دعوه للمناقشه مع استاذ جمال ممدوح

السلام عليكم ورحمة الله وبركاته


صباح الخير والانوار الدكتور معانا فاتني الكثير توني جاي وشايف الموضوع الحلو وفيه اقدع رجل مشرفنا لازم نشكر سالي على استضافة اخونا الدكتور


الان قريت غالبية اللاسئلة والردود والحمدلله المقابلة وفت وكفت

اللهم اني حبيت اسلم عليك يادكتور واقول لك جزاك الله خير والف خير

كم تمنيت اني اقبالك مع الشباب ولكن احنا باالسعودية ويكفينا تواجدك معانا باالمنتدى هذا اكبر شرف

اخي الدكتورجمال،

هل عرضت عليك احدى البنوك او الشركات العمل معها،
ان ان تفضل العمل المستقل دون ضعط خارجي،
شكرا

اقتباس:

---

المشاركة الأصلية كتبت بواسطة saly22

السؤال المهم هههههه
اول ما بتفتح الشارت
خطواتك بالتفصيل
1
2
3

---

ونررررررجع تانى وناخد سالى ونقول الووو
انا اول ما بافتح الشارت باقول بسم الله الرحمن الرحيم :)
وادخل برجلى اليمين
واكون مهيأ نفسى انى مش هادخل
عشان معظم الناس (وانا منهم) بيفتحوا الشارت ويشوف ها بقى ابيع ولا اشترى؟؟
فانا بكون مهيأ نفسيا انى مش هاتاجر انا داخل اتفرج وبس
فلما الاقى فرصة بتتكون انتظر الى ان تستوى :) وادخل بفضل الله
وباكون حاسب السالب قبل الموجب
وباتابع الصفقة وماقدرش اسيب الجهاز طول مانا فاتح صفقة
شغل انى احط التارجت واستوب ويا ده يا ده ماعرفش اعمله
ممكن السعر يعمل سلوك ارتدادى قبل التارجت بكام نقطة ويلف ويرجع وارجع اقول ياريتنى
بس كده
ده مش لحد3 ده لحد 20 كده :)

اقتباس:

---

المشاركة الأصلية كتبت بواسطة ahmed elsayed

دكتور جمال هل فعلا رحله المليون التى سوف تبتداها تحتاج لرقم معين من المال ام ستكونمتاحه للجميع ان شاء الله

---

لسه قايل يا حبى
سيتم الاعلان عن كل شروطها فى حينها
واهلا بيك معانا

1 ) دكتور لو حسابي 300 دولار ممكن يبقى 3000 أمتى ؟
2 ) وتنصحنى بإيه وانا مبتدئ .؟
3 ) وإيه المواقع أو الكورسات اللي ممكن أتعلم عليها من غير ما أضيع وقتي في التدوير ؟!
4 ) وإيه رأي حضرتك في نظرية جان وهل أنتا شغال بيها أو جربتها قبل كده ؟
وأحلى تحية من أهل طنطا

اقتباس:

---

المشاركة الأصلية كتبت بواسطة mohamedhamdy27

دكتورنا الكريم
تحية طيبة وبعد
شرف ليا انى اتكبلك
سؤالى
ليه ماشرحتش الهيدج فى موضوع خبرتى
الناس نسيته بعد ما حضترك قولت هشرحه بعدين

---

اهلا بيك
يا حبى الهيدج اتشرح
صحيح ماخدش حقه بس اتشرح
وكمان تم شرحه للناس اللى جم المقابلات السابقة
سواء المقابلات اللايف او اللى على النت
عموما نبقى نظبطة مرة تانى قريب حاضر

اقتباس:

---

المشاركة الأصلية كتبت بواسطة ahmedphen0m

دكتورنا الغالي
معلش انا عايز استفسر منك شوية عن النقطة دي
طيب مش طالما الشركة معتمدة من الهيئات الرقابية يبقي ليه اقلق منها؟
يعني مثلا سوليوشن , كان مرة استاذ وليد الحلو قال ان اكبر حساب شافه هناك كان 60 مليون دولار ( بس طبعا برافعة اقل) و قال ان الحساب كان بيكسب و بيسحب عادي مفيش اي مشاكل

طبعا يهمني رايك فالكلام ده

---

انا يا حبى باكلمك عن تجربة شخصية
وعموما دى آراء
بس ايه المشكلة لما تقسم فلوسك وكلها على شركات محترمة
وتبقى على الاقل مش خايف من اى نصب ولا حاجة
ده رأيى الخاص ومش ملزم

اقتباس:

---

المشاركة الأصلية كتبت بواسطة عبده المصرى

السلام عليكم ورحمة الله وركاته

قلبى معاك يادكتور وقعت فى كمين سالى بس علشان تعرف الناس بتدعى لك ازاى سعيد بمتابعة الموضوع ،،،

---

حبيبى الكبير
اهو انت كده هونت عليا الموضوع :)
ربنا يخليك
اشوفك على خير فى المقابلة باذن الله

الغالى دكتور جمال كل عام وحضرتك والمسلمين بخير بداية انا قرأت موضوع خبرتى بارك الله لك وجعلها فى ميزان حسناتك ولكن انا الان فى مرحلة بحث وعمال أقرأ واتعلم لان لى قصة طويلة مع الفوركس كانت تنتهى دائما بالخسائر وبعدين انا شوفت ان حتبقى فية مقابلة فهل مسموح لى بالحضور لان محتاج اتكلم مع واحد زى حضرتك وأذا كان ممكن فمتى الميعاد وفين ولكم منى كل الود والتقدير وشكر أيضا للأستاذة سالى

استاذنا الكبير هل تعاملت مع شركة اف اكس سوليوشن وسحبت منها مبالغ كبيرة واذا كان الجواب نعم هل كانت هناك مشاكل عند السحب وما هو بنكك المفضل فى مصر من حيث سهولة التعامل ، وعند سحب المبالغ الكبيرة هل واجهت مشكلة فى البنوك هنا مثل من اين لك هذا وما كان ردك ، تحياتى ونلتقى فى المقابلة باذن الله

السلام عليكم
د باين عليه كرسي كهربا مش استجواب!! عشان كده اللمبى منورة في دماغك. معلش مقدرتش اسكت اكثر من كد. بارك الله فيك ابا ياسر

:0031:

اقتباس:

---

المشاركة الأصلية كتبت بواسطة ahmedhero53

السؤال الاول/ بيقول علل هل الفوركس ده بيبيع ويشتري عملات ؟؟؟ ههههههههه

السؤال التاني / دكتور جمال بعد تصفير حساب واتنين

كان لسه شغال في وظيفته الاساسيه كمبرمج ولا كان متفرغ؟؟

السؤال التالت / ولو الاجابه كنت متفرغ ابليس ملعبش في دماغ حضرتك

وقالك ده السوق ده وهم وارجع تاني لوظيفتي المضمونه؟؟

السؤال الرابع( سؤال انساني ) لو تلميذ من تلامذتك غلط من غير مايقصد ورجع تاني

هيكون تعاملك معاه بحذر ولا اللي فات مات واحنا ولاد النهارده واديله فرصه تانيه ؟؟

وجاري تحضير بقيه الاسئله يا دكتوري العزيز

---

اهلا يابو حميد
السؤال الاول يعنى افطن :)

التانى
من اول الفوركس وانا سيبت الشغل وتفرغت له
وصفرت حوالى 8 حسابات فى الاول
ولما قريت ان دان زنجر العالمى صفر 4او 6 حسابات قبل ما يبقى ملياردير قلت كويس ادينى قطعت نص الطريق هههههه

التالت
مش ابليس بس
كل الدنيا لعبت فى دماغى، وخاصة الاهل والاقارب والاصدقاء ومن لينا ويحيى لطنط بطة
وصلت انى كنت باستلف عشان اقدر اكمل مصاريف الشهر
ولله الحمد
بس ما يأستش وقلت السوق اللى اخد منى كل ده فى المدة القليلة دى هو الوحيد اللى ينفع يرجعهم تانى مش اى وظيفة تانية

الرابع
هل لما بتقولى (سؤال انسانى) كان قصدك انساك انت بالذات يعنى؟؟ :)
ولو احنا ولاد النهاردة يبقى نعيط وبس ومافيش فوركس هههههه

اشوفك على خير برضة فى المقابلة يا حبى

اقتباس:

---

المشاركة الأصلية كتبت بواسطة ابو فيصل2002

بارك الله فيك يا دكتورنا الغالي و أفرحك الله و أسعد بياسر و إخوانه لقد إستفدنا كثيرا من ال 10% من خبرتك و إستراتيجيتك و نطمع في المزيد بعشرة أخرى و كذلك نطمع بعشرة ثالثة بعد إتقان الثانيه و هكذا ... طمعانين في علمك و البقاء معك على إتصال دايم أدام الله عليك الصحة و العافية و رزقك من حيث لا تحتسب

---

ابو فيصل المحترمممم
حاضر يا حبى وانا وعدت الناس فى الموضوع وانت اكيد عارف ان فيه مفاجآت اول السنة باذن الله
ربنا يكرمنا ويكرمك

اقتباس:

---

المشاركة الأصلية كتبت بواسطة janoubi

يسعد اوقاتك يا طيب
اولا ادعو الله ان يزيدك علما ونفعا
ثانيا ارجو توجيهنا لافضل اساليب الهيدج يللي ممكن تخفف الخسائر اللئيمة
داعيا لك بالخير والرزق من حيث تحتسب ومن حيث لا تحتسب
وبانتظار الرحلة الميمونة نحو المليون

---

باذن الله قريبا سيعاد شرح الهيدج سواء للناس فى المقابلة او مقابلة النت قريب خالص ان شاء الله

اقتباس:

---

المشاركة الأصلية كتبت بواسطة الفهد المصري

لاااااااااااااااااازم اي حد يدخل المنتدى اول حاجة يعملها يسلم على الدكتور العبقري
والله يا دكتور انا بدعيلك دائما على استراتيجياتك دي والقنوات اللي نورت لنا الشارت والرينج اللي بيجيب هدفه دايما

وقبل دا كله اخلاقك وكرمك وذوقك في الكلام

بصراحة الجماعة قايمين بالواجب في الاسئلة ومشلاقي حاجة اسئلها تاني ههههههههههههه

ربنا يوفقك ويوفق الجميع

---

بصراحة قايمين بالواجب وزيادة كمان ههههه
ربنا يخليك على ذوقك الف شكر
وباذن الله انتظر المزيد قريبا

اقتباس:

---

المشاركة الأصلية كتبت بواسطة mohsun

السلام عليكم
اذا كان الكلام من فضه فالسكوت من ذهب
واذا كان من يشدو بكلام اغلى من الماس
هو الدكتور جمال
فما هو قيمه السكوت
اتمتع بكل حرف تكتبه... اسمعه
زادك الله من نعمه عليه

---

ربنا يخليك استاذى محسن
هاشوفك باذن الله فى المقابلة ونتعرف بالشخصية المحترمة دى
وعملا بكلامك انا هاسكت طالما انه طلع اغلى كده هههههههه
ربنا يخليك ونسمع عنك كل خير