دعوه للنقاش مع دكتور حماده سلام

[saly22]

بسم الله الرحمن الرحيم


يسعدنا ويشرفنا ان يكون معنا اليوم

الدكتور
حماده سلام
وندعو جميع اعضاء المتداول لهذه المناقشه

والف شكر للدكتور حماده على تلبية هذه الدعوه
ونرجو ان تخرج بافاده لجميع الاعضاء
وتكون مثمره
وتحل الكثير من الالغاز فى هذا المجال

[saly22]

دكتور حماده
يا ريت حضرتك فى البدايه تحدثنا عن بداياتك فى هذا المجال
والدراسات التى مكنت حضرتك من النجاح فيه

[hamadasalam]

شكرا لكى اختى الكريمة على توجية الدعوة لشخصى المتواضع وبارك الله فيكى

اولا اعرفكم بنفسى

الأسم : حمادة عبد السلام اسماعيل

المؤهل الدراسى : بكالوريوس علوم قسم الكيمياء ودبلومة دراسات عليا فى الكيمياء الحيوية والفسيولوجى (تحاليل طبية)

العمر : 40 سنة

العمل الحالى : كيميائى بالتأمين الصحى فى مستشفى ابوحماد بمحافظة الشرقية

ولدى معمل خاص تحاليل طبية

- الهوايات الفوركس -ثم لعبة الشطرنج

بداياتى مع عالم الفوركس منذ تقريبا 5 سنوات حيث كنت اصمم مواقع واضع بها اعلانات جوجل ادسنس

وكان الجميع يقول ان اغلى اعلانات هو اعلانات الفوركس

يعنى كنت اضع اعلانات الفوركس دون ان اعرف يعنى اية فوركس

الا ان اخبرنى احد الاصدقاء بوجود عرض بونص 100 دولار من احدى الشكرات

فقولتلة ياعم فوركس اية انا اسمع ان كل الناس فى الفوركس بتخسر وقليل جدا من يحافظ على ربحة

قالى ياعم مش هتخسر حاجة جرب قولتلة ماشى واخدت البونص ال100 دولار

ههههههههه طبعا عارفين اية اللى حصل للحساب دة من غير ما اقول

بس عجبتنى اللعبة

لاقيت شركة تانية عاملة بونص كمان مرة ب100 دولار قولت حلو قوى اللى هببتة فى الحساب الاول مش هكررة تانى فى الحساب دة

وقولت اروح اشوف اى حد بيعمل توصيات ادخل عليها

روحت لواحد ابن حلال ودخلت توصيتة واسمعت كلامة ودخلت النقطة ب10 سنت وبالمناسبة كانت على الاسترالى ايام لما كان 0.4900 وكانت بيع

وعينك ماتشوف الا النور فضل واخد فى وشة الى ان صفر الحساب وطار الحساب التانى بس المدة كانت اطول شوية

وانا قاعد ولا فاهم اية اللى بيحصل هههههههههه

المهم روحت اودعت 200 دولار ودة كان الايداع الاول من مالى الخاص وتعرفت وقتها على صديق كنت استشيرة فى بعض الامور ولة خبرة كبيرة

بالفوركس وسألتة سؤال قولتلة مفروض اكسب قد اية من الحساب ابو 200 دولار دة ؟

قالى طالما دة اول ايداع بالنسبة لك فلو قدرت تحافظ علية لمدة شهر او على الاقل يفضل منة 50 % مع نهاية الشهر يبقى سوف تنجح فى الفوركس

وطبعا كالعادة طالما مفيش خبرة ولا دراسة يبقى شكرا وطار الحساب

رجعت وقولتلة طار الحساب يا صاحبى

قالى نصيحة سيبك من الفوركس لانك فاشل فية

ينهار ابيض اكتر كلمة باضايق منها كلمة فاشل دى وقلتلة طيب بكرة افكرك ياعم فتحى ( فتحى النجف على فكرة)

واخذت عهد على نفسى انى لازم اعرف خبايا هذا العالم ولازم انجح باذن الله

بدات اقرأ واتابع كل مايكتب ويقال هنا وهناك

وفى الاخر الاقى كل الناس خسرانة

يبقى العيب مش فى الناس لا العيب فى طريقة عمل الناس او الاغلبية على الاقل

وجدت بعض المواضيع تتكلم عن عالم اسمة وليام جان كانت صفقاتة الناجحة اكبر بكثير من صفقاتة الخاسرة

ولكن لم يعلن ولم يضع سرة لاحد

قولت طيب طالما لم يضع سرة لاحد يبقى نشوف هو كان بيشتغل باية ونحاول نعرف سر نجاحة وليس سر طريقتة

المهم بعد معرفة ادواتة التى كان يعمل بها وجدت شئ هام جدا

وجدت ان جميع هذة الادوات هى موجودة بالفعل من قديم الاذل وهو لم يفعل شئ عبقرى بل هو استخدم هذة الادوات وكيفها بطريقة ما لكى يستخرج منها طريقتة الخاصة

قولتلة شكرا يا عم الحاج هنا دورك انتهى

انا هاخد ادواتك دى يا عم الحاج ومش عايز اعرف من حضرتك ولا من غيرك حاجة

وفضلت بقى مع نفسى امسك اداة اداة واراقب واجرب واسجل تجاربى فى مخى واستخرج طريقة للمتاجرة خاصة بى

ثم امسك اداة اخرى واكرر نفس اللى عملتة وهكذا

ثم اربط طريقة باخرى

وفى الاخير وجدت سبحان الله ان كل الطرق تؤدى الى روما وكلها مرتبطة مع بعضها

فتأكدت عندها ان هذا السوق مثلة مثل اى شئ فى الكون لا يمكن ان يسير بعشوائية

بل بتدبير محكم ولا يستطيع ان يمسك بكل خيوطة وربطها مع بعضها الا الله سبحانة وتعالى

وهذا العلم هو من عند الله يعطى جزء من علمة لمن يشاء

يبقى الواحد يجتهد ويسأل الله من فضلة ان يعطية بعض هذة الخيوط

وما توفيقى الا بالله

[saly22]

ما شاء الله يا دكتور
يعنى كلو باجتهاد شخصى
يعنى فى امل ان شاء الله اننا نفهم هههههههههه

[saly22]

طيب حضرتك من تجاربك لمحاولة تطوير هذا المجال
ومحاولة ايصال افكارك لكى يستافد منها اكبر عدد ممكن
وهذا واضح جدا من مشاركات حضرتك
ومع ذلك يوجد غموض كثير فى المجال وصعوبه كبيره فى محاولة استخدامه وعدم انتشاره
فهل من تفسير لذلك

[hamadasalam]

اولا فية مقولة هامة جدا

هى ان الانسان عدو ما يجهل يعنى لو حد جاى يتكلم فى المجال دة اول حاجة هيلاقيها هجوم عنيف علية بسبب ومن غير سبب

دة انا مثلا لما وضعت بعض التوصيات بناءا على هذة الطريقة الكثير منها حقق الاهداف بفضل الله

اما اذا توصية او اتنين ضربوا استوب يدخل ناس مخصوص للشماتة والاعتراض على هذة الطريقة

طيب ياجماعة خليكوا عادلين لم توصية تحقق الهدف قولوا مبروك ولما توصية تضرب استوب قولا الطريقة تحتاج الى تعديل

بالرغم انى بفضل الله لا اكتب اى كلمة فى اى موضوع قبل ان اضع الدليل ومن الشارت نفسة لكى ابعد المشككين والمعارضين من البداية

فذلك يعتبر من اهم الاسباب لعدم انتشارها هو الهجوم على الشخص من البداية

والسبب الثانى فهناك بعض الناس يتخذون من هذة الطرق وكانها اسرار حربية لا يمكن البوح بها

مع ان العلم كلة من عند الله ولا يجب اخفاء اى شئ يمكن ان يساعد احد فى طريقة

السبب الثالث بعض الاخوة هذة الطريقة هى مصدر رزقهم كطابعة كتب واسطوانات وكورسات تعليمية باجر

[forexssp]

السلام عليكم ورحمة الله

اهلا وسهلا بالدكتور حمادة

عندي سؤال لمادا لاتعتمد على الفوركس كمصدر رزق وترك عملك الأساسي ؟

[flymero]

السلام عليكم ورحمة الله وبركاتة

دكتور حماده منور الموضوع انا بصراحة كل مرة اقول ادخل موضوع مربع التسعة او موضوعك فى بورصات وادخل ابص بصة الاقى فلك ونجوم وشمس وقمر وهكذا بصراحة وبدون زعل سئلت احد الخبراء فى الفوركس فضحك وقال كل هذا خداع واختراعات لم ينزل الله بها من سلطان
لكن الحقيقة انا من غير قراءة او متابعة لقيت ناس كتير بتشكر فى طرقك وبرضو لسه مقرأت حاجة منها فلو تتكرم تدلنى على شرح مبسط وسهل مع ارفاق الادوات اللازمة لهذه الطرق طالما ان سمعة هذه الطرق بدأت فى الانتشار ويقال عنها انها ناجحة

فياريت يا دكتور تدلنا على طريق سهل ومبسط اكون لك من الشاكرين
وتشرفنا بوجودك

[saly22]

مع حضرتك فى الكلام
بس ممكن يكون فيه سبب رابع
ان اكتر المتداولين فى الفوركس
بيعتمدو على طرق سهلة فى المتاجره مجرد وضع مؤشرات مناطق دعم ومقاومه متحتجش دراسه
ليه منخليش التداول بهذه الطريق قريب من الطرق الاخرى وتكون طرق واضحه مؤشرات معينه لانى اعرف انه يوجد لها مؤشرات كثيره
لماذا لا نسهل على المتداولين هذه الطريقه لكى يحاولو ان يجربو ومن هنا ممكن يبدأ الاقتناع
فاننى ارى جميع ورش التداول بهذه الطريقه مقتصره على فئه معينه جدا وقليل الذى يقدر يتابعها
وارى السبب الرئيس عدم قدرتهم على فهم التداول بها وبالتالى عدم الجرأه على التجربه

[lasource]

نفس سؤال الاخ forexssp
بما ان طريقتك ناجحة ممكن ان تجني بها على الاقل عشرين في المية شهريا واذا حسبتها وقارنتها مع راتبك من شغلك ستجد فارقا كبيرا كالفرق بين السماء والأرض !!!!!
فلماذا لم تترك عملك ؟؟
غرييبة

[hamadasalam]

السلام عليكم ورحمة الله

اهلا وسهلا بالدكتور حمادة

عندي سؤال لمادا لاتعتمد على الفوركس كمصدر رزق وترك عملك الأساسي ؟

عليكم السلام ورحمة الله وبركاتة

يمكن لو كان اعتمادى على الفوركس كمصدر دخل رئيسى كنت فشلت فية

فكما ذكرت فى المقدمة ان الفوركس بالنسبة لى هواية لذلك احاول ان ابدع فيها انما لو كان مصدر دخلى الوحيد كان الخوف والتردد والطمع جدير بالاطاحة

بى من قمة الهرم

السبب الثانى والرئيسىانا لا أأمن مكر ولا غدر السوق فى اى لحظة

وكونى العب ب 1000 ولا ب2000 دولار كدة واسحب كل شهر مبلغ محترم افضل مليون مرة ما اضع كل ما املك فى شركة على النت

وابص الاقى الشركة فلست او بلاش تكون فلست يحصل بعض التلاعب ان كان مبلغ السحب كبير ولا بلاش دة ودة ياعم سحبت الفلوس على البنك

انت تضمن فلوسك اللى فى البنك دلوقتى؟ وخصوصا عندنا هنا فى مصر اليومين دول؟

يعنى اغامر بمستقبل اولادى على النت؟

هذة وجهة نظرى يمكن تكون رجعية شوية وفيها بعض الحذر لكن مقتنع بيها وبارضى باقل القليل والحمد لله

فلدى وظيفتى الحكومية مع شغلى الخاص وفلوسى فى جيبى ياعم ومايمنعشى امارس هوايتى واربح منها والحمد لله

[hamadasalam]

السلام عليكم ورحمة الله وبركاتة

دكتور حماده منور الموضوع انا بصراحة كل مرة اقول ادخل موضوع مربع التسعة او موضوعك فى بورصات وادخل ابص بصة الاقى فلك ونجوم وشمس وقمر وهكذا بصراحة وبدون زعل سئلت احد الخبراء فى الفوركس فضحك وقال كل هذا خداع واختراعات لم ينزل الله بها من سلطان
لكن الحقيقة انا من غير قراءة او متابعة لقيت ناس كتير بتشكر فى طرقك وبرضو لسه مقرأت حاجة منها فلو تتكرم تدلنى على شرح مبسط وسهل مع ارفاق الادوات اللازمة لهذه الطرق طالما ان سمعة هذه الطرق بدأت فى الانتشار ويقال عنها انها ناجحة

فياريت يا دكتور تدلنا على طريق سهل ومبسط اكون لك من الشاكرين
وتشرفنا بوجودك

عليكم السلام ورحمة الله وبركاتة

والنور نورك يا غالى
ياسيدى سيبك من كلام اى حد

ادخل انت وشوف بنفسك اذا كان فى اى موضوع دجل او شعوزة واحكم بنفسك

وعندك موضوع مربع التسعة لم ولن يتطرق الى اى شئ يخص الفلك ولا النجوم ولا الكواكب

[البشمهندس]

استاذ حمادة انت راجل عبقرى وانت نموذج على العقل المصرى

ويارب نستفاد من العقول المصرية بعد الثورة لصالح مصر

[hamadasalam]

مع حضرتك فى الكلام
بس ممكن يكون فيه سبب رابع
ان اكتر المتداولين فى الفوركس
بيعتمدو على طرق سهلة فى المتاجره مجرد وضع مؤشرات مناطق دعم ومقاومه متحتجش دراسه
ليه منخليش التداول بهذه الطريق قريب من الطرق الاخرى وتكون طرق واضحه مؤشرات معينه لانى اعرف انه يوجد لها مؤشرات كثيره
لماذا لا نسهل على المتداولين هذه الطريقه لكى يحاولو ان يجربو ومن هنا ممكن يبدأ الاقتناع
فاننى ارى جميع ورش التداول بهذه الطريقه مقتصره على فئه معينه جدا وقليل الذى يقدر يتابعها
وارى السبب الرئيس عدم قدرتهم على فهم التداول بها وبالتالى عدم الجرأه على التجربه

انتى قولتى (اكثر المتداولين فى الفوركس )

طيب ماهو اكثر المتداولين فى الفوركس بيخسروا يعنى انتى جاوبتى على نفسك

وطالما القليل استطاع ان يتاجر بها يبقى العيب مش فى الطريقة

بل العيب فى من لا يريد ان يتعب لكى يصل الى النجاح

[hamadasalam]

نفس سؤال الاخ forexssp
بما ان طريقتك ناجحة ممكن ان تجني بها على الاقل عشرين في المية شهريا واذا حسبتها وقارنتها مع راتبك من شغلك ستجد فارقا كبيرا كالفرق بين السماء والأرض !!!!!
فلماذا لم تترك عملك ؟؟
غرييبة

هههههههههه20% اية ياراجل يا طيب

يباشا ال20 فى المية دول اهيف اكسبرت يجبهم مستريح بفضل الله

طريقة سهرنا بها الليالى واعيتنا كثيرا لكى نتحصل على 20%؟

انا اعتبرها فاشلة ان لم تحقق على الاقل 100% شهريا

واسحب واسحب ثم مارجنة للحساب ثم اودع ثانية وادبل واسحب ثم ادبل واسحب ثم اتمرجن واعاود الكرة

يعنى بفضل الله كل 3 تدبيلات وسحبهم هناك مرجنة لنفس رصيد الحساب

والنسبة حتى الان 80 % ربح الى 20% خسارة