كيف يشار اليك كمحلل فنى بالبنان حتى ولو كنت تعبان
طبعا فى محلليلين فنين اشهر من النار على العالم عن حق وفى محلليلين فنين اشهر من ال............عن........اكمل ما بين السطور
طيب عشان تكون محلل فنى جبار ويشار اليك بالبنان حتى ولو كنت تعبان تعمل الاتى ورزقى ورزقك على الله
1 انك تعمل موضوع عن استراتجية خاصة سحرية تتكلم عن قوانين موجات سيرجى اللوبية الحلزونية فى القولون الغليظ عند اصطدامها فى الفضاء الخارجى بنبضات الشمس الملتهبة وتاثير قنابل المولوتوف على سطح الشمس المتبعرج والذى يؤدى بدورة الى تاثيرة المباشر على سكنات الارض وتحويل القطب الجنوبى الى القطب الشمالى والذى يؤدى بدورة الى انفراج الزاوية الحادة وتغير شكل اليورو الى شكل الجنية الجبس
2 بعد ما تفتح الموضوع والاستراتجية بتاعتك لا تكملها ابدا وانما تسيب الناس فى حيص بيص والكل يحاول تخمين نهاية الموضوع اية زى الفيلم العربى السخيف الذى ينتهى انك تفكران المخرج كان عايز ينهى باية قبل ما توافية المنية وتحاول انت ان تكمل القصة بفكرك وخيالك وحدك لان الخيال اكبر من الحقيقة العفنة دايما
3 انك تقنع كل الناس ان الله اصطفاك عن العالمين ودون عن سائر الناس اجمعين ان سر الفوركس قد من الله عليك بة لانك شخص تستاهل دون كل الاخرين من حكمة وعبقرية لا مثيل لها حتى ان عليماء الفيزياء الروس والامريكان بالنسبة اليك شوية جرزان
4 ان يكون ليك معرفات تناديك بان تفتح الخاص وان تفضى صندوق الرسائل نظرا لشعبيتك المهولة على الصعيد العالمى والصعيد المحلى وانك يا حبة عينى غير فاضى لتقراء الرسائل او تفضى صندوق الرسائل نظرا للكم الهائل من صندوق اطفال الدنيا
5 ان يكون ليك معرفات تشكر وتسبح بحمدك وانت السعر عاكس عليك مئات النقاط والناس مازالت تشكر وتناديك بالاستمرار كانك فتحت عكا او البطل الملهم السوبر مان اللى هيفتح كنوز الفرس والروم وعليها كنوز جون مورفى ابن الحاج مرسى
6 ان كل ما الهجوم اشتد عليك بسبب الخسارة من توصياتك تقلب الحوار الى انك لم تقصد توصية وانما قصدك شريف وعفيف وان قصدك كان تعيلم الناس وتفتح لهم دماغهم المقفولة المتحجرة بالجبس والاسمنت من ايام المنفلوطى والسلطان قنصوة الغورى حتى ولو طلبت العملية انك تفتح دماغهم بالساطور عشان تفوقهم من الغيبوبة الللى هما فيها
7 انك تحط توصية تقبل القسمة على كل اتجاة لو نزل السعر او طلع السعر وتقول انا قلت هيحصل كدة لو لمس السعر هنا وهيحصل كدة لو السعر لمس المنطقة البنفسجية دى وتهرب وتفلت زى الشعر من العجين
8 اخيرا تعمل نفسك كائن خارجى وفوق مستوى كل البشر وانك تتكلم بلغة الارمن احيانا او لغة اللغاليغ الفضائية
9 انك ترفض عمل اى حساب ديمو ادام الاعضاء لانك هتكشف هتكشف
10 انك تظهر ان الناس كلها تهاجمك لانها تحقد عليك وعلى ما وصلت الية من النعم والفضل العظيم وانك فوق كل نقد لان عبقريتك ما يختلفش عليها سكان الارض والمريخ
بجد ياجماعة الموضوع ذاد عن حدة جدا واللى اعرفة ان الناس اللى عندها علم وسر حقيقى من اسرار الفوركس اما تفتح حساب ديمو ادام الناس اجمعين وتثبت ان ليها فعلا علم او انها تتوقف عن الكلام الانشائى اللى خالى من اى مضمون او دليل يثبت انهم عندهم علم فعلا