استخدام الدورات القمرية في المتاجرة

**doctortablet** · 22-02-2012, 09:18 PM

بعد فتح الشارت على ال gannalyst بنضغط على شكل القفل وده فايدته انه بيخلي الحركة مرتبطة بالشمعات لمزيد من الدقة واحنا بنرسم اي حاجة ، هنختار ال Squares من القائمة العلوية ثم 144 وهنروح نحط اليد على أي قمة او قاع ونتحرك فيترسم البوكس ، ودي الطريقة العامة علشان نعرف نستخدم البرنامج ثم ننتقل بالمشيئة إلى كيفية استخدام البوكس بدقة ونحطه فين بالظبط وهتلاحظوا ان البوكس لما بيترسم بتظهر خطوط لها الوان مثل الاحمر والاسود والازرق وغيره ، وطبعا الصورة تغني عن الف كلمة هو صحيح كلامي في الشرح كان قليل لكن الصور موجودة أهي واللي هيعمل منكم الشارت ويرسم البوكس يبقى يشرح براحته ويفصل لزملاءنا ، انا مجرد بأدي المختصر المفيد وانتم تكملوا الحاجات دي مع بعضكم

**doctortablet** · 22-02-2012, 09:24 PM

فين نرسم البوكس ده بالظبط ؟؟؟؟

فيه كذا طريقة أولها اننا نروح عند تاريخ 21 مارس من العام الماضي و نشوف اول قمة او قاع بعده حتى لو صغيرة ونرسم البوكس ، والطريقة التانية هي اننا نرسمه من بداية قاع تاريخي او قمة تاريخية والطريقتين صح ، بس هنعمل لهم دراسة للدقة بأننا نشوف البوكس بعد ما اترسم بنروح عند كل خط طولي ملون بأسود أو أزرق أو أحمر ونشوف حصل حواليه انعكاسات ام لا ، مش شرط انه يمون عند الخط بالظبط ولكن قبله او بعده بشمعة او اتنين لو لقينا الانعكاسات في المدى ده يبقى البوكس نعتمده كأداة لتوقع المواعيد القادمة ولكن هنا احنا رسمنا البوكس على شمعات التداول ، عاوزين نرسمه على الأيام العادية فنحول الشارت للأيام العادية بالضغط على الزر الموضح في الصورة التالية :

**doctortablet** · 22-02-2012, 09:28 PM

دلوقت عاوزين نعرف كام يوم مر مثلا من تاريخ معين إلى تاريخ آخر ، هنختار قائمة Time Tools

وبعدين نحطها على الشمعة اللي عاوزين نحسب منها ونسحب بالماوس هيظهر لنا الرقم كما في الشكل المرفق ، وطبعا فيه أدوات تانية كتير بس من خلال ما ذكرنا عرفنا الشغل والتعامل المبدئي مع الادوات وكيفية وضعها بيكون إزاي وحضراتكم تجربوا بقية الأدوات وتتعلموا من بعض

**doctortablet** · 22-02-2012, 09:34 PM

دلوقت بنفتح الشارت وبنستخدم التمبلت المرفقة اللي هترسم لنا خط زجزاج جان ومنه هنرسم القنوات بتاعتنا

**doctortablet** · 22-02-2012, 09:40 PM

الآن نرى سعر الذهب ارتفع وكسر حاجز القمتين السابقتين وسنرى هل سيكون الإغلاق فوقهما ام لا ، إن أغلق السعر فوقهما فسيستمر للصعود حتى يصل حاجز القمة الثالثة قبلهما وهناك سنرى هل سيكسرها ام سيرتد منها لو كسر المناطق دي و أغلق فوقها يبقى ننسى موضوع البيع ونسير في اتجاه الشراء

**doctortablet** · 22-02-2012, 10:38 PM

هنفتح شارت العملة اليومي وهنا انا اخترت الذهب ، واخترت قمة وقاع ووضعت عليهم الرقمين واحد واتنين ، سحبت قناة من واحد لوقتنا الحالي ورسمت خط ترند على الخط المنتصف للقناة ، ثم سحبت قناة من رقم 2 لوقتنا الحالي ورسمت خط ترند على الخط المنتصفي للقناة ، انظر التقاطع اين كان ستجد في مقابله تكون قاع ، شلت القنوات وخليت خطوط الترند بس وحطيت خط عند التقاطع انظر ماذا حدث عند خط التقاطع ، مشيت الشارت يدوي فتغير الشكل وتغير مكان التقاطع انظر ايضا ماذا حدث عند خط التقاطع ، ودي ملاحظة غريبة وتستدعي الانتباه انه لما تغير الشارت بتحريكه يدويا تغير مكان التقاطع والغريبة انه حتى عند التقاطع الجديد كانت هناك استجابة وممكن نستنتج انه الخطوط بتكون ديناميك وتعطي نفس العلاقة ، وانا اخترت قمة وقاع بس للتوضيح ، المشكلة اننا لما نيجي نرسم كذا قناة هتكون الخطوط كثيرة وسنحاول التعامل معها بطريقة أخرى ولننظر الصور المرفقة

**doctortablet** · 22-02-2012, 10:40 PM

صور أخرى

**doctortablet** · 22-02-2012, 10:42 PM

بقية الصور

**doctortablet** · 22-02-2012, 10:43 PM

الصورة الاخيرة بعد تحريك الشارت يدويا وسنجد تغير مكان التقاطع ولكن هناك استجابة

**doctortablet** · 22-02-2012, 10:53 PM

هنكرر نفس الخطوات السابقة بس المرة دي هنرسم خط الترند على الخطوط الخارجية للقنوات ونشوف مكان التقاطع هنجد تقاطع حصل وفعلا بالقرب منه استجابة و عندنا التقاطع الثاني لم يحصل وهو قريب ان شاء الله فبكدة حددنا موعد يتوقع حدوث استجابة وانعكاس من عنده