى دا قريب من الدعم (1.3149)
ولو ركزنا اكتر هنلاقيه ماشى مع 3 قمم عامل عليهم زى المستره
"" هنا بقى ممكن نعتمد على الدعم 1.3118 كدعم قوى لتوافقه مع مع قمم سابقه ""
.......................
يبقى فى النهايه
هنقول
,,
الاتجاه العام بتاعنا :: صاعد
,,
دعم 1 :: 1.3286 (قوى )
دعم 2 :: 1.3225
دعم 3 ::1.3149
دعم 4 :: 1.3118 (قوى)
,,
مقاومه 1 :: 1.3385 ( قوى )
مقاومه 2 :: 1.3486 ( قوى )



................................
لو فى اى حد عندو اى استفسار بالنسبه للفايبوناتشى انا موجود
....................
بأذن الله فى المشاركه القادمه هنتكلم عن النماذج السعريه
....................................
تحياتى للجميع

[s.o.s]

السلام عليكم ورحمة الله
الموضوع رائع وجدا مفيد ووضحلي كثير من الامور في استراتيجية الوافي رحمة الله عليه... الله يجزاك كل الخير اخي بسيوني على هذا الشرح الجميل متابع معاكم ومستنين تكلملة الشرح وبالتوفيق للجميع

[basuoni]

السلام عليكم ورحمة الله
الموضوع رائع وجدا مفيد ووضحلي كثير من الامور في استراتيجية الوافي رحمة الله عليه... الله يجزاك كل الخير اخي بسيوني على هذا الشرح الجميل متابع معاكم ومستنين تكلملة الشرح وبالتوفيق للجميع

وعليكم السلام ورحمة الله وبركاته
..........
سعيد جدا انك استفدت من الموضوع وشكرا على الدعوه الجميله
........
وبعتذر لو الموضوع ماشى بالراحه
وان شاء الله مكملين
.......
تقبل خالص تحياتى

[basuoni]

بسم الله الرحمن الرحيم
.........................
الاداه الرابعه :: " النماذج الفنيه "
...................
يقول الوافى رحمه الله
" بالنسبة للأداة الرابعة وهي الأنماط السعرية أو النماذج.. فلم أجد سوى قنوات.. وهي بالحقيقة موثوقة
بعض الشيء.. ولكن سنستغني عنها بما رسمناه من خطوط الترند وغيره من الأدوات
<<< ولكن سأرسمها هنا.. لكي نتعلم كيفية رسمها ومتابعتها فيما بعد
وأفضل حقيقة أن تستخدم (القنوات) خصوصا على فترة أكبر من ١٠ أيام .. وأحددها بشهر أو أكثر
من ذلك.! "
.................
يقول الوافى انه اثناء شرحه للاستراتيجيه لم يجد امامه على الشارت سوى القنوات
ويقول ايضا ( هى بالحقيقه موثوقه بعض الشئ )
,,,,
معنى الكلام وزى ما قولنا ان ترتيب الادوات مهم
فا يعتبر اقوى هذه الادوات
القمم والقيعان
ثم
خطوط الترند
ثم
مستويات الفايبو ناتشى
ثم
تأتى النماذج السعريه فى المركز الرابع من حيث القوة والاهميه
...................
ويمكننا ان نعتمد عليها فى تأييد وتأكيد مناطق الدعم والمقاومه المستخرجه ( يعنى لو توافقت مع منطقه دعم او مقاومه يبقى المنطقه دى منطقة قويه )
ويمكن ان تعطينا النماذج دعوم ومقاومات جديده
,,
انا للاسف مش خبير فى النماذج ولسه بتدرب عليها ( لانها محتاجه خبره كبيره وتدريب مستمر )
فا اللى يحب يقرا عن النماذج فى فالمرفقات كتابين بيتكلمو عن النماذج
وفى موضوع للاخت العزيزه أ \ رانيا للتدريب على النماذج

https://forum.arabictrader.com/t76302.html
...................................
تعالو نبص على شارت اليورو بتاعنا
هنلاقى ان السعر ماشى داخل قناه صاعده




...................
طيب تعالو نحط الدعوم والمقاومات بتاعتنا على الشارت





هنلاقى ان الحد العلوى للقناه بيتقاطع مع المقاومه 1.3486
مما يزيد من قوة هذه المقاومه
....................
كده هنفضل زى ما احنا
ما زال الاتجاه العام صاعد
بس فى عندنا مقاومه اتكسرت
اللى هى ( 1.3386 ) واتحولت لدعم
...............
طبعا كده هنحتاج نعمل ريفريش للشارت
وندور على مقاومه جديده فوق المقاومه ( 1.3486 )
ونحذف الدعوم البعيده
ونراجع على الفايبو بعد الطلوع دا
,, ودى تعتبر نقطه مهمه جدا ... لازم كل فتره نعمل ريفريش ونراجع على النقط بتاعتنا ونشوف ايه المستجدات ,,
............
ممكن حد من اللى متابعين يساعدنى ويطلع مقاومه جديده فوق المقاومه ( 1.3486 )
ويراجع على الدعوم بتاعتنا ويرفقلنا دعمين ومقاومتين
...........
يتبع بأذن الله

[eslam kamel]

اسيبك اسبوع تشرح ده كله من غيري
متابع معاك و هقرا اللي فاتني
تحياتي

[s.o.s]

السلام عليكم
دعم 1- 13386 مقاومه سابقه وبعد كسرها وتاكيد الكسر اصبحة دعم
دعم 2- 1.3286 دعم قوي وقريب على فيبو 23.6 اول مستوى تصحيح عند سعر 1.3294 وهوه قريب من الدعم فيكون الدعم 2- 1.3294
مقاومه 1- 1.3486 مقاومه سابقه
مقامه 2- 1.3542 مقاومه سابقه
ان شاءالله يكون التحليل صح ارجو التعقيب اخي بسيوني
بالتوفيق للجميع