ماتسيب الشارت ياعم وادخل اقرا شويه

بسم الله الرحمن الرحيم
اولا احب اشكر اعضاء المنتدى الكرام على مجهوداتهم فى مساعدة المبتدئين واللى لسه فى سنه اولى فوركس ..ناس بكل امانه محترمين جدا وعمرهم ما ببخلو على حد بمعلومه .. انا بقالى فتره فى المنتدى هنا وقريت مواضيع كتيره لاعضاء كتير ممتازين جدا .. بس المشكله اللى كانت بتواجهنى ان المنتدى مليان مواضيع ممكن تتوه فى وسطها .. ومع مرور الوقت بتلاقى المواضيع المهمه بتتركن .. ومبيفضلش غير مواضيع و ورش الاستراتيجيات هيا اللى بتبقى اكتر مشاهده واكتر مشاركه .. مع ان فى مواضيع اهم من الاستراتيجيات و ورش العمل .. عشان كده حبيت اعمل الموضوع دا بحيث يبقى موضوع مشترك .. يشترك فيه الاعضاء بوضع لينكات المواضيع اللى عجبتهم واستفادو منها بعيدا عن الاستراتيجيات ... كل اللى هتعملو هتحط اللينك وتكتب ايه اللى عجبك فى الموضوع . واستفدت منه ايه .. وبرضو كل اللى يقرا موضوع عندنا هنا يكتبلنا ايه اللى عجبه فيه واستفاد منه ايه

وانا عن نفسى هبداء بموضوع عجبنى جدا هنزله فى المشاركه القادمه ان شاء الله

استراتيجية المسطره ... لن تخسر معها ابدا

موضوع جميل جدا استفدت منه جدا و لفت نظرى جملة بتقول ان المتاجر اوقات كتير بيتداول لغرض اشباع حاجه نفسيه لديه ( اللى هى سحر الشارت لما تبص على الشارت متعرفش ايه اللى بيحصل ومبتعرفش تمسك نفسك وبتفتح صفقات .. وبعد ما تفتحها وتلاقى نفسك خسران بتبقى نفسك تقفلها على الصفر .. بس هيا تيجى للصفر وانا هقفل على طول ) ... واول ما قريت الموضوع دا ابتديت افوق واستخدم اسلوب المسطره فى التداول ( واستفدت منه كتير جدا .. والمسطره انقذتنى من صفقات كتير كان زمانى خسران فيها )

ودا لينك الموضوع

استراتيجية (المسطرة) ... لن تخسر معها أبدا
https://forum.arabictrader.com/t32960.html

الموضوع الثانى :: خطة المتاجره
اكيد اعضاء كتير شافو الموضوع دا ... موضوع غنى عن التعريف ... هتستفيد منه جدا .. انا عن نفسى استفدت من فكرة كتابة اهم الاخبار الاسبوعيه ومواعيدها مفيده جدا جدا هتلاقى الشارت بيتكلم مع مواعيد الاخبار المهمه ( اعرف بس مواعيدها وراقب السلوك السعرى مع استراتيجيتك ).. لان انا مكنتش بحط الاخبار دى فى دماغى خالص ودا كان غلط ... دا غير انك لو التزمت بخطة المتاجره ( مع ان الالتزام صعب ) هتلاقى الوضع اسهل وتعرف اخطائك ايه ومتكررهاش


ودا لينك الموضوع

°¨¨™¤¦( تعرف على خطة المتاجرة ببساطة ) ¦¤™¨¨°
https://forum.arabictrader.com/t143575.html

بسم الله مشاء الله .. 36 مشاهده فى اقل من ساعه .. ومفيش مشاركه واحده .. طب اللى يدخل يا جماعه يقول اى حاجه ..

جزاك الله خير
جاري قرائه

يسلموا ايديك

وسيتم قراءة اللينكات واضافة ما هو مهم ان شاء الله

ايوه كده عايز الناس تتفاعل .. اى كلمه هتقولها هنا هتلاقى فى ناس بتدخل وممكن تستفاد منها ... بارك الله فيكم .. فى انتظار ارائكم

مفيش انسان مبيغلطش 100%

اقتباس:

---

المشاركة الأصلية كتبت بواسطة Fx2001

مفيش انسان مبيغلطش 100%

---

شكرا لمرورك اخى الفاضل .. وياريت لو عندك موضوع مهم تضيفه معانا وفى انتظار ارائك

الموضوع الثالث :: نفسية المتاجر
موضوع جميل جدا وفى نصائح غاليه جدا اكتر نصيحه علمت معايا اللى بتقول انك لازم تكون واثق فى استراتيجيتك وملتزم بيها والتذبذب والتردد بيخليك يا اما تضيع فرصه من ايدك كانت قدامك يا اما بيخليك تستعجل وتدخل فى صفقه قبل نضوجها وتكونها تماما ( عشان كانت تحصل معايا كتير افتح الصفقه والسعر سبحان الله ينزل يضرب الاستوب لوز ويرجع تانى.. وبعد ما يرجع وابص على الشارت اقول صح انا استعجلت .. فاستفدت من النصيحه دى وبقيت بستنى لو الفرصه مش واضحه قوى واحط المسطره بتاعتى واراقب .. ايه يعنى صفقه ومدخلتهاش محدش ليه عندى حاجه ..وفعلا بتلاقى سعر افضل واشاره اقوى وتحط استوب لوز فى مكان اقوى )

ودا لينك الموضوع

نفسية المتاجر
https://forum.arabictrader.com/t76414.html

بارك الله فيك اخي بسيوني
فعلا لازم نراجع هذه المواضيع لانها بتضيع وسط الزحمة ، والواحد كان بعمل فيها لكن مع مرور الزمن بتفوتو هذه النصائح والمواضيع.
عموما شكرا لك على طرح هذا الموضوع الاكثر من رائع.
ودي وتقديري

اقتباس:

---

المشاركة الأصلية كتبت بواسطة احمد الخالد

بارك الله فيك اخي بسيوني
فعلا لازم نراجع هذه المواضيع لانها بتضيع وسط الزحمة ، والواحد كان بعمل فيها لكن مع مرور الزمن بتفوتو هذه النصائح والمواضيع.
عموما شكرا لك على طرح هذا الموضوع الاكثر من رائع.
ودي وتقديري

---

ربنا يخليك يا استاذ احمد .. انا اللى خلانى افتح الموضوع انى اول ما ابتديت مكنتش بلاقى مواضيع زى دى كانت كلها استراتيجيات .. بس مع الوقت اكتشفت ان كل الاستراتيجيات ناجحه ومربحه وجميله .. المشكله فى التطبيق واسلوب المتاجره .. وفى صديق ليا دلنى على موضوع قريته اكتشفت ان المشكله فى الشخص المتاجر مش فى الاستراتيجيه او الفوركس .. وزعلت لما لاقيت ناس مبتدئه زيى بتخسر والدنيا متأزمه معاهم .. فاقولت اعمل الموضوع والكل يستفيد وانا معاهم برضو ... وبما انك قديم فى المنتدى هنا فاٍسمحلى استغلك .. واطلب منك موضوع عجبك واستفدت منه اول ما ابتديت فوركس وتشاركنا برأيك فى الموضوع ...
تقبل تحياتى

السلام عليكم ورحمة الله وبركاته

جزاك الله خيرا أخي Basuni لإهتمامك بمشاركتنا بالموضوعات التي وجدت بها فائدة ,

واشكرك لثقتك وإضافتك لموضوع خطة المتاجرة سعدت جدا أنه نال إستحسانك ووجدته مفيد ,

تحياتي وتقديري

اقتباس:

---

المشاركة الأصلية كتبت بواسطة رانيا وجدي

السلام عليكم ورحمة الله وبركاته

جزاك الله خيرا أخي Basuni لإهتمامك بمشاركتنا بالموضوعات التي وجدت بها فائدة ,

واشكرك لثقتك وإضافتك لموضوع خطة المتاجرة سعدت جدا أنه نال إستحسانك ووجدته مفيد ,

تحياتي وتقديري

---

ربنا يخليكى يا استاذه رانيا دا انا اللى سعيد فعلا بمشاركتك .. وموضع خطة المتاجره موضوع جامد جدا والمفروض الناس تشتغل ( مع انى مش بستخدمه بالظبط ) بس استفدت منه وعرفت ازاى انظم اوراقى اثناء لتداول ... واحب استغل الفرصه دى و اشكرك على مجهودك الجبار فى المنتدى ومساعدة الاعضاء .. ربنا يباركلك .. وبالمناسبه دى هستنى حضرتك تقوليلنا على موضوع قديم قريتيه فى بداية مشوارك فى الفوركس واستفدتى منه وتقوليلنا رائيك فيه ....
تقبلى تحياتى

اخي بسيوني هذه المواضيع التي اتذكرها للشيخ الوافي رحمه الله :
ممكن أعرف أنتوا ليش قاعدين تخسرون؟!
https://forum.arabictrader.com/t1216.html
الأخطاء وأساسيات التداول الصحيح
https://forum.arabictrader.com/t1290.html
لماذا نتاجر بأكثر من 10% من راس المال
https://forum.arabictrader.com/t1367.html
أين الخاسرون
https://forum.arabictrader.com/t1540.html
وقف الخسارة
https://forum.arabictrader.com/t643.html
حلول لأسباب الخسارة في التداول
https://forum.arabictrader.com/t1216.html
وانصحك اخي بجميع مواضيع وتعليقات ومشاركات الدكتور جمال ممدوح الله يبارك بيه واهله وماله ، وهنالك الكثير من الاخوة منهم المهندس وليد الحلو ورنا (الاخت رانيا) ونديم الذكريات والفقير الى الله وغير هم لااريد ان انسى احد منهم من قام بافادة اخوته من اعضاء المنتدى او المتداول العربي.
وقبل ودي وتقديري