ورشة عمل الفوليوم سبريد

[Mo3Ty]

الله ينور يااحمد
ماشاء الله عليك بتحاول توصل وهتوصل ان شاء الله
هرجع اشوفه ان شاء الله لانى موضوع الفوليوم والكلام ده واخد بالى بقالى فتره لدرجه كنت بفكر ابتدى ادور وادرس الماركت بروفايل
ربنا يوفقك يامعطى

اهلا اهلا بابو ادم المحترم .. منور الورشة والله
وانا كان الموضوع ده شاغلني اكتر من سنة لو انت فاكر ومحتاج اتعلمه.. وفعلا حيفيد مع الكلاسيك حتى فى الكسر الخطا

تقبل تحياتي

[Mo3Ty]

تمتمت زي الفل يا باشا البشوات و ربنا يكون في عونك و شكرا على الرد الحلو بارك الله فيك

يسلالالالالالالالالالالالام عليييييييييييك انت برنس والله فهمت قصدك ياكبير

طيب الحمد لله اني قدرت اوصلكم اول خطوة.. ايوة كدة عشان ندخل على الخطوة التانية ان شاء الله

[mohammed_knawy]

بسم الله الرحمان الرحيم
توكلنا على الله
لكل طريقه للتحليل نظريه لتفسير حركه السعر زى مثلا اليوت قالك 5 موجات دافعه اتجاهيه و3 تصحيحيه اما نظريه داو فقالت ان تكوين السعر لقمم وقيعان متصاعده يعنى ان الاسعار فى حركه تزايديه
اما بالنسبه لتحليل السوق بمعلوميه السيوله فتقوم نظريتها على ان صناع السوق عندما يريدون الشراء يقومون بالشراء من اقل سعر وعندما يريدون البيع يبيعون من اعلي سعر
مراحل الصعود بالسوق تتمثل فى الخطوات الاتيه
اولا يقوم صناع السوق بمارك اب يعنى صعود وطبعا عشان هما عندهم الامكانيات الى مخلياهم يعرفوا فين اماكن الشراء القديمه للمتداولين العاديين ومن مصلحتهم انهم يشتروا منهم باسعار قليله حتى يضمنوا الارتفاع الى القيمه التى يريدونها فى النهايه فالمهم قبل بيعملوا بعد المارك اب عمليه تجميع ودى الى فيها الشغل كله لانهم بيمارسوا كل الالاعيب الى بيها يضربوا استوبات المشترين ويجبروهم يبيعوا بخساره ليهم والصوره دى فيها تفسير نظريه الصعود والهبوط طبقل لل vsa

[mohammed_knawy]

نظريه تفسير حركه السعر طبقا لتحليل السوق بمعلوميه اتجاه السيوله

[mohammed_knawy]

انا اسف يا جماعه لانى مبعرفش اشرح كويس لكن موضوع تفسير حركه السوق ده اهم مافي الموضوع

[Mo3Ty]

اولاً : شكراً على الدرس الجديد يا معطى ..
ثانياً : فيه صورة فى المرفقات موجود فيها 3 تقاط مقاومة تم كسرها وفقا للشروط اللى انت شارحها .. بار اكبر من اللى قبله و شمعة اكبر من اللى قبلها .. فى الحالة (1) تم كسر مقاومة و كان الكسر صحيح مش كاذب .. حالة (2) كسر مقاومة برضه و الكسر صحيح .. حالة (3) دى فعلاً الدخول فيها صحيح حسب تحليل الفوليوم طب ليه حالة (1) و (2) غلط ؟؟
ثالثاً : هو فيه مشكلة فى المنتدى ؟
لانى كل ما اعمل انتقال للوضع المتطور او رد مع اقتباس يجيلى صفحة فاضية

اولا: شكرا لذوقك ياابراهيم .. وان شاء الله القادم افضل

ثانيا: انت مصر تجرى بيا في الشرح ههههه.. انا بس حتى الان بشرح مفاهيم لسة مدخلتش فى شغل الاوردرات وفلترة اشارات الفوليوم الخطا لان زى ما قولت مفيش اصلا اى تحليل فى الفوركس نسبة نجاحه 100% بسهولة.. ولسة كمان حنشرح النظام الى نزله أ/ على عبده.. بس حاضر من عنيا حشرحلك سريعا الى حيحصل فى شغل الاوردرات

** الفكرة كلها ان احنا لما حنشوف اشارة على فريم صغير حنفتح الاكبر نتأكد منه اول ما نلاقي فريم الصغير والكبير متفقين بنفس الاشارة حندخل الاورد.. وانت عارفني انا شخصيا بفضل فريم 4 ساعات فى استراتيجة التالتة وحتى لما جربته على الفوليوم لقيته اصدق لذلك كما بالشارت الاتي على 4 ساعات وهى نفس نقط دخولك:-

1- النقطة الاولى على 4 ساعات كان مدي باى فوليوم عالي+ مدي ففعلا دخول صحييح.. ولكن انا كتبت نقطة وده احد اول ملاحظاتي فى استراتيجية الفوليوم والتى بيقع فيها اغلب الى شرحوا الفوليوم من قبلي حتى انهم اول مايظهر لهم المعطيات ده بيدخلوا فورا بيع.. ولكن انا وجدت ان بعدها مممكن السعر يكمل فعشان اتأكد ان النقطة ده انتهى الترند وحيصحح او حيعكس اتجاه بنتظر شمعه ذات مدى صغير او بمعني اخر شمعة صغيرة حنلاقي ان الشمعة الى بعدها اغلقت بمدي اكبر+ بار فوليوم اكبر فهذه خاطئة ولم ينتهي الاتجاه بعد

2- نقطة 2 حنلاقي فعلا ان الشمعة ذات مدي كبير ولك.. بار الفوليوم كان اقل من الى قبله فلا دخول وانتظار


3- نقطة 3 : ده فعلا الوحيدة التى تطابقت ساعة مع 4 ساعات..فساعة انت شرحتها وبالنسبة 4 ساعات مدية ايضا فوليوم عالى + مدي عالي+بعدها شمعة صغيرة لذلك هنا كان الدخول السليم وبالفعل اعطت +92 نقطة ربح


ثالثا: انا عندي مفيش المشكلة ده يا ابراهيم.. انا شغال بجوجل كروم.. جربه لو انت مشغال بيه

واى استفسارات اخرى انا معاك ياباشا

[Mo3Ty]

معطي باشا الف ميروك الورشة الجديدة و الي مزيد من التقدم
باشا ممكن المؤشرات حتي نكون معاك في العملي

اهلا اخي الكريم عمر منور الورشة والله
المؤشر الى قمت بالشرح عليه النقطة الى فاتت هو موجود بالميتا تريدر نفسه باسم (volumes )
وباذن الله قريبا سأضع مؤشرات النظام الى حنشتغل عليه اول ما نخلص شرح النقط الاولى
اى استفسارات اخرى باى وقت احنا معاك
تقبل تحياتي

[Mo3Ty]

بسم الله الرحمان الرحيم
توكلنا على الله
لكل طريقه للتحليل نظريه لتفسير حركه السعر زى مثلا اليوت قالك 5 موجات دافعه اتجاهيه و3 تصحيحيه اما نظريه داو فقالت ان تكوين السعر لقمم وقيعان متصاعده يعنى ان الاسعار فى حركه تزايديه
اما بالنسبه لتحليل السوق بمعلوميه السيوله فتقوم نظريتها على ان صناع السوق عندما يريدون الشراء يقومون بالشراء من اقل سعر وعندما يريدون البيع يبيعون من اعلي سعر
مراحل الصعود بالسوق تتمثل فى الخطوات الاتيه
اولا يقوم صناع السوق بمارك اب يعنى صعود وطبعا عشان هما عندهم الامكانيات الى مخلياهم يعرفوا فين اماكن الشراء القديمه للمتداولين العاديين ومن مصلحتهم انهم يشتروا منهم باسعار قليله حتى يضمنوا الارتفاع الى القيمه التى يريدونها فى النهايه فالمهم قبل بيعملوا بعد المارك اب عمليه تجميع ودى الى فيها الشغل كله لانهم بيمارسوا كل الالاعيب الى بيها يضربوا استوبات المشترين ويجبروهم يبيعوا بخساره ليهم والصوره دى فيها تفسير نظريه الصعود والهبوط طبقل لل vsa

نظريه تفسير حركه السعر طبقا لتحليل السوق بمعلوميه اتجاه السيوله

مشاركة مهمة وغنية بالمعلومات
بارك الله فيك يامحمد
تقبل تحياتي

[Mo3Ty]

:::::::: الفرق بين الفوليوم والمدي والمصيدة 2:::::::::

** مثال اخير على النقطة ده عشان تثبت معانا .. مع بعض الملاحظات السريعة

** احنا بندور على 4 حاجات للدخول: دعم او مقاومة اتكسرت +بار فوليوم عالي + مدى عالي+ شمعة اغلقت بمدى صغير بعد شمعة الفوليوم وهنا ندخل عكس الاتجاه

** فى الشارت حنلاقي ان فى مصيدة اتكسرت لاعلى فالمحللين الفنين حيدخلوها معها شراء مباشرة.. بس الشمعة ده كانت ببار فوليوم عالي+ مدي عالي+ الشمعة الى بعدها بمدي صغير.. هنا اتحقق لينا دخول البيع عكس المحللين الفنين وعرفنا احنا انها مصيدة وكسر كاذب .. وجاب حوالي 42 نقطة من البيع

** كدة النقطة ده خلصتها وداخل انام وندخل فى نقطة جديدة بكرة ان شاء الله.. برجاء الى عنده اى استفسار فيها يكتبه عشان نكون خلصنا منها خالص ونكمل. .. وكله يبقا هضمها.. والى حابب يحط فرص يقدر يخرجها بنفس الاسلوب الى شرحته فياريت يكون افضله لان والله افضل اسلوب فى التعليم هو العملي.. انا شخصيا فاتح الموضوع ده عشان انا اتعلم اسرع وفعلا والله العظيم النهاردة وانا بشرحلكم وبشوف استفسارتكم جت كذا فكرة في دماغي وطبقتها وطلعت نتائج مبهرة... تصبحوا على خير

تقبلوا تحياتي
+معطي+

[kimoforex]

ايوة يااستاذ معطي اخيرا حبدأ معاك ورشة من اولها هههههه

وانت برنس بجد فهمت منك الفوليوم من اول شارت ربنا يباركلك

متابعين معاك ياباشا وان شاء الله نوصل لهدفنا

[mohammed_knawy]

يا ريت الشباب يصبروا شويه على الاخ معطى لان الموضوع مش استراتيجيه وشويه مؤشرات ده نظام تحليل جديد علينا و له نظرياته ومنطقه و ارجوا من الشباب عدم التسرع بعرض صور للشارت لان الموضوع به شغل نظرى كتيييييييييير اوى ولا غنى عنه بس واحده واحده وبلاش الشارت دلوقتى خالص وخليكم فاكرين كويس ان كل هدفنا اننا نحاول نتتبع اثار صناع السوق للمتاجره فى نفس اتجاههم وبتعبير بسيط الفوليوم ده عباره عن اثار اقدام صناع السوق التى لابد لنا من متابعتها لنعرف هل مازالوا متمسكين بالاتجاه الحالي ام بداوا بالالنسحاب والسير عكسه الاتجاه ام هم فى مرحله التجميع او مرحله التصريف حسب الاتجاه القائم وعلى فكره مفيش فوليوم عالي ملوش معنى وكله بالمنطق عشان الموضوع كبير وعايزين نفهم مش نحفظ
الى الاخ معطى باشا ادينا نظرى يا كبير وشوقنا للشارت

[mohammed_knawy]

ملخص بسيط لسيناريو يحدث فى السوق
اذا كان السوق في ترند صاعد و اردت ان تقوم بعملية شراء فأن صناع السوق و التحاليل الاقتصادية ستكون جيدة جدا و تشير بأن السوق في حالة انتعاشة . لو تمعنت قليلا في هذا الامر لماذا صناع السوق يشجعونك على الشراء الان ؟ هل هم يحبونك و يريدون ان تشاركهم جزء من ارباحهم ؟ ام ان عندهم الكثير من اوامر البيع و يريدون ان يتخلصوا منها ؟ ام ان عندهم نظرة مختلفة للسوق عن نظرتك و يعتقدون ان السوق سوف يبداء بترند هابط او في احسن الظروف سيدخل في حركة جانبية؟؟

و بالتالي فأنه يتم في هذه المستوى السعري عمليات شراء من قبلك و عمليات امتصاص بالبيع من قبل صناع السوق لأنه من مصلحتهم ان السعر لا يصعد و بتكرار هذه العملية يكون المدى لليوم ضيق و هذا لأنه لست وحدك من يعتقد ان السوق في انتعاشة و لكن الكثير من المتاجرين من لديهم نفس نضرتك للسوق .

و على الجهة الاخرى اذا كانت نظرت صناع السوق ان السوق صاعد ، او ليس لديهم عقود بيع كبيرة فأنه سوف يوصلوك الى قناعة بأن السوق ضعيف و انه سوف يهبط في أي وقت و بالتالي فأن السوق سوف يصعد بصوة سريعة و يكون المدى في ذلك اليوم واسع .

كما نرى انه بنظرة سريعة على مدى اليوم او البار نستطيع ان نتعرف على وجهة نظر صناع السوق الذين لديهم نظرة على كل جوانب السوق و هذا ما يميزهم عنك انت .

في كثير من الاحيان ستجد ان السوق افتتح على فجوة ( جاب ) في سوق ضعيف ( تعرف انه سوق ضيف من خلال السيولة ) ، اريد ان انوه هنا ان الجاب يختلف اختلافا كبيرا عن البار الصاعد ذو المدى الواسع ، الجاب يحدث بسرعة كبيرة و يكون عادة مع افتتاح السوق و يكون لديه ايحائات نفسية للمتاجرين ، حيث ان هذه الحركة للسعر تؤدي الى عدة امور :

1- لجر المتاجرين الذين لديهم معلومات قليلة الى الدخول في عمليات شراء خاطئة .
2- لضرب وقف الخسارة للذين اختارو الاختيار الصحيح و قاموا بعمليات بيع و اخراجهم من السوق .
3-لأيهام الذي لم يدخل السوق بعد انه قد تفوته فرصة قوية جدا اذا لم يدخل الان في السوق بعمليات شراء و قد تكون هذه العمليات بسيولة كبيرة .


بهذا نكون قد بدائنا الدخول في الحيل التي يقوم بها صناع السوق و ان شاء الله سنشرح بأستفاضة اكثر في القريب العاجل.....

[adham shaalan]

أيووووووووووووة كدة يا كبير
كان فين الكلام ده من زمان خلينا بقى نعمل مصيدة للناس اللى بهدلتنا دى
وخسرتنا

[kid_ag]

السلام عليك


موضوع vsa قوي جدا واهم شيء فيه انه يقول لك وقت الدخول المناسب .. عند احترافه راح تشعر ان السوق يكلمك ويقول لك متى تدخل ومتى تخرج او تعكس مراكزك .... وهو لوحده فعال جدا للمتاجره اليوميه ابو 20 - 30 نقطه على السريع.

بالنسبه لافضل ميتا تريدر لقراة الفوليوم . انصحكم بتجريب اجاكس ميتاتريدر لانها شركه ecn ومتصله بعدة احواض سيوله اضافه الى عدة بنوك. بحيث لها القدره على توفير معلومات المتسوى الثاني والثالث (للحسابات الحقيقه). لكن الفوليوم على الديمو مطابق للحقيقي

http://en.wikipedia.org/wiki/MT4_ECN_Bridge

لتحميل المنصه
http://www.ajaxfinancial.com/?wpdmac...d=OC5ob3RsaW5r

اذا سمح لي الوقت سوف اشارك معكم ان شاء الله فانا ايضا مازلت اتعلم هذا التحليل.

اتمنى لكم التوفيق

[kid_ag]

مرفق لكم مؤشر hlc bars

high - low - close only