سؤال مهم لاهل الخبرة بخصوص الية عمل الفوركس و لا مركزيته

[zelenko]

اقصد يا اخى اغلب العملات تحدد قيمتها امام الدولار و الكروسات تحسب قيمتها من خلال عمليات حسابيه من خلال قيمتها بالدولار
لنفترض مثلا ان كل الشركات فى مصر قررت التعامل مع اوروبا و الاستيراد منها بالتالى سوف يزيد الطلب داخل مصر على اليورو البنك المركزى المصرى هو المسئول عن توفير اليورو لهؤلاء اما من خلال الااحتياطى الاجنبى وده طبعا يتم اللجوء له فى حالات الطوارئ او من خلال المركزى الاوروربى اى ان كل الطلبات على اليورو سوف تذهب للمركزى الاوروبى و على اساس حجم العرض و الطلب يتم تحديد سعر اليورو امام الدولار وباقى العملات يحدد سعرها بالنسبه لليورو حسب قيمتها بالدولار طبعا كل هذا يتم فى ثوانى من خلال نظم الاتصالات الحديثه

قبل اي حاجة انا مستمتع بالنقاش مع حضرتك
بص ياسيدي

المثال بتاع حضرتك انا ليا عليه تعليق
دلوقتي احنا 100 مستثمر مصري روحنا للبنك المركزي المصري و فلناله عايزين تريليون يرور مثلا

البنك هايعمل احد هذه الخيارات :
1- لو هو عنده التريليون ده هيعمل حاجة من اتنين : يا اما يديهولك بنفس السعر يعني مثلا قبل ما نطلب الترليون اليورو كان بستة جنيه مصري و لما جيت تطلب التريليون هيديهولك برضه بستة جنيه و طبعا ده في الاحلام لانه لازم يكسب
ده يودينا للاحتمال التاني انه لازم يكسب فهيقوم مديك التريليون ده بسعر سبعة جنيه مصري لليورو الواحد بس فيه نقطة هنا و هي ان سعر اليورو دولار ثابت عالميا في اللحظة دي لان المركزي المصري ما بعتش الطلب ده للسوق العالمي و انت كدة يا بنك يا مركزي يا مصري غيرت سعر الجنيه /يورو محليا يبقي لازم يغير معاه قيمة الجنيه /دولار عشان تبقي المعادلة موزونة
بس فيه نقطة هنا و هي ان السوق العالمي ما عديتش عليه العملية دي لذلك لو السيناريو ده حصل هتلاقي سعر اليور في مصر سبعة جنيه و في السوق العالمي 6 جنيه و ده طبعا غير منطقي مما سيؤدي بنا للسيناريو التاني

2- البنك المصري هياخد طلبك للسوق العالمي و هنا فيه خطأ غير مقصود منك يا دكتور و هو انك قلت انه هيروح للمركزي الاوروبي يطلب يورو و هنا غلطة : مين قال ان المركزي الاوروبي بس هو اللي عنده يورو او هو بس اللي حاطط طلبات بيع يورور بالعكس انت هتلاقي الف جهة حاطة اوامر بيع يورو هتلاقي بنوك مركزية ممكن و صناديق تحوط و محافظ من الضخمة و مؤسسات استثمارية و بنوك تجارية و افراد و الطلبات بتاعت شركات الاي سي ان كل دول ممكن تلاقيهم عندهم بيع لليورو و انت طبعا هتختار اقل سعر و لو مكفاش هتروح للاعلي منه و هكذا
طب افرض المركزي المصري راح للمركزي الاوروبي علي طول و طلب منه هنا المركزي الاوروبي هياخد طلبك و يرميه للسوق العالمي و ينفذهولك و هياخد عمولة ليه لانه لو نفذ الامر بينه و بين المركزي المصري بس يبقي كدة هنلاقي سعرين مختلفين للجنيه/يورو سعر في السوق العالمي و سعر عند المركزي الاوروبي

ارجو تكون الفكرة وصلت

و نرجع و نقول فين هو او ايه هو هذا المكان الذي تتجمع فيه كل الاوامر ؟؟؟ او اين هي مقاصة الفوركس العالمية

[dr_moh_madkor]

تكرم لذوقك يا غالى
انا قصدى ان كل بنك مركزى لديه مقاصه خاصه به
لنفترض ان المركزى المصرى ذهب لوسيط يشترى منه و الوسيط ده معندوش كفايه هيجيب منين من وسيط تانى اكيد طيب لو الوسيط التانى برده معندوش يبقى لازم كلهم يروحة فى الاخر للمركزى الاوروبى
يعنى لو الطلب اد العرض يبقى الموجود فى السوق هيغطى المطلوب و السعر هيفضل ثابت و البنك المركزى مالوش اى علاقه
لكن لو الطلب زاد عن العرض يبقى لازم نروح نجيب من المصدر الرئيسى و هنا المصدر ده اللى هو المركزى هو اللى يحدد السعر و كل وسيط بعد كده يزود عمولته على السعر علشان كده البنوك المركزيه لا يمكن تخسر لانها تبيع بالغالى و تشترى بالرخيص امتى بقى تخسر لو قررت ربط العمله هنا هى تغطى فارق السعر من عندها

[zelenko]

اسمح لي اخي الكريم ان اعيد تعريف كلمة لا مركزية في سوق الفوركس العملات

المركزية للاسواق تشمل المركزية الزمنية والمركزية المكانية في اسواق العملات لا يوجد مقر واحد يتداول فيه 24 ساعة الناس تحتاج الى النوم يا اخي الكريم وليس معقول ان تفتح بنوك في اي دولة 24 ساعة او تفتح الجهات الرقابية شغالة 24 ساعة في دولة واحدة

الان اذا سالت اين مركز سوق العملات الان ارد عليك ما هو الزمن الذي تسأل فيه فاذا سالت في الساعة 3 صباحا بتوقيت مكة المكرمة فمركز الفوركس هو البنوك الاسترالية واليابانية والعاملة فيها من فروع لبنوك امريكية واوربية والجهة الرقابية في ذلك السوق هي البنوك المركزية العاملة في استراليا واليابان ونيوزلندا

وبما ان البنوك العاملة في تلك الدول في بداية الصباح وبداية يوم جديد فتداول العملات بين بنوكها وشركاتها يكون عالي جدا وهناك تذهب جميع العروض والطلبات من جميع دول العالم


ولذلك ترى اكبر بنوك العالم لديها فروع في جميع الدول الكبرى وتعمل فروعها 24 ساعة على مستوى العالم يغلق فرع البنك في امريكا ويفتح فرعه في نيوزلندا وهكذا

الساعة ال 10 صباحا بتوقيت مكة المكرمة تبدأ مركزية الفوركس تنتقل من دول اسيا الى دول اوربا الهيئات الرقابية البنوك المركزية في الدول الاوربية واكبر لاعبين هم البنوك التجارية الاوربية والاجنبية التي لديها فروع في اوربا

الساعة 4 عصرا بتوقيت السعودية تنتقل مركزية الفوركس الى امريكا الهيئات الرقابية البنوك المركزية في امريكا واكبر لاعبين هم البنوك التجارية الامريكية والاجنبية التي لديها فروع في امريكا



الامر اشبه بشخص موجود في مدينة جدة مثلا الساعة 10 ليلا وقام بشراء ذهب من محلات الذهب واراد بيعه الساعة 4 فجرا والمحلات مغلقة فلم يستطع لكن هناك اشخاص في نفس الوقت في دول اخرى يستطيعون بيع الذهب لان المحلات مفتوحة والوقت لديهم نهار وفي نفس المثال لاحظ اختلاف الجهات الرقابية فكل دولة لها جهات تنظم بيع الذهب والتجارة فيه

سوق الفوركس له مركزية زمانية ومكانية والدليل على جميع كلامي هي فترات السوق المختلفة الفترة الاسيوية تختلف عن الفترتين الاوربية والامريكية من حيث التذبذب في الاسعار

كلام رائع

بص يا سيدي احنا ممكن نلخص الكلام ده ببساطة و هو مثلا ان البنوك الاوربية موجودة في السوق 24 ساعة و لكن الشغل الجامد بيحصل لما الفروع الرئيسية اللي في اوروبا بتفتح و ده ما يمنعش ان الفروع بتاعت اسيا و استراليا مالهاش لازمة لا هي ليها لازمة و بتراقب السوق و مستعدة لاتخاذ القرارات لغاية ما اوروبا تفتح

و زي ما حضرتك قولت بالضبط اي نعم الاوروبيين نايمين دلوقتي و لكن ليهم افرع لبنوكهم فاتحة في دول تانية

اذن معني كدة ان التواجد الاسترالي و الامريكي و البريطاني و السويسري ... الخ موجود علي مدار ال24 ساعة

و لكن قوة بنوك دولة معينة بتظهر اكتر في ساعات عمل هذه الدولة و لكن سواء التعاملات بتتم في الفترة الامريكية او الاسيوية ايه هو المكان اللي بحصل فيه مقاصة بينهم ؟؟

يعني في الفترة الاسيوية فيه بنك ياباني عايز يبيع يورو هل مثلا نقول انه لازم يكون الطرف التاني ياباني ؟؟
لا طبعا هيلاقي طرف اوروبي و طرف استرالي و طرف امريكي و طرف سويسري ...الخ

ايه بقي هو المكان اللي بتجتمع فيه كل الطلبات دي

و برضه اكيد البنوك المركزية ليها حاجة زي كدة بحيث تتواجد 24 ساعة في السوق

و الا مثلا كنا هنلاقي في فترة اسيا و السويسري المركزي قافل ممكن الاسيوين يكسروا حاجز ال 1.2 لليورو فرنك

بس ده مش بيحصل بسبب حاجة من اتنين

1- ان المركزي السويسري له فروع تراقب السوق 24 ساعة و مستعدة ان تبيع الفرنك لاي حد يشتريه و بذلك تحافظ علي ثبات حاجر ال 1.2

2- ان المركزي السويسري حاطط اوامر معلقة كتير عند نقطة ال 1.2 عشان اي حد عايز يشتري يقوم البينديج اوردر متفعل علي حسب الحجم اللي هو طالبه

و طبعا المثال ده يطبق علي جميع العملات

و برضه يقودنا لنفس السؤال :

لو كان الاحتمال رقم 1 هو الصح طب ايه المكان او الجهة المركزية التي تستقبل كل اوامر شراء الفرنك و المركزي السويسري قاعد مراقبها و عمال يبيع هو للمشترين

ولو كان الاحتمال رقم 2 هو الصح طب ايه هو المكان المركزي اللي السويسري المركزي حاطط فيه البندينج اوردرز بتاعته عشان تقابل كل طلبات الشراء من كل انحاء العالم ؟؟؟


و فعلا هو سوق غير مركزي لانه مالوش مبني خرساني من الطوب و ممكن نجتمع فيه

و لكن المكان المركزي ده اليكتروني

اذن الفروكس غير مركزي خرسانيا و لكنه مركزي الكترونيا


ما هو و اين هو هذا المركز الاليكتروني ؟؟؟؟؟؟؟؟؟؟ظ

[zelenko]

تكرم لذوقك يا غالى
انا قصدى ان كل بنك مركزى لديه مقاصه خاصه به
لنفترض ان المركزى المصرى ذهب لوسيط يشترى منه و الوسيط ده معندوش كفايه هيجيب منين من وسيط تانى اكيد طيب لو الوسيط التانى برده معندوش

ما هو ده مش صح لان كدة الموضوع هيبقي عامل زي السوق السودا و ساعتها هتلاقي سعرين مختلفين سعر داخل البلد و سعر عالمي زي المثال اللي قلتهولك بتاع التريليون دولار

يبقى لازم كلهم يروحة فى الاخر للمركزى الاوروبى

مين قال انهم هيروحوا للمركزي الاوربي علي طول هما هيروحوا للسوق العالمي اللي فيه كل الناس و بفرض انهم راحوا للمركزي علي طول هيقوم هو واخد طلباتهم و يرميها للسوق يا اما لو تعامل معاك مباشرة هيبقي كانه عامل زي سمسار السوق السوداء و بكدة هيديك انت شخصيا اليورو بسبعة جنيه في حين انه علي كل المنصات عالميا هيكون اليورو بستة جنيه
بص يا حاج علشان اليور ينتقل من ستة جنيه لسبعة جنيه لازم كل الاوردرات اللي في النص تتوفي عالميا يعني المركزي الاوروبي عنده مليار يورو علي سعر ستة جنيه روحت انت طالبهم و قلتله عايز مليار تاني قالك عندي بس علي سبعة جنيه بس في نفس الوقت كان المركزيالياباني عارض يورو علي ستة و نص يبقي الامر بتاعك هيروح للمركزي الياباني و بعدها قلت له عايز مليار كمان قالك عندي بس علي سبعة جنيه و لكن في نفس الوقت كان فيه صندوق تحوط عارض علي 6.8 هتقوم واخد منه و هكذا ...الخ و بعد كدة تيجي تطلب تاني تلاقي كل الناس عندها بسبعة جنيه و بكدة السعر بقي موحد عالميا فهمتني
يعنى لو الطلب اد العرض يبقى الموجود فى السوق هيغطى المطلوب و السعر هيفضل ثابت و البنك المركزى مالوش اى علاقه

ايه بقي هو السوق هو ده اللي انا عايز اعرفه اديك وقعت بلسانك هههههههههه

لكن لو الطلب زاد عن العرض يبقى لازم نروح نجيب من المصدر الرئيسى و هنا المصدر ده اللى هو المركزى
مفيش مصدر رئيسي لان محدش بيطبع يورو علي الفاضي لانه مش منتج ممكن نجيبه من المصنع لكن ممكن نقول انه عنده اكبر رصيد بس ده مش شرط ما انت عندك الصين عندها احتياطي سندات للدولار اكتر من امريكا نفسها و ممكن في ثانية الصين تنسف اقتصاد امريكا
هو اللى يحدد السعر و كل وسيط بعد كده يزود عمولته على السعر علشان كده البنوك المركزيه لا يمكن تخسر لانها تبيع بالغالى و تشترى بالرخيص امتى بقى تخسر لو قررت ربط العمله هنا هى تغطى فارق السعر من عندها

اجاباتي في الاقتباس

[dr_moh_madkor]

الصراحه انا كده معنديش رد و سؤالك كده صعب على كتير
انا متابع معاك لغايه لما تجد رد مقنع بس ياريت متبخلش علينا بالاجابه يا استاذ عصام
على فكره انا متابعك فى المنتدى ومع دكتور جمال و بتعجبنى افكارك جدا

[zelenko]

الصراحه انا كده معنديش رد و سؤالك كده صعب على كتير
انا متابع معاك لغايه لما تجد رد مقنع بس ياريت متبخلش علينا بالاجابه يا استاذ عصام
على فكره انا متابعك فى المنتدى ومع دكتور جمال و بتعجبنى افكارك جدا

ربنا يخليك يا باشا ارجو انك تكون اقتنعت فعلا بكلامي مش مجرد انك زهقت مني ههههههههههههه

[zelenko]

طرحت الموضوع في فوركس فاكتوي

و كانت هذه اجابات الاعضاء

http://www.forexfactory.com/showthread.php?t=375796

[ahmedphen0m]

انا برده قريت الردود و للاسف مفهمتش معظم الكلام اللي فيها ههههههههههههههههههه


واضح ان حتي الاجانب مش فاهميين الية عمل السوق.....

بالتوفيق فيما تبحث عنه يا حبي