==== رحله البحث داخل استراتيجية الوافى ( رحمه الله ) ====

[eslam kamel]

عندي سؤال يااباشا بالنسبه للدعوم و المقاوامات
قال الوافي عده طرق
اهمها (القمم و القيعان - خطوط الترند -الفابوناتشي)
انا لاحظت حاجه في الشرح
شوف كدا صفحه 15 في الكتاب في تحليل اليورو دولار علي فريم اليوم
في مستوي دعم عند 1.2693 مظبوط و ده خط قوي
و لكن القاعين اللي حط الوافي عليهم دوائر الفرق بينهم و بين الخط كبير اكتر من 100 نقطه ققل حاجه (خصوصا القاع الاقرب للسعر و قت التحليل ) لاننا علي اليوم و قريبين من السعر الحالي
السؤال ليه ماحطش الوافي عندهم خط مقاومه ؟
و انا لاحظت ان الوافي لما كمل الشرح بيستخدم كل اداه سواء كانت (قمم و قيعان او خطوط ترند او فيبوناتشي)
مره واحده لاستخراج خطين واحد دعم و التاني مقاومه و بينتقل للاداه اخري حتي لو فيه مستويات قويه و قريبه من السعر
و بص كدا صفحه 16 زوج الباوند دولار فريم اليوم
الوافي حط مستوي مقاومه عند 1.8437
فوق الخط ده في دبل بوتوم بارتداد سابق ممتاز و قريبين من السعر و تجاهلهم الوافي تماما و علشان نشيل شبه ان الوافي اعتبرهم بعيد عن السعر الحالي شوف صفحه 19 لما الوافي بدا يستخدم الترند لتحديد الدعوم و المقاومات لم يجد علي الباوند دولار ترند يمكن الاعتماد عليه فلجا لاستخدام الدبل بوتوم كخط مقاومه و ذكرها في تحليله صفحه 20 يبقي الدبل بوتوم لم يعتبرها الوافي بعيده عن السعر الحالي لانه اخذها في الاعتبار
ياريت يكون سؤالي واضح
تحياتي

[العاشق]

السلام عليكم
رحم الله اخونا الحبيب الوافي واسكنه فسيح جناته
اخ بسيوني دام انك رجعت لاسلوب الوافي فانت تمشي على الطريق الصحيح
الوافي رحمه الله كان يملك اقوى المؤشرات وهي بصيرته بحكم مجال عمله في القطاع المصرفي واهم مؤشر كان يمتلكه هو عيناه الوافي كان يتأمل الشارت حتى يخرج بنقاط الدعم والمقاومة وتصنيفها ليخرج بقمة او قاع يعتمد عليه في الدخول مستعينا بخطوط الترند والفايبو لتاكيد مناطق الدخول
لذلك انا مقتنع تماما ان اقوى مؤشر يمتلكه المضارب هو عيناه التي في رأسه لاحظوا ان الوافي يقول ان (البعض) يستخدم خطوط الكامريلا او الماكد الخ من المؤشرات بمعنى انه لا يستخدمها
ملخص طريقة الوافي 3 اشياء هي: عيناك وخط الترند والفايبو
الوافي رحمه الله كان يمتلك ما لا يمتلكه غيره من عزيمة على قهر الصعاب فرغم مرارة المرض كان مصباحا مضيئا للالاف من الاخوة في منتديات الفوركس
الفاتحة على روح اخونا وحبيبنا الوافي رحمه الله

[basuoni]

جزاك الله كل خير علي الاهتمام و ان شاء الله نحترف طريقه الوافي و ردك بيدل انك انسان في غايه الاحترام
و كلامك مظبوط الفوركس مش هايطير و انا فعلا بدات اركز انا سقط سنتين قبل كدا بسبب الفوركس يعني مجرب اه .... ان كان كده ماشى ... كده انت طمنتنى
و انا متابعك علي قدر ما استطيع بس ماتبطلش و لا حاجه
و بالنسبه لمعدل الحركه كلامك مظبوط وانا متفق معاك فيه
خلينا في الطريقه الاولي (اللي قالها الوافي في كتابه)
1- نرسم خط ترند مدته الزمنيه 10 فترات و ارتفاعه يساوي معدل الحركه الحالي مضروب في 10
انا عارف ان atr10 بيحسب المدي الحركه لشمعه واحده و بيعتمد في حسابه علي 10 شمعات علشان كدا قلت نضرب في 10
و ممكن زي ماقلت نضرب معدل الحركه لاسبوع في 2
و علشان ترسم خط ترند لازم متغيرين الزمن (10 شمعات) و السعر (نضرب معدل الحركه في 10)
2-بدايه خط الترند عند الشمعه اليوم اللي اتكونت من 10 ايام
ده كلام الوافي رحمه الله ان اللي يهمنا الترند الحالي و حدده بتوجه السعر لمده 10 ايام
3-نشوف لو السعر فوق خط الترند يبقي التسارع جيد و الترند قوي و يعتمد عليه لو لا يبقي الترند ضعيف

و الفكره اللي بحاول اوصلها اني احط قاعده ثابته لتحديد اتجاه الزوج علشان مايكونش في اي تاثير نفسي و يكون دخولنا مبني علي قاعده صريحه
تقبل خالص ودي و تقديري

برضو الموضوع عندك فيه لبس بالنسبه لاستخدام مؤشر ال atr مينفعش نضرب فى 10 لان ال atr بيحسب الرينج سواء هبوط او صعود فالنتائج هتبقى غلط ومش اللى احنا عايزينو خالص
وموضوع ال 10 ايام وال450 هعيد شرحها تانى فى المشاركات القادمه بتفصيل اكتر بأذن الله
على الرغم من انها تعتبر نقطه ثانويه فرعيه مساعده فقط
تقبل خالص تحياتى

[basuoni]

عندي سؤال يااباشا بالنسبه للدعوم و المقاوامات
قال الوافي عده طرق
اهمها (القمم و القيعان - خطوط الترند -الفابوناتشي)
انا لاحظت حاجه في الشرح
شوف كدا صفحه 15 في الكتاب في تحليل اليورو دولار علي فريم اليوم
في مستوي دعم عند 1.2693 مظبوط و ده خط قوي
و لكن القاعين اللي حط الوافي عليهم دوائر الفرق بينهم و بين الخط كبير اكتر من 100 نقطه ققل حاجه (خصوصا القاع الاقرب للسعر و قت التحليل ) لاننا علي اليوم و قريبين من السعر الحالي
السؤال ليه ماحطش الوافي عندهم خط مقاومه ؟
و انا لاحظت ان الوافي لما كمل الشرح بيستخدم كل اداه سواء كانت (قمم و قيعان او خطوط ترند او فيبوناتشي)
مره واحده لاستخراج خطين واحد دعم و التاني مقاومه و بينتقل للاداه اخري حتي لو فيه مستويات قويه و قريبه من السعر
و بص كدا صفحه 16 زوج الباوند دولار فريم اليوم
الوافي حط مستوي مقاومه عند 1.8437
فوق الخط ده في دبل بوتوم بارتداد سابق ممتاز و قريبين من السعر و تجاهلهم الوافي تماما و علشان نشيل شبه ان الوافي اعتبرهم بعيد عن السعر الحالي شوف صفحه 19 لما الوافي بدا يستخدم الترند لتحديد الدعوم و المقاومات لم يجد علي الباوند دولار ترند يمكن الاعتماد عليه فلجا لاستخدام الدبل بوتوم كخط مقاومه و ذكرها في تحليله صفحه 20 يبقي الدبل بوتوم لم يعتبرها الوافي بعيده عن السعر الحالي لانه اخذها في الاعتبار
ياريت يكون سؤالي واضح
تحياتي

ان شاء الله هيتم التعمق فى موضوع الدعوم والمقاومات بالتفصيل الممل لانه اهم ما فى الاستراتيجيه
وبالنسبه للصفحات اللى ذكرتها ان شاء الله هاراجعها و نتناقش فيها بأذن الله بس واحد واحده عليا
واعذرنى على تأخرى فى الرد فهو دائما خارج عن ارادتى
و معلش ممكن تلاقينى بطئ شويه بس عشان كل نقطه تاخد حقها بدون تقصير وتبقى كل حاجه واضحه بأذن الله

[basuoni]

السلام عليكم
رحم الله اخونا الحبيب الوافي واسكنه فسيح جناته
اخ بسيوني دام انك رجعت لاسلوب الوافي فانت تمشي على الطريق الصحيح
الوافي رحمه الله كان يملك اقوى المؤشرات وهي بصيرته بحكم مجال عمله في القطاع المصرفي واهم مؤشر كان يمتلكه هو عيناه الوافي كان يتأمل الشارت حتى يخرج بنقاط الدعم والمقاومة وتصنيفها ليخرج بقمة او قاع يعتمد عليه في الدخول مستعينا بخطوط الترند والفايبو لتاكيد مناطق الدخول
لذلك انا مقتنع تماما ان اقوى مؤشر يمتلكه المضارب هو عيناه التي في رأسه لاحظوا ان الوافي يقول ان (البعض) يستخدم خطوط الكامريلا او الماكد الخ من المؤشرات بمعنى انه لا يستخدمها
ملخص طريقة الوافي 3 اشياء هي: عيناك وخط الترند والفايبو
الوافي رحمه الله كان يمتلك ما لا يمتلكه غيره من عزيمة على قهر الصعاب فرغم مرارة المرض كان مصباحا مضيئا للالاف من الاخوة في منتديات الفوركس
الفاتحة على روح اخونا وحبيبنا الوافي رحمه الله

قصة التأمل فى الشارت دى فعلا مهمه فالشارت كثيرا ما نجده مخادع خبيث وماكر يخفى دائما الحركه بداخله
بارك الله فيك اخى العاشق و فى انتظار مشاركاتك الفعاله فى هذه الرحله
................
الفاتحه لشيخنا الوافى رحمه الله

بِسْمِ اللَّهِ الرَّحْمَنِ الرَّحِيمِ (1).
الْحَمْدُ لِلَّهِ رَبِّ الْعَالَمِينَ (2) الرَّحْمَنِ الرَّحِيمِ (3) مَالِكِ يَوْمِ الدِّينِ (4) إِيَّاكَ نَعْبُدُ وَإِيَّاكَ نَسْتَعِينُ (5) اهْدِنَا الصِّرَاطَ الْمُسْتَقِيمَ (6) صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلَا الضَّالِّينَ (7)

[basuoni]

بسم الله الرحمن الرحيم
.........................

قبل ما نكمل البند التانى
نتكلم شويه بشكل اكثر تفصيلا عن الترند و خط الترند وقوة الترند
حتى تكون الرؤيه واضحه وعشان لما نجى نشتغل يبقى الشارت واضح اكتر

..................

((((الترند او الاتجاه ))))
.....

زى ماقولنا قبل كده ان هناك فرق كبير بين الترند وخط الترند
ماهو الترند : هو الاتجاه
واتجاه حركة السعر على الشارت يظهر فى شكل حركه موجيه تشبه حركة زيجزاج
فالاتجاه الصاعد يتكون من موجات صاعده وموجات هابطه
وهكذا ايضا فى الاتجاه الهابط
الموجات دى بتكون قمم وقيعان
,
الاتجاه الصاعد : هو توالى القيعان والقمم بأسلوب متصاعد ( قاع اعلى ثم قمه اعلى .. وهكذا )
الاتجاه الهابط : هو توالى القمم والقيعان باسلوب هابط ( قمه اقل ثم قاع اقل .. وهكذا )
الاتجاه العرضى : وهو عدم تحرك القمم والقيعان فى منظوم متواليه صاعده او هابطه ( ومنها نجد النمازج مثل المثلثات والاوتاد والمستطيلات )
...
من اقوى اساليب تحديد الاتجاه هو تسمية القمم والقيعان حسب موقعها من القمم والقيعان السابقه


فمثلا القمة الأعلى تسمى Higher High او HH
والقمة الأقل ستسمى Lower High او LH
والقاع الأعلى يسمى Higher Low او HL
والقاع الاسفل يسمى Lower Low او LL

مثال ::




هذا بالنسبه لتحديد الاتجاه العام

...............................................

(((( خط الترند ))))
......


خط الترند : هو خط القاومه او الدعم الواصل بين القمم والقيعان
فخط الترند ما هو الا مجرد خط مقاومه او خط دعم
,
هناك ثلاث اساليب لرسم هذا الخط
..الاسلوب الاول ..
هو رسم الخط على هاى او لو حركة السعر
و يستخدم اكثر المتداولون شارت البارات لرسم هذا الخط ( وهناك اايضا من يستخدم شارت الشموع )



,,,,
..الاسلوب الثانى ..
وهو رسم الخط على الاغلاقات السعريه
و يستخدم المتداولون الشارت الخطى لرسم هذا الخط



,,,,
.. الاسلوب الثالث ..
وهو رسم الخط معتمدا على الارتكازات سواء اغلاقات او هاى ولو
ويستخدم المتداولون شارت الشموع لرسم هذا الخط



كانت هذه اساليب رسم الترند

.......................
((( قوة الترند )))

وهو ما تحدث عنه الوافى رحمه الله فى كتابه
وذلك من خلال الجمع بين الزمن و معدل الحركه
سنتحدث عنها بشكل تفصيلى اكثر فى المشاركه القادمه بأذن الله
..........................................

الخلاصه :
يجب التفرقه بين خط الترند ( كخط دعم او مقاومه )
وبين الترند او الاتجاه ( كمنظومه متواليه من القمم والقيعان )

[basuoni]

بسم الله الرحمن الرحيم
......................
((( قوة الترند )))
,,,

ذكر الوفى رحمه الله فى كتابه
""أقصد بالترند العام أي الترند أو التوجه (الحالي) للزوج.. ويمكننا معرفة ذلك من خلال تحرك الزوج في
اتجاه واحد لمدة لا تقل عن ١٠ أيام .. وكلما زادت المدة.. كلما زادت قوة الترند ومصداقيته.!
.
واخترت هذه الفترة من واقع تجارب كثيرة .. ومتابعة ومراقبة لحركة الأزواج.. وهي خاصة (بالعملات)
فقط.. حيث حركة التذبذب هنا كبيرة.. وقد لا يستمر الاتجاه فاعلا لفترة طويلة كالأسهم مثلا..""
...................
,, كلما زادت المده كلما .. كلما زادت مصداقية الاتجاه ,,
يعنى الترند لازم يكون معتق ومتقلش مدة التعتيق عن 10 ايام
يعنى القوة بتزيد مع الوقت
واقل وقت ممكن نقول فيها ان الترند دا ابتدا يشد حيله هى 10 ايام
,,
طب لو اقل من كده ؟؟
يعنى السعر مثلا فضل طالع لمده 8 ايام ميبقاش ترند ؟؟
لا طبعا بيبقى ترند ((بس مش ترند عام )) وهنا بنخلى بالنا منه لانه بيبقى ترند ضعيف ( ترند لسه مولود محتاج تغذيه .. زى ما اتكلمنا قبل كده فى موضوع انا الترند )
..........................
يبقى اول اشاره لقوة الترند ::
** تحرك السعر فى اتجاه واحد لمده تزيد عن 10 ايام ** .
...............................

تانى نقطه ذكرها الوافى رحمه الله
""نضيف إلى ذلك أيضا تحرك الزوج خلال هذه الفترة.. فإن كان بمقدار متوسط أو أعلى من تحركه الطبيعي
من النقاط.. فإن الترند أو التوجه يصبح أكيدا .. وتصبح مصداقيته والاعتماد عليه أكبر""

لان فى اوقات كتير السعر بيتحرك اكتر من 10 ايام فى اتجاه واحد .. بس برينج ضعيف جدا
زى اليورو فى الصورة دى




,,
لكن لو السعر بيتحرك بمقدار متوسط او اعلى من حركته الطبيعيه خلال ال 10 ايام يبقى الترند دا قوى وصادق
ويمكن الاعتماد عليه
* طب لو بيتحرك برينج اقل من كده ؟؟ منشتغلش بقى ولا نعمل ايه ؟؟
لا بنشتغل بس برضو بنخلى بالنا ان الترند دا ضعيف و هيتكسر فى اى وقت
زى المثال اللى فات على اليورو
...
يبقى تانى اشاره لقوة الترند
"" تحرك الزوج بمقدار متوسط او اعلى من الطبيعى ""

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,

هنا بقى هنقف عند نقطه صعبه شويه وسؤال مهم جدا
* ازاى هنقدر نعرف مقدار الحركه الطبيعيه للزوج فى 10 ايام ؟؟ هنحسبها ازاى ؟؟
,,
الاجابه ذكرها الاخ الفاضل اسلام وهى بأستخدام مؤشر ال atr
ولكن توجد مشكله فى استخدام هذا المؤشر هو انه لا يوجد فريم 10 ايام حتى يتمكن المؤشر من حساب متوسط الحركه لكل 10 ايام
وهنا كانت المشكله
فالاخ العزيز اسلام بيقول ناخد قراءة المؤشر من على فريم يوم ونضرب فى 10 ( وذلك بعد تغيير اعدادات المؤشر الى 10 بدلا من 14 )
وهذا خطاء
لان المؤشر بيدينا رينج حركه اليوم الواحد سواء هبوط او صعود
تعالو نبص كده على مؤشر ال atr على فريم يوم ونجرب نضرب فى 10



قراءة المؤشر : 78 نقطه
هنضرب فى 10 :: هيكون الناتج 780 نقطه
لان المؤشر بيحسب الحركه من الهاى للو سواء كانت هبوط او صعود
وبيدينا الرينج بتاع الحركه لليوم الواحد مقارنةً برينج حركه ال 10 ايام السابقه
....................
اما بالنسبه لرأيى فا كنت بقول نجيب فريم اسبوع ونضرب فى 2
و هو برضو خطاء و مهوش دقيق ولكنه الاقرب



قراءة المؤشر على فريم اسبوع :: 189 نقطه
هنضرب فى 2 :: هيكون الناتج 378 نقطه
.....................
لكن عشان نحسب رينج الحركه لكل 10 ايام ( اكن الشمعه الواحده 10 ايام )
هنجيب اخر 100 يوم ونقسمهم ل 10 فترات كل فتره فيهم 10 ايام ونحسب رينج كل فتره فيهم
ونجمعهم ونقسم على 10 هيطلعلنا متوسط حركة السعر لكل 10 ايام
زى فى الصورة كده
هنلاقى متوسط حركة اليورو فى ال10 ايام = 310 نقطه



دى الطريقه الصحيحه لحساب متوسط حركة السعر فى 10 ايام
..................

الخلاصه :
قوة الحركه تعتمد على جزئين
* ثبوت الاتجاه لمده تزيد عن 10 ايام
* تحرك السعر بمقدار متوسط او اعلى من المتوسط

.....................
يارب تكون الفكره واضحه
,,,
عايز الناس اللى متابعه تحسبلنا متوسط حركة الباوند والفرانك لكل 10 ايام
وان شاء الله فى المشاركه القادمه هشرح ازاى نقدر نستفيد من موضوع قوة الاتجاه دا بشكل قوى
.................
خالص تحياتى للجميع

[ahmedphen0m]

فعلا ابداع يا استاذ بسيوني
بصراحة من اروع و اشمل و اجمل الشروحات اللي اتعملت لطريقة الوافي
لي عودة ان شاء الله بعد المخمخة في ابدعاتك الذهبية و اي استفسار هنزله ان شاء الله

[basuoni]

فعلا ابداع يا استاذ بسيوني
بصراحة من اروع و اشمل و اجمل الشروحات اللي اتعملت لطريقة الوافي
لي عودة ان شاء الله بعد المخمخة في ابدعاتك الذهبية و اي استفسار هنزله ان شاء الله

ربنا يخليك يا دكتور شهاده اعتز بيها
وفى انتظار ابداعاتك وانا معاك فى اى استفسار لحد ما نفرم البند الاول
وناخده غسيل وماكوه كمان .. وتبقى كل حاجه واضحه بأذن الله

[eslam kamel]

تمام يا استاذنا موضوع الترند كدا وصل تمام و اتهضم
لسي اهم جزء الدعوم و المقاومات و دي فيها شغل كله
معلش يا غالي مش متابعك اوي علشان عليا امتحان يوم السبت ادعيلي
تحياتي

[basuoni]

تمام يا استاذنا موضوع الترند كدا وصل تمام و اتهضم
لسي اهم جزء الدعوم و المقاومات و دي فيها شغل كله
معلش يا غالي مش متابعك اوي علشان عليا امتحان يوم السبت ادعيلي
تحياتي

لسه فاضل جزء صغير جدا فى موضوع قوة الترند هنخلصه
وندخل على اهم جزء فعلا اللى هو الدعوم والمقاومات
بس طمنا الاول على الامتحان بتاع انهارده يارب تكون جاوبت كويس
...........

[العاشق]

رائع اخوي بسيوني كالعادة
وأنا متأكد انك مع مزج التحليل الفني باسلوبك المبدع مع الاخبار والتحليل الاساسي سوف تستيطع تحديد الدعوم والمقاومات بطريقة اكثر ابداعا
لكل شيء في الكون مصدر طاقة يحركه وهذا السوق مصدر الحركة فيه هو الاخبار والتحليل الاساسي
بالتوفيق يا غالي

[basuoni]

رائع اخوي بسيوني كالعادة
وأنا متأكد انك مع مزج التحليل الفني باسلوبك المبدع مع الاخبار والتحليل الاساسي سوف تستيطع تحديد الدعوم والمقاومات بطريقة اكثر ابداعا
لكل شيء في الكون مصدر طاقة يحركه وهذا السوق مصدر الحركة فيه هو الاخبار والتحليل الاساسي
بالتوفيق يا غالي

التحليل الاساسى هو الاساس بس هتعمل ايه التحليل الاساسى عايز خبره عاليه جدا
حاولت اقرا فيه بس لقيتو صعب
..........

انت عندك حق فعلا الاخبار هى وقود الشارت
والشارت ماهو الا مجموعة اخبار متراكمه ومتكتله فى شكل بيانى .. فسعر العمله هو المؤشر الرئيسى لاقتصاديات الدول
.......
وشكرا على زوقك اخى العاشق حضرتك اللى اكثر من رائع فى متابعتك ومجهودك الكبير فى تحليلاتك داخل مواضيعك
.....
تقبل خالص ودى وتقديرى

[basuoni]

بسم الله الرحمن الرحيم
.......................
نستكمل الحديث عن قوة الترند
..................

كما ذكرنا فأن قوة الحركة تعتمد على جزئين
* ثبوت الاتجاه لمده تزيد عن 10 ايام
* تحرك السعر بمقدار متوسط او اعلى من المتوسط

...................
يبقى احنا عندنا معدل زمنى 10 ايام
وعندنا متوسط حركه ( على اليورو زى ما حسبناها كانت 310 )
,,,
طيب تعالو نقسم متوسط الحركه \ على عدد الايام
310 \ 10 = 31
,,
يبقى لو استمر السعر فى الصعود لمدة 10 ايام بحيث انه يطلع فى اليوم 31 نقطه هيكون الناتج خلال 10 = 310 نقطه
,,
لو حبينا نرسمها على الشارت بشكل بارات طول كل بار 31 نقطه
هنلاقى المنظر دا



.............
هنوصل ما بين البارت خط ترند هتطلعلنا زاوية ميل الترند
السعر لو فوق خط الميل دا يبقى الاتجاه قوى وماشى اعلى من المتوسط
اما لو السعر تحت خط الميل دا يبقى الاتجاه ضعيف وماشى بقوة اقل من المتوسط
اما بقى لو السعر كان ماشى وبيلف حوالين خط الميل يبقى ماشى بقوة متوسطه



.................

ملحوظه مهمه جدا لازم نخلى بالنا منها كويس
** خط الميل دا لا يعتبر خط دعم او مقاومه ولا يعتبر خط ترند **
** خط الميل ما هو الا خط استرشادى بيقولنا الاتجاه بتاعنا دا قوى ولا ضعيف ليس اكثر .. مجرد عامل مساعد **
.................................................. ..............................................
.................................................. ..............................................

طب هنا هنلاقى الموضوع صعب شويه وهنلاقى ناس بتقول هو احنا كل شويه هنقعد نحسب متوسط حركة السعر ونجمع ونطرح وبعدين نرسم مربع ونرسم الزاويه كل دا عشان نجيب خط الميل اللى احنا اصلا مش هنستخدمه غير كعامل مساعد
هقولهم لاء مش شرط
احنا كل اللى يهمنا فى الاول وفى الاخر اننا نعرف الاتجاه بتاعنا زى ما شرحت قبل كده
اما بالنسبه لزاوية الميل مش لازم تكون بالدقه المتناهيه . لانها عمليه نسبيه بتعتمد على متوسط حركة السعر .. ومتوسط حركة السعر دائما متغير وغير ثابت
,,
يبقى عشان نسهل على نفسنا
كل اللى هنعمله حاجتين صغيرين جدا
اول حاجه
هنجيب شارت اسبوع لليورو وننزل عليه مؤشر atr
وناخد قراءة المؤشر نضربها فى 2
زى ما جبناها قبل كده وكانت ( 189 * 2 = 378)
,
تانى حاجه هنجيب شارت يوم
وهندخل على
insert
>
gann
>
gann line
ونرسم خط جان على القاع او القمه اللى قدامنا
وبعدين ندوس دبل كليك على الخط وبعدين كليك يمين وندخل على
gann line properties
>
parameters
>
هنلاقى خانه اسمها scales
>
هنكتب فيها متوسط الحركه ( 378 ) لو الاتجاه صاعد
لو الاتجاه هابط هنكتب ( -378)
,,
هنلاقى الخط اتظبط على زاوية الميل اوتوماتيك
..............................
"ملحوظه صغيره "
لو المنصه اللى بتستخدمها 4 ارقام بس هتكتب ( 37.8)
.........................
وبكده يبقى عندنا خط الميل
.....................................
يارب تكون الفكره واضحه ومحدش يتلغبط
ولو فى اى استفسار انا موجود

[eslam kamel]

بسم الله الرحمن الرحيم
.......................
نستكمل الحديث عن قوة الترند
..................

كما ذكرنا فأن قوة الحركة تعتمد على جزئين
* ثبوت الاتجاه لمده تزيد عن 10 ايام
* تحرك السعر بمقدار متوسط او اعلى من المتوسط

...................
يبقى احنا عندنا معدل زمنى 10 ايام
وعندنا متوسط حركه ( على اليورو زى ما حسبناها كانت 310 )
,,,
طيب تعالو نقسم متوسط الحركه \ على عدد الايام
310 \ 10 = 31
,,
يبقى لو استمر السعر فى الصعود لمدة 10 ايام بحيث انه يطلع فى اليوم 31 نقطه هيكون الناتج خلال 10 = 310 نقطه
,,
لو حبينا نرسمها على الشارت بشكل بارات طول كل بار 31 نقطه
هنلاقى المنظر دا



.............
هنوصل ما بين البارت خط ترند هتطلعلنا زاوية ميل الترند
السعر لو فوق خط الميل دا يبقى الاتجاه قوى وماشى اعلى من المتوسط
اما لو السعر تحت خط الميل دا يبقى الاتجاه ضعيف وماشى بقوة اقل من المتوسط
اما بقى لو السعر كان ماشى وبيلف حوالين خط الميل يبقى ماشى بقوة متوسطه



.................

ملحوظه مهمه جدا لازم نخلى بالنا منها كويس
** خط الميل دا لا يعتبر خط دعم او مقاومه ولا يعتبر خط ترند **
** خط الميل ما هو الا خط استرشادى بيقولنا الاتجاه بتاعنا دا قوى ولا ضعيف ليس اكثر .. مجرد عامل مساعد **
.................................................. ..............................................
.................................................. ..............................................

طب هنا هنلاقى الموضوع صعب شويه وهنلاقى ناس بتقول هو احنا كل شويه هنقعد نحسب متوسط حركة السعر ونجمع ونطرح وبعدين نرسم مربع ونرسم الزاويه كل دا عشان نجيب خط الميل اللى احنا اصلا مش هنستخدمه غير كعامل مساعد
هقولهم لاء مش شرط
احنا كل اللى يهمنا فى الاول وفى الاخر اننا نعرف الاتجاه بتاعنا زى ما شرحت قبل كده
اما بالنسبه لزاوية الميل مش لازم تكون بالدقه المتناهيه . لانها عمليه نسبيه بتعتمد على متوسط حركة السعر .. ومتوسط حركة السعر دائما متغير وغير ثابت
,,
يبقى عشان نسهل على نفسنا
كل اللى هنعمله حاجتين صغيرين جدا
اول حاجه
هنجيب شارت اسبوع لليورو وننزل عليه مؤشر atr
وناخد قراءة المؤشر نضربها فى 2
زى ما جبناها قبل كده وكانت ( 189 * 2 = 378)
,
تانى حاجه هنجيب شارت يوم
وهندخل على
insert
>
gann
>
gann line
ونرسم خط جان على القاع او القمه اللى قدامنا
وبعدين ندوس دبل كليك على الخط وبعدين كليك يمين وندخل على
gann line properties
>
parameters
>
هنلاقى خانه اسمها scales
>
هنكتب فيها متوسط الحركه ( 378 ) لو الاتجاه صاعد
لو الاتجاه هابط هنكتب ( -378)
,,
هنلاقى الخط اتظبط على زاوية الميل اوتوماتيك
..............................
"ملحوظه صغيره "
لو المنصه اللى بتستخدمها 4 ارقام بس هتكتب ( 37.8)
.........................
وبكده يبقى عندنا خط الميل
.....................................
يارب تكون الفكره واضحه ومحدش يتلغبط
ولو فى اى استفسار انا موجود

لا شغل علي كبير
كدا عندنا قاعده واضحه لتحديد الانجاه علشان التاثير النفسي بس
و الامتحان تمام ربنا سترها الحمد لله
تحياتي