دعوه للنقاش مع دكتور حماده سلام

[Forexsawy]

ما شاء الله على الشغل ، و انا كمان اضم صوتي لكم بعمل موضوع جديد مستقل و نبدأ واحدة واحدة لحد مانتكمن و بعدين نعمل و رشة عمل .

[مصطفى خالد]

شكرا لكى اختى الكريمة على توجية الدعوة لشخصى المتواضع وبارك الله فيكى

اولا اعرفكم بنفسى

الأسم : حمادة عبد السلام اسماعيل

المؤهل الدراسى : بكالوريوس علوم قسم الكيمياء ودبلومة دراسات عليا فى الكيمياء الحيوية والفسيولوجى (تحاليل طبية)

العمر : 40 سنة

العمل الحالى : كيميائى بالتأمين الصحى فى مستشفى ابوحماد بمحافظة الشرقية

ولدى معمل خاص تحاليل طبية

- الهوايات الفوركس -ثم لعبة الشطرنج

بداياتى مع عالم الفوركس منذ تقريبا 5 سنوات حيث كنت اصمم مواقع واضع بها اعلانات جوجل ادسنس

وكان الجميع يقول ان اغلى اعلانات هو اعلانات الفوركس

يعنى كنت اضع اعلانات الفوركس دون ان اعرف يعنى اية فوركس

الا ان اخبرنى احد الاصدقاء بوجود عرض بونص 100 دولار من احدى الشكرات

فقولتلة ياعم فوركس اية انا اسمع ان كل الناس فى الفوركس بتخسر وقليل جدا من يحافظ على ربحة

قالى ياعم مش هتخسر حاجة جرب قولتلة ماشى واخدت البونص ال100 دولار

ههههههههه طبعا عارفين اية اللى حصل للحساب دة من غير ما اقول

بس عجبتنى اللعبة

لاقيت شركة تانية عاملة بونص كمان مرة ب100 دولار قولت حلو قوى اللى هببتة فى الحساب الاول مش هكررة تانى فى الحساب دة

وقولت اروح اشوف اى حد بيعمل توصيات ادخل عليها

روحت لواحد ابن حلال ودخلت توصيتة واسمعت كلامة ودخلت النقطة ب10 سنت وبالمناسبة كانت على الاسترالى ايام لما كان 0.4900 وكانت بيع

وعينك ماتشوف الا النور فضل واخد فى وشة الى ان صفر الحساب وطار الحساب التانى بس المدة كانت اطول شوية

وانا قاعد ولا فاهم اية اللى بيحصل هههههههههه

المهم روحت اودعت 200 دولار ودة كان الايداع الاول من مالى الخاص وتعرفت وقتها على صديق كنت استشيرة فى بعض الامور ولة خبرة كبيرة

بالفوركس وسألتة سؤال قولتلة مفروض اكسب قد اية من الحساب ابو 200 دولار دة ؟

قالى طالما دة اول ايداع بالنسبة لك فلو قدرت تحافظ علية لمدة شهر او على الاقل يفضل منة 50 % مع نهاية الشهر يبقى سوف تنجح فى الفوركس

وطبعا كالعادة طالما مفيش خبرة ولا دراسة يبقى شكرا وطار الحساب

رجعت وقولتلة طار الحساب يا صاحبى

قالى نصيحة سيبك من الفوركس لانك فاشل فية

ينهار ابيض اكتر كلمة باضايق منها كلمة فاشل دى وقلتلة طيب بكرة افكرك ياعم فتحى ( فتحى النجف على فكرة)

واخذت عهد على نفسى انى لازم اعرف خبايا هذا العالم ولازم انجح باذن الله

بدات اقرأ واتابع كل مايكتب ويقال هنا وهناك

وفى الاخر الاقى كل الناس خسرانة

يبقى العيب مش فى الناس لا العيب فى طريقة عمل الناس او الاغلبية على الاقل

وجدت بعض المواضيع تتكلم عن عالم اسمة وليام جان كانت صفقاتة الناجحة اكبر بكثير من صفقاتة الخاسرة

ولكن لم يعلن ولم يضع سرة لاحد

قولت طيب طالما لم يضع سرة لاحد يبقى نشوف هو كان بيشتغل باية ونحاول نعرف سر نجاحة وليس سر طريقتة

المهم بعد معرفة ادواتة التى كان يعمل بها وجدت شئ هام جدا

وجدت ان جميع هذة الادوات هى موجودة بالفعل من قديم الاذل وهو لم يفعل شئ عبقرى بل هو استخدم هذة الادوات وكيفها بطريقة ما لكى يستخرج منها طريقتة الخاصة

قولتلة شكرا يا عم الحاج هنا دورك انتهى

انا هاخد ادواتك دى يا عم الحاج ومش عايز اعرف من حضرتك ولا من غيرك حاجة

وفضلت بقى مع نفسى امسك اداة اداة واراقب واجرب واسجل تجاربى فى مخى واستخرج طريقة للمتاجرة خاصة بى

ثم امسك اداة اخرى واكرر نفس اللى عملتة وهكذا

ثم اربط طريقة باخرى

وفى الاخير وجدت سبحان الله ان كل الطرق تؤدى الى روما وكلها مرتبطة مع بعضها

فتأكدت عندها ان هذا السوق مثلة مثل اى شئ فى الكون لا يمكن ان يسير بعشوائية

بل بتدبير محكم ولا يستطيع ان يمسك بكل خيوطة وربطها مع بعضها الا الله سبحانة وتعالى

وهذا العلم هو من عند الله يعطى جزء من علمة لمن يشاء

يبقى الواحد يجتهد ويسأل الله من فضلة ان يعطية بعض هذة الخيوط

وما توفيقى الا بالله

تمام جدا

ممكن تعرفنا اكتر حوالين نظرتك للشارت

[Amro]

حماده باشا بارك الله فيك

انا دخلت اسلم عليك بس لأنك واحشنى جدا والله

واضح انك وقعت وقعه تمااام الله يعينك وربنا ما يكتبها على حد

انا مش شفت ردود بس طبعا لما يكون حماده باشا على كرسى الاعتراف اكيد هتعرق

ربنا يوفقك ومستنيك عشان بجد واحشنى

جزاك الله خيراً

[mohsun]

السلام عليكم
وعام سعيد للجميع وكل يحقق احلامه بأذن الله
شكرا للابنه الغاليه سالى على اتاحه هذه الفرصه الرائعه
للنقاش مع جان العرب
وشكر خاص للدكتور حماده على كل ماقدمه وسيقدمه لنا
جزاه الله خير الجزاء

ولجميع الابناء فى توقيعى بعض من درر الرائع حماده سالم

ولكم جميعا تحياتى

[الزيرو]

أين رابط الموضوع الجديد يا شباب ..؟؟؟

[alabo]

الســـلام عليكم
شكراً للاستاذ حمادة والأخت سالي والأخ خلدون لأنه الشرارة التي ولدت الموضوع.

واضح أن الاستاذ حمادة يريد الخير فجزاه الله خيراً على مجهوده وبارك الله له في علمه وولده.

من رأيي أن نترك له حرية إختيار الطريقة في الطرح وعدم الرد والمشاركة حتى يطلب هو ذلك.

وفق الله الله الجميع

[الزيرو]

يا جماعة والله إحترنا ..

هل يوجد موضوع جديد أم سيواصل الأخ حمادة الشرح هنا ..؟؟

نتمنى كما ذكر وطلب أغلب الإخوان أن يبدأ الشرح من نقطة الصفر حتى تسهل المتابعة وتترتب الأفكار ..
كذلك منعاً للتشتت أعتقد أنه من الأفضل التركيز على فريم واحد يتفق عليه الجميع ويناسبهم ..

[af159]

خالص تحياتي للأخ الخلوق العزيز دكتور حمادة ( جان العرب ) واتمني لك كل التوفيق
وتحياتي لجميع الاخوة بالمنتدى

[الزيرو]

خالص تحياتي للأخ الخلوق العزيز دكتور حمادة ( جان العرب ) واتمني لك كل التوفيق
وتحياتي لجميع الاخوة بالمنتدى

يا سلاااااااااااااااااااااااااااااام ..

الكبير الرااااااااااااااائع أبو زياد مشرفنا هنا ...!!! يا مرحبا يا مرحبا ..

والله إشتقنا لطلتك ومواضيعك الفريدة ..

همسة :

هل لازلت تستخدم مؤشر قوة العملات الذي صممته في السابق ..؟؟
يا ريت تفيدنا ...

[hamadasalam]

الإخوة الأعزاء

السلام عليكم ورحمة الله وبركاته

موضوع أخي الفاضل خلدون لم يحذف وانما نقل للقسم المناسب للمتابعة معه وقد اخبركم بذلك بمشاركة بهذا الموضوع لم يتم الإنتباه لها ,

تم بالفعل تلبية طلبكم واعادة الموضوع الخاص بالأستاذ حمادة سلام الى القسم العام طالما سيتم الشرح فيه ,

عادة لا يتم اتخاذ اجراء ادارى نحو اي موضوع بالمنتدى الا اذا كان هناك سبب يدعم ذلك خاص بالقوانين التنظيمية للمنتدى وابسط دليل على ذلك استمرار ورش كثيرة بالمنتدى دون اى تدخل بحذف او تعديل ,

شكرا جزيلا لكم

تحياتي وتقديري

شكرا لكى اختى الكريمة رانيا على تلبية طلب الاعضاء مع العلم ان الموضوع نقل وكنت اقدم بة بعض الشروحات والصفقات الايف

بس مش مشكلة بارك الله فيكى

لى طلب دكتور حماده
لو من الممكن فتح موضوع جديد على اسس يعنى لو فيه بدائل تسهل الاستخدام من الاول
حتى يتيح للكثير المشاركه فى الموضوع
ويكون على اسس مفهومه وواضحه
ارجو ان تكون قد فهمت قصدى

انا مع هذا الاقتراح بشدة ولازم موضوع جديد ومن البداية خالص وخطوة خطوة وطريقة طريقة وترتيب وتنسيق ونكون فريق عمل وبعد الانتهاء باذن الله يكون فيه ملخص في كتاب عشان اللى بعدنا ميضطروش يعملوا اعتصامات ومضاهرات وبرضه لازم كم تلميذ من تلامذة الدكتور حماده يكونوا معاه لانه حرام والله يشيل الحمل التقيل ده لوحده وانا برشح عمو برين يساعد الدكتور واي شخص برضه فاهم وحابب يساعد ياريت لانه يد الله مع الجماعة يا اخوانا

إن شاء الله ساعمل على المساعدة بقدر المستطاع وبقدر فهمي للمواضيع وذلك تلبية لنداء للكثير من الجماهير الثائرة الهادرة في جميع المنتديات على قولة اخونا خلدون...
وان شاء الله اخونا الدكتور حمادة ما يقصر برضه بالاجابة عن تساؤلاتنا برحابة صدر كما عهدناه دائما...
لكن شرطي الوحيد ان يتم التفاعل ويتم وضع الفرص من الجميع حتى نتعلم جميعا لاني كما اسلفت بغير التطبيق لا يوجد تقدم من اي شخص يريد ان يتعلم ،،،نصيحة اخوية
واول مساعدة ملف بي ادي اف يلخص جزئية هامة من موضوع كشف الاسرار واعدادات المؤشر ويجب اعتبار الاعدادات التي ذكرها الدكتور في مشاركة سابقة في الصفحات السابقة من هذا الموضوع وما الى ذلك
الملف يصلح لان يكون البداية مع هذا العلم
تحياتي

اضم صوتي الى الاخوان بفتح موضوع جديد وبداية جديدة ببساطة اكثر

حياك الله
بدنا موضوع مستقل
يبدأ من شارت فاضي .. لحظة دخولنا الشارت
ويتم التفصيل الممل بكل مسألة : معناها والهدف منها وكيف بنحضّرها وكيف بنستنتجها
غير هيك رح يبقى الشرح جزئي ورح تبقى حسرة عدم التمكن من هالطرق الحلوة
بارك الله جهودك استاذي الكريم

أتمنى يفتح الدكتور حمادة موضوع جديد ويبدأ معانا خطوة خطوة

لأنو فيه أشياء كتيرة مش مفهومة ولسا غامضة

بناءا على طلب الاغلبية بفتح موضوع جديد يبقى لازم ننفذ طلبهم

بس فية حاجة عايز اعرفها

المطلوب شرح طريقة مختصرة ومفيدة يعنى 1+1=2 وشكرا بخطوات عمل واضحة ومحددة

ام شرح كل شئ بالتفصيل وسبب اختيارنا لكل شئ كما افعل حاليا

لقد وجدت اخوة مازال الشرح غير مفهوم لديهم بالرغم انة كدة اسهل وابسط طريقة اشرح بيها

فمش عارف اللى تريدونة انة موافق علية

ولكم خالص التحية اخوانى الكرام

استاذ حمادة ممكن تفضي شوية مساحة في صندوق البريد لم اتمكن من ارسل الرد على بريدك وشكرا

حاضر اختى الكريمة اخلص رد على المشاركات وانفذ ان شاء الله

دكتور حماده
انت سمعت في مصر كلام عن حكاية البنوك دي؟
ارجو التوضيح للاهميه

ولا سمعت حاجة بس انت شايف الاخوال الاقتصادية عاملة اية وشايف الاحتياطى بتاعنا عمال ينقص ازاى

وشايف كم وصل الدولار الان بالنسبة للجنية وكمان الله اعلم بالايام الجاية وربنا يستر

ما شاء الله على الشغل ، و انا كمان اضم صوتي لكم بعمل موضوع جديد مستقل و نبدأ واحدة واحدة لحد مانتكمن و بعدين نعمل و رشة عمل .

ان شاء الله

تمام جدا

ممكن تعرفنا اكتر حوالين نظرتك للشارت

اخى مصطفى انا انظر الى الشارت ببساطة ودون اى تعقيد قبل ان ادخل الى اى صفقة فهو يخبرنا بالكثير

لكن لو دخلت للصفقة فكل ما اراة هو خادع وكاذب

[hamadasalam]

حماده باشا بارك الله فيك

انا دخلت اسلم عليك بس لأنك واحشنى جدا والله

واضح انك وقعت وقعه تمااام الله يعينك وربنا ما يكتبها على حد

انا مش شفت ردود بس طبعا لما يكون حماده باشا على كرسى الاعتراف اكيد هتعرق

ربنا يوفقك ومستنيك عشان بجد واحشنى

جزاك الله خيراً

حبيبى عمرو والله انت واحشنى اكثر فينك يا راجل ؟

بردو نزلت مصر من غير ماشوفك ماشى

تحياتى لشخصك الكريم

[hamadasalam]

يا جماعة والله إحترنا ..

هل يوجد موضوع جديد أم سيواصل الأخ حمادة الشرح هنا ..؟؟

نتمنى كما ذكر وطلب أغلب الإخوان أن يبدأ الشرح من نقطة الصفر حتى تسهل المتابعة وتترتب الأفكار ..
كذلك منعاً للتشتت أعتقد أنه من الأفضل التركيز على فريم واحد يتفق عليه الجميع ويناسبهم ..

ان شاء الله هنفتح موضوع جديد نزولا لرغبة الاغلبية بس اشوف ردود الاخوة الاول عايزين موضوع مفصل ولا طريقة محددة للمتاجرة؟

[hamadasalam]

خالص تحياتي للأخ الخلوق العزيز دكتور حمادة ( جان العرب ) واتمني لك كل التوفيق
وتحياتي لجميع الاخوة بالمنتدى

بارك الله فيك حبيبى ابو زياد والله يكرم اصلك انا تلميذك يا غالى

تحياتى لك واتمنى لك كل التوفيق

[hamadasalam]

حماده الملقب بـ "جـان العرب" حالياً يكتب اخطر واهم مواضيع عن المتاجره الزمنيه بمنتدى الجيران .. انا وغيري سجلنا هناك!
ابحثو بجوجل عن موضوع "مربع التسعة وطريقة جديدة للمتاجرة" وعن "اليورو دولار بعد شهور"

ياعم اسامة الله يكرمك ولا اخطر ولا شئ ياعم كلة بفضل الله

تقبل تحياتى

[hamadasalam]

السلام عليكم
وعام سعيد للجميع وكل يحقق احلامه بأذن الله
شكرا للابنه الغاليه سالى على اتاحه هذه الفرصه الرائعه
للنقاش مع جان العرب
وشكر خاص للدكتور حماده على كل ماقدمه وسيقدمه لنا
جزاه الله خير الجزاء

ولجميع الابناء فى توقيعى بعض من درر الرائع حماده سالم

ولكم جميعا تحياتى

بارك الله فيك ياعم اسامة

ياعم انت لسة شباب والشباب شباب القلب