****** رحلة المليون ******

[ahmedelbanna]

السلام عليكم ورحمة الله وبركاته
أولا اعرفكم بنفسى... د.أحمد البنا من الاسكندرية....دكتور انف واذن.
انا خبرتى فى الفوركس حوالى سنة كسبت وخسرت طبعا كتير ولكن كل خسايرى بتبقى لسببين فقط هما الخوف والطمع عشان كده هالتزم معاكم بخطة المليون ان شاء الله.
موضوع رحلة المليون هو طبعا حلم لكل مبتدىء فى الفوركس وايضا لكل محترف ولكن فى هذا الموضوع باذن الله تعالى سوف نضع خطة الطريق للوصول للمليون باذن الله يعنى مش توصيات مجرد خطة عمل تعتمد على الاتى:

@ كل يوم عايزين مكسب 30 نقطة فقط.
@ اقل مبلغ للبدء 250 دولار ان شاء الله.
@ حجم العقد يزيد مع زيادة حجم الحساب يوميا بالقسمة على 1000
@ الجدول المرفق هو ما سنلتزم به ان شاء الله ويمكن تغيير حجم الحساب الذى تريد البدء به بوضع الرقم مكان 250 وسيتغير باقى الجدول ... يعنى لو حد عايز يبدأ ب 1000 او اى مبلغ يقوم بوضع الرقم مكان 250
@ أيام المتاجرة 5 ايام اسبوعيا .. 20 يوم شهريا .. 280 يوم فى السنة
ومدة الرحلة ان شاء الله اقصاها 400 يوم يعنى 20 شهر
@ طبعا لو حد مش هيشتغل يوم او اكتر او مكسبش 30 فى كذا يوم يقدر يرجع لليوم الى حسابه واقف عنده ويكمل معانا الرحلة.
@ طيب بالنسبة للخسارة.... مرفق ملف اخر مضاف عليه الخسارة لو 100 نقطة فى اى يوم ميهمكش هترجعك بس 4 او 5 ايام يعنى اسبوع فوركس وده هاشرحه فى المشاركات القادمة ان شاء الله لما الكل يشوف الجداول.
@ حجم العقد هو جزء من الدولار يعنى فى اول يوم هتلاقيه 0.3 من الدولار يعنى 3 عقود ميكرو من ابو 10 سنت للنقطة لما يزيد يوصل مثلا 1.3 يعنى دولار للنقطة(عقد مينى) و3 ميكرو ولما نوصل ان شاء الله لحجم 10.3 من الدولار برضه يعنى عقد ستاندرد (او 10 مينى) + 3 ميكرو....
@ مطلوب من كل الاعضاء الى هايتابعوا الرحلة معانا ان شاء الله يكتبوا كلمة السر لرحلة المليون وهى....أروح أدور...أروح أدور...أروح أدور... على نفسى....
@ طبعا عشان الموضوع يبقى مشوق والناس تتابعه كل عضو من الاعضاء القدام فى المنتدى يحب يحط توصيات او وجهات نظر على اى عملة تفيد فى الحصول على المكسب اليومى 30 نقطة اهلا بيه ولو حد كسب اكتر مبروك عليه يبقى هينط يومين تلاتة فى الجدول ويعوض تاخره ويلحقنا...
@ طيب امتى هنبدأ ان شاء الله الرحلة.... ممكن ان شاء الله بعد العيد أو من شهر اكتوبر ...هنتفق على الميعاد لما نشوف ارائكم فى تطوير الخطة
@ اخيرا فى ملفين مرفقين الأول فيه خطة العمل بمكسب 30 نقطة يوميا
والثانى مضاف عليه هتخسر كام من حسابك لو ستوب لوزك كان 100

بالتوفيق للجميع وكل عام وانتم بخير ورحلة سعيدة وعيد سعيد (بلاش نقول عيد مبارك)

[doby]

بالتوفيق ان شاء الله

[seralayoon1]

متابعين معك ان شاء الله يا دكتور احمد

[ahmedelbanna]

بالتوفيق ان شاء الله

أهلا بالاسكندرانية نورت يا باشا

[ahmedelbanna]

متابعين معك ان شاء الله يا دكتور احمد

أهلا بالصديق القديم سر العيون

[محمد العبيني]

على بركة الله
متابعين معاك يا دكتور

[ahmedelbanna]

على بركة الله
متابعين معاك يا دكتور

نورت اخى محمد

[zelenko]

طب ايه الاستراتيجية المستخدمة ؟؟؟

[ahmedelbanna]

طب ايه الاستراتيجية المستخدمة ؟؟؟

كل الاستراتيجيات الموجودة بالمنتدى يعنى خبرتى للدكتور جمال او عاشق الفوركس او المغناطيس او اى حاجة تانية وهنبقى نحط ملخص للاستراتيجيات عشان الموضوع يبقى مفيد واى حد عايز يحط توصية ويقول سببها او مين صاحبها ... يعنى يبقى الموضوع تجميع للتوصيات من كل انحاء المنتدى

[موشرط نك]

الله يوفقك ويعينك لرحله تحتاج صبر ومثابره واصراره

وان شالله تلقى التعاون من الجميع لمصلحه الجميع

الاهم الاستمراريه والتوفيق من الله اولا واخرا

[ahmedelbanna]

الله يوفقك ويعينك لرحله تحتاج صبر ومثابره واصراره

وان شالله تلقى التعاون من الجميع لمصلحه الجميع

الاهم الاستمراريه والتوفيق من الله اولا واخرا

ان شاء الله يكون فيه متابعة يومية واسبوعية وشهرية نشجع بعض ونتابع كل واحد واقف فين فى الجدول.
وان شاء الله الاعضاء اهل الخبرة يفيدو الجميع

[achtot]

اهلا بيك يا دكتور احمد وشوقتنااا جداا اتمني اني اشارك معاك في الوصول للهدف ان شاء الله انا متابع جيد للمنتدي ولكن اول مرة اشارك في موضوع اتمني تكون مشاركتي فعاله خاصتااا اني زيك اخسر بسبب الطمع و الخوف وهي فرصة للتغلب عليهم وعيد سعيد

[ahmedelbanna]

اهلا بيك يا دكتور احمد وشوقتنااا جداا اتمني اني اشارك معاك في الوصول للهدف ان شاء الله انا متابع جيد للمنتدي ولكن اول مرة اشارك في موضوع اتمني تكون مشاركتي فعاله خاصتااا اني زيك اخسر بسبب الطمع و الخوف وهي فرصة للتغلب عليهم وعيد سعيد

الموضوع صعب بس مش مستحيل ان شاء الله
نورت يا باشا المنتدى

[فتحى ابو حامد]

متابعين معك ان شاء الله

[أولى أبتدائي]

وانا معاكم ولو اني ماعرف ولا شي لكن بودي ياخواني تساعدوني وين اتعلم الفوركس لاني مسجل حساب لي يومين ومودع فيه 500 دولار ابي ابدا واتعلم فيها

والحين جالس اشتغل من راااسي ههههههههه ولا فهمت شي وشكل المبلغ بيطير

ارجوك اخوي محمد ارجوك رجاء خاص تساعدني واذا قدرت ترسلي ايميلك اكن من الشاكرين لاني اتوقع بسبب اني جديد بالمنتدى ماقدر ارسل رساله خاصه

مشكلتي ان الشركه الي شاركت فيها اوهموني بالمساعده وبعد ماودعت المبلغ ولا كانهم يعرفوني هههههههه من جد عالم ماتستحي

فما ادري ياخوان اذا تساعدون اخوكم لاني بالفعل بحاجه المبالغ الي اكسبها في شي مهم جدا في حياتي والي هو الدراسه اتمنى كلامي يجد صداه في قلوبكم وتساعدون اخوكم باي طريقه يتعلم فيها هالموضوع وانا معاك اخوي محمد ومتابع