استخدام الدورات القمرية في المتاجرة

[doctortablet]

خلونا نتفرج مع بعض

[Traderx1]

هذا هو تحليل اليورو ليوم غد ان شاء الله هليو سنترك و الأولى اكلبت و الثانية ايكو

[Traderx1]

اليورو ين - هليو - الأولى اكلبت و الثانية اكو
المقاومة الكروس اللي بعد 1.0410 هو 1.0570 ولكن لحجم الصورة كتبته

[Traderx1]

طريقة جامدة في توقع تاريخ الإنعكاس و تم تطبيقها و فعلا كان هناك انعكاس في كلا الإتجاهين بقمة و قاع لازم نشتغل عليهم و نظع التحاليل لإستيعاب كلام الدكتور و اتقانه جزاه الله خير

[doctortablet]

استنوا

صبح صبح يا عم الحاج

احنا مش قلنا انه كل عملة لها زوايا بتحبها وممكن نقيسها بالاشكال الهندسية ، عاوزين نطبق الكلام ده على اليورودولار ونتوقع هتكون القمة او القاع القادم فين ويوم ايه كمان باستخدام المربع

[Traderx1]

شارت المجنون شد انتباهي لوجود السعر الحالي على خط الإقتران نفس طريقة عرض الصور هليو - اكليبت - اكو
و المقاومة بعد 124.6 هى 126.1 الواقعة بالكروس

[Traderx1]

ولا يهمك دكتور هنا اول صورة تاريخ الانعكاس القادم طبعا ننقص منه يومين او نزيد من غير ايام التداول هو 19-3-2012
و الثانية مع ايام التداول 15-3-2012

[التل]

بالنسبه للمربع مع اليورو

حاولت كثيرا ولم أفلح !!

[doctortablet]

بالنسبه للمربع مع اليورو

حاولت كثيرا ولم أفلح !!

جرب تستخدم الهكساجون بدلا من مربع التسعة وبعدين قم بتمثيل القمم والقيعان على الهكساجون وبعد كدة قيس الزوايا بينهم

[doctortablet]

عرفنا طريقة استخدام المربع لتوقع التواريخ ، لكن الشباب عاوزين زي السعر كدة حاجة يستدلوا عليها بالفلك ، فهل يا ترى ممكن ؟؟؟

هو احنا بنقيس مثلا 9 ايام اللي هو نفس الرقم اللي بنطلعه من خلايا المربع ، طيب ما هو اليوم اصلا بيتحسب ببدوران الارض حول الشمس ، والشمس السنة 365 بنمثلهم على الدائرة اللي هي 360 درجة يبقى لو قسمنا 365 يوم على 360 درجة يبقى الدرجة بتساوي 1.0138 يوم ، فهل يا ترى هذه الكسور بتجمعها مع بعض كلما بعدنا عن يوم القمة او القاع هو السبب في عدم الدقة في القياس اللي بيخلي قياساتنا لها يومين قبل او بعد التاريخ المتوقع ؟؟؟

أكيد هو ده السبب.

طب والحل ؟؟؟؟؟

الحل اننا نقيس بالدرجات الشمسية وليس الايام ، بمعنى اني اقيس 9 درجات او 25 درجة او 49 درجة شمسية من يوم القمة او القاع ، وده بيؤكد مرة أخرى ان كل كلامنا مترابط ببعضه ومبني على بعضه ، مين يقولنا بقى ازاي نقيس الدرجات الشمسية دي ؟؟؟؟؟

[doctortablet]

نسترجع مالدينا الآن لتوقع تواريخ الانعكاسات :

عندنا حاجات كتير وهي :

البوكس 144 اللي اتكلمنا عنه اول الموضوع ونرجعله علشان نشوف التواريخ اللي كتبناها

المواعيد الفصلية ونصف الفصلية

عدد الايام بناءا على الارقام الموجودة على كروسات المربع

عدد الدرجات الشمسية اللي بنعرفها ايضا من مربع التسعة من على الكروس

وعندنا كمان ال Gann Emblem وده بيقيس زوايا مختلفة حسب التواريخ

وفيه كمان اننا نستخدم نسب الفيبوناتشي على التواريخ وليس على السعر ودي أداة موجودة في الميتاتريدر

بس ده شغل صعب جدا وكتير جدا

يا ترى فيه طريقة نعمله بسهولة أكتر من كدة ؟؟؟؟

وبعدين كدة هيطلع لينا تواريخ كتير جدا وممكن تكون قريبة من بعضها ، ايه اللبخة دي ؟؟؟؟

الموضوع بسيط ان شاء الله

كل تاريخ بنلاقيه لوحده فبيكون يوم توقع حدوث تغير لكن لو لقينا تواريخ متجمعة كتير جنب بعضها فده يحبذ حدوث قمة او قاع قوي وممكن يكون تاريخي .

طيب دي القاعدة عرفناها بس نعمل كل ده بسهولة إزاي ؟؟؟؟؟

كل الادوات دي مجتمعة موجودة في برنامج ال Gann Analyst في قائمة ال Time Tools

المهم نتعلم ازاي نستخدمها ونغير اعداداتها وده موال تاني وكل واحد بقى وشطارته في تعلم استخدام البرامج .

نكرر ونؤكد بهذا الكلام مرة ثانية ان كل كلامنا مترابط وبيصب في بعضه وما فيش حاجة اتقالت الا ولها مغزى .

[doctortablet]

أعتقد ان موضوعنا ده ممكن نولد منه عشرة خمسة عشرة موضوع منفصل ، واحد يعمل موضوع يشرح فيه ال Timing Solution وموضوع يشرح ال Gannalyst وموضوع يشرح البوكسات ، وموضوع يشرح الجانزيلا وموضوع يشرح مربع التسعة وموضوع يشرح الاقترانات وموضوع يشرح حساب الجمل وعلاقتها بالفلك ، اتمنى اني اشوف مواضيع منفصلة زي كدة ، و كان موضوعي هذا تجميعا سريعا لكل تلك الاشياء وتبيين قواعدها .

[doctortablet]

شكل الشمعة بتاع امبارح على الدهب عامل دوجي من زمان الواحد ما شافش زيه ومتوقع النهاردة يكون صاعد بالنسبة للذهب

[doctortablet]

بسم الله الرحمن الرحيم

جمعة مباركة بإذن الله

فيه عندنا كلام مهم وكشوفات جديدة وخطيرة نود إطلاعكم عليها ، واحد هيقول : ياعم الحاج ما ترسالك على بر ، انت كل شوية تقول كدة كفاية ،هتقول اللي عندك والا هتقعد تقطر كدة .

هأقولكم معلش يا جماعة استحملوني في موضوع اني كتير بأبقى عاوز انهي الموضوع لسبب وهو اني أتأثر كثيرا بعطارد وهو كما عرفنا كوكب سريع الحركة ويؤثر بشكل كبير جدا في المزاج ، وبعدين لا أخفي عليكم هناك تفكير أتصارع فيه مع نفسي في فكرة عرض الأفكار على المنتديات ، لأنه فيه ناس حسودين وهم عارفين نفسهم وفعلا ممكن اتحسد ، بالعامية المصرية لما واحد بيربي ارانب ما بيخليش حد يشوفها ، ولو حد شافها بتموت ، تجارة الفوركس زي كدة ، زي تربية الارانب المفروض ما حدش يشوفها ، لان الناس تعبد القرش عبادة ، والله العظيم يعبده عبادة ، النبي عليه الصلاة والسلام قال ما معناه لا اخشى عليكم الشرك ولكن اخشى عليكم ان تخطفكم الدنيا ، وفتنة الامة المحمدية محصورة في شيئين بقول النبي عليه الصلاة والسلام وهي المال والنساء وهو ده اللي شايفينه .

رواد عالم الاقتصاد والمال لهم شخصيات كثيرة ، ومن ضمنهم هنشوف شخصيات بشعة ، واللي بيعبد المال سيكون دوما في محرابه ، فيه قناصة قاعدين يحسدوا او يسرقوا أفكار أو بيحبوا يكسروا المجاديف وبس ، بسبب دول بأفكر مليون مرة أكتب والا ما اكتبش .

بس مع دول فيه ناس طيبة وكرماء وذوي اخلاق عالية وهم دول اللي بأحمل همهم وعاوز أساعدهم ، فإزاي أوازن بين مزايا العرض و مساوئه .

الحل اني أطلب العون من الله فيجعل على ما أقول طلسما فلا يفتحه الله الا لمن كانت نيته طيبة ، ومن كانت له نية خبيثة ان يعميه عنه ويلبس عليه أمره ، ويسلط عليه دماغه فيجعل تدبيره في تدميره ، وهذا أشد انواع العذاب ان تسعى بنفسك لتدمير نفسك .

في نفس الوقت أيضا يقول تعالى : لن تنالوا البر حتى تنفقوا مما تحبون

فالواحد بيدور على أفضل ما عنده ويخرجه لله ، ثم الله كفيل بالجزاء والحفظ .

في المشاركة القادمة بإذن الله هنعرض سر واكتشاف جديد بإذن الله ، و إن شاء الله يعجبكم .

[Leonardo]

اكمل بارك الله فيك يا دكتور