****** رحلة المليون ******

[موشرط نك]

الاهم مخاطبه اصحاب الاستراتيجيات والتعاون والتنسيق بالموضوع

[ahmedelbanna]

رحلة موفقة إن شاء الله يا دكتور أحمد
ويا ريت تعمل تعديل بسيط على الجداول بحيث تظهر قيمة العقد كما تكتب في الميتاتريدر
بحيث تكون 1.0 = 10 دولار
و0.1 = 1 دولار
و0.01 = 10 سنت
وذلك حتى لا يحدث أي لبس إن شاء الله
ولك منا كل الشكر والتقدير

انا والله حاولت بس الجدول بيتلخبط عشان كل معادلة معتمدة على التانية على العموم قيمة العقد مكتوبة اجزاء من الدولار يعنى اول يوم 0.3 تعنى 3 عقود ميكرو (معاك حق المفروض تتكتب 0.03) لو حد بيعرف الاكسيل يعدله من غير تغيير باقى الخانات
عموما لما نبدأ كل يوم هنحدد بوضوح حجم العقد وقيمة التلاتين نقطة المطلوبين
وأهلا بيك معانا

[ahmedelbanna]

وفقكم الله
حبيت اشارك معاكم واضيف ماعندي وان شاء الله يكون في الخير للجميع
طرحت الموضوع قبل فتره مع اخواني باللجنه
وكان هناك تعقيب اود وضعه لكي يتم عمله
1- لا بد يكون هناك لجنه فرعيه مكونه من 3-5 اشخاص مهامهم تتفصل في تنسيق الموضوع مثل الاتفاق على استراتيجيه او اثنين
مخاطبة اصحاب الاستراتيجيات
2- عند الاتفاق مع اصحاب الاستراتيجيات لابد من تعريفهم بما لهم وعليهم
مالهم مثل فتح حساب حقيقي او تجريبي - عدم اشغالهم بالامور الجانبيه مثل دخول الاعضاء وقولهم لماذا ولماذا فهم مادام رأيتم انهم اهل لذلك فلا تشغلوهم بل سيروا معهك - لا بأس من وضعهم للشروحات لكن حسب التفرغ لان الاساس الانشغال بالصفقات والتركيز عليها
ما عليهم هو الالتزام بوضع الصفقات دون اي نظام خارج عن الاليه المشروح للاستراتيجيه وهنا يفضل ان يكون اكثر من واحد باستراتيجيه او اثنين لي يكون احدهم منشغل بالصفقات واخر للتعقيب مع الاعضاء ولا بأس من التبدل بينهم
4-من المهم بعد الاتفاق على اهم البنود ان يتم الاتفاق مع الاداره لمتابعة الموضوع لعدم الخروج عن الاطار خاصة من الاعضاء الذين لا هم لهم الا كسر الهمم
بالتوفيق

أهلا بيك يا أستاذنا انت واحد من الناس الى بتابعهم دايما فى المنتدى حتى من قبل ما اسجل فيه
شرفتنا بالرد وان شاء الله نعمل كل اقتراحاتك لسه احنا فى مرحلة الاعداد (معسكر مغلق قبل الرحلة)
ان شاء الله نعمل اللجنة الفرعية وهيبقى فيه لجنة توصيات من أصحاب الاستراتيجيات الكبار ولجنة متابعة للموضوع وخطة العمل
وهنبدأ بعد شوية نحط الاستراتيجيات ونختار منهم الى هنمشى بيه اساسى وايه ممكن يكون استراتيجيات مساعدة
احنا دلوقتى بنجمع الاعضاء وهابعت ان شاء الله للاعضاء الكبار الى يقدروا يتابعوا معانا وياريت لو تقدر حضرتك تقول للى تعرفه منهم ولك جزيل الشكر

[ahmedelbanna]

موضوع جميل جداو متابعين معاكمان شاء الله و المنتدى هنا مليان بتوصيات اكثر من رائعه

شكرا للمتابعة وأهلا بيك فى الرحلة

[ahmedelbanna]

اخي الكريم د.احمد اولا خطوة موفقه باذن الله واضح من موضوعك خطه عمل صدقني لو الكل يلتزم بخطه معينه واداره راس مال قويه جدا وصارمه راح توصل باذن الله

ثانيا ياخوان بلاش قصه المليون من كثر ماتقولونها بالمنتدى حسيت انها مثلث برمودا هههههههه الكل فتح موضوع وتسكر او اهمله بسبب الفشل او عدم الاهتمام

بما انك عامل خطه.. اقترح ان تقول مثلا رحله ال 100 نقطه اسبوعيا وبطبيعه الحال راح تقل عن الاسبوع اللي بعده لانك راح تدخل بحجم اكبر والاسبوع اللي وراه تكون اقل الى ان تصل الى محطه الاستراحه وهو مبلغ كبير نوعا ما

وتبدأ من جديد 100 نقطه اسبوعيا واللي وراه اقل ...الخ الى ان تصل الى ماشاءالله ان تصل لكن قصه المليون هي ليست مستحيله ان شاءالله ولكن اصبحت محبطه

أهلا بيك يا باشا ان شاء الله مفيش حاجة مستحيلة او محبطة والرحلة هى مجرد حلم يداعب كل المتداولين بالفوركس وممكن ناس تكون بتعمل اكتر بس متحسش بشغلها عشان كده سيبك من العناوين المهم الالتزام بخطة العمل ان شاء الله ولو تلاحظ الهدف هو 400 يوم يعنى 20 شهر ومش شرط نمشى بالراحة او بسرعة حسب السوق والفرص وفى الاخر نشوف نتايجنا كل اسبوع وكل شهر لحد اخر الرحلة وان شاء الله مش هاقفل الموضوع الا بعد اخر يوم من ال 20 شهر عشان ابطل بعد كده شغل فوركس خالص و شرفتنا وعيد سعيد

[ahmedelbanna]

والله هما دول الاسكندرانية
الراجل دخل مع نفسه يلا حعمل رحلة مليون ولا كتب موضوع استفسار مين يبقا القائد وازاى نعمل رحلة ولا حاجة
بجد الله ينور عليك
وفى رايي مشلازم يبقا رحلة المليون ليها رجال فرعية ولا شئ مدام الشخص نفسه قد كلمته ويقدر يكمل للنهاية لوحدوا
وانا اتفق مع بعض الاخوة ان لا يكون اسمها رحلة المليون ولكن فى الاول والاخر هى حرية شخصية لصاحب الموضوع

وانا معاك يادكتور لو احتجتني فى اى حاجة

ايوة كده يا وديع الناس الحلوة هلت اخيرا
يا باشا انت استاذنا وردك بس شرف لينا وطبعا محتاجينك معانا.
واكيد الاسكندرانية اجدع ناس معروفة دى. اما بالنسبة للعنوان فهو مهم لمتابعة الموضوع وعشان يسيب اثر وعلامة عند كل الناس وعشان ان شاء الله لما نحقق اهدافنا نسيب الموضوع للاجيال القادمة زى المواضيع الكبيرة بالمنتدى زى خبرتى وغيره
ولذلك اسم الموضوع هو رحلة المليون (يعنى سنبل بتاع محمد صبحى مش أجدع مننا)
نورت يا أخى الموضوع وان شاء الله ننسق مع بعض كيفية التعاون مع انى عارف ان مشاغلك كتير بس ان شاء الله تقدر تتابع معانا ونستفاد من خبراتك

[ahmedelbanna]

الاهم مخاطبه اصحاب الاستراتيجيات والتعاون والتنسيق بالموضوع

سيتم ذلك بأذن الله تعالى وبعض الاعضاء الكبار بدءوا يتابعونا
ان شاء الله خير

[مليونير متفرغ]

السلام عليكم

خطوة مباركه باذن الله
واعتبرني عضو معكم بالفريق

وبنقول لسعد زغلول
ان شاء الله كل الفايده
مادام الناس فيها الخير حتى قيام الساعه

[ahmedelbanna]

السلام عليكم

خطوة مباركه باذن الله
واعتبرني عضو معكم بالفريق

وبنقول لسعد زغلول
ان شاء الله كل الفايده
مادام الناس فيها الخير حتى قيام الساعه

أهلا وسهلا بيك يا باشا نورتنا

[ابــ آدم ــو]

صباح الفل
بالتوفيق اخوى احمد وان شاء الله توصلها واكتر بس خدها خطوه خطوه وان شاء الله هتوصل
متابع معاك ان شاء الله

[مليونير متفرغ]

السلام عليكم
ملاحظات مهمة جدا:
مشرووع الرحلة يتكون من 3 بنود
1- خطة ادارة رأس المال للوصول للهدف وهي تتمثل بجدولي الاكسل المعدين ولله الحمد
2- الاستراتيجية المطلوبه للعمل وهنا ارى ان تركز على استراتيجيه واحده فقط
لكي لايصبح تضارب بينها
فربما يحدث الاتي
تعمل على استراتيجيه وتعطيك استوبين او ثلاث تغادرها الى اخرى كانت انجح في الصفقات الثلاث الاولى فتنتكس بالرابعه
وهكذا
لذا لابد من التركيز على استراتيجيه واحده للرحله
3- قيادة الفريق وامرها اظن سهل اذا تم الاتفاق على استراتيجيه واحده يتدرب عليها اكثر من عضو ويكون فقط وضع الفرص عليها بشكل اسهل

والله المستعان

[eng_tamer6]

ازيك يا دكتور
انا بردة احب اعرفكم بنفسى م / تامر عبد الجواد
بكالوريوس هندسة جامعة حلوان قسم قوى كهربائية تقدير عام مبلول
ماجستير جامعة كاليفورنيا تقدير عام جيد فى الرسالة (التعليم شكلة عندهم بطيخ)
خبرتى فى الفوركس 6 شهور حساب ديمو ومحقق فية 200% من اصل الحساب
2 شهر فى الحقيقى ومحقق فية خسارة كل الحساب (يخلق مالا تعلمون)
موفق ان شاء الله بس انا كنت فاكر الموضوع تعليمى وليس مجرد ادارة حساب وتوصيات (بكرة التوصيات حد يقولى لية)
اقولكم انا لية لانى هفضل طول عمرى حمار والحل انى اتعلم لسببين:
1- لا اعتمد على اى حد فالبقاء لله فقط
2- افيد الناس التانية بعلمى وابقى بكدة بكسب فى الدنيا من الفوركس واكسب فى الاخرة بافادة المسلمين (خيركم من تعلم العلم وعلمه)

اسمح لى باول نقد
صفحة الخسارة (انا دايما بحب ابص للخسارة قبل المكسب وهنقول لية بعدبن) اللى على الاكسل اول يوم الحساب 250 وخسرت وبقى 225 ازاى بقى تانى يوم يبقى 258 ياريت الفوركس كدة بجد؟؟؟؟؟

[ahmedelbanna]

صباح الفل
بالتوفيق اخوى احمد وان شاء الله توصلها واكتر بس خدها خطوه خطوه وان شاء الله هتوصل
متابع معاك ان شاء الله

أهلا وسهلا نورت الموضوع يا باشا

[المتيم نون 1]

السلام عليكم
موضوع موفق وجميل اتمنى لكم النجاح وانا من المتابعين باذن الله للموضوع ولي ملاحظة بسيطة اود ان اشير الى موضوع الفريق في اتخاذ القرار شيئ مفيد جدا جدا لان السوق اكبر من نفسية مضارب واحد فقط فلذا لابد من تكوين فريق استشاري يتخذ قرار بالاجمتع على دخول الصفقة وذلك يكون بتحديد وقت معين يتفق عليه الجميع للتشاور ووضع التوصية وتذكرو يا اخوان المليون رقم ممكن تحقيقه بالعمل والاتفاق والهدوء

[ahmedelbanna]

السلام عليكم
ملاحظات مهمة جدا:
مشرووع الرحلة يتكون من 3 بنود
1- خطة ادارة رأس المال للوصول للهدف وهي تتمثل بجدولي الاكسل المعدين ولله الحمد
2- الاستراتيجية المطلوبه للعمل وهنا ارى ان تركز على استراتيجيه واحده فقط
لكي لايصبح تضارب بينها
فربما يحدث الاتي
تعمل على استراتيجيه وتعطيك استوبين او ثلاث تغادرها الى اخرى كانت انجح في الصفقات الثلاث الاولى فتنتكس بالرابعه
وهكذا
لذا لابد من التركيز على استراتيجيه واحده للرحله
3- قيادة الفريق وامرها اظن سهل اذا تم الاتفاق على استراتيجيه واحده يتدرب عليها اكثر من عضو ويكون فقط وضع الفرص عليها بشكل اسهل

والله المستعان

متفق معاك فى كل النقاط وبالنسبة للاستراتيجيات هنحط كذا واحدة ان شاء الله ونتفق باستفتاء على اكتر استراتيجية مريحة الكل ولكن رأيى ان اكتر من استراتيجية احسن عشان نلاقى دايما فرص وعموما كل الى احنا عايزينه 30 نقطة هنحطهم هدف لكذا توصية بكذا استراتيجية على مدار اليوم عشان الى ملحقش واحدة يدخل فى التانية والهدف بس 30 ولو اكتر خير لبكرة
انا بس مستنى الاعضاء الكبار يحطوا هما الاستراتيجيات بنفسهم او هنستأذنهم ونحط ملخص