سؤال مهم لاهل الخبرة بخصوص الية عمل الفوركس و لا مركزيته

[zelenko]

برافو عليك يا دكتور عصام انت جبت المختصر والمفيد ,, وفي نظري حتى لو لم نستفد مما تعلمناه في متاجرتنا بصورة مباشرة او لم نستوعب بصورة دقيقة كل هذه المعطيات والاليات التي يعمل بها سوق الفوركس ولكن على اقل تقدير لو استوعبت بشكل عام كيف يعمل هذا السوق وما هي العوامل المؤثرة فيه حقيقة فهذا اقله سوف يحميك كمتداول من الوقوع في بعض المفاهيم الخاطئة والتي تكاد تكون اوهاما وادعاءات التي يروج لها البعض سواء بقصد او دون قصد مثل من يؤكد ويقسم ويحسم ويجزم بان السعر ذاهب الى هذا الرقم او ذاك لانه كسر المستوى الفلاني او اغلق فوق الخط الفلاني او لوجود النموذج الفلاني لانك ببساطة تكون قد فهمت ما الذي يحرك ويؤثر في الاسعار وفي حركة السوق .

حبيب قلبي
الحمد لله اني لقيت حد يقتنع بكلامي ههههههه

علي فكرة انا اصلا من اول ماحطيت الموضوع و انا متوقع هجوم و تريقة قد كدة
بس الحمد لله لغاية دلوقتي كله تمام

و ياريت يا باشا لو تبحث معايا عن اي حاجة تفيد في الموضوع ده

[zelenko]

انت عارف برضه احنا عاملين زي ايه

زي واحد راح يشتغل شغلانة

فلما استلم الشغل بتاعه الناس اللي اقدم منه في الشغل قالوله بص لما يحصل كذا تعمل كذا و لما يحصل كذا تعمل كذا

و فعلا هو بينفذ زي ما قلوله و الشغل ماشي تمام و بيقبض مرتبه اخر الشهر

لكن هو مش عارف الكذا ده بيتعمل ليه و عشان ايه او بتاع ايه اصلا

لغاية ما يحصل موقف هما ما قالولوش عليه يقوم يتبرجل و يتلخبط و يبوظ الشغل كله

ارجو تكون الفكرة وصلت

[zelenko]

مثال كمان ههههههههههه معلش خنقتكم

احان عاملين زي واحد كان بايت مثلا برة بيته عند واحد صاحبه

و صحي من النوم مصدع فتح التلاجة لقي شريط برشام قام واخد منه قرص علي طول من غير ما يعرف بتاع ايه

بعد خمس الصداع راح قام صاحبنا اتبسط قوي و حفظ اسم البرشام

و كل ما يجيله صداع يروح يشتري شريط من الصيدلية

المهم بعد خمس سنين الراجل بدأ يشتكي بجنبه راح كشف لقي عنده فشل كلوي عملو له تحاليل لقي ان السبب هو انه بيتناول مادة معينة بقاله فترة طويلة
سالوه انت بتاخد علاج معين من كذا سنة قالهم لا مفيش غير الدواء ده بتاع الصداع

الدكتور بص علي اسم الشريط و قام مبرق و قال له الله يخرب بيتك مين قالك ان ده بتاع صداع ده دواء للسرطان و من اعراضه الجانبية انه لو فيه صداع عند الواحد بيروح و لكن من اثاره ااجانبية برضه انه بيجيب فشل كلوي عشان كدة ما ينفعش تستعمله

اهه احنا كدة جربنا حاجة و لقيناها نفعت معانا و كسبتنا فترة طويلة بس للاسف الحاجة دي مش هي المخصصة للمكسب الصح عشان كدة في النهاية بيزورك المارجن

احنا بنعالج السوق بعلاج غير العلاج الصحيح له اي نعم العلاج الغلط ده بيجيب نتيجة و لكن نتيجة مؤقتة تتبعها كوارث خطيرة

ارجو تكون الفكرة وصلت

[zelenko]

upppppppppppppppppppp

[forex king]

فيه حاجه تانية مهم
اذاى سوق يكون كل اللى موجودين فيه مضاربين يعنى مين اللى بيستهلك العمله او محتاجها لغرض غير المضاربة وكام نسبتهم فى السوق بالظبط
يعنى ايه تجار الجملة اللى هما البنوك يبيعونا عملة عشان نرجع بعد شويه ونبعهالهم تانى ونكسب ياما هم هبل او احنا بس اعتقد ان احنا
السناريو اللى انا برجحه هو كالاتى
تخيلوا انى انا تاجر الجملة البنوك وانتو بتعوا التجزئة المفروض يبقى فيه طرف ثالث فين هذا الطرف طبعا مافيش لا انتوا الطرف التانى والثالث
مثلا انتو شايفين ان الدولار هيرتفع وبناء عليه اشتريتوا الدولار وكل ما تشتروا انا ابيع لكم الا ما لا نهايه لانى امتلك السيولة فانا العرض وانتم الطلب فالعرض اكبر من الطلب سينخفض الدولار ولا تستطيعون تحمل انعكاس السعر ولن تحتفظوا بالدولار فغرضكم هو المضاربة ولا يوجد طرف ثالث ثم يبدأ البيع وضرب الاستوبات وكل ما تبيعوا انا اشترى منكم برضوا الا ما لانهاية ويتكرر نفس السناريو ويزيد الطلب اللى هو انا ويرتفع السعر بالتناوب بين الحالتين
قد يصادف انك تكون فى طرف البنوك فى تريدة او اكتر فتربح ولاكن فى الاغلب انت مع الاغلبية فى الطرف المقابل لذلك 90% خاسر

[zelenko]

فيه حاجه تانية مهم
اذاى سوق يكون كل اللى موجودين فيه مضاربين يعنى مين اللى بيستهلك العمله او محتاجها لغرض غير المضاربة وكام نسبتهم فى السوق بالظبط
يعنى ايه تجار الجملة اللى هما البنوك يبيعونا عملة عشان نرجع بعد شويه ونبعهالهم تانى ونكسب ياما هم هبل او احنا بس اعتقد ان احنا
السناريو اللى انا برجحه هو كالاتى
تخيلوا انى انا تاجر الجملة البنوك وانتو بتعوا التجزئة المفروض يبقى فيه طرف ثالث فين هذا الطرف طبعا مافيش لا انتوا الطرف التانى والثالث
مثلا انتو شايفين ان الدولار هيرتفع وبناء عليه اشتريتوا الدولار وكل ما تشتروا انا ابيع لكم الا ما لا نهايه لانى امتلك السيولة فانا العرض وانتم الطلب فالعرض اكبر من الطلب سينخفض الدولار ولا تستطيعون تحمل انعكاس السعر ولن تحتفظوا بالدولار فغرضكم هو المضاربة ولا يوجد طرف ثالث ثم يبدأ البيع وضرب الاستوبات وكل ما تبيعوا انا اشترى منكم برضوا الا ما لانهاية ويتكرر نفس السناريو ويزيد الطلب اللى هو انا ويرتفع السعر بالتناوب بين الحالتين
قد يصادف انك تكون فى طرف البنوك فى تريدة او اكتر فتربح ولاكن فى الاغلب انت مع الاغلبية فى الطرف المقابل لذلك 90% خاسر

كلام جميل و تفكير رائع و خارج الصندوق و فكرة جديدة تحتاج للبحث ايضا

و برضه عايزين نعرف المكان اللي بيحصل فيه تجميع الاوردرات عالميا و بعد كدة الكبار يضربوا ستوب الصغار

[ahmedphen0m]

بص يا احمد انت عارف احنا عاملين زي ايه ؟؟

عارف الصيدليات طبعا

مين بيشتغل فيها ؟؟

المفروض صيدلي صح كدة

بس طبعا بنلاقي ساعات كتير ان اللي واقف في الصيدلية مش صيدلي ممكن واحد معاه دبلوم او ايا كان


بس الفكرة انه برضه بتاع الدبلوم بيبقي شاطر و فاهم و بيعرف يقرا روشتات زي الصيدلي بالضبط

امال ايه الفرق

الفرق ان الصيدلي فاهم اما صاحبنا التاني حافظ

فيوم لما يحصل موقف يكون محتاج علم الصيدلة ساعتها الصيدلي هيسد في الموقف ده

اما صاحبنا الشاطر الجميل اللي مش صيدلي اللي بقاله 10 سنين شغال زي الفل و عمره ما غلط في روشتة ممكن في الحتة دي يموت المريض

هو ده اللي احنا فيه كلنا

بنستعمل حاجات زي الموفنجات و مؤشرات و مش عارف ايه و حاجات كتير جداااااااا و بنكسب بيها بس ممكن تيجي مرة تمرجن

عارف ليه لان السوق اصلا مش بيعتمد علي الحاجات دي

بس احنامن ساعة ما عرفنا الفوركس و مالقيناش غير الحاجات دي قدامنا و لاحظنا ان الادوات دي السعر بيحترمها فنقوم عاملين استراتيجية تعتمد عليها

و فعلا بتنجح الاستراتيجية و لكن بيجي وقت و بتروح في داهية

يعني انت مثلا متخيل ان جورج سورس حاطط قدامه ستوكاستيك و تقاطع موفنج ؟؟

و لا مثلا وارين بافيت راسم ترند و مستنيه يتكسر ؟؟

و لا البنك المركزي الاوروبي حاطط سي سي اي و ار اس اي و معاهم خط دعم و مقاومة و مستنيه يتكسر ؟؟؟

و لا برنانكي مثلا راسم فيبو و مستني السعر يصحح لنسبة 61 عشان يخش ؟؟؟

يا احمد لازم نفهم اساس السوق عشان ما نبقاش زي صاحبنا بتاع الدبلوم اللي شغال زي الفل فترة طويلة بس ممكن يغلط و يموت بني ادم بسبب عدم علمه

اوعي تزعل مني انا مش قصدي و الله حاجة وحشة لكن انا بقول وجهة نظري

كلامك سليم و صح و هو ده المفروض
بس فسه فرق كبير بين المفروض و الواقع
انا عايش فالواقع و بستفيد منه علي قد مااقدر.....

بالتوفيق

[zelenko]

كلامك سليم و صح و هو ده المفروض
بس فسه فرق كبير بين المفروض و الواقع
انا عايش فالواقع و بستفيد منه علي قد مااقدر.....

بالتوفيق

ماشي يا حاج ما انا برضه الواقع ده انا كمان عايشه معاك و بكسب بس لغاية امتي ؟؟؟؟ و يا تري اللدغة القاتلة هتيجي امتي ؟؟

احنا اي نعم مش في ايدينا دلوقت غير الدواء الغير صحيح

بس مش معني كدة ان احنا ما ندورش علي الدواء الصحيح

انت مش ساعات لما بيكون فيه دواء مهم عايزه و تروح صيدلية يقولك ده ناقص في السوق خد البديل مش انت بترفض و بتقعد تلف كل صيدليات مصر لغاية ما تجيبه

نفس الموضوع مش الفوركس ده حلمك و حلمي و حلم كل اللي دخله ؟؟

طب ليه ما نتعبش عشان نحقق الحلم ده صح ؟؟

بدل ما نمشي في سكة اخرتها مش كويسة حتي لو كانت السكة نفسها كويسة لبعض الوقت و في الاخر الحلم يتحطم

[dr_moh_madkor]

اخى اعتقد ان كل دوله هى اللتى تحدد سعر العمله بتاعتها من خلال البنك المركزى الخاص بها و هذا السعر لا يتم تحديده بشكل عشوائى
فاما ان تقوم بربط العمله و ترك مجال ضيق تتحرك فيه مثلما تفعل اغلب الدول او ان تقوم بتحريرها
فى حاله تحرير العمله فتحديد السعر يتم بناء على العرض و الطلب على العمله من خلال البنك المركزى لها

[zelenko]

اخى اعتقد ان كل دوله هى اللتى تحدد سعر العمله بتاعتها من خلال البنك المركزى الخاص بها و هذا السعر لا يتم تحديده بشكل عشوائى
فاما ان تقوم بربط العمله و ترك مجال ضيق تتحرك فيه مثلما تفعل اغلب الدول او ان تقوم بتحريرها
فى حاله تحرير العمله فتحديد السعر يتم بناء على العرض و الطلب على العمله من خلال البنك المركزى لها

شكرا لمشاركتك يا دكترة

و لكني اعتقد ان الامر غير ذلك

فهل تقصد اني اذا تعاملت مع اليورو فان اوامري تذهب للمركزي الاوروبي و اذا تعاملت بالين فان اوامري تذهب للمركزي الياباني و ماذا سيكون دور الفيدرالي الامريكي هل سيكون له دخل و افرض بقي اني بتعامل علي كروس مثلا زي المجنون فياتري الاوامر هاتتنفذ فين في المركزي الياباني و لا المركزي البريطاني ؟؟

و موضوع الربط ده معنا ان البنك المركزي للدولة دي واقف بسيولة عالية عند سعر معين عشان يثبت السعر عندها زي اليورو فرنك كدة
بس خلي بالك لو جت سيولة اعلي من سيولة البنك المركزي هتكسر الربط ده غصب عنه زي ما جورج سوروس دمر المركزي البريطاني قبل كدة

اما في حالة تحرير العملة كما قلت انت و هو الموجود علي اغلب العملات فانه بالفعل الذي يحدد السعر هو العرض و الطلب و لكن لابد من مكان تجتمع فيه كل اوردارت البيع و الشراء حتي نري ايهما اكثر و يسير السعر في اتجاهه

ايه هو المكان ده ؟؟؟؟؟؟ اعتقد انه ليس البنك المركزي لتلك الدولة

[dr_moh_madkor]

مثال لما قلته سويسرا قررت تحديد عملتها 1.2 يورو اى انها مهما زاد الطلب على الفرنك هى سوف تبيعه بهذا السعر و كلما زاد الطلب زادت قيمه الفرنك اى انها تبيعه باقل من قيمته الحقيقيه و هى تتحمل الخساره

[dr_moh_madkor]

اقصد يا اخى اغلب العملات تحدد قيمتها امام الدولار و الكروسات تحسب قيمتها من خلال عمليات حسابيه من خلال قيمتها بالدولار
لنفترض مثلا ان كل الشركات فى مصر قررت التعامل مع اوروبا و الاستيراد منها بالتالى سوف يزيد الطلب داخل مصر على اليورو البنك المركزى المصرى هو المسئول عن توفير اليورو لهؤلاء اما من خلال الااحتياطى الاجنبى وده طبعا يتم اللجوء له فى حالات الطوارئ او من خلال المركزى الاوروربى اى ان كل الطلبات على اليورو سوف تذهب للمركزى الاوروبى و على اساس حجم العرض و الطلب يتم تحديد سعر اليورو امام الدولار وباقى العملات يحدد سعرها بالنسبه لليورو حسب قيمتها بالدولار طبعا كل هذا يتم فى ثوانى من خلال نظم الاتصالات الحديثه

[zelenko]

مثال لما قلته سويسرا قررت تحديد عملتها 1.2 يورو اى انها مهما زاد الطلب على الفرنك هى سوف تبيعه بهذا السعر و كلما زاد الطلب زادت قيمه الفرنك اى انها تبيعه باقل من قيمته الحقيقيه و هى تتحمل الخساره

كلام جميل
انا ما يهمنيش هما يخسروا و لا لأ

اللي يهمني

سويسرا بقي بتبيعه فين ؟؟ و حاطة اوردرات بيع الفرنك فين ؟؟؟؟ و انا لما بشتري فرنك ايه المكان اللي بيجتمع فيه الاورد ر بتاعي مع اوردرات المركزي السويسري ؟؟؟ انت دلوقتي عندك مشترين للفرنك من كل انحاء العالم كل اوردراتهم بتتجمع في مكان واحد و المركزي السويسري اكيد عارف المكان ده و شايفه و شايف كمية الاوردرات و بيخش هو كمان يوفي الاوردرات دي و يخش عكسها عشان كدة السعر ثابت

فاكر انت من شهر كدة المستوي 1.2 تم اختراقة ب 10 بيب و السعر رجع تاني عارف ليه لان جهة ما دخلت شراء للفرنك بكمية كبيرة مفاجئة و اول ما المركزي السويسري خد باله علي طول دخل العكس و السعر رجع تاني فوق 1.2

نرجع لنفس السؤال ما هو المكان المركزي الذي تتجمع فيه كل اوردرات العالم و يحصل بينها المقاصة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟

[genral2010]

اسمح لي اخي الكريم ان اعيد تعريف كلمة لا مركزية في سوق الفوركس العملات

المركزية للاسواق تشمل المركزية الزمنية والمركزية المكانية في اسواق العملات لا يوجد مقر واحد يتداول فيه 24 ساعة الناس تحتاج الى النوم يا اخي الكريم وليس معقول ان تفتح بنوك في اي دولة 24 ساعة او تفتح الجهات الرقابية شغالة 24 ساعة في دولة واحدة

الان اذا سالت اين مركز سوق العملات الان ارد عليك ما هو الزمن الذي تسأل فيه فاذا سالت في الساعة 3 صباحا بتوقيت مكة المكرمة فمركز الفوركس هو البنوك الاسترالية واليابانية والعاملة فيها من فروع لبنوك امريكية واوربية والجهة الرقابية في ذلك السوق هي البنوك المركزية العاملة في استراليا واليابان ونيوزلندا

وبما ان البنوك العاملة في تلك الدول في بداية الصباح وبداية يوم جديد فتداول العملات بين بنوكها وشركاتها يكون عالي جدا وهناك تذهب جميع العروض والطلبات من جميع دول العالم


ولذلك ترى اكبر بنوك العالم لديها فروع في جميع الدول الكبرى وتعمل فروعها 24 ساعة على مستوى العالم يغلق فرع البنك في امريكا ويفتح فرعه في نيوزلندا وهكذا

الساعة ال 10 صباحا بتوقيت مكة المكرمة تبدأ مركزية الفوركس تنتقل من دول اسيا الى دول اوربا الهيئات الرقابية البنوك المركزية في الدول الاوربية واكبر لاعبين هم البنوك التجارية الاوربية والاجنبية التي لديها فروع في اوربا

الساعة 4 عصرا بتوقيت السعودية تنتقل مركزية الفوركس الى امريكا الهيئات الرقابية البنوك المركزية في امريكا واكبر لاعبين هم البنوك التجارية الامريكية والاجنبية التي لديها فروع في امريكا



الامر اشبه بشخص موجود في مدينة جدة مثلا الساعة 10 ليلا وقام بشراء ذهب من محلات الذهب واراد بيعه الساعة 4 فجرا والمحلات مغلقة فلم يستطع لكن هناك اشخاص في نفس الوقت في دول اخرى يستطيعون بيع الذهب لان المحلات مفتوحة والوقت لديهم نهار وفي نفس المثال لاحظ اختلاف الجهات الرقابية فكل دولة لها جهات تنظم بيع الذهب والتجارة فيه

سوق الفوركس له مركزية زمانية ومكانية والدليل على جميع كلامي هي فترات السوق المختلفة الفترة الاسيوية تختلف عن الفترتين الاوربية والامريكية من حيث التذبذب في الاسعار

[dr_moh_madkor]

كل عمله تتجمع طلبات البيع و الشراء عند البنك المركزى الخاص بها و هذا البنك هو اللذى يحدد سعرها