طريقة المتاجرة السعرية الزمنية بمفهوم جديد

[Eng.Mostafa]

معلش يا باشمهندس الكهربا قطهت عندى وباكتب من كسيوؤد لاب مافيهوش عربى

والاخ اللى بيقول اوبشن دة بيالف شكلة هينطرد كم الموضوع ههههههه

ياغالى دة مفروض ينفتحلوا موضوع خاص بة

عدا ان شاء الله هاوضحهالك

أشكرك يا دكتورنا الغالي على ردك
ومنتظر بكرة الشرح إن شاء الله لو سمح وقتك

تحياتي

[simba2000]

اشكرك اخي محمود على افتقادك لي اليوم , لكن مشاغل الحياة وانت ادرى بها
تحياتي يا غالي

الله يعينك ويوفقك ويبارك لك ، بس فعلا الموضوع بيبقى ناقصه العسل اللى هو انت ، دلوقتى لو مر يوم ماشفتك فى الموضوع إنت والدكتور والأخ حامد وفوكسى وكل الأخوه الكرام بزعل
بارك الله فيكم جميعا ولكم.

[عمدة الباوند]

سلام عليكم
هل الكيبل الماكر عندما ينتهى ان شاء الله يوم الاثين القادم دورته الصاعده هل سيبدا بدوره هابطه ام سيفعل تبريد لكم فيجر تحت ثم يكمل دورته الصاعده؟؟؟؟؟
ارجو الرد من ذوى الخبرات وجزاكم الله خير

[Dr.SeMSeM]

أنا عندي اقتراح جامد جدا يا جماعة وياريت كلنا نلتزم بيه عشان الاخوة اﻷي بيتابعونا يقدرو يركزو في الشرح وهما بصراحة عندهم دق
1-مشاركات الدكتور حمادة او اي مشاركة في صلب الموضوع او فيها شرح تبقى باﻷون الاسود فقط
2-الاسئلة باﻷون الاحمر فقط
3-اي مشاركة فيها هزار او دعابة او مناغشات بين الاعضاء تبقى بالازرق فقط
كدة اﻷي داخل الموضوع عارف هو هيقرا ايه وهيدور على ايه

[mohamedhoussen]

الباوند دولار فريم الساعة
يسير على شكل سداسى من القاع الاخير
الباوند سابق الزمن وصعد للزاوية 180 قبل الوقت المحدد
ولذلك من الممكن ان نرى تذبذب لتعويض فارق الزمن
ومع الاخذ فى العلم ان من الزاوية 180 زاوية مهمة جدا
انا شخصيا هابيع منها
بالتوفيق للجميع

[forexboy2011]

والله يا دكتور سمسم ياريت نلتزم بالكلام ده..لان الواحد بتوه على ما يلاقى المعلومة

شكرا على الاقتراح

[هشام الدمرداش]

السلام عليكم
اخوكم صفر فى مربع التسعه
فياريت الاقى شرح ليه فين

[kimoforex]

السلام عليكم جميعا واتمني تكونو بخير

في كلمتين في نفسي وعاوز اقولهم بقي

كل شوية ناس تسيب الموضوع وتقول معنتش قايل حاجة عشان محدش يتريق عليا والكلام ده ..
ايه ياجدعان حرام عليكو هو عشان خلاص عرفتو الطريقة واتقنتوها يبقي تسيبو الموضوع وتولع الناس الجديدة الي عايزة تتعلم؟؟
وده بحجة ان الناس مش عاوزانا في الموضوع .. افتكر نفسك زمان لما كنت بتتعلم الطريقة وبتدور علي اي حد يحن عليك بمعلومة زي الدكتور مثلا او براين او الاخوة الكرام الي بدأو مع الدكتور الموضوع وجاي دلوقتي تقول خلاص بقي انا بقيت معلم وتولع الناس الجديدة
ارجو ان الناس تفكر في الكلام ده عشان عيب الدكتور يدي كل معلوماته دي التي لا تقدر بثمن لاخوانه بدون مقابل واحنا نتكبر علي بعض وناخد المعلومات ونقلب ولا نفكر نساعد حد ولا نسال في حد زي الموضوع بتاع الدكتور جمال ممدوح..

حاجة تانية بقي بالنسبة للشارت بتاع الديلي الي ظهر فجأة يقول ان السعر رايح عند 1.37 طب والناس البايعيين من 1.3420 زي مالدكتور قال ايه النظام بقي؟ حنستني لما يروح 1.37 ولا جاء الوقت ولم ياتي السعر فينعكس الاتجاه
ارجو التوضيح.. من الناس الي عايزة تمشي دي وأولهم الي بالي

[foxyhakers1]

السلام عليكم
اخوكم صفر فى مربع التسعه
فياريت الاقى شرح ليه فين

الشرح موجود فى موضوع مربع التسعه فى منتدى الجيران

[Eng.Mostafa]

مستني الشرح يا دكتوووووور

[متمرجن كوول]

معوضة ان شاء الله على كل الخاسرين
ومبروك لكل الرابحيين
سؤال خارج الموضوع
لاحظت انك عظو مسجل من سنة 1999 هل هذا صحيح ؟
ام الصورة بتخرف

الله يبارك لك على دعائك ,,, المنتدى لم يكن موجود في هذا التاريخ ,, والصورة والمشاهد لم يخرفوا ,,, بالفعل المكتوب 1999 ,,, وهذا خطأ ,, وعاوز أستفيد من الخطأ وابيع عضويتي ب عشرة الاف دولار , هههههههههه
زي بتوع الطوابع لما بيلاقوا طابع فيه خط
أ مصنعي يقوموا يدفعوا فيه مبالغ كبيرة ويشتروه.

[hamadasalam]

مستني الشرح يا دكتوووووور

السلام عليكم ورحمة الله وبركاتة


بص يادرش

دلوقتى انت بترسم الشكل على اتجاة صاعد مثلا

حددت اول زاوية ردت السعر وكانت 144 وحددت الفاصل الزمنى كل 18 شمعة ورسمت الترندات المستقبلية وكل حاجة تمام

طيب عايز ترسم مثلث الحركة

بتشوف حركة السعر فى اول نطاق يعنى اسفل نقطة واعلى نقطة فين بالظبط

وبتاخد خط من نقطة البداية مارا بالسعر عند اسفل نقطة وصلها وتمشى معاة الى ان تصل الى نقطة تقاطع المستوى السعرى (الزاوية ) مع الفاصل

الزمنى ودة يبقى اول ضلع

وبنفس الطريقة تحصل على الضلع الثانى



وتوصل رقم 2 برقم 3



يبقى دة مثلث الحركة المبدأى

طيب عابز دقة اكثر

بتوصل كل خطوط الفان من نقطة البداية الى تقاطع الفواصل الزمنية مع الزوايا



وتشوف نطاق الحركة الحالى على انهى مثلث؟



يبقى دة نطاق الحركة الحالى اللى بناءا علية بتحدد قراراتك مش معقول هتستنى لما يوصل الى 14990 يعنى

لا بتاخد حركة السعر مقطع مقطع ومثلث مثلث

ولو عايز تكبر النطاق يبقى هتاخد نفس المثلث بس على مقياس رسم اكبر

يعنى تنتقل الى فريم الاسبوعى مثلا




لكن عشان نشوف اتجاهانا فى المدى القريب بنرسم مثلث حركة فى نطاق اضيق ونشوف النقطة القاتلة فين والترندات العكسية

وبما اننا داخلين بيع ولكن طبقا لطريقة تانية فبتكون طريقتنا مؤشر قوى فى كيفية التعامل مع الصفقة



يارب تكون الصورة واضحة الان

[Eng.Mostafa]

بارك الله فيك يا دكتورنا الغالي
شرح رائع ووافي
بس ليه ما اعتبرناش نقطة التقاطع اللي في الرسم رقم 3؟

[متمرجن كوول]

السلام عليكم ورحمة الله وبركاتة


بص يادرش

دلوقتى انت بترسم الشكل على اتجاة صاعد مثلا

حددت اول زاوية ردت السعر وكانت 144 وحددت الفاصل الزمنى كل 18 شمعة ورسمت الترندات المستقبلية وكل حاجة تمام

طيب عايز ترسم مثلث الحركة

بتشوف حركة السعر فى اول نطاق يعنى اسفل نقطة واعلى نقطة فين بالظبط

وبتاخد خط من نقطة البداية مارا بالسعر عند اسفل نقطة وصلها وتمشى معاة الى ان تصل الى نقطة تقاطع المستوى السعرى (الزاوية ) مع الفاصل

الزمنى ودة يبقى اول ضلع

وبنفس الطريقة تحصل على الضلع الثانى



وتوصل رقم 2 برقم 3



يبقى دة مثلث الحركة المبدأى

طيب عابز دقة اكثر

بتوصل كل خطوط الفان من نقطة البداية الى تقاطع الفواصل الزمنية مع الزوايا



وتشوف نطاق الحركة الحالى على انهى مثلث؟



يبقى دة نطاق الحركة الحالى اللى بناءا علية بتحدد قراراتك مش معقول هتستنى لما يوصل الى 14990 يعنى

لا بتاخد حركة السعر مقطع مقطع ومثلث مثلث

ولو عايز تكبر النطاق يبقى هتاخد نفس المثلث بس على مقياس رسم اكبر

يعنى تنتقل الى فريم الاسبوعى مثلا




لكن عشان نشوف اتجاهانا فى المدى القريب بنرسم مثلث حركة فى نطاق اضيق ونشوف النقطة القاتلة فين والترندات العكسية

وبما اننا داخلين بيع ولكن طبقا لطريقة تانية فبتكون طريقتنا مؤشر قوى فى كيفية التعامل مع الصفقة



يارب تكون الصورة واضحة الان

الله يسعدك يا دكتورنا ويبارك فيك ,, شرح ولا أروع .
أسال الله أن يبشرك بالجنة جزاء الخير الي بتعمله لينا .

[hamadasalam]

بارك الله فيك يا دكتورنا الغالي
شرح رائع ووافي
بس ليه ما اعتبرناش نقطة التقاطع اللي في الرسم رقم 3؟

تمام ياباشمهندس وانا بارسم ماشوفتها

هى دى النقطة 3 فعلا