هنضيف النهاردة كام حتة جديدة على الجانزيلا
احنا بنستخدم ال Triangle و ال square
طبعا فيه اشكال تانية كتير بس هنختار منها النهاردة المثمن او ال Octagon
لو قسمنا ال 360 درجة على 8 الناتج هيكون 45 درجة والشكل ده هنستخدمه لما نحب نقيس 45 درجة من اي خلية على المربع او اي زاوية من على المنقلة لانه زي المثلث والمربع ممكن نحركه للمكان اللي عاوزينه .
فيه حاجة تانية كمان مهمة وهي دقة القياس ، الم نلاحظ انه الخطوط بعضها يمر تماما بمنتصف خلايا المربع ومرات تانية نلاقي الخط قاطعها من فوق او من تحت ، يبقى احنا لو دقيقين في القياس ممكن نعرف الخط مارر على كام بالظبط من السعر عن طريق استخدام المنقلة ، فمثلا لو عندي خليتين وعاوز احط خط على النص بينهم بالظبط هنعملها ازاي ؟؟؟
اول حاجة اخلي الخط يقطع الخلية الاولى في منتصفها تماما ونشوف مقابلها كام على المنقلة وبعدين نحرك الخط لمنتصف الخلية التانية بالظبط ونشوف بيقابله كام على المنقلة وبعدين نحدد المنطقة في النص بالظبط بين الزاويتين على المنقلة ونضع الخط عليها هنكون بكدة جبنا المنطقة في النص بالظبط بين الخليتين على المربع .
فيه شكل تاني كمان كان بيرسمه جان ويستخدمه وهو خط متفرع منه زاويتين واحدة 144 درجة والتانية 216 درجة يشبه شكل السهم كدة ، الشكل ده لو حفرتم في الجانزيلا لن تجدوه ولكن بنعمله بالبرنامج بسهولة ان شاء الله كالتالي :
بنروح ونختار شكل المثلث ، وبعدين بنعلم على كل الحاجات اللي تحته وفي خانة ال Sweep Angle نكتب الرقم 72 هيطلعلكم الشكل المطلوب .
