طريقة المتاجرة السعرية الزمنية بمفهوم جديد

[witmotl]

السلام عليكم ورحمة الله وبركاته
ماشاء الله موضوع اقل ما يمكن ان نقول عليه رااائع

اسف يا دكتور حماده انا دوشتك رسائل عالخاص والموضوع هنا نشيط من جانب حضرتك والاعضاء
فا ياريت تقبلوني اخ بينكم .. كنت فقدت الامل انى احلل نهائي وبدأت باتباع الطرق الرقميه زي كسر الهاى واللو والمؤشرات الرقميه فقط لاغير
ولكن بسبب احد الاخوه وجهوني لمحاضرة الدكتور وبفضل الله ثم بفضل الدكتور اشعل طاقه ونشاط للبدء والثأر من هذا السوق ولكن هذه المره بمجهود وتعلم

اعتذر مره اخري يا دكتور على ازعاجي لحضرتك بالرسائل وهذا لجهلى بنشاط الموضوع هنا ولك خالص ودي وتقديري

كنت عاوز اعرف بس من الدكتور او اللى يقدر يفيدني
ايه الحاجات اللى شغالين بيها من الاف للياء لأن فيه اكتر من موضوع للدكتور وانا عاوز الم بيهم كلهم ومش عارف ابدأ منين
فا ياريت تقولولى بالترتيب ابدأ بـ 1- ..... 2-..... 3-..... الى اخره
مشكورين جميعا

على فكره انا بقالى قرابه سنه او 11 شهر بالظبط ما اكتب ولا اشارك نهائي رغم انى اعشق المتداول العربي لأني عرفت الفوركس وبدأت فيه .. اينعم خسرت كتير بس انا ماشي بقا على مقولة من علمني حرفا .. فا عمري ما اقدر انسي المنتدي دا بالذات له بالنسبالى طعم ومذاق خاص ومهما بعدت لازم هرجعله وفرحت جدا ان الدكتور متفاعل هنا

شباب كنت عاوز اعرف ايه اللى ندرسه انا تايه في مواضيع كثيره وكلها لدكتور حماده
1- علم المتاجره بالاله الحاسبه
2- كشف الاسرار
3- المتاجره السعريه الزمنيه
4- مربع التسعه ((فى منتدي الجيران))

ممكن بقا تفيدوني ابدأ بأيه بالترتيب كدا ؟؟ والشغل على ايه فى كل دول ولا كله مرتبط ببعضه ؟؟

ارجو الرد وعدم التجاهل ولكم جزيل الشكر وفائق الاحترام

يا جماعه حد يرد عليا
انا قاعد اكلم نفسي بقالى كتير
يابو ريم انتا عملت ايه علشان يردوا عليك بسرعه كدا
طيب ماشي انا هقوم انام وبكره هصحالكو واجيب شويه رجاله وادخلكوا الموضوع دا
ومن بكره مفيش حكومه .. انا الحكومه هههههه يارب تردوا بقا انا شويه وهرقصلكو

تصبحوا على خير

[hhashiesh]

ههههههههههه

تصبح على خير

منا قايلك شف أنا رحت وجيت والموضوع تحرك صفحه والسعر تحرك 10 نقط بالكثير

بس مع بداية اليوم يافكسي لازم نكون متابعين وحذرين الله يستر

كده يبقي ماشي بنظام 1*10 ........ هههههههههههههه
وانت من اهل الخير

[eng.m7md_magdy]

يا جماعه حد يرد عليا
انا قاعد اكلم نفسي بقالى كتير
يابو ريم انتا عملت ايه علشان يردوا عليك بسرعه كدا
طيب ماشي انا هقوم انام وبكره هصحالكو واجيب شويه رجاله وادخلكوا الموضوع دا
ومن بكره مفيش حكومه .. انا الحكومه هههههه يارب تردوا بقا انا شويه وهرقصلكو

تصبحوا على خير

بص ياسيدي انت لا تروح تجيب رجاله ولا تحدف طوب ولا اي كلام من ده انت تاخد بعضك وتعمل طشط قهوه مش فنجان وتجري علي منتدي الجيران تقرأ موضوع مربع التسعه كامل وبعدين هيجيلك هبوط حاد من كتر شرب القهوه تعمل طشط ميه بسكر وتيجي جري علي الموضوع هنا تقرأ منه اول 50 صفحه هتلاقي نفسك فهمت كل حاجه ولو في حاجه قابلتك ومش فاهمها تسأل واحنا في الخدمه

[hhashiesh]

يا جماعه حد يرد عليا
انا قاعد اكلم نفسي بقالى كتير
يابو ريم انتا عملت ايه علشان يردوا عليك بسرعه كدا
طيب ماشي انا هقوم انام وبكره هصحالكو واجيب شويه رجاله وادخلكوا الموضوع دا
ومن بكره مفيش حكومه .. انا الحكومه هههههه يارب تردوا بقا انا شويه وهرقصلكو

تصبحوا على خير

ايه يا عم في ايه بس مين مزعلك
اولا متزعلش من الدكتور لاني متاكد انو بيجيلو مئات الرسائل علي الخاص، ولو قعد يرد عليهم مش حيلاقي وقت يشرحلنا، يعني انت يرضيك كده ..........ههههههههههه

والكتور عنده مبداء ان السؤال اللي اتسائل قبل كده مبيردش عليه، وده طبعا بسبب ضيق الوقت

ثانيا الدكتور لما بيكتب موضوع او بيشرح طريقه بتبقي متكامله ومش محتاجه قرات طريقه ثانيه، فالطريقه ديه في حد زاتها كافيه
بس ممكن تقراء مربع التسعه علشان تعرف المستويات القويه، وبعد ما تتقن الطريقتان ابقي اقراء باقي الموضوعات لانها كلها ممتازه

مرضي كده يا عم ، من غير ما تجيب رجاله ولا حاجه
وبعدين خالي بالك علشان احنا هنا عندنا ناس محترفه في رمي الطوب وبتقف في محمد محمود

[hhashiesh]

بص ياسيدي انت لا تروح تجيب رجاله ولا تحدف طوب ولا اي كلام من ده انت تاخد بعضك وتعمل طشط قهوه مش فنجان وتجري علي منتدي الجيران تقرأ موضوع مربع التسعه كامل وبعدين هيجيلك هبوط حاد من كتر شرب القهوه تعمل طشط ميه بسكر وتيجي جري علي الموضوع هنا تقرأ منه اول 50 صفحه هتلاقي نفسك فهمت كل حاجه ولو في حاجه قابلتك ومش فاهمها تسأل واحنا في الخدمه

ياعني انت يا مجدي رديت وسيبني اكتب كل ده
هههههههههه

[concord1]

السلام عليكم لسه فيه حد صاحي يا جماعة مرفق شارت للدقيقة يعني بجرب اشتغل عليه عملته على زاوية 90 سبيسينج 60000=100000*60 ونزلت صفر علشان تكون المسافات معقولة شوية والوقت 90 شمعة واعتقد هيبتدي هبوط وفيه تمحور على الزاوية 180 ولم يصل الى الزاوية 225 ممكن حد يصححلي انا شايف فيه توافق والله اعلم

[mohamedhoussen]

ياجماعة استفسار ضرورى جدا للناس اللى عندها حساب فى اف اكس سووول
دلوقتى انا كنت كسبان حساب بـ 500 دولار
المهم دلوقتى انا فاتح صفقات ولم اغلق اى صفقة ولكن فجأة لقيت الحساب بقى 497 دولار
من غير سبب فا لاقيت حاجة اسمها
premium fee
أية الموضوع دة ؟؟

[eng.m7md_magdy]

ياجماعة استفسار ضرورى جدا للناس اللى عندها حساب فى اف اكس سووول
دلوقتى انا كنت كسبان حساب بـ 500 دولار
المهم دلوقتى انا فاتح صفقات ولم اغلق اى صفقة ولكن فجأة لقيت الحساب بقى 497 دولار
من غير سبب فا لاقيت حاجة اسمها
premium fee
أية الموضوع دة ؟؟

الموضوع ده ياسيدي ان الشركه بتاخد فوائد ربويه علي تبييت الصفقات المفتوحه وده طبعا حرام شرعا ويعتبر ربا وبالتالي حضرتك تراسل الدعم الفني للشركه وتطلب تحويل الحساب الي حساب اسلامي وهيتلغي الموضوع ده طيب لو رفضوا بقي تعمل ايه
ماتسيبش اي صفقه مفتوحه لحد الساعه 12 بالليل وقبل الساعه 12 تقفل صفقاتك علشان ما تتحسبش الفوائد البويه علي تبييت الصفقه

تحياتي

[mohamedhoussen]

الموضوع ده ياسيدي ان الشركه بتاخد فوائد ربويه علي تبييت الصفقات المفتوحه وده طبعا حرام شرعا ويعتبر ربا وبالتالي حضرتك تراسل الدعم الفني للشركه وتطلب تحويل الحساب الي حساب اسلامي وهيتلغي الموضوع ده طيب لو رفضوا بقي تعمل ايه
ماتسيبش اي صفقه مفتوحه لحد الساعه 12 بالليل وقبل الساعه 12 تقفل صفقاتك علشان ما تتحسبش الفوائد البويه علي تبييت الصفقه

تحياتي

حساب غير اسلامى !!!!
يانهار ابيض انا مكنتش اعرف الموضوع دة
شكرا ان انت وضحتلى الموضوع دة
ربنا يستر بقى ويردوا يحولوا الحساب الى اسلامى

[lionofegypt2020]

حساب غير اسلامى !!!!
يانهار ابيض انا مكنتش اعرف الموضوع دة
شكرا ان انت وضحتلى الموضوع دة
ربنا يستر بقى ويردوا يحولوا الحساب الى اسلامى

بالتوفيق يا معلم محمد

واثبت بقا فى منتدى خيلتنا

نفس الاسئله هنا وهناك هههههههه

[mohamedhoussen]

بالتوفيق يا معلم محمد

واثبت بقا فى منتدى خيلتنا

نفس الاسئله هنا وهناك هههههههه

هههههههههههههههههههههه
ادينى ثبت
الاسترالى عمل معايا حركة مش تمام

[eng.m7md_magdy]

شوفتو الاسترالي طلع ازاي في اقل من 30 ثانيه الخروف بيروش يا رجاله

[mohamedhoussen]

ينفع كدة الاسترالى يحرجنى قدام الناس كدة
وانا عمال اللف على المنتديات من امبارح واقولهم الاسترالى الى الهاوية
الاسترالى الى الجحيم
لحد ما وددانى انا الى الجحيم
بس وراة وراة برددة

[waleed_85]

ينفع كدة الاسترالى يحرجنى قدام الناس كدة
وانا عمال اللف على المنتديات من امبارح واقولهم الاسترالى الى الهاوية
الاسترالى الى الجحيم
لحد ما وددانى انا الى الجحيم
بس وراة وراة برددة

افتكرت نفسي لحالي اتاريكم معاي بالاسترالي
هههههههههههههههههه

اتفرج فيه مش عارف اعمل معه بس شكلها اسوي له هيدج لين افكر له بطريقه واتخلص منه

[mohamedhoussen]

افتكرت نفسي لحالي اتاريكم معاي بالاسترالي
هههههههههههههههههه

اتفرج فيه مش عارف اعمل معه بس شكلها اسوي له هيدج لين افكر له بطريقه واتخلص منه

عارف اول ماتعمل هيدج اية اللى هايحصل؟
هايروح نـــــــــــــــــــــــــــــــــــــــــــــــــ ـــــــــــــــــــــــــاازل على طول
لكن لو مفتحتش هيدج هايفضل يطلع يطلع لحد ماتتمرجن
هههههه
يعنى مفيش فايدة ماتحولش
انا عن نفسى قاعد بتفرج علية
بس هو هاينزل غصب عنة