فين خزائن ربك مملوءة ؟؟؟

[عبده المصرى]

ياخزائن إظهر وبان عليك الأمان الدار تمام.

[كونان]

نتمنى لك العوده سريعا وبخير

[خزائن ربك مملؤه]

يا جماعة انا ملاحظ انا الاخ الكريم فاكهة المنتدى / خزائن ربك مملوءة غير متواجد من فترة ليست بالقصيرة
ارجو ان يكون بخير ان شاء الله
ارجو من احد الاخوة اللى يستطيع الاتصال به ان يطمئنا عليه ويقول له انه وحشنا قوى
يارب يكون بخير

سبحان الله تصدق انا كمان ملاحظ غياب الواد خزائن من فترة يرجع لينا بالف سلامة

سمعت طراطيش كلام بيقولوا قال ايه مادام خزائن فاكهه المنتدى يبقى اكيد ابسيليوتلي حولوه على سوق العبور حشوفه واقولكم

طبعا وحشتوني وحشتوني وحشتوني ووحشتوا عيوني يا اغلى من نين عيوني

المصري المصري المصري ولو سألتك انت المصري تقولي ايه

بجد بجد معقوله فيه جمال كده وحلاوه بالشكل ده وهو ده الحب الحقيقي يا ابو الامصار باشا انك ضيعت من وقتك وضحيت بالدولارات والينات والنماذج والشارتات علشان تسال على اخوك خزائن اللي ما يستاهل كل ده بس كرم اخلاقك زايد وربي ما يحرمني منك صدقني زدت غلاوه يا سايق الحلاوه

انا عايش ومش عايش ومش قادر على بعدكم حبي بس ما ينفع ادخل لظروف والله داخل دلوقتي بصعوبة لاني عرفت انك فاتح مخصوص موضوع لخزائن ولكن ادعيلي يا غالي ان الظروف تكون احسن في اي وقت ولو بعد شهور وامتع نظري برؤياكم دايما وربي يديم المحبة

ونشوفكم بالف خير

والسلام عليكم ورحمه الله وبركاته

[sindbad4s]

حمد الله علي السلامه و ربنا يجيب العواقب سليمه و تنور المنتدي تاني

[خزائن ربك مملؤه]

ان شاء الله

تسلم ملك الاستايل في الشرق الاوسط وان شاء الله يرجع لنا خزائن بالف سلامة وانا بشجب واندد بمختطفيه وبعلن اني مستعد لدفع فدية 100 شوال فحم مستورد بس يرجع خزائن

تسلم حبي على السؤال والاضافة والمرور المعطر بالعطور

ايوة .. والله واحشانا مداخلاته الحلوة ...
ان شاء الله يكون بخير ؟
انت فين يا خزاين ... عملت المليون من ورانا ولا ايه؟

يا باشا المداخلات وصاحب المداخلات فداك يا ملاك

تسلم وربي انك فاكرني يالي برقة كلامك أسرني

وموضوع المليون اني عملتوا من وراكوا ...طيب بص وراك فجاءة كده مش حتشوف ملايين ولا حاجه ... بس فعلا عرفت منين اني عملت مليون في لعبة بنك الحظ واشتريت بلاد وبعت وسويت هوايل

عارف انك بتدعيلي ضياء باشا اني اكسب المليون بس اكيد اكيد كنت بتدعي مش في اتجاه القبلة فالدعوة جت بالعكس بدل ما اكسب مليون اتصل بيا المدعي العام وحجز على التركة وحيعدموني اهئ اهئ وقالولي نفسك في ايه قولت اسلم على الشباب

تسلم يا زوق من تحت لفوق وربي يديم الحب في زمن قل وندر فيه حب الناس الحقيقي ووجدتوه فيكم والله

ونشوفكم بالف خير

والسلام عليكم ورحمه الله وبركاته

[خزائن ربك مملؤه]

ده شكله ياعم عمل مليون واتنين وتلاتة كمان

البلاط هايبوظ فى البيت يا اخ خزائن

هههههههههههههههههه عضة اسد ولا نظره حسد

متبصليش بعين رضية بص للي ادفع فيا

منور حبيبي وبكرر والله ياحبي المصري اثبت ليا معدنك الاصيل يا راجل يا دهب وتسلم مره اخرى لفتح الموضوع حبي

السلام عليكم

و الله وحشتنا يا اخ خزائن ربك مملوءه
مليون مليون تحية للشباب

بالفعل صدق من قال انك فاكهة المنتدى


تحياتي للجميع




إنفوركس...

هلا وغلا من الاعماق انفوركس باشا دانا بس لو اشوف خيالك وكلامك يخطفني سحره ودلالك يا غالي

تصدق بالله وبكل امانة اسعدني معرفتك ويعلم ربي اني من مؤيدينك دايما لانك صاحب كلمة حق بثبات وثقة ولا تخاف لومة لائم . روح يا شيخ ربي يحبب فيك خلقه دايما زي ما حبيناك

طمني عنك باشا ولو انا فاكهة المنتدى فانت اكيد كوكتيل كل حاجة حلوة في الدنيا يا محليها

وتسلم على الدخول والاضافة يا ملك اللطافة والايافة (يعني الجنتلة والزوق بالمصري )

ونشوفك بالف خير

والسلام عليكم ورحمه الله وبركاته

[خزائن ربك مملؤه]

انا بقالى 4 ايام بتصل بيه تليفونه مغلق
ان شاء الله يكون بخير ويطمئنا عليه

وانت داخل سبوتنج لازم تقول جود مورنيج يا اطيب اسكندراني في تاريخ التاريخ و لو مش مصدقني اسالوا الاسكندر الاكبر واوعى تفكرني بق ولا بياع سجق دانا على حق

تسلم حج ايهاب وعاود الاتصال مره اخرى .. ساعات بتحصل معايا اما اتصل بيك تطلعلي واحدة حلوة تقولي عفوا لا يمكن الاتصال بهذا الرقم لان حدودنا البشر وانت بتتصل بقمر

وربي يديم المحبة حبي انا سايب رساله على الموبايل اترك اسمك بعد سماع صوت الشارت بؤء بؤء بؤء

شكرا ايهاب على الاتصال وربي ما يحرمنا منك وسامحني لاني مقصر وممكن تطول فتره التوقف شويا بس حفتح الموبايل عادي حبي

بارك الله فيك

الراجل ذا والله وحشا ووحشتنا دخلاته الحلوة إلي بترد الروح للواحد.

على العموم إذا كانت فيه إنتخابات في مصر فهو متعود يختفي عن المنتدى خلالها.

ههههههههههههههههههههه اه الانتخابات مبهدلاني وبالذات المجلس الاشتراكي بمحافظة السنبلاوين والمناطق المجاورة

منور ابو بدر باشا وتسلم على كلامك الحلو يا حلو وربي يسعدك وان شاء الله دايما نشوف روحك الحلوة منوره المنتدى

ونشوفكم بالف خير

والسلام عليكم ورحمه الله وبركاته

[خزائن ربك مملؤه]

ان شاء الله خير ..

ليون اجمل عيون تنور الكون ... حروفك باشا تتوزن دهب وتتكتب بماية الدهب حبي

منور باشا وان شاء الله خير يا وجه الخير

وربي يديم المحبة

خزائن انا غيبت ايضا اسبوع وعدت وجدت الكل يبحث عنك اين انت ؟ اكيد انت فى المانيا ياشقى

نتمنى لك العوده سريعا وبخير

حبيبي ده . وناري نارين ناري من جماله قلبي ايه جراله

حبيبي هادي ازيك وازي الاولاد يا عسل وحشتني والله


انا بصراحه فكرت اطلع المانيا الغربية واصلحها على الشرقية واعمل كوبري ونفتح الاتنين على بعض بس قولت اخد رايك يعني

ولا تنسى المانيا القمح هو في زيها ولا ولايه طنطاكيا تحفة

حبي تسلم على السؤال يا جميل جمال

وربي يسعدك وسامحني للتقصير اللي سيمتد فتره الله اعلم كم تكون ولكن هي بالشهور وربي ما يجعلها اكثر من شهور لاني ما اقدر ادخل الا المره دي وانتهزت الفرصة وقولت اشكر كل اللي كتبوا بالموضوع وكل من ارسل فاكس وتلكس وايميل واس ام اس واوف لاين واون لاين واخص بالذكر رئيس جمهورية جزر القمر


واعذرني مره اخرى لانقطاعي ويمكن عدم الرد مره اخرى على الموضوع ولكن سعدت والله بيكم جميعا حاليا

شكرا حبيبي هادي وربي يسعدك اللهم امين

ونشوفكم بالف خير

[خزائن ربك مملؤه]

الاخ خزاين

انا اتصلت بيك اكتر من مرة والتلفون مغلق

واللى هايحصل بعد كدةهاطب عليك فى البيت وانتا عارف

مفيش بينى وبينك غير عشر دقايق

ولكن اطمن الاحبة انة قالى اخر مرة كان مشرفنى هنا طبعا مش عارفين هنا فين

هو تقريبا مسافر اليومين دول واللى عايز يبعت لة حاجة تتاكل يبعتها لى وانا اقوم بالواجب

يا باشا تنور البيت وآل البيت ..دي فيلتي الصفيح تنور يا غالي انت بس حدد اليوم ونقضي اليوم كله مع بعض وقدام فيلتي الصفيح ترعة تجنن قولي جي امتى علشان اسخن الترعة

منور حج محمد واللي ميعرفش محمد فاسمعوا مني والله ده راجل ومعجون فتونة وجدعنة ولا اي سلعوة تقدر تخوفه

ويارب اشوفك يا محمد باشا عريس يوم خميس قول امين لارجع في كلامي


ازيك وازي كل ما عندك وان شاء الله اكيد حزورك في السيبر قريب حبيبي ان ربي اراد طبعا


ما سافرت والله يا غالي انا موجود بس ما استطيع ادخل نت .. حجيبلك جواز السفر علشان تصدق ولو مش مصدقني قابلني في النشرة الاقتصادية او في جامعه الدول العربية


تسلم حبي وربي يسعدك واشوفك ناجح دايما اللهم امين

يا ميدو ..

أنا هبعتلك عيش و حلاوة و سجاير ... بس أمانه عليك توصلها له

سجايـري فارط وموبايلي كـارت وكما قالت خالتي اطاطا هات ثيجارة

[خزائن ربك مملؤه]

لايكون في

ربنا يرجعه بالسلامة

نورتينا اسماء وتسلمي على المرور المزين بالزهور

هههههههههه قولي خزائن فين متخافيش انتي نجمة شهر مايو وعندك حصانة لمدة شهر واوعدك حنعتبرك شاهدة فقط في القضية ورجليكي مش حتيجي في التحقيق

بس بجد ما فهمت جملة( لا يكون في ههه انا شايف واحد بيغسل سنانه قصدك ليكون بيسلك سنانه ولا ايه


مبروك والف مبروك ويارب دايما اسماء اشوفك نجمه كل شهر يا نجمه في السما عاليه فوق بس ما تنسينا

ويارب كتر افراحنا اسماء

ونشوفك بالف خير

لا يا اخت اسماء لو كان في كنت قابلته اصل انا نزيل دائم هناك بس هوة متعود يعمل الحركه دي في الوقت ده من كل سنه عارفه........... شقي من يومه.

ربنا يرجعك بالسلامه لينا يا اشرف باشا

يعني عرفت يعني ايه الرسمة دي طيب قولي واجرك وثوابك عند الله

افهم من كلامك انه مكان بينزلوا فيه طيب سيبني اخمن .... امممممممممممممممممم اوبرج وموفينبيك ليمان طرة ... صوح صوح

لا يمكن اغطس يا غالي بدون ما اقول الا لظروف خارجة مثل الحين تاكدت اني ساختفي فتره فاعلنت للجميع اما من فتره قليلة كنت عايز ارجع ولكن ربي ما قدر وربي يسعدنا جميعا وييسر الامور اللهم امين

وتسلم حبي وسلامي لكل الاطباء الطيبين مثلك ويارب اشوفك نقيب الاطباء العرب انت والدكتور حسن السيد ودكتور وليد ربي يسعدهم

حمد الله علي السلامه و ربنا يجيب العواقب سليمه و تنور المنتدي تاني

ان شاء الله اخويا العزيز تسلم سندباد ويارب دايما اسمع عنك احلى اخبار وربي يوفقك ركز في الفوركس علشان هي حلوه والله ومكسبها حلو عايزه فقط استراتيجيه حلوه وقلب اسد لا يهتز .. بس الاثنين دول بس وحتلاقي الدولارات زي الرز ان شاء الله وتسعد وتفرح اما تلاقي خانه البروفيت بتزيد مئات الدولارت واسال مجرب حاجه تفتح النفس والله بس اهم شئ الالتزام بالاستراتيجية مع القلب وربي يوفقك

ونشوفك بالف خير

والسلام عليكم ورحمه الله وبركاته

[خزائن ربك مملؤه]

تكملة بسيطه لاخويا sindbad4 سندباد على الاستراتيجية والقلب انك لابد من مراعاه ومعرفة مسبقا مواعيد صدور الاخبار المحركة للسوق مثل الوظائف والبطالة طبعا في نفس وقته الشهري في اول جمعه من كل شهر واسعار الفائدة وهي كل شهر ونصف تقريبا والميزان التجاري وCPI والتصريحات فصدقني مع مراعاه اوقات هذه الاخبار ربي يوفقك ان شاء الله في استراتيجيتك .. اسف اني اطالت في الكلام بس من القلب وان شاء الله يصل للقلب وسلامي حبي وربي يسعد الجميع

ان شاء الله يكون بأحسن صحه وعافيه
ويعود لنا قريبا .....

يا قلبي يانا ياه .. ده انا في جماله ده .. بدوب واموت لكن بداري.. .. واما اشوفه جه ...ماعرفش ليلي من نهاري



وحشتني يا عم بورسعيد كلها وتسلم حبي على السؤال وانت عامل ايه دلوقتي والاولاد والعائلة الكريمة يا اشطة على كريمة ربي يسعدكم اللهم امين



وترجع لبلادك ولبورسعيد وتخليها كانها عيد يارب سالما غانما ونورت مصر مقدما

وسلامي لاخويا متيم اليورو قوله خزائن بيصبح احدث تصابيح ومسا عليه حبي



ونشوفك بالف خير

ياخزائن إظهر وبان عليك الأمان الدار تمام.

انت بس قول جزر تلاقيني تحت النظر ... انا حظهر وابان وبس عليك انت البونبوني واللبان

منور حبي عبده المصري عامل ايه وطمني عن صحتك يارب تكون الامور تمام واحسن كمان

وطبعا الدار امان طول ما انتوا منوارنها يا اهل الدار الكرام

وربي يوفقك يا برنس ونسمع عنك احلى الاخبار

ونشوفك بالف خير

نتمنى لك العوده سريعا وبخير

كونان الغالي نورت المنتدى وتسلم على المرور انا بخير طول ما وجوه الخير بتسال وطول ما كل اخواتي كالبنيان الواحد والجسد الواحد ربي يجعلنا دايما متجمعين

وسلامي لك حبي ويوفقك اللهم امين

ونشوفكم بالف خير

والسلام عليكم ورحمه الله وبركاته

واسف ياغالين للتاخير في الرد من اول الموضوع وعدم الرد مره اخرى والله اعلم وده حال الدنيا لانها جايه من الضنا

واستودعكم الله الذي لا تضيع ودائعه

والسلام عليكم ورحمه الله وبركاته

[رعد الجنوب]

ربّنا يسهل أمرك ياخزائن

أنت فعلاً .. إنسان لطيف .. و .. دم خفيف .. و .. أسلوب ظريف

الله معاك .. بس طلّ علينا وطمّنا على أخبارك