ما هو السر الجديد ؟؟؟
لما ندور في المنتدى سنجد استراتيجية خبرتي من أنجح الاستراتيجيات إن لم تكن أنجحها على الإطلاق ، أليس كذلك ؟؟؟
يا ترى هل لها تفسير مع جان ؟؟؟؟؟
وهل يمكن تطويرها وتطبيق طرق جان معها او عليها ومنها ممكن نتوقع مستويات الدعم والمقاومة ومواعيد الانعكاسات ؟؟؟؟
تعالوا نمشي واحدة واحدة ونشوف ايه الاكتشاف اللي اكتشفته بفضل الله ومنه ونوره وعطائه الذي ليست له حدود .
قصتي بدأت مع الاستراتيجية بتاعت خبرتي اني كنت باتسنكح على النت ووجدتها بالصدفة وقعدت أتعلمها ، وحاولت اشتغل بيها بس لم تلبي رغباتي ، ولكن اكتشفت فيها نقطة مهمة جدا وكتبتها اول ما اكتشفتها في الموضوع نفسه وما حدش ركز في اللي قلته ، لاني انا نفسي اكتشفت الملاحظة ولكن ما كنتش عارف استفيد منها ازاي .
قبل ما اقول الاكتشاف وكيف يمكن الاستفادة منه ، خلونا نتكلم على نقطتين أولهما هي استراتيجية خبرتي ايه هو الاساس القائمة عليه ، وثانيهما هو ايه علاقة جان بيها ؟؟؟
لانه لو ثبتت علاقة يبقى شغل جان فعلا يفسر معظم انواع التحليل الفني والحسابي الرقمي وغيره .
نتكلم على الفكرة التي تقوم عليها استراتيجية خبرتي أولا .
طبعا ياما قرأنا استراتيجيات تقوم على رسم خطوط الترند ولكن كانت تحتاج لتمرس في رسم خط الترند وبتعتمد على النظر في الرسم ، ولم نجد حد على حسب علمي علمنا طريقة نرسم بيها خط الترند أوتوماتيك .
استراتيجية خبرتي تقوم على رسم خط الترند بصورة أوتوماتيكية ، احنا بنجيب ال Linear Regression Channel وبنرسمها فما هو ال Linear Regression أصلا ؟؟؟؟
ده اول ما تعلمته كان في علوم الاحصاء وهو عبارة عن خط يمر وسط نقاط عشوائية بحيث انه يمر بمنتصفها في عملية متزنة وله علاقة رياضية ومعادلة يمكن حسابه يدويا كذلك ، ولكن على الميتاتريدر بتتعمل بشكل اتوماتيك بسحب القناة على فترة زمنية معينة .
فاللي يحب يرسم خط ترند ما يخرش المية يسحب القناة على اي فترة وخطوط القناة دي هي عبارة عن خطوط ترند .
طيب هناك سؤال مهم ليه السعر بيحترم خطوط القناة دي ولو كسرها بيمشي مسافات طويلة وخطوطها تعمل كخطوط دعم ومقاومة ، عاوزين نعرف السر فيها .
كدة عرفنا الاساس الذي بنيت عليه استراتيجية خبرتي وهو رسم خطوط الترند .
تعالوا نتكلم عل جان .
جان من ادواته كانت المروحة والبوكس ، وانا قلت لحضراتكم وممكن تجربوها انه لو رسمنا البوكس على فترة ما ورسمنا خطوط الكواكب وخاصة كمان لو رسمناها ورسمنا صورة المرايا بتاعتها ، ستجد الخطوط شبه منطبقة ، الكلام ده في البوكس يعني خطوط البوكس هي التعبير الهندسي عن الخطوط الكوكبية ، علشان كدة السعر بيحترمها لانه فيه عندها مقاومة كوكبية ، وانا قلت قبل كدة انه اللي مش مقتنع بالفلك الهيه في الاشكال الهندسية هيمشي معاك لكنه يجهل ان اصولها كلها فلكية .
طيب الكلام ده على البوكس ، اما المروحة هنلاقي انها كمان عبارة عن خطوط ترند بس بتترسم ونشوف انهي احترمها السعر ولو رسمت خطوط المروحة على البوكس ستجد تطابق ، يعني فلك أيضا في النهاية .
بس المروحة والبوكس فيهم عيب وهو ده اللي بيحد من استخدامهم وهو انها Static يعني ثابتة ، انت بتحط الشكل وتقيس عليه ، والسعر بيتحرك بين الخطوط دي ، كان الشيء الذي أكرمني الله به هو اني فكرت في بوكس ومروحة متحركة تظبط نفسها اتوماتيك مع حركة السعر بس دي تتعمل ازاي ؟؟؟؟
وجدت العلاقة المشتركة بين استراتيجية خبرتي وبين البوكس والمروحة وهي انها كلها خطوط ترندات بس كلها ثابتة ، وانا بأشتغل على استراتيجية خبرتي كان المفروض اننا نرسم القنوات في نهاية اليوم ، فأنا كنت مستعجل فرسمتها قبل نهاية اليوم ، فلقيت ان القناة بتتحرك مع تحرك السعر ، ده كلام رائع جدا .
يبقى ممكن استخدم القنوات دي واعمل منها بوكس ومروحة لجان متحرك يظبط نفسه كل شوية اتوماتيك مع السعر .
طيب هتتعمل إزاي ؟؟؟ وايه اللي ممكن نستفيده منها ؟؟؟؟
وايه هي الملاحظة اللي اكتشفتها وكتبتها في موضوع استراتيجية خبرتي ؟؟؟؟؟
لما رسمت القنوات رسمت خطوط افقية على مكان تقاطع خطوط القناة مع حدود اليوم فوجدت ان الخطوط دي بيحترمها السعر في اليوم التالي ، ده اول اكتشاف ان خطوط التقاطع على محور السعر بيحصل منها انعكاس ونفس الكلام بيحصل في البوكس .
إزاي ممكن احول القنوات دي لبوكس متحرك ؟؟؟؟؟
نرجع نشوف الكلام اللي كتبته عن البوكس هنلاقي انه جان حدد اماكن معينة فعالة فيه جدا ، يبقى الحل اني ارسم قناة Regreesion من كل تاريخ حدده جان وتكونت عنده قمة او قاع فعلي واسحبها لغاية يومنا هذا ، وبالتالي هتتظبط اتوماتيك مع تغيرات السعر وهتعمل كدة بوكس متحرك آلي التظبيط .
طيب من الملاحظة الاولى التي لاحظتها انه عند التقاطعات في مقابل السعر بيحصل انعكاس ، وجدت ايضا نفس الملاحظة عند تقاطع خطوط الزمن بيحصل انعكاس .
باختصار بدل ما اعمل قناة استراتيجية خبرتي من يومين او تلاتة زي ما زملاءنا بيعملوا هنعملها بس من تواريخ جان والبوكس ، وممكن تطبقوها على مستوى اليوم كمان بس تعملوها ثابتة مش متحركة ، يعني لو جيت على فترة السعر كان صاعد فيها ورسمت القناة ثم رسمت على فترة اخرى نازل فيها وهكذا ورسمت القناة بحيث انها تكون على هيئة خطوط ممتدة فقط وليست مظللة اماكن التقاطعات هيحصل فيها انعكاس .
أرجو ان ربنا يتقبل لأن هذا من الأشياء التي هي من خير ما عندي و من أفضل ما كشفه الله لي .